Пахта теримида мажбурий меҳнатга йўл қўйган раҳбарлар жиноий жавобгарликка тортилади
Президент Администрацияси раҳбари Сардор Умурзаков пахта теримида мажбурий меҳнатга ҳамда бюджет ташкилотлари ходимларидан ҳашарчилар учун пул йиғишга йўл қўйган раҳбарларни «ҳеч иккиланмасдан зудлик билан жиноий жавобгарликка тортиш» кераклигини маълум қилди.
Эрондаги намойишларда 40 дан ортиқ киши ҳалок бўлди
Эронда 22 ёшли Маҳса Амини ўлимидан сўнг давом этаётган тартибсизликларда 40 дан ортиқ одам ҳалок бўлди. Ҳуқуқ ҳимоячиларининг фикрича, ҳақиқий рақамлар бундан ҳам кўпроқ бўлиши мумкин. Amnesty International камида тўрт боланинг ўлими ҳақида хабар берди.
Россия таркибига қўшилиш бўйича ўтказилган референдумларнинг дастлабки натижалари маълум бўлди
Украинанинг Россия томонидан эгаллаб олинган ҳудудларидаги ўзини ўзи мустақил деб эълон қилган ДХР ва ЛХР ҳамда Запорожье ва Херсон вилоятларида РФ таркибига қўшилиш бўйича референдумлар натижалари сарҳисоб қилина бошланди.
Эркин Рустамов иқтисодий тараққиёт вазирининг биринчи ўринбосари бўлди
Эркин Рустамов иқтисодий тараққиёт ва камбағалликни қисқартириш вазирининг биринчи ўринбосари лавозимига тайинланди. Шу кунгача у Вазирлар Маҳкамасининг масъул ходими сифатида фаолият юритган.
Фарғонадаги қозонхонани реконструкция қилишга Россия компанияси инвестиция киритади
Фарғона вилоятининг Қувасой шаҳрида 7,5 гектар майдондаги РК-2 марказий қозонхонасига юқори самарали когенерацион газ турбина қурилмалари ўрнатилади. Реконструкция учун Россиянинг «SP OOO «BETWEEN TWO RIVERS» компанияси 45 млн доллар инвестиция киритади.
Долларнинг расмий курси пасайди
АҚШ долларининг сўмга нисбатан расмий курси 24,36 сўмга арзонлаб, 11 024,92 сўм этиб белгиланди. Шунингдек, евро ва рубль курслари ҳам пасайди.
NASA`нинг Ер сайёрасини ҳимоя қилиш бўйича камикадзе-зонди Диморф астероидига урилди
NASA агентлигининг DART камикадзе-зонди Диморф астероиди билан тўқнашди. Бу инсониятнинг космик жисмларнинг траекториясини ўзгартириш ва Ер сайёрасини ҳимоя қилиш борасидаги илк уринишидир.
Қисман сафарбарлик бошланганидан бери Қозоғистонга 98 минг россиялик кириб келди
21 сентябрдан бери 98 мингга яқин россиялик Қозоғистонга келди, 64,2 мингдан ортиғи эса чиқиб кетди. «Бизга Россиядан кўплаб одамлар келмоқда. Уларнинг аксари юзага келган чорасиз вазият туфайли кетишга мажбур. Биз уларга ғамхўрлик қилишимиз керак», — дея таъкидлади Қозоғистон президенти.
Давлат органларининг маълумотлар базасидан пул тўлаб фойдаланиш мумкин бўлади
Ҳукумат давлат органларининг маълумотлар базаларига киришни очди. Тижорат ва бошқа хўжалик юритувчи субектлар ўзларини қизиқтирган маълумотларни «Электрон ҳукумат» лойиҳаларини бошқариш маркази орқали пуллик асосда олишлари мумкин.
Самарқандда енгил атлетика бўйича IV Марказий Осиё очиқ чемпионати якунланди
Енгил атлетика бўйича IV Марказий Осиё очиқ чемпионатида умумжамоа ҳисобида Ўзбекистон терма жамоаси 79 та медал — 25 та олтин, 27 та кумуш ва 27 та бронза медални қўлга киритиб, ғолиб бўлди. Иккинчи ўрин Туркманистон жамоасига, учинчи ўрин эса Қирғизистон жамоасига насиб этди.
