Коронавирусдан тузалганлар сони 1700 кишидан ошди
Ўзбекистонда коронавирусдан тузалганлар сони 1721 кишига етди. Ҳозирда мамлакат бўйлаб коронавирусдан даволанаётган беморлар сони 583 нафарни ташкил этмоқда.
Миллий сертификатга эга абитуриент математика фани бўйича тестдан озод қилинади
Президент қарорига кўра, Математика фанини билиш даражаси бўйича имтиёз бериладиган даражадаги Миллий сертификатга эга абитуриент давлат ОТМга киришда математика фани бўйича тестдан озод қилинади. 2021 йил 1 сентябрдан бошлаб Ихтисослаштирилган мактабларнинг математика фани бўйича ўқитувчилари тегишли даражадаги миллий сертификатга эга бўлишлари мажбурий ҳисобланади.
Ғалаба боғи очилишга тайёргарлик кўрмоқда — фото
Тошкент шаҳрида Ғалаба боғининг қурилиши ниҳоясига етди. Олдинроқ президент Иккинчи жаҳон урушидаги Ғалабанинг 75 йиллиги муносабати билан ушбу боғни барпо этиш бўйича ташаббус билан чиққан эди.
Ҳар бир туманда математикага ихтисолаштирилган мактаблар ташкил этилади
Президент қарорига биноан, Ўзбекистонда математика соҳасидаги таълим сифатини ошириш мақсадида ҳар бир туманда математикага ихтисослаштирилган мактаблар ташкил этилади. Математика фанини билиш даражасини баҳолаш бўйича миллий сертификатлаш тизими жорий қилинади. Шунингдек, Муҳаммад Ал-Хоразмий номидаги халқаро мукофот таъсис этилиб, унинг совриндорларига 50 минг доллар берилади.
Саакашвили Украина ислоҳотлар қўмитаси раҳбари этиб тайинланди
Украина президенти Владимир Зеленский Грузиянинг собиқ президенти Михаил Саакашвилини ислоҳотлар қўмитаси раҳбари этиб тайинлади. Олдинроқ Саакашвилининг номзоди бош вазир ўринбосарлигига кўрсатилган эди.
Коронавирус беморлари сони 2300 дан ошди
Коронавирус беморлари сони 16 нафарга ортиб, жами 2314 кишини ташкил этмоқда. Республикада инфекциядан 648 киши даволанмоқда, улардан 9 нафарининг аҳволи оғир, деб баҳоланмоқда. Айни вақтда мамлакат бўйлаб 371 мингтадан ортиқ тест синовлари ўтказилди.
«Ниқобни ечиш тақиқланади» — президент
«Ҳозирча ниқобни ечиш мумкин эмас. Биз ушбу шароитларда ишлаш ва яшашни ўрганишимиз керак». Президент Шавкат Мирзиёев дунёдаги пандемия ривожини ҳисобга олган ҳолда карантин қоидаларига тўлиқ риоя этилиши зарурлигини таъкидлади. Унинг сўзларига кўра, карантин чоралари шароитида яшаш ва ишлашни ўрганиш зарур.
9 май куни оммавий тадбирлар ўтказиш тақиқланди
Карантин муносабати билан Ўзбекистонда Хотира ва қадрлаш кунига бағишланган оммавий тадбирларни ўтказиш ҳамда фахрийларни зиёрат қилиш тақиқланди. Байрамни оила даврасида нишонлаш тавсия қилинди.
Алишер Усмонов сув тошқини оқибатларини бартараф этишга 10 млн доллар ажратди
Алишер Усмонов Ўзбекистонга Сирдарё вилоятидаги сув тошқини оқибатларини бартараф этиш ва жабрланганларга ёрдам учун 10 млн доллар тақдим этди.
Коронавирус ҳолатлари сони 2300 тага яқинлашди
Ўзбекистонда коронавирус аниқланган ҳолатлар сони 2298 тага етди. Кун давомида 65 та янги ҳолат қайд этилди.
