Янги ҳафтада ҳаво ҳароратининг иссиқ бўлиши кутилмоқда
Ҳафтанинг иккинчи ярмидан ҳарорат +30 даражалик чегарадан ошади. Фақатгина Қорақалпоғистонда пайшанба куни қисқа муддатли ёмғир ёғиши, жума куни эса ҳавонинг салқин бўлиши кутилмоқда.
Халқаро авиапочта жўнатмаларини юбориш қисман тикланди
«Ўзбекистон почтаси» 20 апрелдан 38 та давлатга халқаро авиапочта жўнатмаларини юборишни қисман тиклади. Бунгача почталар фақат ер усти транспорти орқали жўнатилаётган эди.
Яна 2 нафар коронавирус бемори тузалди
Тошкентда 2 нафар коронавирус бемори тузалди. Мамлакат бўйлаб коронавирус инфекциясидан жами 240 нафар бемор тўлиқ шифо топди.
Ўзбекистонга пул ўтказмаларида ўсиш кузатилмоқда — Мамаризо Нурмуродов
Март ойининг иккинчи ярмида Ўзбекистонга пул ўтказмалари ҳажми икки баробарга камайган эди. Марказий банк раиси ҳозирда ўсиш кузатилаётганини маълум қилди. Шунингдек, хорижий валютани сотиш ва сотиб олишда чекловлар ўрнатилмагани, тижорат банкларида етарлича валюта захиралари мавжудлигини қайд этди.
Ўзбекистонда биринчи хусусий тадбиркорлик университети ташкил этилди
Ҳукумат қарори билан Ўзбекистонда биринчи хусусий тадбиркорлик университети — TEAM University ташкил этилди. Бир гуруҳ тадбиркорлар ва мутахассислар иштирокида очилган ОТМда таълим фаолияти 2020/2021 ўқув йилидан бошланади.
Марказий банк раиси: Нақд хорижий валюта тақчиллиги йўқ, бўлмайди ҳам
Ўзбекистонда нақд хорижий валюта тақчиллиги бўлмайди, дея маълум қилди Марказий банк раиси Мамаризо Нурмуродов. Яқинда муддатидан олдин Нью-Йорк Федерал захира банкидан 200 млн доллар олиб келинди. Май ойида яна 400 млн доллар олиб келиниши кутилмоқда.
13 нафар коронавирус бемори тузалди
Андижонда 2 нафар ва Бухорода 11 нафар коронавирус беморлари тузалди. Мамлакат бўйлаб коронавирус инфекциясидан жами 238 нафар бемор тўлиқ соғайди.
Коронавирус инфекциясига чалинганлар сони 1582 нафарга етди
Коронавирус беморлари сони 17 нафарга ортиб, жами 1582 кишини ташкил этмоқда.
Қозоғистонда ўзбекистонлик меҳнат муҳожирлари ҳуқуқлари ҳимоя қилинади
Қозоғистон ўзбекистонлик меҳнат муҳожирлари ҳуқуқларини ҳимоя қилиш тўғрисидаги битимни ратификация қилди. Унга кўра, мигрантларга меҳнат вазифаларини бажариш билан боғлиқ зарар етказилганда, компенсация ва бепул тиббий ёрдам кафолатланади.
Пенсионерларнинг карталаридан комиссион тўловлар ундирилмайди
Махсус комиссия қарори билан пенсионерларнинг банк карталаридан комиссион тўловлар ундирилмайди. Карантин даврида пенсиялар фақатгина карталарга ўтказиб берилади.
Ҳарбий-ватанпарварликка ихтисослаштирилган синфларга қабул тартиблари белгиланди
Ҳарбий-ватанпарварлик йўналишига ихтисослаштирилган синфларга 6-синфни битирган ўғил ва қизлар танлов асосида қабул қилинади. Номзодлар жисмоний тайёргарлик синови ва тест имтиҳонларидан ўтади.
Бир қатор ҳужжатларнинг амал қилиш муддати узайтирилди
Ўзбекистонда бир қатор ҳужжатларнинг амал қилиш муддати автомат равишда 1 июнгача узайтирилди. Муддати ўтиб кетгани учун ҳужжат эгаларига нисбатан жавобгарлик чоралари қўлланилмайди.
Хусусий тиббиёт муассасаларига коронавирус тестини ўтказишга рухсат берилди
Ўзбекистонда хусусий тиббиёт муассасаларига коронавирусга пулли тест ўтказишга рухсат берилди.
Ноқонуний «стикер» олганларга жиноят иши қўзғатилди
Тошкентда автомашинада ҳаракатланиш ҳуқуқини берувчи стикерларни ноқонуний қўлга киритган МЧЖ раҳбарларига жиноят иши қўзғатилди.
Коронавирус билан касалланиш ҳолатлари сони ўзгаришсиз қолди
Коронавирус инфекцияси аниқланган ҳолатлар сони ўзгаришсиз қолди — 1565 нафар бемор. 19 апрель куни эса бу кўрсаткич 75 нафарга кўпайган эди. Ўтган кун давомида 11,8 мингта тест ўтказилди.
Республика перинатал маркази карантинга ёпилди
Республика перинатал маркази ҳомиладор аёллардан бирида коронавирус аниқланганидан кейин карантинга ёпилди.
Яна 43 кишида COVID-19 тасдиқланди
Ўзбекистонда 43 та янги коронавирус ҳолати қайд этилди (умумий — 1543 та).
Коронавирусдан соғайганлар сони 214 нафарга етди
Бухоро ва Тошкентда 20 киши коронавирусдан соғайиб, жами тузалганлар сони 214 нафарга етди.
Коронавирус ҳолатлари сони 1495 тага етди
Ўзбекистонда тасдиқланган коронавирус ҳолатлари сони 1495 тани ташкил этмоқда.
Коронавирус беморлари сони 1500 кишига яқинлашди
Коронавирус беморлари сони 21 нафарга ошиб, 1490 кишига етди.
Қўшимча имкониятлардан фойдаланиш учун сайтда рўйхатдан ўтинг