Пенсия тизимини қандай такомиллаштириш керак? Стратегик ислоҳотлар агентлиги таҳлили
Ўзбекистонда пенсия таъминоти қамрови юқори норасмий бандлик туфайли атиги 38 фоизни ташкил этади. Бошқа давлатларга нисбатан пенсия бадаллари юқори даражада (12−25 фоиз), тўловлар эса ўртача даражада. Стратегик ислоҳотлар агентлиги мамлакатнинг пенсия тизимини такомиллаштириш йўлини ўрганди.
Дания, Нидерландия ва АҚШ Украинага F-16 қирувчиларини топшириш жараёнини бошлади
Дания ва Нидерландия АҚШ кўмагида Украинага F-16 қирувчи самолётларини жўнатиш жараёнини бошлади. Киев шу йилнинг ёзида улардан фойдаланишни бошлаши кутилмоқда.
Копенгагенда экологик масъулиятли сайёҳлар мукофотланади
Дания пойтахти Копенгаген велосипед ҳайдаган ёки чиқинди йиққан сайёҳларни бепул тушлик ёки тадбир чипталари билан тақдирлашга қарор қилди. Расмийлар шу тарзда сайёҳларнинг экологияга зарарини қоплашни истамоқда.
Самарқандда танишини АҚШга ишга юбориш учун 10 минг доллар олган шахс ушланди
Бош прокуратура департаменти ўтказган тадбирларда Пайариқда фуқарони АҚШга юбориш учун 10 минг доллар, Қўрғонтепада Жанубий Кореяга ишга жўнатиш учун 1900 доллар олган шахслар қўлга олинди.
Жиззахда 10 та туман ҳокимининг рақобатга зид қарорлари бекор қилинди
Рақобат қўмитасининг Жиззах вилояти бошқармаси ўтказган текширувда 10 та туман ҳокимлиги ва 9 та ташкилотнинг 124 та ҳужжатида қонун талаблари бузилгани аниқланди. Ушбу ҳолатлар юзасидан ҳокимликларга тегишли тақдимнома ва кўрсатмалар юборилиб, имзоланган қарорлар бекор қилинди.
«Қўқон» ЭИЗ ҳудуди кенгайтирилади
Президент қарори билан, Қувасой шаҳри ҳокимлиги захирасидаги 210 гектар ер ҳисобига «Қўқон» эркин иқтисодий зонаси ҳудуди кенгайтирилади. Янги ҳудудда 2026 йилгача камида 1 млрд долларлик инвестициялар ўзлаштириш, 11,7 мингта иш ўрни яратиш режалаштирилмоқда.
«Қурилиш майдони 90 фоиз тайёр ҳолатга келтирилган». Ҳокимлик — «Боқий Бухоро» шаҳар четига кўчирилиши ҳақида
Ижтимоий тармоқларда «Боқий Бухоро» парки шаҳар чеккасида қурилиши ҳақида хабарлар тарқалди. Ҳокимликка кўра, бу хабарлар «ёлғон ва ҳақиқатга тўғри келмайди». Ҳозирда лойиҳа амалга ошириладиган ҳудуддаги бинолар тўлиқ демонтаж қилинмоқда, қурилиш майдони 90 фоиз тайёр ҳолга келтирилган.
Қашқадарёда 14 ёшли қизни жинсий қулликда сақлаган аёл 7,5 йилга қамалди
Шаҳрисабзда 14 ёшли қизни 7 ой қулликда сақлаб, турли шахслар билан жинсий алоқа қилишга мажбурлаган аёл ва унинг шерикларига суд ҳукми ўқилди. Аёл ЖКнинг икки моддаси бўйича 7,5 йилга, икки эркак уч модда билан 9 йилга қамалди. Бу каби жиноятлар учун жазо юмшатилмайди, деб ёзди болалар омбудсмани.
Ногиронлиги бўлган шахсларнинг хавфсиз ҳаракатланиши учун қандай чоралар кўзда тутилмоқда?
Президент ижтимоий ҳимоя соҳасига оид чора-тадбирлар тақдимоти билан танишди. Таклифлар орасида ногиронлиги бўлган шахсларнинг хавфсиз ҳаракатланиши учун шароитларни кенгайтириш, жумладан, биноларни экспертизадан ўтказиш, чорраҳаларни мослаштириб бориш, электрон интерактив харита яратиш мавжуд.
ОТМларга кириш имтиҳонлари 14 июлдан бошланади
Ўзбекистон давлат олий таълим муассасаларига кириш имтиҳонлари 14 июлдан 28 июлга қадар ўтказилади. Мандат 21−22 августда эълон қилинади.
