Ўзбекистон 6 та тезюрар Hyundai Rotem поезди ва 30 та Skoda электропоездини сотиб олади
Ўзбекистон Жанубий Кореянинг Hyundai Rotem компаниясидан 6 та тезюрар поезд, Чехиянинг Skoda компаниясидан 30 та электропоезд сотиб олишни режалаштирмоқда. Бунинг учун давлат кафолати остида 535 млн евро миқдорида кредитлар жалб этилади.
Ўзбекистонда энг қиммат авторақам қарийб 75 минг долларга сотилди
01 777 RRR автомобиль рақами кимошди савдосида 894 млн сўмга сотилиб, Ўзбекистонда юридик шахслар учун энг қиммат «чиройли» рақам бўлди. Бир ярим соатлик савдода нарх 3 баробарга ошди.
ХВЖ 2023 йилда Ўзбекистон ЯИМ ўсиши прогнозини яхшилади
Халқаро валюта жамғармаси 2023 йил якунларига кўра Ўзбекистон иқтисодиётининг ривожланишига баҳосини бироз яхшилади. Мамлакат ялпи ички маҳсулоти 5,5 фоизга ошиши кутилмоқда. Худди шу кўрсаткич 2024 йил учун ҳам прогноз қилинмоқда.
Тошкент ҳокимлиги ва BYD ўртасида 2000 та электробус харид қилиш бўйича келишув имзоланди
Тошкент ҳокимлиги Хитойнинг BYD компаниясидан 2000 дона K9UD eBus электробусларини харид қилади. 200 та автобуснинг биринчи партияси 2024 йилда келтирилиши керак.
Қозоғистон «яхшироқ нарх ва шартлар таклиф қилинса», Ўзбекистонга нефть етказиб бериш ҳажмини ошириши мумкин
Қозоғистон Ўзбекистонга нефть етказиб бериш ҳажмини оширишни кўриб чиқишга тайёр, агарда «Ўзбекистон томони Хитойга қараганда яхшироқ нарх ва шартларни таклиф қилса». Мамлакат Энергетика вазирлиги Россия нефти Ўзбекистон бозорида қозоқ нефтининг сиқиб чиқараётгани ҳақидаги хабарларни рад этди.
Тошкентда тупроқ босиб қолган 5 нафар қурувчидан 2 нафари ҳалок бўлди
Учтепа туман ҳокимлиги коллектор қурилишида 5 нафар ходимни тупроқ босиб қолганини маълум қилди. Қайд этилишича, улардан 2 нафари вафот этди, 1 нафари касалхонада, қолганларнинг аҳволи қониқарли баҳоланмоқда.
Исроил ва Ғазода ватандошларимиз асирга олингани ҳақида маълумот йўқ — Ўзбекистон элчихонаси
Ўзбекистоннинг Исроилдаги элчихонаси мамлакат ҳудуди ва Ғазо секторида мажбуран ушлаб турилганлар орасида ўзбекистонликлар борлиги ҳақида маълумот келиб тушмаганини билдирди. Шунингдек, Исроилда яшаётган Ўзбекистон фуқароларидан алоқага чиқиш сўралди.
Тошкентда 3 нафар қурувчини тупроқ босиб қолгани айтилмоқда
Тошкентнинг Учтепа туманида уч нафар қурувчини тупроқ босиб қолгани айтилмоқда. Улар ФВБнинг 16 нафар қутқарувчилари томонидан 2 соатдан буён қидирилмоқда.
Чилонзор ва Учтепа туманларининг бир қанча даҳа ва кўчаларида 24 соатга иссиқ сув ўчади
«Чилонзор» қозонхонаси фаолиятини тўхтатиши сабаб Чилонзор ва Учтепа туманларининг бир қанча ҳудудларида 12 октябрда иссиқ сув таъминоти ўчирилади.
Назир Ражабов 84 ёшида вафот этди
Ўзбекистон ССР Қурилиш вазирлиги, Наманган ва Самарқанд вилоятларини бошқарган Назир Ражабов 84 ёшида вафот этди.
Судочье кўллар тизими халқаро аҳамиятдаги сув-ботқоқ ҳудудлари рўйхатига киритилди
Қорақалпоғистондаги Судочье кўллар тизими «Рамсар» конвенциясининг халқаро аҳамиятга эга бўлган сув-ботқоқ ҳудудлари рўйхатига киритилди. Бунгача Денгизкўл (2001), Айдар-Арнасой кўллар тизими (2008) ҳамда Тўдакўл ва Қуймазор сув омборлари (2020) мазкур рўйхатдан жой олган.
