Тижорат банкларида 13 октябрь куни белгиланган доллар курси
Марказий банк 13 октябрь кунги ўзбек сўмининг АҚШ долларига нисбатан расмий курсини 11 095,31 сўм этиб белгилади. Шундан келиб чиқиб тижорат банклари ҳам долларнинг сотиш ва сотиб олиш бўйича янги қийматини эълон қилди.
«Бошқа муаммолар қалқиб чиқиши натижасида Афғонистон масаласи иккинчи даражага тушиб қолмоқда» — Шавкат Мирзиёев
Шавкат Мирзиёев Остонада Осиёда ҳамкорлик ва ишонч чоралари бўйича кенгашнинг олтинчи саммитида нутқ сўзлади. Унда президент янги геосиёсий воқелик бутун Осиё қитъаси барқарорлигига салбий таъсир кўрсатаётганини айтди. Афғонистон масаласи ҳам иккинчи даражага тушиб қолганини таъкидлади.
Тошкентда «Тез ёрдам» хизмати ходими калтакланди
Яккасарой туманидаги хонадонлардан бирида хизмат вазифасини ўтаётган «Тез ёрдам» ходими калтаклангани айтилмоқда. ССВ шифокорларнинг ҳозирги аҳволи ҳақида маълумот бериб, ҳолатни ўз назоратига олганини қайд этди. БП терговга қадар суриштирув ҳаракатлари олиб борилаётганини маълум қилди.
Тошкент аэропортидан ҳайвонот боғига жўнатилган 1 бош тимсоҳча ва 6 бош буқаламун нобуд бўлди
Августь охирида халқаро аэропортда ноқонуний олиб ўтилгани сабаб 57 дона тимсоҳ болалари ва 10 дона буқаламун ҳайвонот боғига вақтинча топширилди. Ҳозирда улардан 1 бош тимсоҳча ва 6 бош буқаламун нобуд бўлди. Божхона органлари ҳолат юзасидан жиноят иши қўзғатди.
Фарғонада 1 гектар ерни $16 минг эвазига сотишда гумон қилинган шахс ушланди
Фарғона туманида фуқаро 1 гектар захирадаги ерни ўзиники эканини айтиб, уни $16 000 эвазига сотмоқчи бўлганида ушланди. Шунингдек, Наманган ва Тошкент вилоятидаги ҳолатларда жами 25 сотих ерни $11 500 эвазига сотишда гумон қилинган шахслар қўлга олинди.
Ўзбекистон ҳарбийлари «Кембрия патрули» мусобақасида иккинчи ўринни эгаллади
Буюк Британияда ўтказилган «Кембрия патрули» халқаро мусобақасида Ўзбекистон ҳарбийлари иккинчи ўринни эгаллади. Беллашув шартлари орасида ҳудудни разведка қилиш, тоғ дарёси ва миналанган майдонлардан ўтиш, гаровга олинганларни озод қилиш ва ҳарбий асирларни сўроқ қилиш каби топшириқлар бўлди.
Тошкент вилоятида қарийб 3,2 млрд сўмлик муддати ўтган дорилар савдоси олди олинди
Тошкент вилоятидаги яшаш хонадонида яширин цех ташкил этиб, хорижда ишлаб чиқарилган ва яроқлилик муддати ўтган дори воситаларини қайта қадоқлаш орқали сотувга чиқариш билан шуғулланган шахс аниқланди. Цехдан қадоқлаш ва дориларининг муддатини ўзгартириш ускуналари, қалбаки муҳрлар топилди.
Ўзбекистон БМТ Ассамблеясида Россиянинг Украина ҳудудларини аннекция қилганини қораламади
БМТ Украина ҳудудларининг РФ томонидан аннекция қилинишини қоралаб, Москвадан Украинанинг Донецк, Запорожье, Луганск ва Херсон вилоятлари ҳудуди мақоми ҳақидаги қарорни бекор қилишини талаб қилди. Резолюцияни 143 давлат қўллаб-қувватлади, 5 давлат қарши, 35 давлат қаторида Ўзбекистон бетараф қолди.
Халқаро қидирувдаги икки киши Польшадан Ўзбекистонга экстрадиция қилинди
Интерпол ходимлари оғир жиноятларни содир этган халқаро қидирувдаги икки кишини Польшадан Ўзбекистонга экстрадиция қилди. Улардан бири гиёҳванд моддалар савдоси билан боғлиқ жиноят қилган, бошқаси эса молиявий пирамида билан фуқароларни алдаган.
Ногиронлиги бор шахсларни ишга олганларга субсидия бериш хизмати йўлга қўйилди
Ягона интерактив давлат хизматлари портали (my.gov.uz) орқали ногиронлиги бўлган шахсларни ишга қабул қилган корхона эгаларига субсидия бериш имконияти яратилди. Бунда иш берувчилар ҳар бир ходим учун 6 ой давомида ҳар ой БҲМнинг 1,5 баравари миқдорида субсидия олиши мумкун.
