Тошкент вилоятида бир оиланинг икки аъзоси ис газидан вафот этди
Тошкент вилояти Бекобод туманида ота ва ўғил ис газидан заҳарланиб вафот этди. Ҳозирда терговга қадар текширув ҳаракатлари олиб борилмоқда.
«Халқимиз сизларнинг янги ғоя ва ташаббусингизни катта умид билан кутмоқда». Президент — сайланган депутатларга
Шавкат Мирзиёев Навоий вилоятида ўтказилган йиғилишда 27 октябрда ўтган парламент сайлови ҳақида гапирди. «Халқимиз сизларнинг янги ғоя ва ташаббусингизга катта умид ва ишонч билан қарамоқда. Эл-юртимиз янги парламент ва маҳаллий кенгашлар аъзоларидан кўп нарсани кутмоқда», деди президент.
Таргетга эришиш муддати макроиқтисодий барқарорликка салбий таъсир кўрсатмаслик мақсадида узайтирилди — МБ
Марказий банк 5 фоизлик инфляция бўйича таргетга эришиш муддатини учинчи бор кечиктирди. МБ раиси барқарор институционал шароит яратмай туриб, ялпи талабни чекловчи кескин чоралар кўриш иқтисодий фаоллик ва молиявий барқарорликка жиддий хавф туғдириши мумкинлигини таъкидлади.
Президент Навоий вилоятида 2025 йилни «Алишер Навоий йили» деб эълон қилишни таклиф қилди
Шавкат Мирзиёев 2025 йилни Навоий вилоятида «Алишер Навоий йили» деб эълон қилишни таклиф қилди. Бу йил доирасида «Ҳазрат Навоийни англаш — ўзлигимизни англаш» мавзусида президент совғаси учун танлов ташкил этилади. Қуриладиган Янги Ўзбекистон боғида Алишер Навоийга бағишлаб мемориал музей очилади.
Андижонда 24 ёшли йигит устига бензин қуйиб, ўзини ёқиб юборди
Андижон шаҳрида 24 ёшли йигит ўзини ёқиб юбориб, жонига қасд қилишга уринди. У куйиш жароҳатлари билан шифохонага ётқизилди.
Андижонда ҳожатхонага тушиб кетган 1 ёшли қизча қутқарилди
Андижоннинг Асака туманида 1 ёшли қизалоқ ҳожатхонага тушиб кетди. ФВБ қутқарувчилари қизни чуқурдан олиб чиқди.
1 ноябрдан «Пахтакор» метро бекатининг эскалатор ўрнатилган томони вақтинча ёпилади
«Пахтакор» метро бекатидаги эскирган эскалатор янгиланиши сабабли 1 ноябрдан бекатнинг эскалатор ўрнатилган томони вақтинча ёпилади. Жараён қачон тугаши маълум эмас. Метрополитен ундан сўнг Чилонзор йўналишидаги «Мустақиллик майдони» ва «Ҳамид Олимжон» бекатларидаги эскалаторларни ҳам янгилайди.
Такси ҳайдовчисига пичоқ билан ҳужум қилган икки талаба 7 ва 6 йиллик қамоқ жазосига ҳукм қилинди
Тошкент яқинидаги далада Yandex Go ҳайдовчисига пичоқ билан ҳужум қилган икки талаба 7 ва 6 йилга озодликдан маҳрум этилди. Судда улардан бири қарзлари туфайли жиноятни режалаштирганларини маълум қилди.
Қорақалпоғистонда иккита корхона 1,5 млрд сўмлик электрдан ноқонуний фойдаланиб келгани аниқланди
Қорақалпоғистонда иккита корхона умумфойдаланишдаги тармоққа ноқонуний уланиш орқали 1,5 млрд сўмлик электрни ўғирлагани аниқланди. Тошкентда ишлаб чиқариш цехи 578 млн сўм зарар етказди. Ҳолатлар юзасидан жиноят ишлари очилди.
Чирчиқ дарёсида қум-шағал қазиган ташкилот 274 млрд сўм тўлайдиган бўлди
Тошкент вилоятидаги Чирчиқ дарёси бўйида қум-шағал аралашмаси қазиб олган хусусий ташкилот табиатга 273 млрд 802 млн сўм зарар етказгани аниқланди. У аввал ҳам шу қонунбузарлиги учун жавобгарликка тортилган.
