Ўзбекистон ва Эрон қатор ҳужжатларни имзолади
Ўзбекистон президенти Шавкат Мирзиёев Теҳронда Эрон президенти Иброҳим Раисий билан музокаралар ўтказди. Давлат раҳбарлари икки мамлакат ўртасидаги ҳамкорликни мустаҳкамлаш тўғрисидаги қўшма баёнотни имзоладилар. Шунингдек, ҳукуматлар, идоралар ва вилоятлар даражасида 15 та ҳужжат қабул қилинди.
Тошкентдаги Қўйлиқ кўприги устида 5 та машина тўқнашди
Тошкентдаги Қўйлиқ кўприги устида 5 та автомобиль иштирокида ЙТҲ содир бўлди. Ҳодисада ҳеч ким жабрланмади.
Остонада банкда одамларни гаровга олган эркак ушланди
Якшанба куни Остонадаги Kaspi банкка қуролли шахс бостириб кириб, одамларни гаровга олди. У банкнинг барча активларини ногирон болалар, камбағаллар ва муҳтожлар фондига ўтказишни талаб қилди. Орадан вақт ўтиб, босқинчи полиция томонидан қўлга олинди.
Фото: Шавкат Мирзиёевнинг Эронга расмий ташрифи бошланди
Ўзбекистон президенти Шавкат Мирзиёев расмий ташриф билан Эронга борди. Теҳрондаги «Меҳробод» халқаро аэропортида уни мамлакат саноат, кончилик ва савдо вазири Аббос Алиободий ва бошқа расмий шахслар кутиб олди.
Самарқандда кучли шамол ва чанг бўрони кузатилди
Самарқанд вилоятининг айрим ҳудудларида кучли шамол ва чанг бўрони кузатилди. Пастдарғом, Жомбой ва Булунғур туманларида электр таъминоти вақтинча тўхтатилди. Вилоят ФВБ ҳолат юзасидан мурожаатлар келиб тушмаганини маълум қилди.
Имзолар камлиги сабаб «Ҳақиқат, тараққиёт ва бирдамлик» партиясини рўйхатдан ўтказиш рад этилди — Адлия вазирлиги
Адлия вазирлиги янги — «Ҳақиқат, тараққиёт ва бирдамлик» партиясини рўйхатдан ўтказиш имзолар етарли бўлмагани сабабли рад этилганини билдирди. Партияга бирлашмоқчи бўлган фуқаролар рўйхатига вафот этганлар, вояга етмаганлар ва хорижда яшаётганларнинг ҳам имзолари киритилгани маълум бўлди.
Ўзбекистоннинг 5 та шаҳридан Туркияга авиақатновлар йўлга қўйилади
Қарши, Термиз, Нукус, Наманган ва Андижон шаҳарларидан Истанбулга янги авиақатновлар йўлга қўйилади. Шунингдек, Тошкент ва Истанбул ўртасидаги рейслар сони ҳафтасига 38 тадан 50 тага етказилади.
Хоразм вилояти ҳокими Жўрабек Раҳимов сенатор бўлди
Олий Мажлис Сенатида Хоразм вилоятидан бўшаб қолган ўринга 2022 йил декабридан бери вилоят ҳокими сифатида ишлаб келаётган Жўрабек Раҳимов сайланди.
Улуғбек Розуқулов Ўзбекистон гимнастика федерациясига раис этиб сайланди
«Ўзавтосаноат» компанияси раҳбари Улуғбек Розуқулов Гимнастика федерацияси раиси этиб сайланди. Бунгача федерацияни компаниянинг аввалги раҳбари Шавкат Умурзоқов бошқариб келган.
Ўзбекистон президенти Эронга расмий ташриф билан боради
Ўзбекистон президенти 18 июнь куни расмий ташриф билан Эронга боради. Шавкат Мирзиёев Эрон президенти Иброҳим Раисий ва мамлакат олий диний раҳбари Али Хоманаий билан учрашади.