Хитойнинг Henan компанияси Ўзбекистондаги кўмир конларини ривожлантиришга 400 млн доллар инвестиция киритмоқчи
Хитойнинг Henan компанияси Ўзбекистондаги кўмир конини ўзлаштириш учун 400 млн доллар сарфлашни режалаштирмоқда. Туркиянинг Bab Energy ve Petrol Urunleri A.S компанияси эса Тошкент вилоятида бойитилган каолин ишлаб чиқариш ниятида.
Ўзбекистон аэропортларида биринчи ярим йилликда йўловчилар оқими 36 фоизга ошди
Ўзбекистон аэропортларида биринчи ярим йилликда 53,3 мингта рейс амалга оширди, бу ўтган йилнинг январь-июнь ойларига нисбатан 37 фоизга кўпдир. Ўтган даврда жами 6,3 миллиондан ортиқ йўловчига хизмат кўрсатилди ва уларнинг оқими 36 фоизга ошди.
BYD Ўзбекистонда электромобилларнинг бюджет моделларини ишлаб чиқаришни режалаштирмоқда
Ўзбекистон BYD билан В, С ва бюджет автомобилларини ишлаб чиқариш бўйича келишувга эришди. Уларнинг намуналари хитойлик ҳамкорлар синовидан ўтказиш учун лабораторияга топширилди. Аввалроқ завод 3 та янги модель: E2, Seagull ва Yuan`ни ишлаб чиқаришни режалаштираётгани хабар қилинганди.
Ҳисоб палатаси бюджетдан ташқари жамғармалар ва ташқи қарз ҳисобидан қилинган харажатлар аудитини ўтказади
Президент бюджет маблағларининг сарфланиши устидан назоратни кучайтириш бўйича таклифлар билан танишди. Ҳисоб палатаси бюджетдан ташқари жамғармалар ва ташқи қарз ҳисобидан қилинган харажатларни қамраб олиш имконини берувчи консолидациялашган бюджет аудитини ўтказишни таклиф этмоқда.
ҲЭТ — бизнес учун электр энергияси бўйича икки баравар тарифларни қўллаш ҳақида
Ўзбекистонда бизнес ва бошқа юридик шахслар илгари электр энергияси учун 1 кВт/соат 900 сўм бўлган тарифда белгиланган лимитдан 10 фоизга ошиб кетса, 960 сўмдан тўларди. Энди ортиқча ҳажмга 2 бараваргача бўлган тариф (1800 сўм) қўлланади. ҲЭТ янги қоидаларни тушунтирди.
Давлат харидлари тизимидаги тўғридан-тўғри шартномалар жамоатчилик муҳокамасидан ўтказилади
Ўзбекистонда 1 октябрдан давлат буюртмачилари томонидан тўғридан-тўғри шартномалар улар тузилишидан олдин жамоатчилик муҳокамасидан ўтказилади. Шунингдек, 1 декабргача давлат харидлари тизимининг мобил иловалари яратилади.
UZTELECOM`дан «ёзги жазирама»: оператор «қайноқ» чегирмаларни тақдим қилди
UZTELECOM ёз мавсумини унутилмас қилиш учун «қайноқ» акцияларни — Barakalla 3.0 акцияси билан «олтин» рақамларга 90% гача чегирмалар ва икки баравар кўпайтирилган интернет-трафик таклиф қилмоқда.
Тошкентда 3 та машина иштирокидаги ЙТҲ оқибатида йўловчи аёл вафот этди
Сергели туманида юқори тезликдаги Spark қарама-қарши йўлдаги 2 та машинага бориб урилганди. ЙҲХБ ҳодиса оқибатида бир йўловчи вафот этгани ва 2 киши шифохонага ётқизилганини маълум қилди.
Туркиядаги депорт марказидан 34 нафар ўзбекистонлик аёл озод этилиб, ватанга қайтарилди
Оила ва хотин-қизлар қўмитасининг Туркияда қийин вазиятга тушиб қолган ўзбекистонлик аёллар билан учрашувлари давомида Силиври депорт марказидан 34 нафар аёл озод этилиб, ватанга қайтарилди. Яна 3 нафари озодликка чиқарилди.
Хусусий университетларга лицензия бериш тўхтатилган — Ўзбекистон олий таълим вазири
Олий таълим, фан ва инновациялар вазири Конгратбай Шарипов хусусий университетларга лицензия бериш тўхтатилганини (сўнгги бор 2023 йил октябрда берилган) айтиб, буни таълим сифати ва ишсизлик билан боғлади. Вазирлик бундай лицензия беришни такомиллаштириш бўйича қарор лойиҳасини ишлаб чиқмоқда.
Қўшимча имкониятлардан фойдаланиш учун сайтда рўйхатдан ўтинг