Ўзбекистон аҳолиси сони 2030 йилда 41 млндан ошади — ПМТИ
ПМТИ демографик ҳисобот ва прогнозларни эълон қилди. Ўзбекистонда охирги 5 йилда туғилишнинг кескин ўсиши кузатилган. Бунга сабаблар сифатида аҳоли даромадларининг ошиши, кўп фарзандлилик тенденциясига ижобий қарашларнинг шаклланиши ва тиббий маданиятнинг етарли даражада эмаслиги кўрсатилган.
Ўзбекистон делегацияси МДҲ Ташқи ишлар вазирлари Кенгаши йиғилишида иштирок этди
12 октябрь куни Остонада Владимир Норов бошчилигидаги Ўзбекистон делегацияси МДҲ Ташқи ишлар вазирлари Кенгаши йиғилишида иштирок этди. Музокаралар давомида «Ҳамдўстлик спорт пойтахтлари» давлатлараро дастури қабул қилинди. Кейинги йиғилиш 2023 йил 14 апрелда Тошкент шаҳрида ўтказилиши белгиланди.
Самарқандда аёлга тегажоғлик қилган «мулла» 10 суткага қамалди
Каттақўрғон туманида «ўқиб қўйиш» учун чақирилган «мулла» хонадондаги аёлга тегажоғлик қилгани айтилмоқда. Ҳолат юзасидан туман судида ўтказилган мажлисда мулла 10 суткага қамалди. У аввал ҳам ичкилик ичиб, жамоат жойида тартиб бузгани учун жаримага тортилган.
Қибрайда коттеж учун пул тўлаган 108 та хонадон эгалари президентга мурожаат қилди
Қибрай туманида қурилиши режалаштирилган коттежларга олдиндан пул тўлаган 108 та хонадон эгалари президентга мурожаат йўллади. Фуқаролар ноябрь-декабрь ойларида топширилиши режа қилинган коттежлар ҳали ҳам курилмагани ва тўланган пуллар фақатгина қисман қайтариб берилишидан норози.
Uzcard яна хусусийлаштирилди
Бешта банкка тегишли бўлган Uzcard процессинг марказидаги давлат улушининг 75 фоизи компаниянинг тўрт нафар таъсисчисига ўтказилди. Давлат активларини боқшариш агентлиги ҳали келишув тафсилотларини ошкор қилмади.
Андижонда собиқ «Комсомол кўли» тиклана бошлади
Жамоатчилик танқидидан сўнг Андижондаги ташландиқ Нодирабегим боғи ва ундаги қуриган кўлни (собиқ Комсомол) тиклашга киришилди. Уч йил муқаддам вилоят раҳбари шаҳар ҳокимини танқид қилиб, боғни реконструкция қилишга ажратилган маблағларни талон-торож қилиб, Туркияга қочиб кетганини айтган эди.
Artel билан алоқадор компания собиқ «Бухоротекс» заводининг мол-мулкини 110 млрд сўмга сотиб олди
Собиқ «Бухоротекс» йигирув-тўқув комбинати объектлари ауционда 109,9 млрд сўмга сотилди. 115 минг квадрат метр майдонга эга бинолар мажмуасининг 17,6 гектарлик ер майдонини кимошди савдосидан 6 кун олдин ташкил этилган ва Artel билан боғлиқ Bukhara Next Generation Product компанияси сотиб олди.
12 октябрь куни Ўзбекистонда содир бўлган энг муҳим хабарлар дайжести
«Ташаббусли бюджет» лойиҳасига ажратиладиган 8 трлн сўм маблағ, Самарқандда каналдан 18 ёшли қизнинг жасади топилгани, пойтахтда уй-жой ижараси ўртача 1 млн сўм эканини айтган ДСҚ, HUMO карталаридан йўлкирага ортиқча пул ечиб олинаётгани ва бошқалар — «Газета.uz»нинг кун дайжестида.
Orient Technology компанияси UzCharmSanoat Expo 2022 кўргазмасида иштирок этмоқда
Ўзбекистоннинг чарм ишлаб чиқарадиган йирик компанияларидан бири Orient Technology UzCharmSanoat Expo 2022 кўргазмасида ўз маҳсулотларини намойиш этмоқда.
UzAirways Фарғона — Дубай йўналиши бўйича парвозларни йўлга қўймоқда
UzAirways Фарғона ва Дубай ўртасида тўғридан-тўғри рейсларни йўлга қўймоқда. Шунингдек, авиакомпания Тошкентдан Шаржага рейсларни кўпайтирмоқда.
Қўшимча имкониятлардан фойдаланиш учун сайтда рўйхатдан ўтинг