Навоий давлат университети ташкил этилади
Президент Навоий давлат педагогика институти негизида Навоий давлат университетини ташкил этиш тўғрисидаги қарорни имзолади. Мақсад — аниқ ва табиий фанлар, IT, иқтисодиёт, туризм ва қишлоқ хўжалиги соҳаларида кадрлар тайёрлаш.
Тошкентда Nexia 3 бордюрга урилиши оқибатида ёниб кетди
Тошкентнинг Юнусобод туманида Nexia 3 йўл четидаги бетон бордюрга бориб урилди. Оқибатда машинада ёнғин юзага келди. Уни ўчириш учун бетон аралаштиргич транспортидаги сувдан ҳам фойдаланилди.
Октябрда доллар курси қандай ўзгарди?
Сўм учинчи ойдирки, долларга нисбатан бироз қадрсизланмоқда. Октябрь ойи охирида доллар курси 59 сўмга (+0,46%) мустаҳкамланди. Умуман олганда, йил бошидан буён миллий валюта ўтган йилнинг шу давридаги 8,8 фоизга нисбатан атиги 3,5 фоиз девальвацияга учради.
Тўққиз ойда Ўзбекистонга пул ўтказмалари ҳажми 11,3 млрд долларга ошди
Январь-сентябрь ойларида Ўзбекистонга пул ўтказмалари ҳажми 34,8 фоизга ошиб, 11,3 млрд долларни ташкил этди. Жанубий Корея, Буюк Британия, Польша ва БААдан тушумлар кескин ошди, Россиянинг улуши эса пасайишда давом этмоқда.
2025 йил апрелида газ ва электр энергияси тарифларининг ошиши инфляцияга қандай таъсир қилади?
2025 йил апрелида электр энергияси ва газ нархининг ўсиши инфляция даражасини қўшимча 1,5−1,8 фоиз пунктига оширади ва бу омил келаси йил учун инфляция прогнозида ҳисобга олинади, деди МБ раиси. Шу билан бирга, майдаги нархлар ўсишининг таъсири дастлабки ҳисоб-китоблардан юқори бўлиб чиқди.
«Билим ва ҳунарингиз келажакда сизларга қанот бўлади» . Президент — мактаб ўқувчиларига
Навоийга ташриф буюрган президент шаҳарнинг янги маҳаллаларидан бирида жойлашган 22-мактабни кўздан кечирди. Унда 10 дан ортиқ тўгараклар — амалий санъат, меҳмонхона хизматлари, рассомчилик, сураткашлик, IT, робототехника, шунингдек, ҳарбий ватанпарварлик гуруҳи ташкил этилган.
2025 йилда қайси солиқларни ўзгартириш таклиф қилинмоқда?
Иқтисодиёт ва молия вазирлиги 2025 йил солиқларда қандай ўзгаришлар бўлиши кутилаётганини маълум қилди: базавий солиқ ставкалари сақланиб қолади, лекин импорт қилинадиган газ учун акциз солиғи қайтарилади, қатъий белгиланган солиқ ставкалари, маркетплейслар, сув ва бошқалар учун солиқлар оширилади.
Президент Янги Навоий шаҳарчасидаги қурилиш ишлари бошланишини кўздан кечирди
Президент Навоийга ташрифи чоғида 1100 гектар майдонда қурилаётган Янги Навоий шаҳарчаси биринчи босқичининг бориши билан танишди. Шаҳарчада баландлиги 7 дан 22 қаватгача бўлган уйлар, 4170 ўринли мактаблар, 1620 ўринли боғчалар ва поликлиника, шунингдек, боғ ва пединститутнинг янги биноси қурилади.
Германия Эроннинг мамлакат ҳудудидаги барча бош консулхоналарини ёпмоқда
Германия ҳукумати Эроннинг Франкфурт, Гамбург ва Мюнхендаги консулликларини ёпишга қарор қилди. Бу Эрон ва Германия фуқаролигига эга Жамшид Шармаҳднинг Эронда қатл этилишига жавобан амалга оширилмоқда.
МСК Олий Мажлисга янги сайланган депутатларни рўйхатга олди
Якшанба кунги сайловлар натижасида парламент қуйи палатаси ва маҳаллий кенгашлар таркиби деярли 60 фоизга янгиланди. Қуйи палата депутатларининг 38 фоизини аёллар ташкил этди (Ўзбекистон тарихидаги энг юқори кўрсаткич). Унга илк бор 3 нафар, кенгашларга эса — 138 нафар ногиронлиги бор шахс сайланди.
Қўшимча имкониятлардан фойдаланиш учун сайтда рўйхатдан ўтинг