Ўзбекистондаги уй-жой ва биноларда энергия тежаш бўйича катта муаммолар мавжуд — экспертлар
Ўзбекистонда жами электр энергиясининг қарийб 60 фоизи жамоат бинолари истеъмолига тўғри келмоқда. Уй-жой коммунал хизмат кўрсатиш вазири ўринбосари Назиржон Назировнинг фикрича, «уй-жой ва биноларни эксплуатация қилишда энергия тежаш бўйича катта муаммолар мавжуд». Жаҳон банкининг Ўзбекистондаги вакили Марко Мантованелли эса юқори энергия сарфи газни атроф муҳитга ташлаш ва иқлим ўзгаришларига сабаб бўлишини таъкидлади. Ўзбекистон муаммони бартараф этиш учун Миллий дастур ишлаб чиқмоқчи.
USAID Ўзбекистонга COVID-19 билан курашиш учун қўшимча 2,5 млн доллар ажратди
АҚШ Халқаро тараққиёт агентлиги Ўзбекистонга қўшимча 2,5 млн доллар ажратди. Бу маблағ дори воситалари сифатини таъминлаш ва мамлакатда вакцинага нисбатан ишончсизликни бартараф этиш учун сарфланади.
Дунёда қочқинлар ва бошпана изловчилар сони ортди
Ярим йил ичида дунё бўйлаб қочқин, кўчирилганлар, бошпана изловчилар ҳамда фуқаролиги бўлмаган шахслар сони 84 миллионга етди. Қочқинларнинг аксариятини Сурия, Венесуэла ва Афғонистон фуқаролари ташкил этмоқда. «Қуролли тўқнашувлар, COVID-19 пандемияси, қашшоқлик, озиқ-овқат муаммолари ва иқлимдаги фавқулодда вазиятлар кўчирилган одамларнинг оғир аҳволини янада кучайтирмоқда», — дейилади БМТнинг Қочқинлар бўйича Олий комиссарлиги бошқармаси ҳисоботида.
Дам олиш кунлари айрим ҳудудларда ёмғир ёғиши кутилмоқда
Дам олиш кунлари мамлакатга бироз нам ва салқин ҳаво массалари кириб келиши кутилмоқда. Республика бўйича баъзи жойларда бироз ёмғир ёғади. Ҳаво ҳарорати кундуз куни +8…+13 даража илиқ бўлиши кутилмоқда.
Андижон шаҳар ҳокими фуқарони ҳақорат қилди
Андижон шаҳар ҳокими Баҳромжон Ҳайдаров телефон суҳбати давомида фуқарони ҳақорат қилганлиги маълум бўлди. Вилоят ҳокимлигининг таъкидлашича, фуқаро уйи «снос»га тушганлиги сабабли ҳокимга қурилиш фирмасидан 400 кв метрли уй-жой ва Gentra автомобилини ундириб беришни сўраб бир неча маротаба мурожаат қилган. Андижон ҳокимининг ҳаракатларига вилоят ҳокимлиги томонидан ҳуқуқий баҳо берилади.
Бўстонлиқ туманида 56 туп дарахт кесиб ташланди
Тошкент вилояти Бўстонлиқ туманида 56 туп дарахт ноқонуний равишда кесилганлиги аниқланди. Ушбу ҳатта-ҳаракат натижасида ўсимлик дунёсига 288 млн 792 минг сўм миқдорда зарар етказилган. Ҳолат юзасидан жиноят иши қўзғатилди.
2022 йилда 40 та мактаб қуриш режалаштирилган. Бу жуда ҳам кам
2022 йилда давлат томонидан 410 млрд сўмлик 40 та мактаб қуриш режалаштирилган. Бу ўтган йилгидан деярли икки баравар кўп, аммо мактабларда жой етишмаслиги муаммосини ҳал қилиш учун ҳали ҳам ҳалокатли даражада етарли эмас.
Андижон вилоятида зилзила содир бўлди
Андижон вилоятининг Жалақудуқ тумани ҳудудида зилзила содир бўлди. Эпицентр ҳудудида силкинишлар кучи 4 баллни ташкил қилди.
2022 йилда электр энергияси ва табиий газ тариф нархлари оширилиши кутилмоқда
Ҳисоб палатаси 2022 йилда энергия ресурслари, жумладан, электр энергияси, табиий газ, иссиқ сув ва иссиқлик энергияси, совуқ сув ва канализация тарифлари нархлари оширилишини маълум қилди. Шуни ҳисобга олган ҳолда, асосий истеъмол товарлари ва хизматлар нархлари ўсиш суръатларини сезиларли даражада пасайтириш юзасидан тавсиялар берилган.
11 ноябрь куни Ўзбекистонда содир бўлган энг муҳим хабарлар дайжести
Беҳзод Мусаев соғлиқни сақлаш вазири лавозимига тайинланиши, 2022 йилда ЯИМ 5,9 фоизга ўсиши прогноз қилиниши, «Бавария» клубига мухлислик қилувчи Ўзбекистон бош вазири — «Газета.uz»нинг 11 ноябрдаги энг муҳим хабарлари дайжестида.
