«PayPal Ўзбекистондаги фаолиятига чекловларни ўзи ўрнатган» — Марказий Банк
Марказий банкнинг хабар беришича, PayPal Ўзбекистондаги фаолиятига чекловни мустақил равишда ўрнатган ва бу бирор давлат органи ёки бошқа ташкилот билан келишилмаган. Ечим сифатида интернет орқали онлайн тўловларни амалга оширишда Visa, Mastercard, Unionpay халқаро тўлов тизимлари, шунингдек, муқобил электрон ҳамёнлар — WebMoney, QIWI, Яндекс.Деньги хизматларидан фойдаланиш маслаҳат берилди.
Шоир Омон Матжон вафот этди
Ўзбекистон халқ шоири Омон Матжон 77 ёшида Тошкент шаҳрида вафот этди.
Яширин иқтисодиётга қарши курашиш бўйича Махсус комиссия ташкил этилади
Президент фармони билан яширин иқтисодиётга қарши курашиш Махсус комиссияси ва унинг ҳудудий комиссиялари ташкил этилмоқда. Давлат идора ва ташкилотларида комплаенс-назорат тизими жорий этилади. Жараёнлар ОАВда кенг ёритилади.
Президент фармони: Қурилиш соҳасида ишчиларни шартномасиз ёллашга рухсат берилади
Президентнинг яширин иқтисодиётни қисқартиришга оид қарори билан қурилиш соҳасида ишчиларни шартнома тузмасдан ёллашга рухсат этилмоқда. Бундан ташқари, риэлторларнинг айланма солиқ ставкаси 25 фоиздан 13 фоизгача туширилади. Овқатланиш шохобчаларининг пластик картадан тушган даромади эса умумий даромадга киритилмайди.
Жаҳон янгиликлари дайжести
Туркия президентининг Charlie Hebdo’ни судга бергани, АҚШ қочоқларни қабул қилиш квоталарини 15 мингга туширгани, коронавирусга қарши эмланганлар орасида касалланиш ҳолатларининг кузатилиши ва бошқа янгиликлар — «Газета.uz»нинг жаҳон янгиликлари дайжестида.
Тошкент вилоятидаги «Нурафшон сити» ни Сингапур компанияси қуради
Тошкент вилояти ҳокимлиги ва Сингапурнинг Universal Success Enterprises компанияси «Нурафшон сити»ни қуришга келишиб олишди. Лойиҳа уч босқичда амалга оширилиши кутилмоқда ва инвестициялар ҳажми техник-иқтисодий асослаш натижаларига кўра аниқланади.
Наркологик беморларни даволашда меҳнат терапияси қўлланилади
Президент «Наркологик касалликлар профилактикаси ва уларни даволаш тўғрисида"ги қонунни имзолади. Унга мувофиқ, даволаниш муддати 18 ойдан ошмайди ҳамда давлат маслаҳат бериш-ташхис қўйиш, даволаш, психопрофилактик, реабилитация, ижтимоий ёрдам кўрсатишни кафолатлайди.
9 ой ичида энг кўп деҳқон хўжалиги маҳсулотлари Самарқандда етиштирилган
Январь-сентябрь ойларида қишлоқ, ўрмон ва балиқчилик хўжалиги маҳсулот (хизмат)ларининг умумий ҳажми 180,1 трлн сўмни ташкил қилиб, ЯИМ таркибида ушбу соҳанинг улуши 25,7 фоизга етди. Республика бўйича энг кўп деҳқон хўжалиги маҳсулотлари Самарқанд вилоятида етиштирилган.
Тўйларни 1 октябрдан тўйхоналарда ўтказишга рухсат берилгани маълум бўлди
Республика махсус комиссияси 30 сентябрь куни бўлиб ўтган йиғилиши натижаларига кўра, 1 октябрьдан бошлаб тўйхоналарда тўй ўтказишга рухсат берилганлиги ҳақида маълум қилди. Бироқ бу хабар ҳеч қайси расмий манбаларда эълон қилинмаган эди.
Ўзбекистонда «Нобель» совриндорлари тадқиқоти асосида эксперимент ўтказилмоқда
Тошкент вилоятининг Бўка ва Чиноз туманларида «Нобель» совриндорлари тадқиқоти натижалари асосида эксперимент ўтказилмоқда. Кузатувлар натижалари Ўзбекистонда камбағаллик чегарасини аниқлаш, «яшаш минимуми» ва «истеъмол саватчиси» бўйича ҳисоб-китобни якунига етказишда қўлланилади.
