Яккабоғ ҳокимининг Captiva`си ЙТҲга учради. Аввалроқ депутат машина харид қилиш ўрнига муҳтожларга ёрдам беришни таклиф қилганди
Қашқадарё вилояти Яккабоғ тумани ҳокимининг Captiva хизмат машинаси иштирокида ЙТҲ содир бўлди. Ҳодиса содир бўлган вақтда туман раҳбари машинада бўлмаган. Май ойида 25 нафар туман депутатидан 24 нафари 311 млн сўмга автомобиль сотиб олишни маъқуллаган. Кенгашнинг фақат бир вакили ушбу харидга қарши чиққан ва шу пулни мухтожларга тарқатишни таклиф қилган.
Собиқ профилактика инспектори Қува туман ИИБ раҳбарияти устидан ИИВга шикоят қилди
Собиқ профилактика инспектори Нозимжон Нишонов Қува тумани ИИБ бошлиғи ўринбосари устидан шикоят қилиб, ички ишлар вазири Пўлат Бобожоновга видеомурожаат йўллади. ИИБ бошлиғи ўринбосари профилактика инспекторларидан ҳар куни 55 минг сўмлик «ўрта фонд» ундираётгани, кунлик мажбурий режа жорий қилгани ва ходимларни ҳақоратлаб, шахсий манфаатлари йўлида ишлатаётгани айтилмоқда.
12 та туман ҳокимлари кўчат экишни бошламагани учун огоҳлантириш олди — президент
Шавкат Мирзиёев «Яшил макон» дастури бўйича кўчат экиш ишлари ҳалигача бошланмагани учун Қўшработ, Каттақўрғон, Томди, Дўстлик, Арнасой, Фориш, Янгиариқ, Шеробод, Термиз, Музработ, Ғузор, Китоб туманлари ҳокимлари қатъий огоҳлантирилганини маълум қилди.
2022 йилда 1hls.uz платформасига 60 млрд сўм ажратилади — президент
Шавкат Мирзиёев Молия вазирлигига 2022 йилда «Соғлом турмуш тарзи» платформасини (1hls.uz) янада оммалаштириш учун қўшимча 60 млрд сўм ажратиш бўйича топшириқ берди. Маълумотларга кўра, мазкур платформадан фойдаланувчилар бугунги кунда 600 минг нафарга етди, уларга пиёда юргани учун 18 млрд сўм тўлаб берилди.
«Ўзбекнефтгаз» $700 млн миқдорида дебют еврооблигацияларини муваффақиятли жойлаштирди
«Ўзбекнефтгаз» АЖ ўз тарихида илк бор Лондон фонд биржасида 700 млн АҚШ доллари миқдоридаги еврооблигацияларини 7 йил муддатга 4,75% ставкада муваффақиятли жойлаштирди. Халқаро облигациялар 120 дан ортиқ Буюк Британия, АҚШ, Германия, Европа хамда Осиё мамлакатлари инвесторлари орасида тақсимланганлиги айтилмоқда.
Бош прокуратура иш вақтида вафот этган ходими бўйича тегишли идораларга хабар бермаган — Давлат меҳнат инспекцияси
Давлат меҳнат инспекцияси Бош прокуратура иш вақтида вафот этган ходими бўйича Меҳнат вазирлиги ва Тошкент шаҳар Бандлик бош бошқармасига тегишли тартибда хабар бермаганлигини маълум қилди. Олдинроқ марҳум ходимнинг отаси қонунда белгиланган нафақа пуллари тўлаб берилмагани сабабли Бош прокуратура устидан судга мурожаат қилганди. Бироқ, ФИБ Миробод туман суди даъво аризасини рад қилган.
Азиз Абдуҳакимов БМТнинг Глазгода бўлиб ўтган иқлим бўйича саммитида нутқ сўзлади
Ўзбекистон иқлим ўзгариши жараёнларини тўхтатиш бўйича кўп томонлама саъй-ҳаракатларда фаол иштирок этишга тайёр, деди бош вазир ўринбосари Азиз Абдуҳакимов Глазгода бўлиб ўтган БМТнинг иқлим ўзгариши бўйича саммитида сўзлаган нутқида.
Келгуси 5 йилда олий тоифали ўқитувчи ва шифокорлар маоши минг долларга етказилади — президент
2025 йилга бориб, олий тоифали ўқитувчиларнинг ойлик маошини эквивалент ҳисобида 1минг долларга етказиш чоралари кўрилади, дея маълум қилди Шавкат Мирзиёев инаугурация маросимидаги нутқида. 2020 йилда халқ таълими тизимида 13407 нафар олий тоифали ўқитувчилар фаолият кўрсатаётган эди, бу умумий ўқитувчилар сонининг 2,8 фоиздан камини ташкил этади. Эълон қилинган кўрсаткичга эришиш учун уларнинг иш ҳақини қарийб 3,5 баробарга ошириш керак.
Сингапурда эмланишдан бош тортган коронавирус беморларига тиббий хизматлар пулли бўлади
Сингапур ўз хоҳиши билан COVID-19`га қарши эмланишдан бош тортганларга вирусни даволаш билан боғлик тиббий тўловларни тўлашни тўхтатади. Мамлакатда ҳозирда эмланмаган одамлар интенсив стационар ёрдамга муҳтож бўлганларнинг аксариятини ташкил қилмоқда.
