Тошкентда ИШИДга қўшилмоқчи бўлган 18 ёшли қиз қамалди
Юнусобод туманида Сурияга кетиб, ИШИД террористик ташкилоти сафига қўшилишни мақсад қилган 18 ёшли қиз 5 йилга қамалди. У ташкилот раҳнамоларининг маърузаларини тинглаб, унинг ғоявий таъсирига тушиб қолган. Қиз кетиш учун «қизил паспорт» олгани ва буни яқинлари билмаганини маълум қилди.
ННТлар бекор қилишни сўраган ҳукумат қарори қайта ишланадиган бўлди
Адлия вазирлиги раҳбарияти ННТларни халқаро грант лойиҳаларни амалга оширишда давлат органлари билан ҳамкорлик қилишга чорловчи ҳукумат қарорини бекор қилишга чақирган ННТ ва фаоллар билан учрашди. Томонлар ҳужжат қайта ишланиши кераклиги борасида бир тўхтамга келди.
Норуда материалларни қазиб олишда табиий объектларга етказилган зарарни ҳисоблаш тартиби тасдиқланди
Вазирлар маҳкамасининг қарори билан Норуда материалларни ноқонуний қазиб олишда табиий объектларга етказилган зарарни ҳисоблаш тартиби тўғрисида низом тасдиқланди.
Пайшанба куни 95 кишининг ковид юқтиргани аниқланди
24 ноябрь куни Ўзбекистонда 95 киши (бир кун олдин 98 киши) коронавирусга чалингани маълум бўлди. Энг кўп касаллик Тошкент шаҳрида аниқланди.
Дам олиш кунлари ҳаво бироз совуқ бўлади
Жума куни Ўзбекистон бўйлаб ёғингарчилик кутилмайди. Ҳаво ҳарорати +15…+17 даражагача, жанубда эса +20 даража атрофида бўлади. Дам олиш кунлари Қозоғистондаги совуқ антитциклон массалари таъсири ҳаво ҳарорати кундузи +8…+13 даража, кечаси +3…+8 даражагача пасайиши кутилмоқда.
Давлат рўйхатидан ўтказилаётган тадбиркорлар биржада ҳам аккредитация қилинади
Президент қарори билан тадбиркорларни давлат рўйхатидан ўтказиш жараёнида биржа тизимида ҳам аккредитация қилиш тартиби жорий этилади. Шунингдек, 1 декабрдан бошлаб 13 ой муддатга монопол ва давлат иштирокидаги ташкилотлар ишлаб чиқарган товарларни ички бозорда фақат биржа орқали сотиш белгиланди.
Фарғонада эр-хотин ис газидан вафот этди
Фарғона вилояти Бувайда туманида эр-хотин ис газидан заҳарланиб вафот этди. Улар 3 кунлик ёш келин-куёв бўлгани ва эр ўзи ясаган печкалардан бирини уйга ўрнатгани айтилмоқда. Ҳолат юзасидан терговга қадар текширув ҳаракатлари бошланди.
Банкларда долларнинг сотиш ва сотиб олиш курслари яна кўтарилди
25 ноябрда тижорат банкларида 1 АҚШ доллари 11 280 — 11 290 сўмдан сотилмоқда. Сотиб олиш 11 180 — 11 265 сўм оралиғида.
Фарғонада бедарак йўқолган аёл мурдаси Қирғизистондан топилди
22 ноябрь куни Фарғона туманида аёл уйидан чиқиб кетиб, бедарак йўқолди. Орадан икки кун ўтиб, унинг мурдаси Қирғизистоннинг Баткен вилоятидаги ариқдан топилди. Ҳозирда ҳолат юзасидан терговга қадар текширув ҳаракатлари олиб борилмоқда.
Uzbekistan Airways барча авиақатновларга чегирма эълон қилди
Uzbekistan Airways Конституция куни муносабати билан барча авиақатновлар учун 8% чегирма эълон қилди. Чегирма 25 ноябрдан 8 декабргача бўлган сотув даврида амал қилади.
ЖЧ-2022: Португалия Ганани, Бразилия эса Сербияни мағлубиятга учратди
G ва H гуруҳларидан жой олган иккала ўйинда ҳам фаворит деб айтилаётган терма жамоаларнинг қўли баланд келди. Португалия — Гана баҳсида 3:2 ҳисоби, Бразилия — Сербия учрашувида эса 2:0 ҳисоби қайд этилди. Роналду пенальтидан гол киритиб яна бир рекордни қайд этди. Ришарлисон эса дублга эришди.
