Ўзгидромет: Ҳаво ифлосланиши рухсат этилган концентрациядан ошмаган
Тошкентга қалин туман тушди. Пойтахт аҳолиси ҳавода яна чанг пайдо бўлганлигини тахмин қилди. Бироқ Ўзгидромет ҳаво ифлосланиши рухсат этилган концентрациядан ошмаганлигини маълум қилди.
Тартибни сақлашга «ИИВнинг барча шахсий таркиби жалб этилган»
ИИВ бутун мамлакат бўйича электр ўчиши муносабати билан жамоат тартибини сақлаш, йўлларда тартибни таъминлаш ва мол-мулкларни қўриқлашга барча шахсий таркиб жалб этилганини маълум қилди.
Қайси ҳудудларда электр таъминоти тикланди?
Энергетика вазирлиги ҳудудларда электр таъминотини тиклаш билан боғлиқ вазият ҳақида маълумот берди. Тошкентнинг айрим туманларида ҳамон электр энергияси қисман йўқ. Қашқадарё эса бутунлай электрсиз қолган.
Туман сабабли Тошкент аэропорти самолётларни қабул қилишни тўхтатди
Тошкент халқаро аэропорти қуюқ туман тушиши муносабати билан самолётларни қабул қилишни тўхтатди. Бироқ Тошкентдан Тель-Авив, Олмаота, Москва, Санкт-Петербург ва Краснодарга рейслар амалга оширилди.
Ўзбекистон Афғонистонга электр экспортини тўхтатди
Марказий Осиё энерготизимидаги йирик авария туфайли Ўзбекистон Афғонистонга электр энергиясини етказиб беришни тўхтатди. Афғонистоннинг DABS компанияси илк бор Туркманистон электрини Кобулга улашга муваффақ бўлди.
Газдан қарзи борлар вақтинча тармоқдан узилмайди
«Худудгазтаъминот» компанияси табиий газдан қарздорлик учун автоматик равишда ўчириш вақтинчалик тўхтатилганини маълум қилди.
Шавкат Мирзиёев Марказий Осиё ва Хитой давлат раҳбарлари учрашувида қатнашди
Ўзбекистон президенти Марказий Осиё ва Хитой давлат раҳбарлари иштирокидаги видеоанжуманда иштирок этди. Шавкат Мирзиёев тадбирда янги иқтисодий мулоқот стратегиясини ишлаб чиқишни, «Хитой — Қирғизистон — Ўзбекистон» темир йўлини қуришни жорий йилданоқ бошлаш ғоясини илгари сурди. Давлат раҳбари 2023 йилни «Марказий Осиё ва Хитой халқлари маданияти ва санъати йили» деб эълон қилишни таклиф қилди.
Тошкентаги иситиш тизими 3−4 соат ичида тўлиқ ишлай бошлайди
Тошкентдаги марказий иситиш қозонхоналари 3−4 соат оралиғида тўлиқ иш режимига ўтади ва хонадонлар исий бошлайди.
Тошкентда ичимлик суви таъминоти 6 соат ичида тўлиқ тикланади (янгиланди)
Уй-жой коммунал хизмат кўрсатиш вазирлиги Тошкентда 6 соат ичида сув таъминоти тўлиқ тикланишини маълум қилди. Юнусобод, Мирзо Улуғбек, Учтепа, Шайхонтоҳур, Олмазор туманларига ва Чилонзор туманининг бир қисмига 3 соат ичида сув бериш тўлиқ тикланади.
Метродан 415 нафар йўловчи эвакуация қилинди
ФВВ қутқарувчилари пойтахт метрополитенидан 415 нафар йўловчини эвакуация қилди. Поп туманидаги темирйўлда юк поезди тўхтаб қолганлиги қолганлиги учун ундан 40 км узоқликда йўловчи поезд ҳам тўхтаб қолган.
Қорақалпоғистон ва Хоразмда электр энергияси таъминоти тўлиқ тикланди
Қорақалпоғистон Республикаси ва Хоразм вилоятида электр энергияси таъминоти тўлиқ тикланди. Энергетика вазирлиги бошқа ҳудудларда электр энергияси таъминоти босқичма-босқич тикланишини маълум қилди.