Самарқандда ҳокимият захирасидаги ерни $75 мингга сотмоқчи бўлган шахс ушланди
Тойлоқ туманида ҳокимият захирасидаги 18 сотих ерни 75 минг долларга сотмоқчи бўлган шахс қўлга олинди. Ҳозирда ҳолат бўйича терговга қадар текширув ҳаракатлари ўтказилмоқда.
Тадбиркор Дилшод Тўрахўжаев уни қийноққа солган ИИО ходимларига чора кўрилмаётганидан шикоят қилди
Тошкент ИИББда қийноққа солинган тадбиркор Дилшод Тўрахўжаев президентга мурожаат йўллади. Шундан сўнг омбудсман ва унинг ҳузуридаги жамоатчилик гуруҳлари аъзолари у билан учрашди. Тадбиркор уни қийноққа солган ходимларга нисбатан чора кўрилмаётганидан шикоят қилди.
ОАВ: Россиядан Ўзбекистонга йилига 6 млрд куб метр газ етказиб берилиши мумкин
Янги шартнома бўйича Россиядан Ўзбекистонга қувур орқали қарийб 6 млрд куб метр газ етказиб берилади, деб ёзмоқда «Коммерсантъ». Таҳлилчиларга кўра, «Газпром» гази Ўзбекистонга ўз эҳтиёжларини қондириш имконини беради, бироқ Хитойга газ экспорти бўйича шартномани бажариш учун етарли бўлмайди.
Давлат ҳисобидан юридик ёрдам олувчи шахслар тоифаси белгиланди
Энди кам таъминланган, руҳий ҳолати бузилган ва ўз ҳуқуқлари бузилган шахслар давлат ҳисобидан юридик ёрдам олиши мумкин. Давлат ҳисобидан юридик ёрдам фақат Давлат ҳисобидан юридик ёрдам кўрсатувчи адвокатлар реестрига киритилган адвокатлар томонидан кўрсатилади.
Давлат гранти бўйича 2023/2024 ўқув йили учун қабул квоталари тасдиқланди
Президент фармойиши билан 2023/2024 ўқув йили учун давлат ОТМларига давлат гранти квоталари тасдиқланди.
Самарқандда эркак уч нафар фарзандини ўлдирди
Самарқандда эркак чет элда ишловчи хотини билан жанжаллашиб, жаҳл устида икки қиз ва бир ўғлини ўлдирди.
Uzbekistan Airways 19−20 июнда Тошкентдан Термиз, Бухоро ва Қаршига қўшимча рейслар қўяди
Uzbekistan Airways 19 ва 20 июнь кунлари Тошкентдан Термиз, Бухоро ва Қарши шаҳарларига қўшимча парвоз амалга оширади.
Ўзбекистонда барча шахсий томорқа эгалари иш стажи ҳисоблаш учун ихтиёрий солиқ тўлаши мумкин бўлди
Солиқ кодексига киритилган ўзгартиш ва қўшимчага кўра, шахсий томорқасида банд бўлган ер эгалари ёки уларнинг оила аъзолари ернинг майдони ёки ҳайвон ва парранда сонидан қатъи назар ўзларига меҳнат стажини ҳисоблаши учун ихтиёрий равишда ижтимоий солиқ тўлаши мумкин.
Қашқадарёда газли сув тайёрловчи аппарат портлаши оқибатида бир киши вафот этди
Китоб туманида қўлбола усулда ясалган газли сув тайёрловчи аппарат портлаши оқибатида икки киши жароҳатланди, улардан бири шифохонада вафот этди.
Тошкентда велосипедчини президент кортежи ўтишидан олдин фуқаро кийимидаги эркак калтаклади
Велосипедчи Андрей Баришев Мустақиллик шоҳ кўчасида президент кортежи ўтишидан сал аввал фуқаро кийимидаги шахс томонидан калтакланди. «У менга ҳеч ким эмаслигимни айтиб бақирди, соқолимдан тортди, юзимга уриб, ҳақоратлади… Нега улар одамларга ҳуқуқи йўқ ҳайвондек муносабатда бўлишади?» — дейди у.
Қўшимча имкониятлардан фойдаланиш учун сайтда рўйхатдан ўтинг