Нозима Давлетова Масс-медиа жамғармаси Васийлик кенгашига раҳбар бўлди
Нозима Давлетова Миллий масс-медиани қўллаб-қувватлаш ва ривожлантириш жамоат фонди Васийлик кенгашига раҳбар бўлди. Бунгача у жамғарма директори бўлган. Мазкур лавозимда аввалроқ Комил Алламжонов ишлаган эди.
Имтиёзлар, кредит компенсациялари, давлат ёрдами. Электромобиль саноати қандай ривожланади?
Ўзбекистонда маҳаллий электромобилларни утилизация йиғими, бутловчи, эҳтиёт қисмлар, асбоб-ускуналар ва хомашёни эса божхона тўловларидан озод қилиш режалаштирилмоқда. Шунингдек, инвесторларга маълум миқдордаги электромобилларни имтиёзли шартлар асосида олиб киришга рухсат берилиши мумкин.
Ўзбекистон ва Франция уран қазиб олиш ва қайта ишлашни кенгайтиришга келишиб олди
Давлат геология қўмитаси, «Навоийуран» ва Франциянинг Orano компанияси ўртасида уран қазиб олиш ҳамда қайта ишлашни кенгайтириш бўйича уч томонлама шартнома имзоланди. Orano «бир неча юз миллион евро» миқдорида сармоя киритишни режалаштирмоқда.
24 ноябрь куни Ўзбекистонда содир бўлган энг муҳим хабарлар дайжести
Декабрда Қирғизистонга борадиган Шавкат Мирзиёев, Тошкентда аёлни мажбуран машинага солиб, уйига олиб кетган ота-ўғил, яна ортган ковид статистикаси, ИИВ раҳбари истеъфосини талаб қилиб, пикет уюштирган блогер, АҚШда олинаётган Абдулла Орипов ҳақида филм ва бошқалар — «Газета.uz»нинг кун дайжестида.
Сирдарё вилояти ҳокими президент маслаҳатчиси этиб тайинланди
Сирдарё вилояти ҳокими лавозимида ишлаб келаётган Ғофуржон Мирзаев президентнинг давлат хизмати, аҳоли билан мулоқот ва маҳаллий ҳокимият органлари фаолиятини мувофиқлаштириш масалалари бўйича маслаҳатчиси лавозимига тайинланди.
Тошкент аэропортида Ўзбекистонда биринчи автоматлаштирилган автотураргоҳ иш бошлади
Тошкент халқаро аэропортининг жўнаш терминали олдида Ўзбекистонда биринчи тўлиқ автоматлаштирилган автотураргоҳ иш бошлади. Тўловни паркомат орқали нақд пулда ёки QR-код билан тўлаш мумкин. Паркомат қайтим ҳам қайтара олади. Яқин кунларда келиш терминали олдида ҳам худди шундай автотураргоҳ очилади.
Луврдаги «Ўзбекистон воҳалари хазиналари» кўргазмасида нималар намойиш этилмоқда?
«Ўзбекистон воҳалари хазиналари. Карвон йўллари чорраҳасида» Луврдаги Марказий Осиё тарихига оид биринчи кўргазма бўлди. Ташкилотчилар унинг ташриф буюрувчиларда мамлакатга қизиқиш уйғотишига ишонч билдирмоқда. «Газета.uz» мухбири кўргазмани биринчи бўлиб томоша қилган журналистлардан бири бўлди.
ЖЧ-2022`нинг 5-куни: Швейцария ғалаба қозонди, Уругвай ва Жанубий Корея дурангга имзо чекишди
G ва H гуруҳларидан жой олган Швейцария — Камерун ва Уругвай — Жанубий Корея баҳсларида ўйин тенг суратларда ўтди. Бироқ биринчи ўйин Швейцариянинг 1:0 ҳисобидаги ғалабаси билан якунланган бўлса, иккинчи ўйинда жамоалар нурсиз дуранг қайд этишди — 0:0.
Конституцияни ўзгартиришга оид қонун лойиҳаси қайта ишлашга юборилди
Депутатлар Конституцияга ўзгартишлар киритишни давом эттиришга қарор қилди. Фақат биргина депутат (эҳтимол, Алишер Қодиров) қарши овоз берди. Президент таклифига кўра, лойиҳа 8 декабрь — Конституциянинг 30 йиллигида қабул қилиниши керак эди. Энди референдумни ушбу санагача ўтказишга улгуришмайди.
Қўшимча имкониятлардан фойдаланиш учун сайтда рўйхатдан ўтинг