«Қамчиқ»да ёқилғи ташувчи юк машинаси ёниб кетиши оқибатида икки киши ҳалок бўлди
«Қамчиқ» довонида ёқилғи ташувчи юк машинаси ҳайдовчи бошқарувни йўқотиши оқибатида ёнғин келиб чиқди. Натижада машина салонида бўлган икки киши ҳалок бўлди.
6−8 июль кунлари иссиқ кўтарилиши кутилмоқда
6−8 июль кунлари Эрон ҳудудларидан иссиқ ҳаво кириб келиши ҳисобига ҳаво ҳарорати +44…+46 даражагача кўтарилиши кутилмоқда.
Долларнинг расмий курси яна пасайди
Долларнинг расмий курси 3,41 сўмга пасайди ва жами 10 587,59 сўм этиб белгиланди. Шунингдек, евро курси ҳам бироз пасайди, рубль курси эса кўтарилди.
Шавкат Мирзиёев ҳайкаллар олдида номаъқул ҳаракатлар қилган тиктокерларни танқид қилди
Президент Алишер Навоий, Амир Темур, Мотамсаро она ҳайкаллари ёнида айрим тиктокерлар томонидан содир этилган номаъқул ҳаракатлар уни ранжитганини айтиб, уларни танқид қилди. «Бу болаларнинг ота-онаси, бобо-момолари, ўқитувчи ва муаллимлари¸ қолаверса, маҳалла-кўй, ёшлар билан ишлайдиган масъул мутасаддилар қаерга қараяпти?», — деди у. Қолаверса, бу каби ҳуқуқбузарлик учун жазо чоралари янада кучайтирилиши маълум қилинди.
Тошкент халқаро аэропорти эстакадаси 10 июлда очилади
Тошкент халқаро аэропорти эстакадаси орқали автотранспорт воситалари ҳаракати 10 июлдан синов режимида бошланади. Лицензияли таксилар, сайёҳлар автобуси ва чет эллик делегациялар транспортларининг киришига рухсат берилади.
Тошкентда $10 минг эвазига Педиатрия институтига киритиб қўймоқчи бўлган аёл ушланди
Тошкентнинг Миробод туманида ўзини Олий таълим вазирлиги ходими деб таништириб, абитуриентни 10 минг доллар эвазига Тошкент педиатрия институтига ўқишга киритиб қўймоқчи бўлган аёл ушланди.
Ёш оилаларга уй-жой сотиб олиш учун бюджетдан 60 млрд сўм маблағ ажратилади
Ёш оилаларга ипотека дастури доирасида уй-жой сотиб олиш учун 2 мингта квота ажратилиб, бюджетдан 60 млрд сўм маблағ йўналтирилади дея маълум қилди президент Шавкат Мирзиёев ёшлар форумида. Уларнинг ипотека кредитини қайтаришга тўлаган маблағлари даромад солиғидан тўлиқ озод қилинади. Шунингдек, «Дафтарлар»га кирган оилаларнинг янги турмуш қураётган фарзандларига ўз хонадонида қўшимча уй-жой тиклаши учун 33 млн сўмгача гаровсиз кредит ажратиш тизими йўлга қўйилади.
Қашқадарёда велосипед минган бобо ва набира Nexia-3 уриб юбориши оқибатида вафот этди
Қашқадарёнинг Китоб туманида Nexia-3 русумли автомашина ҳайдовчиси велосипед ҳайдаётган бобо ва унинг набирасини уриб юборди. Оқибатда жабрланувчиларнинг иккиси ҳам олган жароҳатлари сабаб касалхонада вафот этди.
Президент ёшлар бандлигини таъминлаш бўйича қатор чораларни эълон қилди
Шавкат Мирзиёев мактаб битирувчиларига аттестат беришда меҳнат бозорида талаб юқори бўлган бирор касб ёки ҳунарни эгаллаш мажбурий этиб белгиланишини маълум қилди. Шунингдек, кенгаш ва идора раҳбарларигига камида 2 нафардан ёш номзодлар захирасини тасдиқланиши белгиланмоқда. Халқаро нуфузли рейтингларда минггталикка кирган олийгоҳни тугатган ёш мутахассисларга қўшимча ҳақ тўланади. 2021 йилнинг якунига қадар Қорақалпоғистон ва бир қатор вилоятларда ёшлар технопарклари фойдаланишга топширилади.
30 июнь куни Ўзбекистонда 4 нафар коронавирус бемори вафот этди, 476 та янги касалланиш ҳолатлари қайд этилди
Кеча Ўзбекистонда 476 нафар фуқарода коронавирус аниқланди. Шунингдек, сўнгги кун ичида 633 нафар бемор касалликдан соғайиб, Ўзбекистонда соғайиш кўрсаткичи 96 фоизни ташкил этмоқда.
