Тошкент-Хива йўналишига Hyundai Rotem компаниясининг тезюрар электропоезди қўйилади
Тошкент-Хива йўналишига Жанубий Кореянинг Hyundai Rotem компанияси тезюрар электропоезди қўйилади. У 7 та вагон ва 351 та ўриндиққа эга бўлади, шунингдек, 250 км/соат тезликда ҳаракатлана олади. Аввалроқ Ўзбекистон бу компаниядан 6 та тезюрар поезд сотиб олишни режалаштирганди.
Ўзбекистон мева-сабзавотлари ташқи бозорда лидерликни йўқотмоқда — президент
Президент таннарх баландлиги, айрим «уддабуронлар» даромад ортидан қувиб, қадоқлашда сифатсиз маҳсулот қўшиб юбораётгани оқибатида Ўзбекистон маҳсулотлари ташқи бозорда лидерликни йўқотаётганини айтди. Унинг сўзларига кўра, биргина узум экспортидан 500 млн доллар олиш мумкин.
Ўзбекистон ва Гамбия ўртасида дипломатик муносабатлар ўрнатилди
Ғарбий Африкадаги Гамбия давлати Ўзбекистон билан дипломатик алоқалар ўрнатган 148-давлат бўлди. Ҳукуматлар номидан тегишли коммюнике икки давлатнинг БМТдаги доимий вакиллари томонидан Нью-Йоркда имзоланди.
Ўзбекистон йилига 500 мингтагача BYD электромобиллари ва гибрид автомобилларини ишлаб чиқармоқчи
Президент Хитойнинг BYD компанияси билан ҳамкорликда Ўзбекистонда гибрид автомобиллар ва электромобиллар ишлаб чиқаришни ташкил этиш тўғрисидаги битимни тасдиқлади. 2024 йилда майда узелли йиғиш усулида ишлаб чиқариш қувватини 50 мингтага, кейинчалик эса 500 мингтагача етказиш режалаштирилмоқда.
Президент Тошкентдаги қуюв-механика заводига борди
Шавкат Мирзиёев Тошкентдаги қуюв-механика заводи ишини кўздан кечирди. 2023 йилда 267 млрд сўмлик маҳсулот ишлаб чиқарилган заводда 10 млн долларлик 170 та вагон ва эҳтиёт қисмлар экспорт қилинган бўлса, 2024 йилда экспорт ҳажмини 15 млн долларга етказиш режалаштирилмоқда.
Пенсиянинг минимал миқдори энг кам истеъмол харажатлари даражасидан оз бўлмаслиги белгиланди
Ўзбекистонда пенсиянинг минимал миқдори энг кам истеъмол харажатлари даражасидан оз бўлмаслигини белгиланди. Қонун билан пенсиялар миқдорини йил давомида истеъмол нархлари индекси даражасининг ўсиш суръатларини инобатга олиб ошириб бориш тартиби аниқлаштирилди.
Ўзбекистон тарихда илк бор Жаҳон чемпионатига чиқа оладиган жамоага айланди — Сречко Катанец
Миллий терма жамоа бош мураббийи Сречко Катанец Жаҳон чемпионати ва Осиё кубоги қўшма саралаш босқичида Гонконгга қарши ўйинни интиқиб кутаётгани, ўзбекистонлик футболчилар Осиёнинг энг яхши жамоаларига қарши кураша олиши ҳақида гапирди. Унга кўра, мамлакат илк бор ЖЧга чиқоладиган жамоага айланди.
Қашқадарёдаги сайилда газ портлаши оқибатида салкам 40 киши жароҳатланди
Кўкдала туманида ўтказилган сайилда газ баллони портлади. Оқибатда 37 киши жароҳатланди, улардан 7 нафари шифохонага ётқизилди. Ҳолат бўйича жиноий иш очилди.
Ўзбекистонда BYD автомобиллари импорти чекланиши мумкин
«Ўзавтосаноат» билан биргаликда Жиззах вилоятида гибрид ва электромобиллар йиғишни йўлга қўйган BYD компанияси Ўзбекистон ҳукуматидан электромобилларнинг «тартибсиз» импортини чеклашни сўради. Бу сўров импорт қилинган моделларнинг маҳаллий иқлим ва йўл шароитига мослаштирилмагани билан изоҳланган.
Тошкент вилоятида қалбаки косметика маҳсулотлари ишлаб чиқарадиган цех аниқланди
Бўка туманида машҳур брендлар номи остида қалбаки косметика маҳсулотлари ишлаб чиқарадиган цех аниқланди. Қиймати 10 млрд сўмлик 280 минг донадан ортиқ сифатсиз маҳсулот вақтинча сақловга олинди.
