Пойтахт ҳудуди кенгайтирилади
Шаҳардан Тошкент вилоятига 1010 га, вилоятдан пойтахтга 10196 га ер майдони ўтказилиши режалаштирилмоқда. Президент пойтахт ва Тошкент вилояти туманлари ҳудудларини ўзгартириш масалаларини кўриб чиқди.
«Қанчалик кўп карантинда ушласак, биз одамларни шунчалик кўп қийнаймиз» — Президент
«Биз карантинни қанча узоқ вақт давом эттирсак, одамларни шунчалик қийнаб қўямиз», — деди Шавкат Мирзиёев йиғилишда. У зудлик билан коронавирус билан касалланган барча беморларни қамраб оладиган даволаш тизимини йўлга қўйишни буюрди.
ФҲДЁ органларининг қоғоз шаклидаги архивлари рақамлаштирилади
Йил якунига қадар фуқаролик ҳолати далолатномаларини ёзиш (ФҲДЁ) органлари архивларида қоғоз ташувчиларда сақланаётган ҳужжатларнинг электрон базаси шакллантирилади. Бунинг учун республика бюджетидан 30 млрд сўм ажратилиши белгиланган.
Бейрут портидаги кучли портлаш қурбонлари сони 100 нафардан ошди
Ливан пойтахтидаги портда рўй берган кучли портлашга божхоначилар 2015 йилда мусодара қилган 2700 тонна аммиакли селитра сабаб бўлгани тахмин қилинмоқда. Ҳодиса қурбонлари сони 100 нафардан ошди. Мамлакатда уч кунлик мотам эълон қилинди.
Самарқанд аэропорти реконструкциясига 62 млн доллар ажратилади
Самарқанд аэропорти реконструкциядан сўнг ўтказиш қобилиятини соатига 600 дан 1200 йўловчига оширади. Шунингдек, 22 та ҳаво кема учун тўхташ ва учиш-қўниш йўлаги қурилиши якунланмоқда.
COVID марказлари ходимларини моддий рағбатлантириш тўловлари белгиланди
COVID марказлари ходимларига коронавирусга қарши курашиш даврида бериладиган моддий рағбатлантириш тўловлари миқдори белгиланди: врач ходимларга — 2,5 млн сўм, ўрта тиббиёт ходимларига — 1,5 млн сўм, кичик тиббиёт ходимларига — 1 млн сўм ва бошқа ходимларга — 500 минг сўм.
Ижтимоий нафақаларни тайинлашнинг янги тизими ишга туширилади
Йил якунига қадар ижтимоий нафақаларни тайинлаш босқичма-босқич «Ижтимоий ҳимоя ягона реестри» ахборот тизими орқали амалга оширилади. Бу тизим қандай ишлайди, кам таъминланган оилаларга қандай нафақалар тайинланади, қандай ҳолларда аризалар рад этилади — батафсил.
Коронавирус ҳолатлари 27,3 мингдан ошди
COVID-19 беморлари сони 267 нафарга ортиб, жами 27314 кишини ташкил этмоқда. Янги ҳолатлар Тошкент шаҳрида, Тошкент, Бухоро, Қашқадарё ва Навоий вилоятларида қайд этилди.
Кун давомида 746 та коронавирус ҳолати аниқланди
Ўзбекистонда кун давомида аниқланган коронавирус ҳолатлари сони 746 тани ташкил этиб, умумий кўрсаткич 23 мингтага етди. Шунингдек, касалликдан соғайганлар 18 мингдан ошди.
Ўзбекистон ва Россия марказий банклари хакерларга қарши биргаликда курашади
Ўзбекистон ва Россия марказий банклари компьютер ҳужумларига қарши курашиш бўйича ўзаро англашув меморандумини имзолади.
Банкларнинг муаммоли кредитлари улуши 2,9 фоизгача ўсди
Ўзбекистон банк тизимидаги муаммоли кредитлар улуши йил бошидан буён 1,4 фоизга ўсиб, 2,9 фоизга (7 трлн сўм) етди. Аксарият банкларда кредит портфелининг сифати ёмонлашган.