Авариялар натижасида 5 ойда 770 киши ҳалок бўлди
Январь-май ойларида Ўзбекистонда 2960 та ЙТҲ қайд этилди. Бунинг оқибатида 2365 киши жароҳатланган, 770 киши эса вафот этган.
USAID қишлоқ хўжалиги соҳасида бизнес лойиҳалар танловини эълон қилди
АҚШ Халқаро тараққиёт агентлиги агробизнес соҳасидаги корхоналар учун бизнес ғоялар танловини ўтказмоқда. Унда аёллар ва ёшлар бошқарувидаги ёки уларни иш билан таъминловчи корхоналар иштирок этиши мумкин. Танловда қатнашиш учун ариза топшириш санаси 16 июлга қадар.
БМТ Тараққиёт Дастури ва ГЭЖ Тошкентда электробуслар сотиб олишга $3,9 млн ажратади
Тошкент учун БМТ Тараққиёт Дастури ва Глобал экология жамғармаси кўмагида электробуслар сотиб олиш режалаштирилмоқда. Пилот лойиҳа шаҳарда «яшил транспорт йўлагини» жорий этишни назарда тутади. Олти йиллик лойиҳанинг донорлари 3,9 млн доллар ажратдилар.
Шахсий тажриба. Вакцинация пунктларида коронавирусга қарши қандай эмлашмоқда?
Тошкентдаги бозорлар, супермаркетлар, маҳаллалар ва бошқа гавжум объектлар ҳудудида 46 та коронавирусга қарши эмлаш пунктлари очилди. «Газета.uz» мухбири улардан бирида вакцина олди. Коронавирусга қарши қандай қилиб эмланиш кераклиги, бунинг учун нималар зарурлиги ва экспертлар фикрига таянган ҳолда ўзбек-хитой вакцинасининг самарадорлиги ҳақида.
Хориждаги иқтидорли ёшларни ватанга қайтариш бўйича янги тизим жорий этилади
Президент хориждаги ўзбек ёшларини қайтариш учун янги тизим яратилишини қайд этди. «Юксак билим ва малакага эга ёшларимизни Ватанимизга келиб ишлаши учун барча шароитларни яратиб берамиз», — деди у. Улар раҳбарлик лавозимларига асосий номзод сифатида кўрилади, уй-жой ва муносиб маош билан таъминланади.
Жаҳон янгиликлари дайжести
ЕОИИда иш қидиришнинг ягона тизими жорий этилиши, ЖССТ Хитойни безгакдан ҳоли мамлакат деб эълон қилгани, Канадада рекорд даражадаги иссиқлик қайд этилгани ва бошқа янгиликлар — «Газета.uz»нинг жаҳон янгиликлари дайжестида.
Янги ўқув йилидан таълим кредити 14 фоизда 7 йилга берилади — президент
Ўзбекистон президенти ёшлар билан учрашувда янги ўқув йилидан бошлаб таълим кредити 14 фоизда 7 йилга берилишини маълум қилди. Шунингдек, «Темир дафтар»га киритилган оилаларнинг фарзандларига ОТМда ўқишнинг биринчи йили учун контракт бюджетдан тўлаб берилиши айтилди.
Фаол ёшлар депутат ва сенаторларга бириктирилади
Президент Ўзбекистон ёшлари ва талабалари форумида фаол ёшлар юқори ва қуйи палата аъзоларига бириктирилиши, маҳаллий кенгашларда ҳам ёшлар парламенти ташкил этилишини маълум қилди. «Ушбу тизим асосида сиёсий етук ва фаол ёш йигит-қизлар парламент ва маҳаллий кенгашлар фаолиятига янада кенгроқ жалб этамиз», — деди у.
30 июнь куни Ўзбекистонда содир бўлган энг муҳим хабарлар дайжести
Депутатлар янги қонун лойиҳаси ҳақида фикри, Навоийда қоидабузарликларни суратга олган фуқаролар таксичилар томонидан калтакланиши, Жиззах шаҳрида Ҳиндистон университети ташкил этилиши, Волгоградда 14 нафар Ўзбекистон фуқароси бўлган «Газель» ағдарилиши — «Газета.uz»нинг 30 июндаги энг муҳим хабарлари дайжестида.
Долларнинг расмий курси уч кунлик кўтарилишдан сўнг бироз пасайди
Долларнинг расмий курси 14,30 сўмга пасайди ва жами 10 591,00 сўм этиб белгиланди. Шунингдек, евро ва рубль курслари ҳам бироз пасайди.
Қўшимча имкониятлардан фойдаланиш учун сайтда рўйхатдан ўтинг