Вазирликларда 121 нафар ёшлар раҳбар лавозимида ишлайди
Вазирлик ва давлат идораларида фаолият юритаётган ёшлар бўйича статистика эълон қилинди. Унга кўра, 849 нафар ёшлар ишлаши ва шундан 210 нафари хотин-қизлардан иборат экани аниқланган. Энг кўп хотин-қизлар Сув хўжалиги ва Адлия вазирликларида ишлайди.
Mobiuz ва Perfectum хусусийлаштиришга тайёрланмоқда, Ucell трансформация қилинади
Mobiuz ва Perfectum уяли алоқа операторлари хусусийлаштиришга тайёргарлик кўриш доирасида инвестицион шароитларини оширади ва Ucell операцион самарадорлигини ошириши билан ўзгаради.
Мардикорлар учун Кунлик меҳнат марказлари ташкил этилиши мумкин
Кунлик меҳнат марказларини ташкил этиш бўйича қарор лойиҳаси муҳокама учун эълон қилинди. Ушбу марказларда бир марталик ишга ёлланувчиларга меҳнат қуроллари ва махсус кийимлар берилади, уларнинг манфаати ҳимоя қилинади ва иш топишда кўмаклашилади. Ишчи ва иш берувчининг онлайн мулоқоти учун «Mening ishim» буюртмалар биржасини яратилади.
Паркент туманидаги сув тошқинидан жабр кўрганларга ёрдам берилиши кутилмоқда
Паркент туманида боғдорчилик-узумчилик ширкати ҳудудидаги ичимлик суви резервуарининг ёрилиши натижасида юзага келган сув тошқинидан зарар кўрган дала ҳовлиларининг бино ва иншоотлари ҳамда бошқа коммунал тармоқларда қурилиш-тиклаш ишлари бошланди.
Пойтахт чорраҳаларидаги камералар 1,1 млрд сўм эвазига қайта ишга туширилиши мумкин
Пойтахт чорраҳаларига ўрнатилган видеокамералар учун дастурий таъминот лицензия муддати тугади, деб хабар берди Тошкент шаҳар ҳокимлиги ҳузуридаги Рақамли ривожланиш бошқармаси. Ҳокимлик камераларни қайта ишга тушириш учун AutoCon тизимини маҳаллий ишлаб чиқарувчидан 1,1 млрд сўмга сотиб олиши кутилмоқда.
«Ўзавтосаноат» трансформацияси — имтиёз ва префенциялар бекор қилинади
Президент фармони билан «Ўзавтосаноат», «Ўзбекистон темир йўллари», Uzbekistan Airways, Uzbekistan Airports ва бошқаларнинг имтиёз ва преференциялари хатловдан ўтказилади ва бекор қилинади.
Давлат хавфсизлик хизматининг собиқ биноси хусусий секторга сотилади
Умумий майдони 20,2 минг кв. м. бўлган ДХХ собиқ биноси хусусий секторга сотилади. Фармонда таъкидланишича, давлат объектлари «1 сўм» бошланғич қийматда оммавий савдоларга чиқарилади. Бундан ташқари, собиқ Республика биржа маркази биноси, Газеталар ишлаб чиқариш мажмуаси биноси ва бошқа иншоотлар ҳам сотувга қўйилади.
Беларусда оммавий тартибсизликлар бўйича 500 дан ортиқ жиноий иш очилди
Беларусда оммавий тартибсизликларни ташкиллаштириш ва унда иштирок этиш бўйича 500 дан ортиқ жиноий ишлар очилган, уларнинг аксарияти Минскдаги норозилик намойишлари билан боғлиқ. Президент Александр Лукашенконинг сўзларига кўра, «халқ ультиматуми» тугаган куни митинг пайтида намойишчиларни тарқатиш тўғрисида шахсан ўзи буйруқ берган.
Эми Кони Баррет АҚШ Олий суди судьяси этиб тайинланди
Эми Кони Баррет сентябрь ойида вафот этган Рут Бейдер Гинзбург ўрнига АҚШ Олий суди судьяси этиб тасдиқланди. Президентлик сайловларидан бир ҳафта олдин амалга оширилган ушбу тайинлов Дональд Трамп учун муҳим сиёсий ғалаба деб айтилмоқда.
Коронавирус беморларига пульсоксиметр ва кислород концентраторлари бепул берилади
Коронавирусга чалинган ва уй шароитидаги реабилитацияга муҳтож беморларга вақтинча фойдаланиш учун пульсоксиметр ва кислород концентраторлари бепул тарқатилади. Дорихоналарда тайёрланадиган дори воситаларининг улгуржи сотуви, препаратларнинг импорти ва ишлаб чиқарилиши муддатининг узайтирилишига рухсат берилди.
Қўшимча имкониятлардан фойдаланиш учун сайтда рўйхатдан ўтинг