Ўзбекистонда ҳафта ёмғирли бўлади
Ўзбекистонда ҳафта охиригача ёмғир, баъзи жойларда эса қор ёғиши кутилмоқда. Айрим ҳудудларда 15−20 м/с гача кучли шамол эсиши мумкин. Ҳарорат кечалари 0…+5 илиқ, кундуз кунлари асосан +6…+11 даража илиқ атрофида бўлади.
Тезликни 60 км/соатгача камайтириш йилига 600 дан ортиқ одамнинг ҳаётини сақлаб қолиши мумкин — ПМТИ
Мутахассислар транспортларнинг тезлиги пасайиши ва йўллардаги ўлим ўртасидаги боғлиқликни ўрганди. Уларнинг фикрича, тезликни 10 км/соатга камайтириш йилига 600 дан ортиқ одамнинг ҳаётини сақлаб қолиши мумкин. Шу билан бирга, йўл ҳаракати қоидаларига риоя қилишни кучайтириш ҳам муҳимлиги айтилди.
ОТМ ректорларига ходимларнинг фарзандлари билан мактуб орқали ёзишмаларни йўлга қўйиши тавсия этилди
Олий таълим, фан ва инновациялар вазири ОТМ ректорларга ўз ходимларининг фарзандлари билан мактуб орқали ёзишмаларни йўлга қўйишни тавсия этди. Вазир ишга жойлашмаган битирувчилари кўп нодавлат ОТМларни сифатсиз таълим бераётган муассаса деб топилиши ва улар ёпилиши мумкинлиги ҳақида огоҳлантирди.
Иқтисодчи пойтахтнинг 2023 йилги бюджети қўшимча манбалари тақсимотини танқид қилди
Иқтисодчи Отабек Бакиров 2023 йил учун Тошкент бюджетининг қўшимча даромадлари тақсимотини танқид қилди. Хусусан, молиялаштиришдаги муаммо, курашга пул ажратиш давом этаётгани, мактаблар таъмирланишидаги катта фарқни таъкидлаб, «бюджетни осмонга совуришда давом этамизми?» деган савол билан юзланди.
Ўзбекистонлик енгил атлетикачилар Осиё чемпионатида 4 та медални қўлга киритди
Қозоғистоннинг Остона шаҳрида ўтказилган енгил атлетика бўйича ёпиқ иншоотлардаги Осиё чемпионатида ўзбекистонлик енгил атлетикачилар 4 та медаль — 2 та олтин, 1 тадан кумуш ҳамда бронзани қўлга киритди.
Пойтахтда талабаларнинг ўқиш давридаги фаоллиги тирбандликнинг 11 кмгача ошишига сабаб бўлади — ПМТИ
ПМТИ экспертлари ОТМлар жойлашувининг шаҳарлар ҳолати ва тирбандлик муаммосига таъсирини ўрганди. Сўровда иштирок этган талабаларнинг 78 фоизи тирбандликни асосий муаммолардан бири деб баҳолаган. Бироқ уларнинг ўқиш давридаги фаоллиги тирбанд йўллар узунлиги 11,3 кмгача ошишига сабаб бўлади.
Банкларда долларнинг сотув курси 11 395 сўмгача тушди
Тижорат банклари 13 февраль куни аҳолидан 1 АҚШ долларини 11 280 — 11 355 сўмдан сотиб олмоқда, сотиш курси эса аксарият банкларда 11 395 сўм.
Солиқ қўмитаси ҚҚС тўлаш бўйича назорат тадбирлари ўтказади
Солиқ қўмитаси 1 октябргача интизомсиз солиқ тўловчилар томонидан ҚҚСни ноқонуний қоплашни олдини олиш бўйича назорат тадбирлари ўтказади. Бу фирибгарлик схемалардан фойдаланиб, асоссиз солиқ нафи олиш билан боғлиқ бўлмаган инсофли солиқ тўловчиларнинг ҳуқуқларини ҳимоя қилиш имконини беради.
Мeтро қурилиши сабабли Тошкентнинг айрим ҳудудларида сув таъминоти вақтинча тўхтатилди
Ерусти метроси қурилишидаги ишлар сабабли Сергели ва Янгиҳаёт туманларининг айрим жойларида сув таъминоти 13 февраль куни соат 20:00 гача тўхтатилди. Бу ҳудудларга сув махсус техникаларда етказиб берилади.
Ўзбекистонлик қутқарувчилар Туркияда яна икки кишини вайроналар орасидан тирик олиб чиқди
Туркиянинг Ҳатай ва Антакия ҳудудларида ўтаётган қутқарув ишларида ўзбекистонлик ФВВ ходимлари яна 2 кишини вайроналар орасидан тирик ҳолда олиб чиқди. Уларга Мексика ва Туркия қутқарувчилари ҳамроҳлик қилди.
