14 та туманда «Маҳалла бюджети» тизими жорий этилади
1 январдан солиқларни ундириш кўрсаткичи паст бўлган туманларда «Маҳалла бюджети» тизими жорий этилади. Аҳолининг мол-мулк ва ер солиғини маҳалланинг ўзи ундириб олади. Маблағларнинг 10 фоизи кейинги ойнинг 10-санасигача туман бюджетлари орқали тегишли жамғармаларга йўналтирилади.
Регулятор «Туркистонбанк» ва Hi-tech bank лицензиялари қайтариб берилиши ҳақидаги хабарларга изоҳ берди
Тармоқларда «Туркистонбанк» ва Hi-tech bank лизенциялари қайтариб берилиши ҳақида хабарлар тарқалди. МБ бунга изоҳ бериб, лицензияси чақириб олинган Hi-tech bank маъмурияти регулятор қарори юзасидан судга мурожаат қилгани ва ушбу мурожаат процессуал тартибда кўриб чиқилиши мумкинлигини маълум қилди.
«Ҳар бир вазирликда қисқариш бўлади». Отабек Ҳасанов — давлат хизматчилари сони қандай камайтирилиши ҳақида
Ўзбекистонда 61 та давлат ташкилоти ва 208 та ҳокимиятда 118 минг давлат хизматчиси ишлайди. Вазирлик ва идоралар камайтирилиши ортидан ходимлар сони ҳам қисқаради. «Қайси вазирликдан қанча одам қисқартирилиши ҳозирча маълум эмас. Аммо уларнинг сони аниқ камаяди», — деди Отабек Ҳасанов.
«Док-1 Макс» дориси таркибида заҳарли модда — этиленгликоль топилди
ССВ 18 нафар бола «Док-1 Макс» сиропини ичиб вафот этганини тасдиқлади. Аниқланишича, дори шифокор рецептисиз, мустақил ёки фармацевт тавсияси билан сотиб олинган ва меъёрдан ортиқ дозада қабул қилинган. Ҳолат ўрганилгач, етти нафар масъул ишдан олинди. Дори савдоси эса тўхтатилди.
Банкларда доллар курси яна тушди
Тижорат банклари 27 декабрь куни аҳолидан 1 АҚШ долларини 11 150 — 11 210 сўмдан сотиб олмоқда, сотиш курси эса аксар банкларда 11 250 сўм.
Андижон шаҳри собиқ ҳокими 10 йилга, прокурори 10,5 йилга қамалди
Андижон вилоятида 63 млрд сўмдан ортиқ маблағни ўзлаштиришда айбланган 45 нафар судланувчининг аксариятига қамоқ жазоси тайинланди. Хусусан, Андижоннинг собиқ ҳокими Баҳром Ҳайдаров 10 йилга, собиқ прокурор Қурбонали Асқаров эса 10,5 йилга озодликдан маҳрум этилди.
Фарғонада Nexia пиёдани уриб кетди
Фарғона шаҳрида Nexia йўлни кесиб ўтаётган пиёдани уриб юборди. Ҳодиса оқибатида жабрланувчи вафот этди.
Статқўм $173 млн га кўмир импорт қилингани ва Қозоғистон статистикаси билан фарқ бўйича изоҳ берди
Ўзбекистоннинг 11 ойлик ташқи савдо ҳисоботида ноябрда 173 млн долларлик кўмир импорти қайд этилди. Статқўм кўмир ва газ кўрсаткичлари алмашиб қолгани, шунинг учун бундай катта миқдорда кўмир олингандай кўринганини маълум қилди. Қозоғистон статистикаси билан фарқ бўйича ҳам тушунтириш берилди.
26 декабрь куни Ўзбекистонда содир бўлган энг муҳим хабарлар дайжести
Ишдан олинган Сурхондарё ҳокими, депутатлик ваколати расман тугатилган Расул Кушербаев, Санкт-Петербургга кетган Шавкат Мирзиёев, Қашқадарёда шифохонада бўлган портлаш, ёш боласини шафқатсиз калтаклаган ургутлик аёл, Tracker`га урилган тез ёрдам машинаси ва бошқалар — «Газета.uz»нинг кун дайжестида.
Самарқандда «Док-1 Макс» истеъмоли натижасида вафот этган болалар сони 18 нафарга етди
Болалар омбудсмани Самарқанда «Док-1 Макс» таблетка ва сиропларини истеъмол қилиши натижасида вафот этган болалар сони 18 нафарга етганини маълум қилди. Беморлар Жиззах, Қашқадарё, Навоий ва Самарқанд вилоятларидан бўлган. Болаларнинг барчаси 6 ёшгача бўлган.
