Тошкент шаҳри ЙҲХБнинг Юнусободдаги рўйхатдан ўтказиш бўлими таъмирлаш учун ёпилади
Пойтахт ЙҲХБнинг Юнусобод туманидаги рўйхатдан ўтказиш, имтиҳон олиш бўлими («Гвардейская») реконструкция қилиш учун ёпилади. Ҳайдовчилар шаҳардаги бошқа бўлинмаларга мурожаат қилишлари мумкин.
️Тошкентда момақалдироқ туфайли бир неча рейслар муқобил аэродромларга йўналтирилди
Тошкент аэропортида соат 19:44 атрофида ноқулай об-ҳаво шароити туфайли бир қанча рейслар Самарқанд, Наманган ва Навоий аэродромларига йўналтирилди. Айни пайтда аэропортда об-ҳаво шароити барқарорлашди ва чекловлар олинди, дея хабар қилди Uzbekistan Airports.
Евро-2024: Чорак финал ўйинлари қандай ўтди?
Тажрибадан устун келган ёшлик, Пепени йиғлатган оқшом, мухлисларни яна хавотирга қўйган Саутгейт, ярим финалга етолмаган «Туркия эртаги» — Европа чемпионатининг чорак финал баҳслари қандай ўтди?
Навоийда ўнга яқин киши вояга етмаган қиз билан жинсий алоқада бўлди
Навоий шаҳрида 18−23 ёш атрофидаги йигитлар 16 ёшга тўлмаган қиз билан жинсий алоқада бўлди, дея ёзмоқда Kun.uz. Уларнинг 5 нафари 3,5 йилдан 5 йилгача озодликдан маҳрум қилинди. Гумонланувчилар орасида ИИБ терговчиси ҳам бор.
Тошкентда 16 ёшли ҳайдовчи бошқарган Malibu юқори тезликда пиёдани уриб юборди
Учтепа туманида 16 ёшли бола бошқарувидаги Malibu 2 автомобили пиёдани уриб юборди. Фуқаро оғир аҳволда касалхонага ётқизилди. Машина ичида 4 нафар мактаб ўқувчиси бўлган, улар юқори тезликда ва светофорнинг қизил чироғида ҳаракатланган.
Шавкат Мирзиёев Шуша шаҳрида Туркий давлатлар ташкилотининг норасмий саммитида иштирок этди
Ўзбекистон раҳбари Озарбайжонда Туркий давлатлар ташкилотининг норасмий саммитида иштирок этди. Унда Шавкат Мирзиёев савдо ва транспорт йўлларини ривожлантириш, иқлим ўзгариши ҳамда муқобил энергетика бўйича таклифларни илгари сурди. Фаластин ва Афғонистон муаммоларига яна бир бор эътибор қаратди.
НКМК S&P'дан илк рейтингни олди. Ўзбекистондаги энг йирик компаниянинг ҳозирги ҳолати ҳақида батафсил маълумот
S&P биринчи марта Ўзбекистондаги энг йирик корхона ҳисобланган Навоий кон-металлургия комбинатига кредит рейтингини берди. 2023 йилда НКМК дунёдаги тўртинчи йирик олтин қазиб олувчи (90,2 тонна) бўлганди, бироқ сув билан боғлиқ, шунингдек, битта конга қарамлик хавфлари мавжуд.
Тошкент аэропорти ҳудудидаги кафеда ёнғин юз берди
Тошкент аэропорти учиб кетиш зали ёнидаги янги «Терминал» кафесида ёнғин содир бўлди. Ёнғин оқибатида 5 кв метр майдонга зарар етган. Жабрланганлар йўқ.
Шавкат Мирзиёев Масъуд Пезешкиённи Эрон президенти этиб сайлангани билан табриклади
Ўзбекистон президенти Эрондаги президентлик сайловларида ғалаба қозонган Масъуд Пезешкиённи табриклади. Шавкат Мирзиёев ўз мактубида мамлакатлар ўртасидаги кўп қиррали ва узоқ муддатли шериклик барча устувор йўналишларда янада юқори босқичга кўтарилишига ишонч билдирди.
Ҳудудларда пора олишда гумонланган прокурорлар ва ФВБ ходими қўлга олинди
Сирдарё ва Сурхондарё вилоятлари ҳамда Тошкент шаҳрида прокурорлар ва ФВБ ходими пора олишда гумонланиб қўлга олинди. Уларга нисбатан жиноят иши қўзғатилиб, тегишли тартибда қамоққа олинди.
