Навальнийнинг заҳарланиши. Бу ҳақда нималар маълум?
20 август куни россиялик мухолифатчи, коррупцияга қарши курашиш жамғармаси асосчиси Алексей Навальний оғир аҳволда жонлантириш бўлимига ётқизилган эди. 22 август куни кома ҳолатида бўлган сиёсатчи Берлиндаги «Шарите» клиникасига олиб келинди. Кейинчалик эса сиёсатчининг «Новичок» деб номланувчи модда билан заҳарлангани аниқланди. Ҳозирда сиёсатчи ўзига келган. Воқеалар ривожи — «Газета.uz» нигоҳида.
Торғоқ қушлари яна Ўзбекистонга учиб келди
Сентябрь ойининг бошидан бери Қашқадарёдаги Талимаржон сув омбори ҳудудида ҳар куни 2000 дан ортиқ торғоқ қушларини кузатиш мумкин. Улар — бутунлай йўқ бўлиб кетиш арафасида турган дунёдаги энг ноёб қушлардандир. Ўзбекистон Қушларни муҳофаза қилиш жамияти мавсумий қушлар қўриқхонасини яратиш зарурлигини таъкидламоқда.
Ногиронлиги бўлган шахслар учун «тўсиқсиз муҳит»ни шакллантиришимиз лозим — Сенат раиси
Сенат «Ногиронлиги бўлган шахсларнинг ҳуқуқлари тўғрисида"ги Қонунни маъқуллади. Парламент юқори палатаси раиси Танзила Нарбаева мазкур йўналишда амалга оширилиши зарур бўлган жиҳатларга урғу берди.
Ўзбекистон ташқи ишлар вазири Москвада ШҲТ ТИВК йиғилишида иштирок этди
Ташқи ишлар вазири Абдулазиз Комилов бошчилигидаги Ўзбекистон делегацияси Москвада Шанхай ҳамкорлик ташкилотига аъзо давлатлар ташқи ишлар вазирлари кенгашининг навбатдаги йиғилишида иштирок этди. Учрашув якунлари бўйича делегациялар раҳбарларини Россия президенти Владимир Путин қабул қилди.
Санъат музейи биносини реконструкция қилиш лойиҳаси концепцияси тасдиқланди
Ҳукумат комиссияси япониялик архитектор Тадао Андо томонидан ишлаб чиқилган Санъат музейи биносини реконструкция қилиш лойиҳаси концепциясини тасдиқлади. Музейга ажратилган қўшимча ҳудудда янги кўргазма галереяси қурилади. Мавжуд бинонинг томида эса янги ва эски биноларни улаш учун хизмат қилувчи оралиқ жой — яшил терраса барпо этилади.
Болалар боғчалари 14 сентябрдан очилади
Болалар таълим ташкилотларини очиш жараёни 14 сентябрдан бошланади. Биринчи навбатда катта ва тайёрлов гуруҳлари, октябрда — ўрта, ноябрда — кичик гуруҳлар очилади.
10 та ҳудудда 248 киши коронавирусга чалинди
Ўзбекистоннинг 10 та ҳудудида 248 кишида коронавирус тасдиқланиб, умумий кўрсаткич 46 мингтага яқинлашди. Энг кўп янги ҳолатлар Тошкент шаҳри (147 та), Самарқанд вилояти (47 та), Андижон (14 та) ва Наманган (12 та) вилоятларида қайд этилди.
Кун давомида 749 кишида коронавирус аниқланди
Ўзбекистонда кетма-кет тўртинчи кундирки коронавирус ҳолатлари сонида ортиш кузатилмоқда. 10 сентябрь куни янги аниқланган COVID-19 ҳолатлари 749 тани ташкил этди. Касалликка чалинганларнинг умумий сони эса 45679 нафарга етди.
Эри томонидан таҳқирланган самарқандлик аёлга вилоят ҳокимлиги икки хонали уй ажратади
Эри томонидан аёвсиз калтакланиб, «памперс» едирилган самарқандлик аёлга вилоят ҳокимлиги томонидан икки хонали уй ажратилади. Шунингдек, аёл саломатлигини тиклаб олганидан сўнг ишга жойлаштирилади.
Ўзбекистонда тўрт мавсумда фойдаланиш мумкин бўлган трансформер пахта терим машинаси ишлаб чиқарилмоқда
Тошкент қишлоқ хўжалиги техникаси заводида АҚШнинг CNHI компанияси билан биргаликда TZST CE-220 пахта териш машинаси — трансформер ишлаб чиқарилмоқда. Мазкур машинадан чигит қадашдан тортиб, ҳосилни йиққунга қадар дала ишларида фойдаланиш мумкин.