Baraka Market ўзининг Baraka Club мобил иловасини тўлиқ янгилади
Baraka Market дўконлар тармоғи Baraka Club мобил иловасининг янги версиясини ишга туширди ва содиқлик дастурини янгилади.
Боксчи Исроил Мадримовга муддатидан олдин майор унвони берилди
WBA чемпионлик камарини қўлга киритган ўзбекистонлик боксчи Исроил Мадримов муддатидан олдин юқори лавозимга кўтарилди. Ички ишлар вазири унга майор махсус унвонини берди.
Ўзбекистонда мева-сабзавот ва озиқ-овқат экспорти бўйича комиссия тузилади
Ўзбекистонда бош вазир раҳбарлик қиладиган мева-сабзавот ва озиқ-овқат экспорти бўйича комиссия тузилади. Президент савдо уйларини тадбиркорлар бошқарувига бериш, томорқасида мева-сабзавот етиштираётганларни ўзини ўзи банд қилган шахс сифатида кўриш ва бошқаларни қўллаб-қувватлади.
Сурхондарёда вояга етмаган қизга уйланишини айтиб, шилқимлик қилган 22 ёшли йигит 5 суткага қамалди
Бандихон туманида вояга етмаганга уйланишини айтиб шилқимлик қилган 22 ёшли йигит 5 суткага қамалди. Судда йигит қизни яхши кўриб қолгани, лекин қизга шилқимлик қилмаганини айтиб кўрсатув берди.
Ўзбекистонда 100 ёшдан ошган 514 нафар фуқаро бор. Уларнинг энг кўпи Қашқадарёда яшайди
Ўзбекистонда 100 ёшга тўлган ёки ундан ошган 514 нафар фуқаро пенсия ва нафақа олади. Уларнинг 78,6 фоизи (404 нафари) аёллардир. Бир асрдан бери умр кўраётганларнинг энг кўпи Қашқадарё, Сурхондарё, Тошкент, шунингдек, водий вилоятларида яшайди.
Ўзбекистонда ўтган Россия президенти сайловида 2018 йилга қараганда камроқ одам овоз берди (фото)
Ўзбекистонда якшанба куни бўлиб ўтган Россия президенти сайловида 4661 киши (2018 йилда 5500 дан ортиқ) овоз берди. Мамлакатда жараён учун иккита участка ҳозирланди — Тошкент ва Самарқандда. Пойтахтда пешин вақтида Россия элчихонаси олдидаги навбат юзлаб метрларга чўзилди (фото).
Фарғонада «Агробанк» собиқ ходимлари салкам 4 млрд сўмни ўзлаштиргани аниқланди
Фарғонада «Агробанк» филиали собиқ ходимлари учта ҳолатда салкам 4 млрд сўмни ўзлаштиргани аниқланди. Уларга нисбатан суд ҳукми ўқилиб, тегишли жазолар тайинланган.
«Газета.uz» мақоласидан сўнг Амир Темур хиёбонидаги реклама конструкцияси олиб ташланди (фото)
«Газета.uz» мақоласидан бир неча соат ўтиб, Тошкентнинг Амир Темур хиёбони ёнидаги реклама конструкцияси демонтаж қилинди. Аввалроқ у ерда реклама жойлаштириш ноқонуний экани, сабаби яқин атрофда маданий мерос объектлари борлиги ҳақида ёзгандик. Ҳолатга расмий изоҳ берилганича йўқ. Фото.
Тошкентда байрам кунларида автобусларнинг ҳаракатланиши тартиби маълум қилинди
Наврўз байрами муносабати билан дам олиш кунлари дея эълон қилинган 21, 22, 23 ва 24 март кунлари Тошкентда автобуслар якшанба кунлари учун тасдиқланган жадваллар асосида ҳаракатланади.
Амир Темур хиёбонига реклама мониторлари ўрнатиляпти. Маданий мерос объектлари олдига уларни ўрнатиш тақиқланган
Тошкентдаги Амир Темур хиёбони олдидаги ажратувчи оролчаларга реклама конструкциялари ўрнатилмоқда, ҳолбуки маданий мерос объектлари ёнида бундай қурилмаларни ўрнатиш тақиқланган (хиёбонда еттита маданий мерос объекти бор). Конструкциялар бинолар манзарасини тўсади ва ҳайдовчиларга халал беради.
Қўшимча имкониятларга эга булиш учун сайтда рўйхатдан ўтинг