Ўзбекистонда ELLE халқаро нашри иш бошлайди
Ўзбекистон бозорига ELLE медиа бренди кириб келади. ELLE Oʻzbekiston ходимларни ишга қабул қилишни бошлади.
Андижонда 80 сотих ерни 160 минг долларга сотмоқчи бўлган шахс ушланди
Андижон вилояти Олтинкўл туманида 80 сотих нотурар ерни 160 минг долларга, Самарқанд вилояти Пайариқ туманида 2,1 гектар ерни 36 минг долларга сотмоқчи бўлган фуқаролар қўлга олинди. Уларга нисбатан иккита модда бўйича жиноят ишлари қўзғатилди.
Тошкентда ўгай онасининг қийноқлари сабаб уйидан чиқиб кетган болага ёрдам кўрсатилди
Тошкентда ўгай онасининг қийноқ ва зулмлари сабаб уйидан чиқиб кетган вояга етмаган бола ижтимоий ёрдам кўрсатиш марказига жойлаштирилди. Бола қаровсиз қолиши натижасида унинг таълим олиши ва тарбияси издан чиқиб кетган, деб ёзди ИҲМА.
Ўзбекистонда «Тирик тарих» туркум фильмлари яратилади
Ўзбекистонда энг қадимги ўтмишдан то яқин тарихгача бўлган даврни ўз ичига олган «Тирик тарих» туркум фильмлари яратилади. «Агар тарихимизни дунёга тараннум этмоқчи бўлсак, халқимизнинг миллий ғурурини кўтармоқчи бўлсак, буни биринчи навбатда кино ёрдамида амалга оширишимиз керак», — деди президент.
Маҳмуд Истамов Қонунчилик палатаси девонига раҳбар бўлди
Маҳмуд Истамов Олий Мажлис Қонунчилик палатаси девони раҳбари этиб тайинланди. У аввал Бухоро вилояти прокурори, МСК раиси ўринбосари, адлия вазирининг ўринбосари ва биринчи ўринбосари лавозимларида ишлаган.
Малайзия бош вазири расмий ташриф билан Ўзбекистонга келади
Малайзия бош вазири Анвар Иброҳим расмий ташриф билан Ўзбекистонга келади. У Тошкентдан ташқари, Самарқанд ва Бухорода ҳам бўлади.
2023 йилнинг ёзи сўнгги 2000 йилдаги энг иссиғи бўлди — тадқиқот
Шимолий яримшарда ўтган йилнинг ёзи нафақат замонавий об-ҳаво кузатувлари бошланганидан бери, балки сўнгги 2000 йилдаги энг иссиғи бўлди, бу дарахтларнинг йиллик ҳалқаларини ўрганиш орқали аниқланди.
Тошкентдаги барча LED экранли рекламаларнинг ёруғлик даражаси меъёрга келтирилади
Тошкент аҳолисининг шикоятлари сабаб ҳокимият яқин 2 ойда барча LED экранлардаги рекламаларнинг ёруғлик даражасини текшириб чиқмоқчи. Дастлабки ўрганишларда уларнинг 90 фоизидан кўпи меъёрдан ортиқ ёруғлик тарқатиши аниқланган. Энди ушбу тартибни бузган экран эгалари электр тармоғидан узиб қўйилади.
«Асакабанк» Европа тикланиш ва тараққиёт банки томонидан «Ўзбекистондаги энг фаол эмитент-банк» сифатида тақдирланди
2024 йилнинг 14 май куни Ереванда бўлиб ўтган ЕТТБ бошқарувчилар кенгашининг 33-йиллик йиғилишида «Асакабанк» Ўзбекистонда савдони молиялаштириш бўйича «Энг фаол эмитент банк» сифатида эътироф этилди.
Словакия бош вазирининг суиқасддан кейинги аҳволи барқарор, аммо жиддий — Reuters
Суиқасд уюштирилган Словакия бош вазири Роберт Фицо операциядан кейин барқарор, аммо жиддий аҳволда қолмоқда. Гумонланувчи 71 ёшли ёзувчи бўлиб, у қотилликка уринишда айбланмоқда.
«Ўзбекнефтгаз» ва «Газпром нефть» Бурғилаш ишларини бошқариш марказини ишга туширди. Лойиҳа нима беради?
