2021 йил бошидан бери Ўзбекистондан 4 минг киши кўчиб кетди
Январь-март ойларида Ўзбекистондан жами 4094 киши бошқа мамлакатларга доимий яшаш учун жўнаб кетган ва 578 киши Ўзбекистонга кўчиб келган. Кўчиб кетганларнинг энг катта қисми Қозоғистонга тўғри келади.
Спутник V вакцинаси билан эмланиш бепул — СЭС
Санитария-эпидемиология хизмати «Спутник V» вакцинаси билан эмланиш пуллик эканлиги тўғрисидаги хабарларни рад этди.
Долларнинг расмий курси пасайди
Долларнинг расмий курси 18 сўмга арзонлади ва жами 10 529 сўм этиб белгиланди. Шунингдек, евро ва рубль курслари ҳам бироз пасайди.
Чироқчида 7 ёшли боланинг ўлими сабаб аёллар йўлни тўсиб қўйди
Қашқадарё вилоятининг Чироқчи туманида Оқтунли қишлоғида яшовчи аёллар фарзандлари қўшни қишлоқдаги мактабга бориш учун қийналаётгани, улар Хўжаобод қишлоғидаги мактабга бориши учун Қарши-Самарқанд автомобиль йўлидан кесиб ўтишлари хавфли эканини билдириб, йўлни тўсиб, машиналар ҳаракатланишига қаршилик кўрсатишган.
Давлат солиқ қўмитаси Расул Кушербаевни судга берди
Давлат солиқ қўмитаси Олий Мажлис Қонунчилик палатаси депутати Расул Кушербаев устидан судга даъво аризаси киритди. Бунга «Расул Кушербаевнинг Human.uz ахборот порталидаги „Сўз блогерларга“ кўрсатувида айтган ҳақоратомуз сўзлари» сабаб бўлган. Қўмита депутат ўзининг сўзларига раддия бериши ва кечирим сўраши лозимлигини айтган. Депутатнинг ҳатти-ҳаракатлари солиқ органларига 4,6 млрд сўм миқдорида зарар етказганлиги даъво қилинмоқда.
Яна 1 млн доза ўзбек-хитой вакцинаси олиб келинди
Ўзбекистонга яна 1 миллион доза миқдорда ZF-UZ-VAC2001 вакцинаси олиб келинди. Ҳозирги кунгача эмланганларнинг 46 фоизи айнан ушбу вакцина билан эмганган. Ўзбек-хитой вакцинасининг 1 миллион дозалик аввалги партияси 27 март куни келтирилган эди.
Юсуп Кабулжанов Ташқи ишлар вазирлигининг расмий вакили этиб тайинланди
Ўзбекистониннг Новосибирскдаги бош консули бўлиб ишлаган Юсуп Кабулжанов Ташқи ишлар вазирлигининг матбуот котиби ва расмий вакили этиб тайинланди.
Daryo мухбирига таҳдид қилган ИИБ ходимига «қаттиқ ҳайфсан» берилди
Daryo нашри мухбирининг телефонини тортиб олиб, уни милиция бўлимига олиб боришни буюрган Қарши шаҳар ИИБ бошлиғининг ўринбосари «қаттиқ ҳайфсан» олди. Бошқа ходимларининг ҳаракатларида ҳеч қандай қонунбузарликлар аниқланмагани маълум қилинди.
Нурафшонда газ портлаши оқибатида бир киши ҳалок бўлди
Нурафшон шаҳридаги икки қаватли уйда газ портлаши содир бўлди. Оқибатда бир киши вафот этди.
Самарқандда спиртли ичимлик ичиб машина ҳайдаган фуқаро ЙПХ ходимларига қаршилик кўрсатди
Пахтачи туманида Damas русумли автомобиль ҳайдовчиси спиртли ичимлик ичиб, машина ҳайдаган. ЙПХ ходимлари билан мулоқотда ҳайдовчидан спиртли ичимлик ҳиди келгани сабаб, тиббий кўрикка таклиф этилгач ҳайдовчи қаршилик кўрсатган. Ҳайдовчининг мастлик ҳолати тасдиқлангач, унга белгиланган тартибда маъмурий баённома расмийлаштирилди.
