Ўзбекистон мис сотишдан $2,5 млрд даромад топмоқда, бироқ кластерлар ҳисобига фойдани оширишни режалаштирмоқда
Ўзбекистон бугунги кунда мисдан 2,5 млрд доллар даромад кўрмоқда. Келгуси 5 йилда мис ишлаб чиқариш ҳажмини 400 минг тоннагача етказиш орқали, бу кўрсаткични турдош тармоқлар билан бирга 7−8 миллиард долларга етказиш мумкин, дейилди президент раҳбарлигида ўтказилган йиғилишда. Бунинг учун мис саноати кластерларини ташкил этиш ва бошқа чораларни амалга ошириш режалаштирилмоқда.
Жаҳонгир Отажоновнинг ҳақоратомуз видео чиқишларига ҳуқуқий баҳо берилади — Тошкент ИИББ
Жаҳонгир Отажоновнинг давлат органлари хизматчиларига нисбатан ҳақоратомуз видео чиқишларида туҳмат ва ҳақорат қилиш аломатлари мавжуд бўлгани сабабли, ҳолатга тегишли тартибда ҳуқуқий баҳо берилади. Маълум қилинишича, Жаҳонгир Отажонов ўз чиқишлари орқали яқинларининг ҳуқуқбузарликларини яшириш, ўзининг маиший муаммоларига омма эътиборини тортишга уринган.
Марказий Осиё давлатлари раҳбарларининг Маслаҳат учрашуви Туркманистонда бўлиб ўтади
Шавкат Мирзиёев ва Туркманистон президенти Гурбангули Бердимуҳамедовнинг телефон орқали суҳбати бўлиб ўтди. Етакчилар Марказий Осиё давлатлари раҳбарларининг навбатдаги Маслаҳат учрашуви Туркманистонда бўлиб ўтишини ҳамда Афғонистондаги ҳарбий-сиёсий вазиятни муҳоқама қилдилар.
Мудофаа вазири барча куч тузилмаларининг жанговар шайлигини синовдан ўтказди
Мудофаа вазири Баҳодир Қурбонов раҳбарлигида авиация, артиллерия ва батальон тактик гуруҳларининг жанговар шайлиги текширилди. Вазир СУ-25 қирувчи самолётида чегарани бузиб ўтган шартли душманга авиазарба берилишини бевосита кузатди.
Ташқи ишлар вазири USAID`нинг янги раҳбари билан музокаралар ўтказди
Абдулазиз Кaмилов АҚШ Халқаро тараққиёт агентлиги раҳбари Саманта Пауэр билан музокаралар ўтказди. Вазир USAID раҳбарини июль ойининг ўрталарида Тошкентда ўтказилиши режалаштирилган «Марказий ва Жанубий Осиё: минтақавий боғлиқлик. Таҳдидлар ва имкониятлар» конференциясига таклиф қилди.
Ўзбекистонда коронавирусдан касалланганлар сони 110 минг нафардан ошди
Кеча Ўзбекистонда 498 нафар фуқарода коронавирус аниқланди. Шунингдек, сўнгги кун ичида 636 нафар бемор касалликдан соғайиб, Ўзбекистонда соғайиш кўрсаткичи 96 фоизни ташкил этмоқда.
Навоийда Cobalt юк автомашинаси билан тўқнашди. 2 киши ҳалок бўлди
Навоий вилоятида Cobalt Howo русумли юк автомашинаси билан тўқнашиб, ЙТҲ содир этди. Енгил автомобиль ҳайдовчиси ва йўловчиси воқеа жойида вафот этди.
Яна 47 нафар афғон ҳарбийлари ва фуқаролари Ўзбекистон чегарасини бузган
26−27 июнь кунлари 47 нафар Афғонистон ҳарбийлари ва маҳаллий қуролли гуруҳ вакиллари Ўзбекистон давлат чегарасини бузиб кирган. Барча Афғонистон фуқаролари ўз ватанига қайтарилган. «Ўзбекистон ҳудудига бу каби ноқонуний ўтишга уринишлар қатъий равишда бартараф этилади», — дея баёнот берди ТИВ.
Жаҳон янгиликлари дайжести
Бир гуруҳ Афғонистон ҳарбийларининг Тожикистон чегарасидан ўтгани, Швеция бош вазирининг истеъфоси, Ҳиндистоннинг 50 минг нафар ҳарбийни Хитой билан чегара ҳудудига сафарбар қилгани ва бошқа янгиликлар — «Газета.uz»нинг жаҳон янгиликлари дайжестида.
