Фарғонада 6 та арчани қуритиб қўйган маҳалла раиси жаримага тортилди
Бувайда туманидаги «Бумозор» МФЙ раиси тегишли чоралар кўрмасдан 5 ёшли 6 та арча кўчатларини қуриб қолишига олиб келгани учун 330 минг сўм миқдорида жаримага тортилди.
Исроил — Фаластин можароси. Асосий янгиликлар
Исроил ҲАМАС гуруҳининг ҳаракатларига жавобан Ғазо секторини «тўлиқ блокада» қилишга буйруқ берди. Фаластин ССВ беморлар кўпайиб кетган касалхоналарга шошилинч тиббий ёрдам таъминотини етказиб бериш учун хавфсиз йўлак очишга чақирмоқда.
Навбатдан ташқари аттестациядан ўтиб, малака тоифасини оширган тиббиёт ходимларига қўшимча ҳақ тўланади
Ўзбекистонда ўз хоҳиши билан навбатдан ташқари аттестацияда қатнашиб, малака тоифасини оширган тиббиёт ва фармацевтика ходимларига оширилган малака тоифаси бўйича ҳақ тўланади.
Ўзбекистонда 9 ойда 700 мингдан ортиқ чақалоқ туғилди
Январь-сентябрь ойларида Ўзбекистонда 716 885 нафар чақалоқ тирик туғилди. Кўрсаткич 2022 йилнинг мос даврига нисбатан 5,1 фоизга ошган.
Тошкент вилоятида йигитни ўлдириб, машинасини ёқиб юборишда гумонланган шахс ушланди
Янгийўл туманида 25 ёшли такси ҳайдовчисини ўлдириб, машинасини ёқиб юборишда гумонланган шахс ушланди. Воқеага улар ўртасидаги пул қарзи сабаб бўлгани аниқланди.
Яшнободдаги Иззат кўчасининг бир қисми 20 кунга ёпилади
Пойтахтдаги Иззат кўчасининг бир қисми сув қувурлари алмаштирилиши сабаб 10 октябрдан 30 октябргача транспорт ҳаракати учун ёпилади. Ушбу кунлар давомида кўчанинг тегишли қисмидан ҳаракатланувчи автобусларнинг йўналишлари ўзгартирилади.
9 октябрь куни Ўзбекистонда содир бўлган энг муҳим воқеалар дайжести
Ҳафта охирида кутилаётган совуқ ҳарорат, Россия билан газ етказиб бериш бўйича катта шартнома муҳокамаси, пойтахт туманига илк бор аёл ҳоким тайинлангани, Фаластин-Исроил можаросидан жиддий хавотир олаётган Ўзбекистон, можаронинг асосий янгиликлари ва бошқалар — «Газета.uz»нинг кун дайжестида.
Партиялар Ўзбекистонда аралаш сайлов тизимига ўтиш масаласини муҳокама қилишни бошлади
Ўзбекистонда партиялар фракциялари Олий Мажлис Қонунчилик палатаси депутатларини сайлашнинг мажоритар-пропорционал (аралаш) тизимига ўтиш тўғрисидаги конституциявий қонун лойиҳасини муҳокама қилишни бошлади.
«Ўзтрансгаз» бошқарув раисига ўринбосарлар тайинланди
Муҳсин Рахмонов ва Шоҳжаҳон Сафаров «Ўзтрансгаз» бошқарув раисининг биринчи ўринбосарлари, Жаҳонгир Байбаев эса раис ўринбосари лавозимига тайинланди.
Ўзбекистонда бир йилда атмосферага 874 минг тонна саноат чиқиндилари чиқарилди. Қаердан?
2022 йил саноат корхоналари ҳавога 874 минг тонна чиқинди чиқарди. Уларнинг катта қисми нефть-газ, энергетика, металлургия корхоналари ҳисобига тўғри келади. Вазирлар Маҳкамаси 2023 йилда 145 корхонада 723 та чанг-газларни тутиб қолиш ускуналарини таъмирлаб, ташланмаларни камайтирмоқчи.