Ўзбекистоннинг 4 та вилоятида сел хавфи эълон қилинди
Ўзгидромет 7−9 июль кунлари Тошкент, Наманган, Фарғона ва Андижон вилоятларининг бир қанча туманларида сел-сув тошқини юзага келиши мумкинлигидан огоҳлантирди.
Масъуд Пезешкиён Эрондаги президентлик сайловида ғалаба қозонди
Эронда ўтган президентлик сайловининг иккинчи босқичида Масъуд Пезешкиён ғалаба қозонди. Этник озарбайжон бўлган Пезешкиёнга 16,4 млн эронлик — сайловда қатнашганларнинг 54,8 фоизи овоз берди. Унинг рақиби Саид Жалилий эса 13,5 млн овоз тўплади.
Исроил ҲАМАС билан музокараларни тиклашга рози бўлди
Исроил ҲАМАСдан Ғазода ўт очишни тўхтатиш бўйича янги таклифлар олди ва бир неча ой давомида берк кўчага кириб қолган музокараларни давом эттиришга рози бўлди.
СЭС Афғонистон газли ичимлигининг хавфсизлигини қайта текширади
Санэпидқўм Афғонистоннинг газланган анор ичимлигини текширишда зарарли моддаларни аниқламади, аммо маҳсулот хавфсизлигини қайта текширишга қарор қилди. Аввалроқ Қирғизистон болаларда консентрацияни камайтирадиган бўёқ мавжудлиги сабабли афғон ичимликларини мусодара қилишни бошлаганди.
Дунё мамлакатлари ҳаво ифлосланишига қарши қандай курашмоқда?
Ҳаво ифлосланиши инсон саломатлиги учун энг жиддий экологик таҳдидлардан бири. Муаммо йилига 4,2 млн кишининг бевақт ўлими сабаби бўлмоқда. Дунё мамлакатлари бунга қарши қандай курашаётгани — Марказий Осиёда тоза ҳаво яратиш конференцияси шарҳида.
Сиёсий партияларни давлат томонидан молиялаштириш кўпайтирилади
Президент сиёсий партияларнинг устав фаолиятини молиялаштириш учун ажратиладиган давлат маблағларининг йиллик миқдорини ошириш тўғрисидаги қонунни имзолади.
Депутат ва сенаторлар учун янги талаб ва жазолар жорий этилмоқда
Президент депутат ва сенаторлар учун янги мажбурият ва жазо чораларини жорий этиш тўғрисидаги ўзгартишларни имзолади. Улар йиғилишларда йилига 29 кундан кўп қатнашмаса, бошқа давлат фуқаролигини олса, ваколатидан маҳрум бўлиши мумкин. Этика қоидаларини бузишса, маошларидан ҳам ушлаб қолиниши мумкин.
Энди Telegram бот орқали самокатлар қоидабузарлиги ҳақида шикоят қилиш мумкин
Ўзбекистон микромобиллик ассоциацияси фуқаролар электр самокат ҳайдовчиларининг қоидабузарлиги тўғрисида шикоят юбориши мумкин бўлган Telegram бот яратди. Бот қандай ишлашини тушунтирамиз.
Самарқандда ШҲТ саммити олдидан кенгайтирилган йўлда болани машина уриб юборди. У омон қолмади
Самарқандда Nexia 2022 йилги ШҲТ саммити олдидан кенгайтирилган йўлдан ўтаётган 7 ёшли болани уриб юборди. «Пешеход»лар орасидаги масофа 1 км бўлгани учун аҳоли доимий равишда бу ердан йўлни кесиб ўтади. Вилоят ЙҲХБ аҳолини болаларга эътиборли бўлишга, йўл ҳаракати қоидаларига риоя қилишга чақирди.
Ўзбекистонда июнь ойи кузатувлардаги энг иссиқ июнлар бешлигига кирди
Ўзгидромет 2024 йилнинг июнини кузатув йиллари учун энг иссиқ июнлар бешлигига киритди. Энг иссиқ об-ҳаво 27−28 июнкунлари кузатилди ва ҳарорат +43 даражагача кўтарилди. Синоптикларга кўра, ойни экстремал қуруқ ой деб тавсифлаш ҳам мумкин.
Қўшимча имкониятлардан фойдаланиш учун сайтда рўйхатдан ўтинг