Тошкент вилоят юқумли касалликлар шифохонаси бош шифокорига жиноят иши қўзғатилди
Тошкент вилоят юқумли касалликлар шифохонаси бош шифокори Гулжаҳон Йўлдошева 250 млн сўмдан зиёд маблағларни талон-торож қилиш ҳамда мансабга совуққонлик билан қараш айблари билан қамоққа олинди. У Чирчиқдаги гўзаллик салонида қўлга олинди. Августда у шифохона учун ускуналар ҳамда тиббий ходимлар учун мукофот пуллари берилмаётгани ҳақида маълум қилган эди.
Қуръон ичига гиёҳванд модда яширган шахснинг Диний идора тизимида ишламаслиги маълум қилинди
«Жиноят қилган одамнинг динга бўлган муносабати ҳар қандай ҳолатда ҳам олдинги саҳнага олиб чиқилмаслик керак» — Мусулмонлар идораси Қуръони карим ичига гиёҳванд модда яширган шахснинг Диний идора тизимида ишламаслиги ҳақида маълум қилди. Бу ҳақдаги хабарларда тилга олинган «имом-хатиб», «мулла» сўзлари «шахс», деб қайта таҳрир қилинди.
7 та туман ва 1 та шаҳар ИИБга янги бошлиқлар тайинланди
Ички ишлар вазирининг шахсий таркиб бўйича буйруғи билан 7 та туман ва 1 та шаҳар ички ишлар бўлимларига янги бошлиқлар тайинланди.
АҚШ Давлат департаменти — Ўзбекистоннинг сармоявий муҳити тўғрисида
АҚШ Давлат департаменти ҳисоботида келтирилишича, Ўзбекистондаги инвестиция муҳитга давлат монополияларининг устунлиги, давлат харидларида шаффофликнинг йўқлиги ва давлат корхоналари томонидан шартнома мажбуриятларининг изчил бажарилмаслиги салбий таъсир кўрсатмоқда.
KIAнинг энг янги моделлари Ўзбекистондаги заводда ишлаб чиқарилади
Ноябрда Жиззахдаги янги заводда KIA K5 ва Seltos моделларини ишлаб чиқариш ишлари бошланади. Келгусида жаҳон брендларининг бошқа модделларини ҳам ишлаб чиқариши кутилаётган ADM-Jizzakh заводининг ишлаб чиқариш қуввати биринчи босқичда йилига 25 000 автомобилни, кейинчалик эса 100 000 автомобилни ташкил этиши режалаштирилган.
USAID Бухоро вилоятидаги Ёмонжар каналини тиклашга кўмаклашди
AҚШ Халқаро тараққиёт агентлиги (USAID) Бухоро вилоятидаги Ёмонжар каналини қайта тиклаш ишларини молиялаштирди. 1978 йилда қазилган каналда гидропостлар қурилиб, ўзани бетонлаштирилди.
Буюк Британия коронавирусга қарши чораларни қайтадан кучайтирмоқда
Буюк Британия ҳукумати коронавирус ҳолатлари сони кўпайгани сабабли олти кишидан ортиқ ҳолда гуруҳ бўлиб тўпланишни тақиқлади. Тақиқни бузганлар 100 фунтдан 3200 фунтгача жаримага тортилади.
Самарқанд ва Львов ўртасида тўғридан-тўғри авиақатновлар йўлга қўйилиши мумкин
Самарқанд вилояти ҳокими Эркинжон Турдимов ва Украинанинг Ўзбекистондаги элчиси Николай Дорошенко учрашувида Самарқанд ва Львов ўртасида тўғридан-тўғри авиақатновларни йўлга қўйиш масаласи муҳокама қилинди.
Асосий ставка 14% этиб белгиланди
Марказий банк бошқарувининг қарорига асосан асосий ставка 1 фоизга пасайтирилиб, 14 фоиз этиб белгиланди. Охирги марта МБ асосий ставкани апрель ойида 16 фоиздан 15 фоизгача тушурган эди.
Икки эркакни дўппослаган наманганлик қиз ўз шаънини ҳимоя қилганини айтди
Наманган вилоятида икки эркакни дўппослаган қиз ўз шаънини ҳимоя қилганини айтмоқда. Қизнинг маълум қилишича, эркаклар уни масхаралаб, онасини сўккан.
Қўшимча имкониятлардан фойдаланиш учун сайтда рўйхатдан ўтинг