Исроил — Фаластин можароси. Асосий янгиликлар
Исроилда қурбонлар сони 700 нафардан ошди, 2200 дан ортиқ одам жароҳатланган. Ғазо секторида эса камида 413 нафар фаластинлик ҳалок бўлди, 2300 киши яраланган. ОАВ Эрон ҲАМАСга ёрдам бергани ҳақида ёзди, Эроннинг ўзи эса буни рад этди.
Ўзбекистонда блокланган TikTok солиқ тўловчи сифатида рўйхатдан ўтди
TikTok ижтимоий тармоғи Ўзбекистонда 2021 йилнинг ёзидан буён блокланганига қарамай, солиқ тўловчи сифатида рўйхатдан ўтди. Эндиликда хизматлар учун тўлов 12 фоизлик ҚҚСни ўз ичига олади.
Иқтисод бўйича Нобель мукофоти аёлларнинг меҳнат бозоридаги ролини ўрганган иқтисодчига берилди
2023 йилги иқтисод бўйича Нобель мукофоти аёлларнинг меҳнат бозоридаги ўрни ва самаралари борасида тадқиқот ўтказган Гарвард университети иқстисодчиси Клаудия Голдинга берилди.
Пойтахт туманига илк бор аёл ҳоким тайинланди
Тошкентнинг Яккасарой туманига Нилуфар Аллабергенова ҳоким этиб тайинланди. У 2019 йилдан буён шу туман прокурори сифатида ишлаб келаётганди.
1 ноябрдан айрим ҳудудларда электр энергиясига ҳисоблагич орқали 10−15 кВ қувват доирасида чеклов киритилади
Ўзбекистондаги эскирган ва ортиқча юклама билан ишлаётган электр тармоқлари ва трансформатор пунктлари жойлашган ҳудудларда ҳисоблагич орқали 10−15 кВ қувват доирасида чеклов киритилади. Бу қиш ва ёздаги ноқулай об-ҳаво шароитида тармоқларга юклама тушишини олдини олиш учун амалга оширилади.
Ўзбекистон Фаластин-Исроил можаросидан жиддий хавотирда — ТИВ
Ўзбекистон ТИВ Фаластин-Исроил можароси тинч аҳоли орасида кўплаб қурбонларга олиб келгани ва Яқин Шарқдаги вазиятни мураккаблаштирганидан жиддий хавотир билдирди. Мамлакат томонларни қуролли қарама-қаршиликни тез фурсатда тугатиш ва инқирозни дипломатик воситалар орқали ҳал қилишга чақирди.
Санжар Эрданов «Ўзбекконцерт» директори в.в.б. бўлди
Санжар Эрданов «Ўзбекконцерт» давлат муассасаси директори вазифасини вақтинча бажарувчи этиб тайинланди. Фаолиятида камчиликларга йўл қўйган ҳудудий бўлим раҳбарларининг айримлари охирги маротаба огоҳлантирилди.
Ўзбекистон Россия билан газ етказиб бериш бўйича ўрта ва узоқ муддатли шартномаларни муҳокама қилмоқда
Ўзбекистон Энергетика вазирлиги «Газпром» (Россия) билан газ етказиб бериш бўйича ўрта ва узоқ муддатли шартномалар музокарасини бошлади, дея маълум қилди энергетика вазири Жўрабек Мирзамаҳмудов.
Тошкентда ичимлик ва оқова суви нархи ошиши кутилмоқда
Пойтахтда аҳоли учун бир метр куб сув нархи 1400 сўм, оқова сув нархи эса 1000 сўм, юридик ташкилотлар учун ичимлик суви нархи 3000 сўм оқава сув нархини эса 2200 сўм этиб белгиланиши кутилмоқда.
Бухорода икки эркак ток уриши оқибатида вафот этди
Жондор туманида икки эркак танишининг уйида устачилик қилаётган пайтда ток уриши оқибатида вафот этди.
Қўшимча имкониятлардан фойдаланиш учун сайтда рўйхатдан ўтинг