Кун давомида 476 та коронавирус ҳолати аниқланди
Ўзбекистонда кун давомида 476 та коронавирус ҳолати аниқланди. Умумий кўрсаткич 56,3 мингдан ошди.
«Ушбу эпидемик мавсумда иккинчи марта касалланиш эҳтимоли йўқ» — Нурмат Отабеков
Давлат бош санитария инспектори Нурмат Отабеков ушбу эпидемик мавсумда иккинчи марта касалланиш эҳтимоли йўқлигини маълум қилди. Антитаначалар титри кам бўлса ҳам, улар касаллик билан кураша олади, деди у. Бироқ уларнинг қанча вақт организмни ҳимоя қила олиши ҳозирча номаълум.
Самарқанд туризм университети проректорининг дипломи сохталиги ҳақидаги хабарлар исботини топмади
Самарқанд халқаро туризм университети проректор Азамат Акбаровнинг дипломи сохта экани ҳақидаги мақолаларга саккиз ой ўтганидан сўнг раддия бериб, улардаги иддаолар ўз исботини топмаганини маълум қилди.
Хонабод ҳокими Мусахон Мамадалиев вафот этди
Андижон вилоятида Хонобод ҳокими Мусахон Мамадалиев вафот этди. Ўлимига ўткир юрак қон-томир етишмовчилиги сабаб бўлгани маълум қилинди. Аввалроқ эса унинг пневмония билан даволанаётгани ҳақида хабар берилган эди.
Президент 5000 дан ортиқ эскирган стандартларни бекор қилишни буюрди
Ўзбекистонда 1995 йилгача қабул қилинган ва ҳозирда эскирган 5000 дан ортиқ стандартлар бекор қилинади. Президент маҳсулот хавфсизлиги бўйича техник регламентни Европа ва Евроосиё иқтисодий иттифоқи талабларига ммослаштириш тўғрисида кўрсатмалар берди.
Қайси вилоятлар аҳолиси солиқларни ўз вақтида тўлаши маълум бўлди
Мол-мулк ва ер солиғини тўлашда Хоразм, Навоий ва Наманган вилоятлари аҳолиси етакчилик қилаётгани маълум бўлди. Энг кўп солиқ имтиёзларини олаётганлар эса Тошкент шаҳри, Тошкент, Андижон ва Самарқанд вилоятларида.
Хивада «Лазги» халқаро рақс фестивали ўтказилади
2022 йилдан бошлаб Хивада ҳар икки йилда бир марта «Лазги» халқаро рақс фестивали ҳамда унинг доирасида халқаро илмий-амалий конференция ўтказилади.
Москва мактабларида икки ҳафталик таътил эълон қилинди
Москва мэри Сергей Собянин Россия пойтахтида коронавирус тарқалиши билан боғлиқ вазият туфайли мактаб таътили давомийлигини икки ҳафтагача узайтирди. Болалар боғчалари эса «одатдаги жадвал бўйича» ишлашда давом этади.
Суғурта полиси ёнида бўлмаган ҳайдовчиларнинг транспорт воситалари энди ушлаб турилмайди
Эндиликда ҳайдовчининг ёнида суғурта полиси бўлмагани сабабли унинг автомашинаси жарима майдончасига жойлаштирилмайди. Бу президент имзолаган Маъмурий жавобгарлик тўғрисидаги кодексга киритилган ўзгартиришларда кўзда тутилган.
Ростов ва Самарадаги лагерларда яшаган барча ўзбекистонликлар ўз ватанга қайтарилди — ТИВ
Самара ва Ростов вилоятларидаги чодирлар лагерларида яшаган барча Ўзбекистон фуқаролари ватанга қайтарилди, дея хабар берди ТИВ. Вазирлик ватанга машиналарда қайтиш учун йўловчи тўплаётган хусусий ташувчиларга ишонмасликка чақирди.