Ўзгидромет 9 та вилоятда сел-сув тошқини хавфини эълон қилди
12−13 октябрь кунлари кучли ёмғирлар ёғиши кутилаётгани сабабли Ўзбекистоннинг 9 та вилоятида сел-сув тошқини юзага келиши мумкин.
Янгиҳаёт туманидаги кўча ва мавзеларга ном бериш бўйича таклифлар қабул қилинмоқда
Тошкент шаҳри аҳолиси 10−17 октябрь кунлари Янгиҳаёт туманидаги мавзе ва кўчаларни номлаш бўйича таклифларини йўллаши мумкин. «Газета.uz» аввалроқ пойтахтдаги 200 га яқин географик объектнинг номи йўқлиги ҳақида ёзганди.
Тошкентда телефонида видео олиб кетаётган 18 ёшли Equinox ҳайдовчиси ЙТҲ содир этди
Тошкентда 18 ёшли Equinox ҳайдовчиси телефондан фойдаланиб кетаётганда, светофорда турган бошқа машинага катта тезликда бориб урилди. Йўл-транспорт ҳодисаси оқибатида Nexia-3 ҳайдовчиси ва йўловчиси жабрланган.
«Ўзбекистон темир йўллари»нинг қарзларни тўлаш муддати узайтирилиб, 150 млн долларлик янги кредит ажратилади
Президент «Ўзбекистон темир йўллари»нинг Тикланиш ва тараққиёт жамғармаси кредитлари бўйича асосий қарзини тўлаш муддатини фоиз ставкаларини ўзгартирмаган ҳолда узайтиришни маъқуллади. Юк ва йўловчи вагонлари ишлаб чиқариш учун Саноатни ривожлантириш жамғармасидан 150 млн доллар кредит ажратилмоқда.
Исроил — Фаластин урушининг бешинчи куни. Асосий янгиликлар
ҲАМАСнинг икки етакчиси ҳалок бўлди, Эрон Исроилнинг ҳарбий ва разведка соҳасидаги «тузатиб бўлмас мағлубиятини» олқишлади, БМТ комиссияси ҲАМАС ва Исроилнинг ҳаракатларини қораламоқда, ОАВ Исроил электр ва сув етказиб беришни тўхтатган минтақада гуманитар фалокат юз бераётгани ҳақида ёзмоқда.
Ўзбекистонда учта вокзални ДХШ доирасида ривожлантириш режалаштирилмоқда
Давлат-хусусий шериклик доирасида Тошкент, Самарқанд ва Қўқон темир йўл вокзалларини ривожлантириш режалаштирилмоқда. Шунингдек, «Навоий-Учқудуқ» участкасини электрлаштириш, «Тошкент-Ангрен» иккинчи электрлаштирилган линиясини қуриш ва бошқа лойиҳалар самарадорлигини ўрганиш топширилди.
Андижон давлат университетида 39,3 млрд сўм нақд пул талон-торож қилингани аниқланди
Андижон давлат университетида талабаларга ортиқча стипендия ҳисоблаш, ТТЖдан тушган пулларни ўзлаштириш ва талабаларга ҳисобланган рағбатлантириш маблағлари тарқатмаслик йўли билан жами 39,3 млрд сўм нақд пул талон-торож қилингани аниқланди.
Хитойдан келган навбатдаги контейнер поезди Ўзбекистон орқали Афғонистонга етказилди
Хитойдан автомобиль қисмлари юкланган 22 контейнерли поезд душанба куни «Хитой — Қирғизистон — Ўзбекистон — Афғонистон» транспорт йўли орқали Афғонистонга келди.
«Ўзбекистон темир йўллари» акциядорлик жамияти негизида қатор янги компаниялар ташкил этилмоқда
«Ўзбекистон темир йўллари» АЖ негизида йил охирига қадар инфратузилма, юк вагонлари ва логистика, йўловчи ташиш (тезюрар поездлар учун алоҳида) ҳамда вокзал бошқаруви бўйича алоҳида компаниялар ташкил этилади. Президент компанияни холдингга айлантириш режасини сентябрь ойида эълон қилганди.
Қўшимча имкониятлардан фойдаланиш учун сайтда рўйхатдан ўтинг