Шавкат Мирзиёев Туркия вице-президенти билан учрашди
Президент Шавкат Мирзиёев Туркия вице-президенти Фуат Октайни қабул қилди. Томонлар Тошкентда бўлиб ўтадиган Стратегик ҳамкорлик кенгаши йиғилишига тайёргарликлар масалаларини муҳокама қилишди.
28 июнь куни Ўзбекистонда содир бўлган энг муҳим хабарлар дайжести
1 июлдан Ўзбекистонда бўладиган ўзгаришлар, ППХ ходимининг ўзига ўқ узиши, президентнинг иш ҳафтаси графики, август ойида Ўзбекистонга олиб келинадиган вакцина — «Газета.uz»нинг 28 июндаги энг муҳим хабарлари дайжестида.
Афғонистон фуқаролари ва ҳарбийлари яна Ўзбекистон чегарасини бузиб ўтган — Шерзод Асадов
Президент матбуот котиби Шерзод Асадов Афғонистон фуқаролари ва ҳарбийлари Ўзбекистон чегарасини яна бир неча марта бузиб ўтгани, охирги шундай ҳаракат шанба куни бўлганини маълум қилди. Суриштирув ва тергов ҳаракатларидан сўнг улар ўз юртига қайтарилган. «Ўзбекистон чегараси дахлсизлиги ҳеч қандай шубҳа остига қўйилмаслиги керак», — деди Асадов.
UzAuto Motors Қозоғистонда автомобиль сотиш бўйича биринчи ўринга чиқиб олди
UzAuto Motors январь-май ойларида Қозоғистонда 11,7 минг дона автомобиль сотиб, савдо ҳажми бўйича биринчи ўринга кўтарилди.
Москвада мигрантларни коронавирусга қарши эмлаш жараёнлари бошланди
Москвада мигрантларни коронавирус инфекциясига қарши вакцинация жараёнлари бошланди. Ҳозирда улар «Спутник Лайт» билан эмланмоқда ва вакцина учун тўлов иш берувчи томонидан амалга оширилиши белгиланган.
Жаҳон банки Ўзбекистонда электроэнергетика соҳасини ривожлантириш учун 380 млн доллар ажратади
Жаҳон банки Ўзбекистонга электроэнергетика соҳасини ривожлантириш учун 380 млн доллар миқдорида имтиёзли кредит ажратади.
Сенат МБ базасидан ҳисобварақалар ҳақидаги маълумотларни олишга рухсат берди
Сенаторлар «Банк сири тўғрисида» ва «Тезкор-қидирув фаолияти тўғрисида"ги қонунларга ўзгартишлар киритишни маъқуллади. Прокуратура, дастлабки тергов, суриштирув органларига Марказий банк маълумотлар базаларидаги ҳисобварақалар ҳақидаги маълумотларни олишга рухсат берилди.
Долларнинг расмий курси яна кўтарилди
Долларнинг расмий курси 10,83 сўмга кўтарилди ва жами 10 586,83 сўм этиб белгиланди. Шунингдек, евро ва рубль курслари ҳам бироз кўтарилди.
Экология қўмитаси тизимидаги ташкилотларда 87,3 млрд сўмлик қонунбузарликлар аниқланди
Давлат молиявий назорати департаменти Экология ва атроф муҳитни муҳофаза қилиш қўмитаси тизимидаги ташкилотларда 2017−2020 йилларда жами 87,3 млрд сўмлик молиявий хато ва камчиликларга йўл қўйилганини аниқлади.
COVAX дастури доирасидаги вакциналардан бири август ойида етказиб берилиши кутилмоқда
Август ойида COVAX дастури доирасидаги вакциналардан бири Ўзбекистонга олиб келиниши кутилмоқда. У AstraZeneca (CovieShield эмас), Pfizer, Moderna ёки ЖССТ тасдиқлаган бошқа вакцина бўлиши мумкин.
Ҳафта давомида иссиқ об-ҳаво бўлиши кутилмоқда
Ҳафта давомида Ўзбекистон бўйича асосан кам булутли об-ҳаво бўлиши кутилмоқда. Кундузи ҳарорат +38…+41 даражагача кўтарилади.
Қўшимча имкониятларга эга булиш учун сайтда рўйхатдан ўтинг