Самарқандда шифохона бош шифокорининг ўғли ва келини икки ҳамширани калтаклагани айтилмоқда
Пайариқ туманидаги Челак шифохонаси ходимлари ўртасида жанжал содир бўлди. Тармоқларда шифохона бош шифокорининг ўғли ва келини икки ҳамширани уриб, жароҳат етказгани айтилмоқда. Жанжалда тан жароҳати етказишда гумонланаётган фуқарога жиноят иши очилди.
Қашқадарёда қурилиш фирмаси вакилидан 370 млн сўм «откат» олаётган ҳокимлик ходими ушланди
Яккабоғ тумани ҳокимлиги ходими 5 млрд сўмлик тендерда ютиши учун қурилиш фирмаси вакилидан 370 млн сўм олаётган вақтда ушланди. Тезкор суриштирув ҳаракатлари давомида ишга алоқадор бўлган мактабгача таълим бўлими ходими ҳам қўлга олинди.
Тошкентда деворлари ёрилган кўп қаватли уйни қурган тадбиркорга жиноят иши қўзғатилгани маълум қилинди
Тармоқларда Мирзо Улуғбек туманида 2017 йилда қурилган кўп қаватли уйда ёриқлар пайдо бўлгани ҳақида видео тарқалди. Туман ҳокимлиги ва Қурилиш вазирлиги мазкур уй сейсмик зонада қурилиш ўтказиш талабларига жавоб бермаслигини, қурувчи ташкилот раҳбари эса қамалганини маълум қилди.
Туркиядаги зилзила вайроналари остидан яна 2 нафар ўзбекистонликнинг жасади топилди
Туркиянинг Ҳатай ва Қаҳраманмараш шаҳарларида содир бўлган зилзила вайроналари остидан 2 нафар ўзбекистонликнинг жасади топилди. Яна 8 нафар Ўзбекистон фуқароси табиий офат ўчоқларидан эвакуация қилиниб, мамлакатга қайтарилмоқда.
«Согдиана транс» Ҳайратон-Мозори Шариф темир йўлига яна 2 йил хизмат кўрсатадиган бўлди
Термизда Афғонистон темир йўл бошқармаси ва «Согдиана транс» ўртасида Ҳайратон-Мозори Шариф темир йўлида эксплуатация ишларини давом эттириш тўғрисида янги келишув имзоланди. Янги келишувга кўра, «Согдиана Транс» яна 2 йил мазкур темир йўлга хизмат кўрсатади.
Тожикистон чегара ўтиш пунктларида коронавирус чекловлари бекор қилинди
Тожикистон мамлакатда COVID-19 бўйича эпидемиологик вазиятни барқарорлашгани, мамлакат аҳолисининг эмланганлик даражаси юқорилиги ҳамда минтақа ва хорижий давлатларда ушбу касаллик билан боғлиқ вазиятни нормаллашганини ҳисобга олиб чегара ўтиш пунктларида коронавирус чекловларини бекор қилди.
Идоралараро тариф комиссиясига иқтисодиёт ва молия вазири раҳбар бўлди
Ўзбекистонда электр ва иссиқлик энергиясига тарифларни тартибга солиш билан шуғулланувчи Вазирлар Маҳкамаси ҳузуридаги Идоралараро тариф комиссиясига Иқтисодиёт ва молия вазири Шерзод Кудбиев раҳбар этиб тайинланди. Илгари бу лавозимни бош вазир ўринбосари Жамшид Қўчқоров эгаллаб келаётган эди.
Самарқанд, Хоразм ва Фарғонадаги 3 та ЙТҲда 4 киши вафот этди
2−6 февраль оралиғида Самарқанд, Хоразм ва Фарғонада содир бўлган 3 та йўл-транспорт ҳодисалари оқибатида 4 киши вафот этди.
ДХХ 3 та вилоятда 11,4 кг гиёҳванд моддаларини мусодара қилди
ДХХ Самарқанд, Жиззах ва Тошкент вилоятларида гиёҳванд моддалари савдоси билан боғлиқ ҳолатларни аниқлади. Барча ҳолатда гиёҳвандлик воситалари мамлакатга Тожикистондан контрабанда йўли билан олиб келинган. Гумонланувчиларга нисбатан жиноят иши қўзғатилган.
Энергетика вазирлиги: Водий вилоятларидаги газ қуйиш шохобчалари ёпилмайди, улар ишлашда давом этади
Энергетика вазирлиги водий вилоятларидаги «метан заправкалар» ёпилиши ҳақидаги хабарларни рад этди. Вазирлик газ қуйиш шохобчалари фаолияти маҳаллий ҳокимликлар билан келишилган жадвалларга асосан давом этишини маълум қилди.
Қўшимча имкониятларга эга булиш учун сайтда рўйхатдан ўтинг