Кун фотоси: Бош вазир Абдулла Арипов «Бавария» либоси билан
Бавария бош вазири Маркус Сёдер Мюнхеннинг «Бавария» клубига мухлислик қилувчи Ўзбекистон бош вазири Абдулла Арипов билан тушган суратини жойлаштирди. Шу кунларда Ўзбекистон ҳукумат делегацияси Германияда бўлиб турибди.
Жаҳон янгиликлари дайжести
Варшавада минглаб миллатчиларнинг намойиши бўлиб ўтгани, Тинчлик бўйича Нобел мукофоти совриндори, ЖАРнинг собиқ президенти Фредерик де Кларкнинг вафот этгани, Латвия парламенти Георгий ленталаридан фойдаланишни тақиқловчи қонунни тасдиқлагани, Сеулда америкалик дипломат автоҳалокат содир этиб, АҚШ ҳарбий базасига яширингани, Нобел мукофоти совриндори Малала Юзуфзой турмушга чиққани ва бошқа янгиликлар — «Газета.uz»нинг жаҳон янгиликлари дайжестида.
Жисмоний шахслардан олинадиган мол-мулк солиғи 10 фоизга ошиши кутилмоқда
2022 йилда жисмоний шахслардан олинадиган мол-мулк солиғи ставкаларини 10 фоизга ошириш режалаштирилмоқда. Шунингдек, акциз солиғи ставкаларининг ўртача 10 фоизга ошиши кутилмоқда. Юридик шахсларнинг мол-мулкига солинадиган солиқ ставкаси эса амалдаги 2 фоиздан 1,5 фоизга камайтириш кўзда тутилган. Ҳисоб палатаси 2022 йилги давлат бюджети қонуни лойиҳаси ва Бюджетнома бўйича хулоса берди.
Ҳудудлардаги тиббиёт муассасаларини жиҳозлаш ва кадрлар малакасини оширишга $100 млн ажратилади
Президент қарори билан туман ва вилоят тиббиёт муассасалари учун замонавий тиббий ускуналар харид қилиш ва кадрларнинг хорижда малакасини оширишга Тикланиш ва тараққиёт жамғармаси ҳисобидан 100 млн доллар ажратилади. Маблағлар ҳокимликларга қайтариш шарти билан миллий валютада 3 йил муддатга ссуда сифатида тақдим этилади.
2022 йилда бюджет харажатлари ЯИМга нисбатан 33% миқдорида бўлиши прогноз қилинмоқда
2022 йилги консолидациялашган бюджет харажатлари 277,2 трлн сўм ёки ЯИМга нисбатан 33% миқдорида бўлиши прогноз қилинмоқда. Ҳисоб палатаси келгуси йилда аҳолини уй-жой билан таъминлаш дастурларини молиялаштириш учун 2,1 трлн сўм субсидиялар ажратишни тавсия қилди. 2022 йил учун 1 АҚШ долларининг йиллик ўртача алмашув курси 11 321 сўмга прогноз қилинди.
2022 йилда ЯИМ 5,9 фоизга ўсиши прогноз қилинмоқда
2022 йилда Ўзбекистон иқтисодий ўсиш суръати 5,9 фоизни ташкил этиб, ЯИМ ҳажми қарийб 840 трлн сўмга етиши кўзда тутилмоқда. Ташқи савдо айланмаси 46,3 млрд долларни ташкил этиши прогноз қилинган. Бундан ташқари, инфляция даражаси 2022 йилда 9 фоиз атрофида бўлиши кутилмоқда.
Долларнинг расмий курси яна кўтарилди
Долларнинг сўмга нисбатан расмий курси 16,74 сўмга кўтарилиб, 10 732,04 сўм этиб белгиланди. Шунингдек, евро ва рубль курслари эса пасайди.
ДХХ Сирдарёда террорчи гуруҳга аъзоликда гумонланган шахсларни қўлга олди
ДХХ томонидан Сирдарё вилоятида террорчи гуруҳ таъсирига тушиб қолганликда ва «жиҳод»га чорловчи материалларни мунтазам равишда тарқатиб келганликда гумонланган шахслар ушланди. Гуруҳ етакчиси Сурияга бориб, террорчи ташкилотлар таркибига қўшилишни мақсад қилгани айтилмоқда.
Шавкат Мирзиёев Туркияга жўнаб кетди
Шавкат Мирзиёев Туркий тилли давлатлар ҳамкорлик кенгашининг саккизинчи саммитида иштирок этиш учун Туркиянинг Истанбул шаҳрига жўнаб кетди. Давлат раҳбари ташриф доирасида қатор икки томонлама учрашувлар ҳам ўтказади.
Россияда қолиб кетган ўзбекистонликлар учун махсус поездлар қатнови йўлга қўйилмоқда
«Ўзбекистон темир йўллари» пандемия даврида Россияда қолиб кетган Ўзбекистон фуқароларининг мамлакатга келиши учун 5 та махсус поездлар қатновини йўлга қўяди. Рейслар 15, 19, 22, 26, 29 ноябрь кунлари «Волжский-Тошкент» йўналишида амалга оширилади.
Қўшимча имкониятлардан фойдаланиш учун сайтда рўйхатдан ўтинг