Чирчиқ дарёси ўзанида чиқиндихона ташкил қилган эркак қарийб 4 йилга озодликдан маҳрум этилди
Тошкент вилоятида узоқ вақт давомида пул эвазига Чирчиқ дарёси ўзанига чиқинди ташлаб юрган шахс у ерда чиқинди тўғони ҳосил қилгани аниқланди. У 3 йил 9 ой муддатга озодликдан маҳрум қилиниши ва 3 млрд сўм зарарни қоплаши белгиланди.
Қурилиш материалларида таклифнинг ошиши янги бинолар нархини пасайтиради — МБ
Ички бозорда қурилиш материалларининг таклифи ошиб бормоқда, бу нархлар барқарорлашувига ва янги уй-жойлар нархи пасайишига таъсир кўрсатмоқда, деб таъкидлади Марказий банк. Регулятор импорт қурилиш материалларида нарх хавфини кўрмаяпти.
МБ Qulay Pul тўлов тизими операторининг лицензиясини қайтариб олди
Марказий банк Qulay Pul тўлов тизими оператори ва ўз тўлов тизимини йўлга қўйишни режалаштирган UzPost шуъба корхонасининг лицензияларини чақириб олди.
Кўчмас мулк бозоридаги фаолликнинг пасайиши «вазиятнинг барқарорлашуви» билан боғлиқ — МБ
МБ апрель-июнь ойларида уй-жой сотуви бўйича шартномалар сонининг қисқаришини «бозордаги вазиятнинг барқарорлашуви» билан боғлади. Регуляторнинг фикрича, уй-жой савдоси ва ижараси нархларининг ўсиш суръати ўртасидаги тафовутнинг ошиши сотиб олиш ва сотиш нархларининг пасайишига олиб келиши мумкин.
БМТТД ва Uzum ҳамкорликни йўлга қўйди
Uzum экотизими ва БМТ Тараққиёт дастури ўзбекистонликларга рақамли саводхонлик ва тадбиркорлик асосларини ўргатиш ниятида ҳамкорлик меморандумини имзолади.
ДХХ фуқароларни пора эвазига ўқишга киритиб қўйишга уринганларни қўлга олди
Давлат хавфсизлик хизмати Тошкент шаҳри, Қашқадарё, Хоразм ва Тошкент вилоятларида фуқароларни пора эвазига ўқишга киритиб қўйишга уринган шахсларни қўлга олди. Уларга нисбатан жиноят ишлари қўзғатилди.
Россия сафида Украинага қарши жанг қилишни режалаштирган Ўзбекистон фуқаросининг озодлиги 3 йилга чекланди
Ўзбекистон фуқароси февралда Россия армиясида хизмат қилиш учун шартнома имзолаган, бироқ жанговар тайёргарликни тамомлаб, ҳарбий лагердан қочиб, уйига қайтган. Суд жазони енгиллаштирувчи ҳолатларни инобатга олиб, унга «Ёлланиш» моддаси бўйича уч йил муддатга озодликни чеклаш жазосини тайинлади.
Korzinka «энг арзон нарх» ҳақидаги рекламани қоидабузарлик деб ҳисобламаслигини билдирди
Korzinka супермаркетлар тармоғи «энг арзон нарх» иборасидан фойдаланишни қоидабузарлик деб ҳисобламаслигини таъкидлади. Компанияга кўра, дастур «вақтинчалик реклама эмас, балки янги нарх стратегияси» бўлиб, унда энг паст нархлар «узоқ муддатли ва ҳар куни» таклиф этилади.
Фарғонада президент билан учрашган қиз университетга грантга қабул қилинди
Президент Фарғонага ташрифи чоғида маҳаллий аҳоли билан учрашди ва ўша чоғда унга бир қиз Ўзбекистон давлат жаҳон тиллари университетида ўқиш истаги борлиги ҳақида гапирди. Эртаси куни у университетга грант асосида ўқишга киргани тўғрисида сертификатни қабул қилди.
UzAuto Motors 17 июль куни яна Cobalt учун контрактация очади
17 июль куни соат 10:00 да UzAuto Motors аввалги контрактациядан чиқарилган Cobalt автомобиллари учун онлайн шартнома тузишни қайта очади.