Ўзбекистон яна 11 минг фуқарони қайтаришни режалаштирмоқда — президент
Президент Шавкат Мирзиёев Ўзбекистон Россия, Туркия, БАА ва бошқа давлатларда қийин вазиятда қолиб кетган 11 минг фуқарони қайтаришни режалаштираётганини маълум қилди.
Сурхондарё, Андижон ва Навоийда 110 мингта оила камбағалликдан чиқарилади
Президент Сурхондарёда 55 мингта, Андижонда 41 мингта, Навоий вилоятида 14 мингта оилани камбағалликдан чиқариш лозимлигини таъкидлади. Бунинг учун қўшимча туртки берилиши керак бўлган учта йўналиш кўрсатиб ўтилди.
Ўзбекистон ва Россия президентлари бир-бирларини табрикладилар
Шавкат Мирзиёев ва Владимир Путин телефон орқали суҳбатда яқинлашиб келаётган байрам — фашизм устидан қозонилган Ғалабанинг 75 йиллиги муносабати билан бир-бирларини табриклаб, икки мамлакат фахрийлари ва халқларига соғлик-омонлик тиладилар.
Футбол бўйича Германия чемпионати май ойининг иккинчи ярмидан қайта тикланади
Германия май ойининг иккинчи ярмидан футбол бўйича чемпионатни қайта тиклайди. Англия ва италян жамоалари ҳам ўз турнирларини якунлаб олишни хоҳлашмоқда, бироқ ҳукуматлар қарорларини кутишга мажбур. Француз чемпионати апрель ойида «Пари Сен-Жермен»нинг муддатидан олдинги ғалабаси билан якунланди.
Коронавирусдан соғайганлар сони 1656 нафарга етди
Бугун 79 нафар коронавирус бемори тузалиб, жами соғайганлар сони 1656 нафарга етди.
Туман ва шаҳарлар ҳам қизил, сариқ ва яшил ҳудудларга ажратилади
Президент раислигида ўтказилган йиғилишда республика комиссиясига ҳудудларни тоифага ажратишни туман ва шаҳарлар даражасида белгилаш бўйича топшириқ берилди. «Эртага „яшил“ вилоятдаги бирор бир туманда касаллик аниқланадиган бўлса, бутун вилоятнинг тоифасини ўзгартириш шарт эмас», — дея таъкидлаган Шавкат Мирзиёев.
Пенсия ва нафақа тўловларининг кечиктирилганлигининг сабаблари эълон қилинди
Май ойи учун пенсия ва нафақа тўловлари кечикди. Пенсия жамғармаси ва Халқ банки бунга электрон ахборот тизимида юқори даражада юклама пайдо бўлганлиги, ҳамда май ойининг дастлабки кунлари дам олиш кунларига тўғри келганлигини сабаб қилиб кўрсатишган.
Сув хўжалиги соҳасидаги лойиҳаларни амалга ошириш агентлигига янги раҳбар тайинланди
Сув хўжалиги соҳасидаги лойиҳаларни амалга ошириш агентлиги директори тайинланди. Мазкур агентлик «Сувқурилишинвест» давлат унитар корхоналари фаолиятини мувофиқлаштирувчи ваколатли давлат органи ҳисобланади.
Трамп унинг ҳарбий ваколатларини чеклайдиган Конгресс қарорига вето қўйди
Дональд Трамп унинг Эронга қарши ҳарбий ваколатларини чеклайдиган АҚШ Конгресси резолюциясига вето қўйди. Мазкур резолюция «қонунларни нотўғри талқин қилишга асосланган, ҳақоратли ва АҚШ ўзининг иттифоқчилари ва шерикларини ҳимоя қилиш ваколатларига катта зарар етказган бўлар эди», деди Оқ уй раҳбари.
Matiz каналга тушиб кетди: уч киши воқеа жойида ҳалок бўлди
Сирдарё вилоятининг Сайхунобод туманида Matiz йўлдан чиқиб кетиб, каналга қулади. Ҳайдовчи ва икки йўловчи ҳалок бўлди.
Қўшимча имкониятлардан фойдаланиш учун сайтда рўйхатдан ўтинг