Наманганда ХIV — ХХ асрларга оид ноёб қўлёзма ва тошбосма китоблар топилди
Наманган вилояти Косонсой туманида ноёб китоблар топилди. Уларнинг аксари Намангандаги Матбаи Исъҳоқия ва Тошкентдаги Ғулом Ҳасан Орифжоновлар босмахоналарида инқилобгача бўлган даврда чоп этилган.
«Новая газета. Европа»: Қисман сафарбарлик эълон қилингандан кейин 260 мингдан ортиқ эркак Россияни тарк этган бўлиши мумкин
Россияда қисман сафарбарлик эълон қилингач, чақириш ёшидаги эркаклар мамлакатни тарк этишни бошлади. Уларнинг аниқ сонини ҳозирча РФ ҳам, қабул қилувчи давлатлар ҳам эълон қилгани йўқ. «Новая газета. Европа» нашри маълумотларига кўра, бу кўрсаткич 260 мингдан ортиқ бўлиши мумкин.
Тижорат банклари 27 сентябрь учун долларнинг янги сотиш ва сотиб олиш курсларини эълон қилди
Марказий банк ўзбек сўмининг долларга нисбатан курсини янгилагандан сўнг тижорат банклари долларни оширилган қийматда сота бошлади.
«80 дБдан юқори овозлар − баланд». Қурилиш, кўча-кўй, тўй ва қулоқчинлардаги овозлар қулоққа қандай таъсир қилади?
80 децибеллдан юқори шовқинлар баланд товушдир. 30 децибелдан ортиғи соғлиқни издан чиқариши мумкин. Атрофда бўлаётган тўй ва концертлар, машиналар шовқини ва қулоқчинлардаги овоз эса 100 децибеллгача етади. ССВ «Газета.uz»га баланд овозлар инсон соғлиғига қандай таъсир қилиши ҳақида маълумот берди.
Наманганда 27 500 вольтли ток урган ўсмир тирик қолди
Наманганда симёғочга чиқишга ҳаракат қилган 16 ёшли болани 27 500 вольт кучланишдаги электр токи урди. Шифохонадаги муолажалардан сўнг беморнинг аҳволи яхшиланди.
«Бухоро нефть базаси»нинг 7 нафар мансабдорига нисбатан жиноят иши қўзғатилди
«Бухоро нефть базаси»нинг собиқ бош ҳисобчиси ва бошқа мансабдорлари ҳужжатларни қалбакилаштиргани ва 8,5 млрд сўмлик нефтни талон-торож қилгани айтилмоқда. Ҳозирда 7 мансабдор ва моддий жавобгар шахсларга жиноят иши очилди.
Пахта йиғим-теримига турли соҳа ходимлари мажбурий жалб этилаётгани айтилмоқда
Тармоқларда пахта теришга турли соҳа ходимлари мажбурий жалб этилаётганига оид хабарлар тарқалди. Мажбурий меҳнатга қарши курашиш миллий комиссияси бунинг учун жиноий жавобгарлик белгиланганини эслатди. Мажбурий меҳнатга дуч келганлардан эса 1176 ва 1092 ишонч рақамларига мурожаат қилиш сўралмоқда.
Ўзбекистoн халқ шоири Жамол Камол вафот этди
Ўзбекистoн халқ шоири, Ёзувчилар уюшмаси аъзоси Жамол Камол 84 ёшида вафот этди.
Махачқалъадаги сафарбарликка қарши намойишларда 101 киши, Якутскда 24 киши ҳибсга олинди
Доғистонда сафарбарликка қарши бошланган ва асосан аёллар иштирок этаётган намойишларда 101 киши ҳибсга олинди. Ёқутистонда ҳам осуохай халқ маросими кўринишида норозилик акцияси ўтказилди, унда 24 нафар аёл ҳибсга олинди.
Ўзбекистон ва Қирғизистон чегара тўғрисидаги янги шартномани келишишни бошлади
Ўзбекистон ва Қирғизистон ҳукуматлари делегациялари чегаранинг айрим участкалари бўйича янги келишув лойиҳасини келишишга киришиш имконини берувчи баённомани имзолади. Президент Шавкат Мирзиёев давлат ташрифи билан Бишкекка боради.
Қўшимча имкониятлардан фойдаланиш учун сайтда рўйхатдан ўтинг