Президент вакцина харид қилиш йўлларини ишлаб чиқиш бўйича топшириқ берди
Президент Шавкат Мирзиёев бош вазир ўринбосарига тез орада вакцина ишлаб чиқаришни бошлаши кутилаётган Хитой, Ҳиндистон, Буюк Британия, Россия фармацевтика компанияларидан вакцинани харид қилиш ва мамлакат аҳолиси вакцинациясини амалга ошириш йўлларини пухта ўрганиб чиқиш бўйича топшириқ берди.
Наманганда 1 кунда 2 та ЙТҲ содир бўлди, 2 киши вафот этди
Наманганда Tracker йўлни кесиб ўтаётган олти ёшли болани уриб юборди. Бошқа бир ЙТҲда эса «Москвич» қарама-қаршидан келаётган Nexia билан тўқнашди. Бола ва Nexia ҳайдовчиси ҳаётдан кўз юмди.
Икки нафар коронавирусга чалинган бемор вафот этди
Тошкентлик икки нафар коронавирус инфекциясига чалинган бемор (эркак) ўткир нафас, юрак қон-томир ва полиорган етишмовчилигидан ҳамда ўткир респиратор дистресс синдромидан вафот этди.
Тергов департаменти Хоразмдаги «самосуд» юзасидан маълумот берди
Хоразм вилояти Гурлан туманида содир этилган «самосуд» бўйича маълумот берилди. Аниқланишича, 24 ёшли аёл турмуш ўртоғи билан учрашган 20 ёшли бошқа бир аёлни дугоналари билан биргаликда ушлаб олиб, калтаклаган.
Испаниянинг собиқ қироли коррупцион можаро сабабли мамлакатни тарк этди
Коррупция можароси марказида қолган Испаниянинг собиқ қироли Хуан Карлос I мамлакатни тарк этди. Испания прокуратураси у Саудия Арабистонида темир йўл қурилиши вақтида пулларни ўғирлаган, деган гумонда.
Ярим йилда рўйхатга олинган никоҳлар сони чорак қисмга, ажралишлар 20 фоизга қисқарди
Ўзбекистонда ярим йил давомида 75,5 мингта никоҳ ва 12,8 мингта ажримлар рўйхатга олиниб, ўтган йилнинг шу даврига нисбатан мос равишда 27,5% ва 20% пастроқ кўрсаткич қайд этилди. Ажрашган оилаларнинг 19,6 фоизи (2500 тага яқини) икки ва ундан ортиқ фарзандга эга.
АҚШда TikTok ни тақиқлаш режалаштирилмоқда
АҚШ президенти Доналд Трамп агар Хитойнинг TikTok иловаси 15 сентябрга қадар Microsoft ёки бошқа америкалик компания томонидан сотиб олинмаса, мамлакатда унинг тақиқланиши ҳақида эълон қилди. Сотиб олинган тақдирда, келишувдан тушган маблағнинг бир қисмини АҚШ Ғазнасига туширилиш шарти қўйилди.
Статистикани ривожлантириш стратегияси қабул қилинди
Президент 2025 йилгача мўлжалланган статистикани ривожлантириш миллий стратегиясини тасдиқлади. Давлат статистика қўмитасининг барча давлат идораларидан мустақиллиги таъминланади. Қўмита қошидаги жамоат кенгашига нодавлат-нотижорат ташкилотлар, бизнес ва оммавий ахборот воситалари вакиллари жалб қилинади.
Бухоро аэропорти директори Тоҳир Баҳронов вафот этди
Бухоро халқаро аэропорти директори, собиқ сенатор Тоҳир Баҳронов вафот этди. Унга коронавирус ташҳиси қўйилган эди.
Қўшимча имкониятлардан фойдаланиш учун сайтда рўйхатдан ўтинг