«Ўзбекнефтгаз» Россиянинг «Газпром нефть» компанияси кўмагида қудуқларни бурғулаш муддатини 45 фоизга, уларни қуриш таннархини эса 35 фоизга қисқартириш имконини берувчи Бурғилаш ишларини бошқариш марказини очди. Компания етказиб берувчи билан 4,45 млн ва 243,3 минг долларлик иккита шартнома тузди.
Ўзбекистон Афғонистондан 1 млн тоннадан ортиқ кўмир импорт қилишни режалаштирмоқда
Ўзбекистон Афғонистондан 1 млн тоннадан ортиқ кўмир импорт қилиш, шунингдек, Мозори Шарифдаги Имом Ал-Бухорий мадрасасида қурилиш ишларини бошлаш, Трансафғон темирйўли лойиҳасининг техник-иқтисодий асосларини ишлаб чиқиш лойиҳаларини амалга ошириш ниятида, деб хабар берди Афғонистон ТИВ.
Тошкентда ижара нархлари пасайишда давом этмоқда — МҲТИ
Апрель ойида Тошкентда ўртача таъмирланган хонадонлар учун ижара нархлари мартга нисбатан ўртача 0,9 фоизга, тўлиқ таъмирланган хонадонлар учун эса ўртача 1,12 фоизга пасайди. Ўртача таъмирланган уй-жой учун нисбатан арзон ижара нархлари Сергели ва Олмазор туманларида бўлиб турибди.
«Шунақаси ҳам бўлган». Энергетика вазири — нефть ва газ саноатида инвесторлар билан шартномаларни қайта кўриб чиқиш ҳақида
Энергетика вазири Жўрабек Мирзамаҳмудов нефть-газ соҳасида инвесторлар билан тузилган шартномаларни қайта кўриб чиқишга оид саволларга жавоб берди. Унинг айтишича, айрим ҳолларда инвесторларга қўшимча мажбуриятлар юкланган, бироқ улар инвестиция муҳитининг ёмонлашуви хавфи туфайли ошкор этилмаган.
«Хавфсиз ҳаёт учун бирлашайлик» шиори остида спорт тадбирлари ўтказилиши белгиланди
19 май куни «Янги Ўзбекистон» боғида «Хавфсиз ҳаёт учун бирлашайлик» шиори остида кенг қамровли маънавий-маърифий, ватанпарварлик ва спорт тадбирлари бўлиб ўтади. Бош соврин — 10 млн сўм.
Дания ва Литва Ўзбекистонга янги элчилар тайинлади
Ўзбекистон ташқи ишлар вазири Дания элчиси Якоб Хеннингсен ва Литва элчиси Эгидиюс Навикасдан ишонч ёрлиқларини қабул қилди.
Тошкентда бир қатор кўча ва чорраҳалар таъмирланади — рўйхат
Майдан сентябрь ойига қадар Тошкентнинг қатор чорраҳа ва кўчаларида реконструкция ишлари олиб борилади. Жараён соат 22:00 дан 06:00 гача бажарилиши режа қилинмоқда. Ҳокимлик «иш жараёнида ноқулайликлар туғилиши муқаррар экани», бироқ барча имкониятларни ишга солишини билдирди.
Тошкентда фуқарони 2 млн сўм эвазига ишга жойлаб қўймоқчи бўлган метрополитен ходимаси ушланди
Тошкент метрополитени ходимаси фирибгарликда гумонланиб ушланди. У фуқарони 2 млн сўм эвазига ишга жойлаб қўйишни ваъда қилгани айтилмоқда.
Dubai Unlocked суриштируви: Ўзбекистон собиқ бош прокурори ўғлининг Дубайда 8 млн долларлик кўчмас мулки бор
Халқаро журналистлар Дубайдаги мулк эгалари ҳақида маълумот берувчи Dubai Unlocked суриштирувини эълон қилди. Унда Ўзбекистон собиқ бош прокурори Рашитжон Қодировнинг ўғли — қидирувга берилган Алишербек Қодировнинг умумий қиймати деярли 8 млн доллар бўлган 4 та офисга эгалик қилиши айтилган.
Фарғона ва Сурхондарёда бола ўғрилари пайдо бўлгани ҳақидаги хабарлар ёлғон экани айтилди
Telegram каналларида Фарғона ва Сурхондарё вилоятларида бола ўғрилари пайдо бўлгани билан изоҳланган видеолар тарқалди. Икки вилоят ИИБлари ушбу хабарлар асоссиз экани, видеоларда эса бошқа ҳолатлар тасвирланганини маълум қилди.
Қўшимча имкониятлардан фойдаланиш учун сайтда рўйхатдан ўтинг