Давлат ташкилотларининг қисқариши ортидан 2,8 трлн сўм тежалади — Молия вазирлиги
Давлат ташкилотларининг қисқариши ортидан 2,8 трлн сўм тежалади, улар ижтимоий соҳага сарфланади. Жумладан, молия вазири ўринбосари шундан 2,3 трлн сўмини 1−4 синф ўқувчиларини бепул овқатлантиришга йўналтиришни таклиф қилди. «Лекин буни қабул қилиш парламент қўлида», — деди Одилбек Исоқов.
Япония Марказий Осиё давлатларини Транскаспий йўлаги бўйича ҳамкорликни чуқурлаштиришга таклиф қилди
Россиянинг Украинага босқини таъсири Россия билан яқин иқтисодий алоқаларга эга бўлган Марказий Осиё учун катта аҳамиятга эга, деди Япония ташқи ишлар вазири Ёсимаса Хаяши МО + Япония вазирлари йиғилишида. Томонлар Транскаспий йўналиши бўйича ҳамкорликни чуқур ўрганишга келишиб олдилар.
Фарғонада Cobalt ҳайдовчиси ҳарбий хизматчини уриб, қочиб кетди
Тармоқларда Фарғона вилоятида Cobalt ҳайдовчиси ҳарбий хизматчини катта тезликда уриб, қочиб кетгани айтилган видео тарқалди. Вилоят прокуратураси оддий аскар олган тан жароҳатлари билан шифохонага ётқизилгани ва ҳайдовчига нисбатан жиноят иши қўзғатилганини маълум қилди.
Миграция агентлиги Россиядаги ўзбекистонликларни норасмий курьерлик хизматларига ишонмасликка чақирди
Россияда ишлаётган Ўзбекистон фуқароларига катта пул эвазига наркотик ёки тақиқланган моддалар солинган буюртмаларни етказиб бериш таклиф қилинаётгани маълум бўлди. Миграция агентлиги фуқароларни норасмий курьерлик хизматларига ишонмасликка, етказиб беришдан олдин маҳсулотни текширишга чақирди.
Қашқадарёдаги шифохонада портлаш содир бўлди
Қашқадарёдаги вилоят саломатликни тиклаш шифохонасида портлаш содир бўлди. Оқибатда икки нафар фуқаро тан жароҳати олиб, шифохонага ётқизилди.
Самарқанд туристик маркази ҳудудида чет элликлар учун бож олинмайдиган савдо дўконлари ташкил этилади
Президентнинг тегишли қарори билан «Самарқанд — Янги Ўзбекистоннинг туризм дарвозаси» тарғибот кампанияси йўлга қўйилади. Шунингдек, 2026 йилгача меҳмонхона бизнеси вакиллари керакли товарлар ва туристик марказда «вақтинча» олиб кириладиган ускуналар учун даврий божхона тўловларидан озод этилади.
3 кунда 2,6 млн кВт соат электр энергияси ноқонуний сарфланди — Энергетика вазирлиги
«Ўзэнергоинспекция» 3 кунда 13 мингдан зиёд хонадоннинг бир ойлик истеъмолига тенг ҳажмдаги электр энергиясидан ноқонуний фойдаланилган ҳолатни аниқлади. Натижада энергетика тизимига 1,16 млрд сўм зарар етди.
Сурхондарё ҳокими Тўра Боболов лавозимидан озод этилди
Тўра Боболов бошқа ишга ўтиши муносабати билан Сурхондарё вилояти ҳокими лавозимидан озод этилди. Унинг ўрнига Тошкент шаҳар прокурори лавозимида ишлаб келган Улуғбек Қосимов вилоят ҳокими вазифасини бажарувчи этиб тайинланди.
Фарғонада Lacetti уриб юбориши оқибатида 87 ёшли велосипедчи вафот этди
Данғара туманида Lacetti йўлни белгиланмаган жойдан кесиб ўтаётган велосипедчини уриб юборди. Жабрланувчи туман марказий шифохонасида вафот этди.
«Камалов ва Оринбаев кўрсатма беради деб умид қиламиз» — Нукус воқеалари бўйича комиссия аъзоси
Парламент комиссияси аъзоси Гулноз Мамарасулова «Газета.uz» билан суҳбатда Нукус воқеалари бўйича суд жараёни қандай кечаётгани, Қорақалпоғистоннинг собиқ ва амалдаги раҳбарининг кўрсатмаси муҳимлиги, қолаверса, нима учун комиссия ҳалигача ўз ҳисоботини эълон қилмагани ҳақида сўзлаб берди.
Қўшимча имкониятларга эга булиш учун сайтда рўйхатдан ўтинг