Тошкент зоопарки жониворлари аномал совуқ кунларда қандай сақланмоқда?
Тошкент зоопарки аномал совуқ кунларда ҳайвонлар учун қандай шароит ҳозирлангани ҳақида маълумот берди. Хусусан, ҳарорат марказий иситиш тизими орқали таъминланади, электр узилиши вақтида генераторлар ишга тушади. Баъзи жониворлар вольерларига сомондан тайёрланган табиий иситувчи шолчалар қўйилди.
Тошкентда қор тозалаш ишларига декабрь ойидаги вазиятдан кўра кўпроқ техника ва одамлар жалб қилинмоқда
Қорли Тошкент кўчаларини тозалашга декабрь ойидаги вазиятга қараганда кўпроқ техника (200 дан ортиқ) ва ободонлаштириш хизмати ходимлари (6 мингга яқин) жалб қилинган. Кечаси асосий кўчалар қордан тозаланди ва қум-туз аралашмаси сепиб чиқилди.
Фазлиддин Ғоибназаров иштирокидаги ов жараёнида қонунбузарлик ҳолати мавжудлиги аниқланди
Табиат ресурслари вазирлиги боксчи Фазлиддин Ғоибназаров иштирокидаги ов жараёнида қонунбузарликка йўл қўйилгани ва табиатга зарар етказилганини тасдиқлади. Вазирлик спортчининг шериги ов қилиш ҳуқуқига эга эканини қайд этди. Бироқ тарқалган видеода боксчининг ҳам қуролдан ўқ узгани акс этган эди.
Ўзбекистон ва Хитой ўртасидаги авиақатновлар тикланди
Қарийб 3 йиллик танаффусдан сўнг Ўзбекистон ва Хитой мунтазам авиақатновларни тиклади. 10 январь куни Uzbekistan Airways Тошкентдан Пекинга илк рейсни амалга оширади.
ИИВ ва ССВ: Тез тиббий ёрдам машиналарига ёзилган жарималар бекор қилинади
Тез тиббий ёрдам автомобилларига жарима белгиланаётгани ва улар бекор қилинмаётгани ҳақида хабарлар тарқалди. ИИВ ва ССВ ҳолат бўйича қўшма баёнот эълон қилиб, ушбу турдаги жарималар бекор қилинишини маълум қилди.
Аномал совуқдан чорва моллари ва қишлоқ хўжалиги экинларини қандай асраш мумкин?
Қишлоқ хўжалиги вазирлиги 10−15 январь кунлари кузатиладиган аномал совуқда чорва моллари ва хўжалик экинларини қандай асраш бўйича тавсиялар берди. Хусусан, экин майдонлари устини плёнка қопламалари билан қоплаш кераклиги келтириб ўтилди.
Самарқанд ва Тошкент вилоятидаги ЙТҲда 4 нафар пиёда ҳалок бўлди
Самарқанд ва Тошкент вилоятида пиёдалар иштирокида ЙТҲ содир бўлди. Ҳодисалар оқибатида 4 киши вафот этди.
Математика дарсликлари муаллифи Шуҳрат Исмоилов вафот этди
Халқаро тоифадаги эксперт, математик Шуҳрат Исмоилов вафот этди. Марҳум 1-, 2-, 3- ва 6-синф математика фани дарсликлари муаллифи бўлган.
Деярли барча ҳокимликлар 2023 йилги бюджетларни жамоатчилик муҳокамасисиз қабул қилди
Ўзбекистондаги деярли барча ҳокимликлар 2023 йил учун бюджетни ўтган йил охирида, ҳатто янги йилда ҳам солиқ тўловчилар фикрини ҳисобга олмасдан қабул қилди. Андижон ва Сирдарё ҳокимликлари бюджет лойиҳаларини эълон қилганди, бироқ лойиҳа муҳокама вақти тугамай туриб қабул қилинди.
Декабрда 177 мингдан ортиқ хонадон истеъмолига тенг электрдан ноқонуний фойдаланилган — Энергетика вазирлиги
Ўзбекистонда 2022 йил декабрь ойида 15,7 млрд сўмлик электрдан ноқонуний фойдаланиш ҳолатлари аниқланди. Бу Сирдарё вилояти аҳолисининг бир ҳафталик электр истеъмолини ташкил қилади. Ноқонуний ҳолатлар кўпроқ Андижон, Қашқадарё, Самарқанд ва Тошкент вилоятларига тўғри келган.