Сув танқислиги туфайли ГЭСларда ишлаб чиқариш ҳажми қарийб 25 фоизга камайган
Ўзбекистонда сув сатҳининг пастлиги туфайли гидроэлектр станциялари унумдорлиги 23 фоизга камайди, бу эса мамлакатнинг айрим ҳудудларида электр таъминотида қисқа муддатли узилишларга олиб келди, деб хабар берди Энергетика вазирлиги.
Ўзбекистон қамоқхоналари ходимларига Нельсон Мандела қоидаларини қўллаш бўйича тренинг ўтказилмоқда
Ўзбекистондаги жазони ижро этиш муассасалари ходимлари учун «Нельсон Мандела қоидаларининг асосий тамойиллари» тренинги ўтказилмоқда. Унда, жумладан, қамоқхоналарда қийноқларнинг олдини олиш кўникмалари ҳам ўргатилади.
COVID-19 га қарши кураш харажатлари 3 трлн сўмдан 4,3 трлн сўмга етказилди
Эпидемиологик вазият ёмонлашганлиги сабабли COVID-19 га қарши кураш тадбирлари учун ажратиладиган маблағлар миқдори қайта кўриб чиқилди ва кўзда тутилган 3 трлн сўмдан 4,3 трлн сўмга етказилди. Қўшимча маблағлар республика бюджетидан ажратиб келинмоқда.
Чанг концентрацияси энг юқори бўлган ҳудудлар маълум қилинди
Ўзгидромет 4 ноябрь куни ҳаводаги чангнинг энг юқори концентрацияси Тошкент (33 марта), Чирчиқ (26), Гулистон ва Олмалиқ (20), Бекобод (18) ва Бухоро (14) шаҳарларида кузатилганини маълум қилди. Бошқа ҳудудларда эса бу кўрсаткич 2 дан 8 мартагача бўлган.
Жаҳон янгиликлари дайжести
Дунё бўйлаб COVID-19 га чалинганлар сонининг 250 млндан ошгани, польшаликларнинг Беларусь чегарасидаги вазият туфайли америкаликларга мурожаат қилгани, Португалияда янги қонунга кўра иш берувчилар ходимлар билан ишдан ташқари вақтда гаплашиши тақиқлангани ва бошқа янгиликлар — «Газета.uz»нинг жаҳон янгиликлари дайжестида.
9 ноябрь куни Ўзбекистонда содир бўлган энг муҳим хабарлар дайжести
iFly Airlines`га Ўзбекистонга парвозларни амалга ошириш вақтинча тақиқланиши, Шавкат Мирзиёев ва Жаҳонгир Ортиқхўжаевнинг Тошкентдаги чанг ҳақидаги фикрлари, президент раислигида бўлиб ўтган видеоселектор йиғилиши — «Газета.uz»нинг 9 ноябрдаги энг муҳим хабарлари дайжестида.
Депутат 2022 йил учун Давлат бюджети лойиҳаси кечикаётганини маълум қилди
Вазирлар Маҳкамаси 15 октябргача лойиҳани тақдим этиши керак бўлсада, Олий Мажлис Қонунчилик палатасига 2022 йилги бюджет лойиҳаси ҳалигача келиб тушмади, дея маълум қилди депутат Дониёр Ғаниев. Унинг сўзларига кўра, ҳукумат июнь ойида янгиланган ўрта муддатли фискал стратегияни тасдиқлаши керак эди, бироқ бу ҳали амалга ошмаган.
Ўзбекистон аҳолисининг катта қисми асосий даромад манбаи ойлик иш ҳақи эканини маълум қилди
Марказий банк ўтказган сўровномада қарийб 70 фоиз иштирокчи даромадларининг асосий манбаи ойлик иш хақига тўғри келишини таъкидлади. 28 фоиз респондент жамғармалари 1 ойгача, 16 фоизи 1−3 ойга етишини маълум қилган бўлса, 42 фоиз қатнашчи дамғармалари мавжуд эмаслигини билдирди.
Шаҳло Аҳмедова Дэвид Гетта қўшиғининг ремиксини тақдим этди
TBRG Open лойиҳаси доирасида тақдим этилган қўшиқ Spotify, Apple Music, Deezer, «Яндекс.Музыка», Amazon Music, «Музыка ВКонтакте» каби платформаларда мавжуд.
«Бу бизнинг қумларимиз эмас». Президент ва пойтахт ҳокими чанг-қумли туман ҳақида
«Газета.uz» мухбири Тошкент ҳокимига чанг-қумли туман ва экологик муаммолар ҳақида савол берди. Жаҳонгир Ортиқхўжаев эса чангнинг Қозоғистондан кириб келганини айтиб, провокация қилмасликни сўради. У «Газета.uz»га экология мавзусида тадбир ташкил этишни таклиф қилди ва буни ҳокимлик қўллаб-қувватлашга тайёрлигини билдирди. Аввалроқ президент Шавкат Мирзиёев ҳам чанг ташқаридан келганини айтган эди.
Чангда инсон саломатлиги учун хавфли пестицидлар мавжуд эмас — Инновация вазирлиги
Инновацион ривожланиш вазирлиги Тошкентда кузатилган чанг-қумли бўронданг сўнг «Беруний» метро бекати ва «Академ шаҳарчаси» ҳудудидан олинган чанг намуналари хавфсиз бўлиб чиққанини маълум қилди. «Чанг таркибида оғир металлар, тузлар, инсон саломатлиги учун хавфли пестицидлар мавжуд эмас», — дейилади хабарда.
Қўшимча имкониятлардан фойдаланиш учун сайтда рўйхатдан ўтинг