Тошкент вилоятидаги Катта Чимён тоғида адашиб қолган 2 фуқаро қутқарилди
«Чимён» ёнғин-қутқарув отряди Бўстонлиқ туманидаги тоғда адашиб қолган 2 нафар фуқарога ёрдам кўрсатди. Улар соат тунги соат 02:53 да хавфсиз ҳудудга олиб тушилган.
Ўзбекистон Қирғизистонга 200 тонна инсонпарварлик ёрдамини юборди (фото, видео)
Андижон вилояти ҳокими бошчилигидаги делегация селдан жабр кўрган Қирғизистоннинг Ўш шаҳрига 200 тонна инсонпарварлик ёрдамини етказиб берди. Ёрдам таркибидан хўжалик, қурилиш моллари, кийим-кечак, озиқ-овқат маҳсулотлари ва бошқалар ўрин олган.
Ўзбекистоннинг еттита вилоятида сел келиши хавфи эълон қилинди
17−22 июль кунлари еттита вилоятнинг тоғли ҳудудларида кутилаётган ёмғирлар сабабли сел-сув тошқинлари юз бериши мумкин.
Болага нисбатан маиший зўравонлик қилганлик учун алоҳида жавобгарлик белгиланмоқда
Жиноят кодексининг оиладаги (маиший) зўравонлик тўғрисидаги 126−1-моддаси болага нисбатан оиладаги (маиший) зўравонлик қилганлик учун жавобгарлик билан тўлдирилмоқда.
Таиланд Ўзбекистон фуқаролари учун визасиз режимни расман жорий қилди
Таиланд ҳукумати Ўзбекистон фуқаролари учун 60 кунгача визасиз кириш режимини расман жорий қилди. Бундай режа май ойи охирида эълон қилинганди.
Cкутер, мопед ва велосипедда содир этилган ҳуқуқбузарликлар учун жавобгарлик белгиланмоқда
Ўзбекистонда кичик ҳажмли электр двигателли транспорт воситаларини ва индивидуал ҳаракатланиш воситаларини (скутер, мопед, велосипед) бошқариш вақтида содир этилган ҳуқуқбузарликлар учун маъмурий жавобгарлик белгиланмоқда.
Ипотека бозори қисқармоқда, банк ипотека ставкалари эса кўтарилмоқда — Марказий банк
Биринчи ярим йилликда Ўзбекистонда ипотека кредитлари ҳажми қарийб 2 фоизга — 6,88 трлн сўмга, олувчилар сони эса 17,3 фоизга қисқарди. Шу билан бирга, ажратилган ипотека кредитларининг ўртача миқдори ва банк фоиз ставкалари ҳам ошди.
Тошкентнинг Темур Малик кўчасида қурилаётган янги йўл ўтказгич қандай бўлади?
Пойтахтнинг Темур Малик кўчаси бўйлаб ўтадиган янги йўл ўтказгичда бурилиш жойлари, кўча четида велосипед йўлаклари бўлади. Мирзо Улуғбек кўчаси билан кесишган жойда пиёдалар ер ости йўлаги қурилади. Масжид олдида эса яна битта ер ости йўлаги қуриб битказилмоқда.
Билимни баҳолаш агентлиги — ҳуқуқшунослик фанларидаги саволларга оид эътирозлар ҳақида
Тармоқларда ОТМ имтиҳонларида ҳуқуқшунослик фанларида дарсликда йўқ, шунингдек, кодекс ва қонунлардан тузилган саволлар борлигидан шикоятлар пайдо бўлди. Билимни баҳолаш агентлиги тестлар ДТС ва ўқув дастурларига асослангани, абитуриентнинг билим ва кўникмасини аниқлашга қаратилганини таъкидлади.
Тошкентда қишлоқликларни ҳақоратлаган қиз жаримага тортилди
Тармоқларда қишлоқликларни «жирканч махлуқот» дея ҳақорат қилган қиз маъмурий жазога тортилди. Суд унга 6,8 млн сўм жарима тайинлади.
Қўшимча имкониятлардан фойдаланиш учун сайтда рўйхатдан ўтинг