Ҳокимларнинг айрим функция ва ваколатлари бекор қилинди
Президент бюрократик тўсиқларни янада қисқартириш, давлат органлари ва ташкилотлари фаолиятига замонавий бошқарув тамойилларини жорий қилишга қаратилган қонунни имзолади. Ушбу қонун билан ҳокимларнинг айрим функция ва ваколатларини бекор қилинди.
Жаҳонда коронавирус қурбонларининг сони 1 млн дан ошди
Дунё бўйлаб COVID-19 касаллигидан вафот этган беморларнинг сони 1 млн дан ошди. Мамлакатлар орасида энг кўп қурбон АҚШ (205 минг киши), Бразилия (142 минг) ва Ҳиндистонга (96 минг) тўғри келмоқда.
Ўзбекистон вакциналар ишлаб чиқариш ва экспорт қилишни режалаштирмоқда
Ўзбекистон ҳукумати Хитойнинг иккита компанияси билан коронавирусга қарши вакциналар синовининг сўнгги босқичларини ўтказиш бўйича битимлар имзолади. Келгусида дори воситасини ишлаб чиқариш ва уни қўшни давлатларга экспорт қилиш режалаштирилмоқда. Россия компанияларига ҳам вакцинани биргаликдан синовдан ўтказиш таклиф қилинди.
Кун давомида 477 кишида коронавирус тасдиқланди, 501 киши соғайди
28 сентябрь куни Ўзбекистонда 477 кишининг коронавирусга чалингани тасдиғини топди ва жами ҳолатлар сони 55878 тага етди. 2 киши инфекция асоратларидан вафот этди.
Булоқбошида аянчли ЙТҲ содир бўлди. Қурбонлар бор
Андижон вилоятининг Булоқбоши туманида VOLVO юк машинаси йўл четидаги уйга бориб урилди ва уй атрофида ўйнаб юрган икки болани босиб кетди. Ҳайдовчи ва болалар шифохонада вафот этди.
ОАВ АҚШнинг FinCEN тармоғидаги махфий молиявий ҳужжатларни эълон қилди
90 га яқин мамлакат журналистлари АҚШ молиявий жиноятчилик тармоғининг (FinCEN) махфий ҳужжатларидан фойдаланиш ҳуқуқига эга бўлишди. ОАВ маълумотларига кўра, ҳужжатларда Алишер Усмоновнинг компанияси ва Ўзбекистон миллий банки (NBU) тилга олинган.
Боласининг онлайн таълимига шароит яратиб бермаган ота-оналарга чора кўриладими?
Халқ таълими вазирлиги боласини масофавий таълим шаклида ўқитаётган оилаларда фарзандининг онлайн ўқиши учун шароит яратиб бермаган ота-оналарга нисбатан чора кўрилиши ҳақидаги саволга жавоб берди.
Абдулла Арипов бошчилигидаги Ўзбекистон ҳукумати делегацияси Тожикистонга ташриф буюради
Бош вазир Абдулла Арипов бошчилигидаги Ўзбекистон ҳукумати делегацияси Савдо-иқтисодий ҳамкорлик бўйича Ҳукуматлараро комиссиянинг 7-йиғилишида иштирок этиш учун Тожикистонга ташриф буюради.
Ўзбекистоннинг собиқ давлат котиби Раҳим Ражабов вафот этди
Ўзбекистоннинг биринчи ва охирги давлат котиби, собиқ бош вазир Раҳим Ражабов вафот этди.
Европа Иттифоқи Ўзбекистонга COVID-19 га қарши курашиш учун 2 млн евродан ортиқ маблағ ажратди
Ўзбекистонда COVID-19 нинг кенг тарқалишини олдини олиш учун Европа Иттифоқи томонидан 2 млн евродан ортиқ маблағ ажратилди. Ушбу маблағлар коронавирус инфекциясига чалинган беморлар билан ишламайдиган, бошқа соҳадаги тиббиёт ходимларини шахсий ҳимоя воситалари билан таъминлашга сарфланади.
Қўшимча имкониятларга эга булиш учун сайтда рўйхатдан ўтинг