3 та ОТМ вақтинчалик масофавий таълимга ўтказилди
Талабалар орасида COVID-19 инфекцияси аниқлангани сабабли, Фарғона давлат университети, Гулистон давлат университети ва Тошкент ахборот технологиялари университети масофавий таълим тизимига ўтди.
1 майдан нималар ўзгаради?
Ёшларга оид бир қатор янгиликлар, ўсимлик ёғига нисбатан экспорт божининг жорий этилиши, давлат органлари ходимлари сонининг 15 фоизга қисқартирилиши, баъзи шахсларга Ўзбекистон фуқаролиги берилиши, экологик хавфли маҳсулотларнинг мажбурий сертификатлаштирилиши — 1 майдан мамлакат қонунчилигида қандай ўзгаришлар бўлади?
Ҳудудий бошқармаларда уй-жойларни таъмирлаш жамғармалари ташкил этилади
Президент кўп қаватли уйларга хизмат кўрсатиш тизимини такомиллаштириш бўйича таклифлар билан танишди. Маълум қилинишича, лойиҳалар хорижлик мутахассислар иштирокида тайёрланган.
Ўзбекистонга «Спутник V» вакцинасининг иккинчи партияси олиб келинди
Ўзбекистонга коронавирусга қарши «Спутник V» вакцинасининг яна бир партияси етиб келди. Маълум қилинишича, етказиб берилган навбатдаги вакциналар партияси 50 минг дозадан иборат бўлиб, 23 апрель куни етказиб берилган вакциналарнинг иккинчи компоненти ҳисобланади.
Рустам Ражабов UzAuto Motors бош директори этиб тайинланди
UzAuto Motors бош директор вазифасини вақтинчалик бажарувчи сифатида фаолият юритиб келаётган Рустам Ражабов расман компания бош директори этиб тайинланди.
Тошкентдаги кафелардан бирида икки эркак ҳисобни тўламасдан, кафе ишчисини дўппослади
Тошкентнинг Олмазор туманида жойлашган кафелардан бирида маст ҳолатдати икки киши ҳисобни тўламасликларини айтиб, кафе ишчисини дўппослаган. Ҳозирда тергов ҳаракатлари олиб борилмоқда.
Инновацион ривожланиш вазирлигида ўзгаришлар амалга оширилди
Шахлохон Турдикулова инновацион ривожланиш вазирининг биринчи ўринбосари лавозимидан озод этилиб, инновацион ривожланиш вазирининг ўринбосари этиб тайинланди. Шунингдек, Олимжон Тўйчиев инновацион ривожланиш вазирининг ўринбосари лавозимидан озод этилди.
«Пахтакор» ОЧЛнинг 5-турида «Трактор» билан дуранг ўйнаб, гуруҳдан чиқиш имкониятини йўқотди
«Пахтакор» жамоаси ОЧЛ гуруҳ босқичидаги 5-тур учрашувини «Трактор» клубига қарши ўтказди. Мазкур баҳсда 0:0 ҳисоби қайд этилди. Бугун Олмалиқнинг АГМК жамоаси «Ал Ҳилол» клубига қарши майдонга тушади.
Туркияда 17 майгача тўлиқ карантин эълон қилинмоқда
Туркияда 29 апрелдан 17 майгача тўлиқ карантин чекловлари амал қилади. Бунда барча мактабларда дарслар тўхтатилиши ва имтиҳонлар қолдирилиши эълон қилинди. Шунингдек, барча савдо марказлари фаолияти вақтинчалик чеклаб қўйилади.
Telegram Ўзбекистонда гуруҳлар ва каналларда тўловларни қабул қилишга рухсат берди
Telegram’даги гуруҳлар ва каналларда тўловларни қабул қилиш имконияти мавжуд бўлди. Иловада саккизта ўрнатилган тўлов тизимларидан иккитаси — Ўзбекистондаги PayMе ва CLICK.
Қўшимча имкониятлардан фойдаланиш учун сайтда рўйхатдан ўтинг