Вазият шахсан президент назорати остида — Шерзод Асадов
Президент матбуот котиби Ўзбекистонда электр энергияси ўчиши билан боғлиқ вазият президент назоратида эканлигини маълум қилди. «Барчангизни хотиржамликни сақлаш ва саросимага тушмасликка чақириб қоламиз. Ваҳимага ўрин йўқ», — дея таъкидлади у.
Ўзбекнефтгаз тизимидаги 64 та кон ҳамда нефть ва газ ишлаб чиқарувчи корхоналар фаолияти вақтинча тўхтатилди
Ўзбекистонда электр энегрияси ўчиши ортидан «Ўзбекнефтгаз» тизимидаги 64 та конлар фаолияти вақтинча тўхтатилди. Шунингдек, Бухоро нефтни қайта ишлаш заводи, 3 та газни қайта ишловчи завод (Муборак газни қайта ишлаш заводи, Шўртан газ кимё мажмуаси ва «Uzbekistan GTL») ҳам ўз фаолиятини тўхтатган. Ҳозирда суюлтирилган газ ва нефть маҳсулотларини етказиб беришда узилишлар мавжуд эмас.
Энерготизимдаги узилишлар сабабини бош вазир ҳузуридаги комиссия ўрганади
Президент топшириғи билан электр энергияси таъминотида юзага келган йирик узилишлар сабабини аниқлаш ва бартараф этиш бўйича бош вазир ҳузурида ҳукумат комиссияси тузилди.
Ижтимоий тармоқлардаги экстремистик ва террористик деб топилган саҳифалар рўйхати янгиланди
Олий суд ижтимоий тармоқлардаги 19 та канал (гуруҳ, материал)ларни экстремистик ва террористик деб топилган саҳифалар рўйхатига қўшди.
Қутқарувчилар осма йўллардан 80 кишини олиб тушди
Қутқарувчилар Чимён ва Билдирсойда электр энергияси узилган вақтда осма йўлларда қолиб кетган 80 кишини эвакуация қилди. Amirsoy курортида эса электр тезда қайта тиклангани учун ФВВ ёрдамига эҳтиёж қолмаган.
Ўзбекистон Коррупцияни қабул қилиш индексида 140-ўринни эгаллади
Transparency International халқаро ташкилотининг 2021 йил учун Коррупцияни қабул қилиш индексида Ўзбекистон 2020 йилга нисбатан 6 поғонага юқорилаб, 180 давлат ичида 140-ўринни эгаллади. Ташкилотнинг ёзишича, сўнгги ўн йил ичида 131 мамлакат коррупцияга қарши сезиларли муваффақиятга эриша олмаган.
Электр энергияси узилиши операциялар жараёнига хавф туғдирмайди — ССВ
ССВ Ўзбекистонда электр энергиясидаги узилишлар пойтахтдаги йирик тиббий марказлар фаолияти ва узлуксиз операциялар ўтказилишига хавф туғдирмаслигини билдирди. Барча операция блоклари қўшимча генераторларга улангани маълум қилинди.
Молия вазирлиги рақобат ва бизнес қарорларига таъсир қилувчи имтиёзларни бекор қилишни таклиф қилмоқда
Халқаро молия институтларининг кредитлари ҳисобига товарлар олиб киришда назарда тутилган солиқ имтиёзлари бекор қилиниши мумкин. Молия вазири ўринбосари Дилшод Султоновнинг фикрича, улар Ўзбекистонда бизнес қарорларини қабул қилиш ва рақобат муҳитига таъсир қилади.
Тошкент метроси ҳаракати вақтинча тўхтатилди
Ўзбекистон ва минтақанинг энерготизимидаги йирик авария туфайли, Тошкент метрополитенининг барча йўналишларида вақтинчалик метро ҳаракати тўхтади. Кўчаларда ҳаракатни ЙПХ инспекторлари бошқармоқда.
Қўшимча имкониятлардан фойдаланиш учун сайтда рўйхатдан ўтинг