UzAuto Motors: автомобиллар учун шартнома бериш яна бир неча кунга тўхтатилди
UzAuto Motors ҳисоб дастурий таъминотини амалга ошириш муносабати билан шартнома тузиш, автомобилларни топшириш ва тўловларни қабул қилишни вақтинча тўхтатганди. Компания жараён 4−5 кундан ортиқ давом этмаслигини ваъда қилганди. Бироқ 9 январь куни жараён яна узайтирилгани маълум қилинди.
Бразилияда тартибсизликлар сабаб фавқулодда ҳолат эълон қилинди
Январь охиригача Бразилия пойтахтида собиқ президент тарафдорлари уюштирган тартибсизликлар сабаб фавқулодда ҳолат жорий этилди. Воқеа фонида штат губернатори ишдан бўшатилди. Намойишчилар ҳукумат биноларига бостириб кирди, юзлаб одамлар ҳибсга олинди. Президент намойишчилар жазоланишини айтди.
Болалар орасида коронавирус авж олаётгани ҳақидаги хабарлар асоссиз — ССВ
ССВ тармоқларда болалар орасида коронавирус авж олаётгани ҳақида тарқалган хабарлар ҳақиқатга зидлигини маълум қилди. «COVID-19`га чалинишнинг сўнгги кўтарилиши ўтган йил куз ойларига тўғри келганди», — дейилади хабарда. Вазирлик 15 декабрдан буён касалланишлар статистикасини эълон қилмай қўйди.
Аномал совуқ кунлари кексалар ва болаларнинг кўчага чиқмаслиги тавсия этилди
Ўзбекистонга 9 январдан Волгабўйи ҳудудларидан совуқ ҳаво массаси кириб келиши бошланади. 10−15 январь кунлари аномал совуқ кузатилади. Бундай шароитда кексалар ва болаларнинг кўчага чиқмаслиги тавсия этилди. ССВ, шунингдек, совуқдан сақланиш бўйича тавсиялар берди.
Тошкентда 6 та йўналишда қўшимча автобуслар қатнови йўлга қўйилди
Тошкентда 4 январь куни MAN A22 CNG автобусларининг навбатдаги 16 донаси фойдаланиш учун топширилганди. Янги автобуслар 6 та йўналишда ҳаракатланиш учун қатновга чиқарилди.
Наманганда 8 ёшли бола вафот этди. Ўлимга ис гази сабаб бўлиши мумкин
Чуст туманида 3 ва 8 ёшли бола соғлиғи ёмонлашгани сабабли шифохонага ётқизилди. 8 ёшли бола биринчи ёрдам кўрсатилишига қарамасдан вафот этди. Вилоят ФВБ ўлимга ис гази сабаб бўлганига ишора қилмоқда.
Банкларда долларнинг сотиш курси 20 сўмга тушди
Тижорат банклари 9 январь куни аҳолидан 1 АҚШ долларини 11 270 — 11 330 сўмдан сотиб олмоқда, сотиш курси эса 11 355 сўм.
Ўзбекистон мактабларида ўқув юкламалари камайтирилди
Амалдаги санитария-эпидемиологик нормаларига ўзгартириш киритилди. Унга кўра, мактабларда дарс соатлари қисқаради.
Control Union сертификатлаш компанияси экспортёрларга халқаро бозорга чиқишга ёрдам бермоқда
Control Union Quality компанияси фермер хўжаликлари ва қишлоқ хўжалиги соҳасидаги корхоналар учун халқаро миқёсда сертификатлаш хизматларини тақдим этади.
ОАВда дори рекламасини чеклаш керак — «Юксалиш»
«Док-1 Макс» истеъмоли натижасида болаларнинг ҳаётдан кўз юмгани Ўзбекистонда соғлиқни сақлаш ва фармацевтика соҳасида муаммолар мавжудлигини кўрсатиб берди, дея маълум қилди «Юксалиш» ҳаракати. У дориларни назоратсиз қўллаш масаласини кўриб чиқиш ва ОАВда улар рекламасини чеклашни таклиф қилди.
Қўшимча имкониятлардан фойдаланиш учун сайтда рўйхатдан ўтинг