Ҳайдовчиларни тайёрлаш ва қайта тайёрлаш соҳасини лицензиялаш ИИВга ўтказилмоқда
Ҳайдовчиларни тайёрлаш ва қайта тайёрлаш соҳасини лицензиялаш Вазирлар Маҳкамаси ҳузуридаги Таълим сифатини назорат қилиш давлат инспекциясидан Ички ишлар вазирлигига ўтказилмоқда. Шунингдек, ушбу лицензия учун тўланадиган давлат божи БҲМнинг 10 баравари миқдорида белгиланмоқда.
28 декабрь куни Ўзбекистонда содир бўлган энг муҳим хабарлар дайжести
Ахборот кодекси лойиҳаси, байрам кунларида «свет» ва газдан қарзи борлар тармоқдан узилмаслиги, Бахтиёр она ҳайкали очилганига 17 йил тўлгани, «Олмалиқ КМК»га 12 млн доллар грант ажратган Корея, 21 ёшдан кичикларга тамаки ва алкогол сотиш тақиқлангани ва бошқалар — «Газета.uz»нинг кун дайжестида.
ҚҚС ставкасининг 12 фоизга туширилиши нархларга қандай таъсир қилади? Ўзбекистон молия вазири ўринбосарининг жавоби
Молия вазири ўринбосари Дилшод Султонов ҚҚСнинг 12 фоизга тушиши ортидан нархларнинг пасайишини «эҳтимолдан йироқ» деб атади. Унинг фикрича, компаниялар «солиқ ставкаси пасайишидан оладиган фойдани харидорларга бериши даргумон». Унинг айтишича, рақобатбардош бозорлардагина нархлар тушиши мумкин.
ИТСВ Туркманистон билан чегараолди савдо зонасини ишга туширишни тезлаштиради
ИТСВда бўлиб ўтган йиғилиш якунига кўра, масъул раҳбарларга Ўзбекистон-Туркманистон чегараолди савдо зонасини ишга туширишни тезлаштириш бўйича вазифалар юклатилди.
Ўзбекистон МБ Smart Bank рақамли банкига лицензия берди
Ўзбекистонда яна бир рақамли банк пайдо бўлди. МБ Smart Bank банкига лицензия берди.
Ўзбекистонда Airbus ва Boeing самолётлари учун авиакеросин ишлаб чиқарилади
Фарғона НҚИЗ Airbus ва Boeing самолётлари учун ишлатиш мумкин бўлган авиакеросин турини ишлаб чиқариш ҳуқуқини берувчи сертификатни қўлга киритди. Ишлаб чиқариш ҳажмини ойига 8000 тоннагача ошириш ва келажакда маҳаллий ҳамда хорижий аэропортларга етказиб беришни кўпайтириш имконини беради.
Тошкентнинг янги метро станцияларига таклиф қилинган номлар муҳокамаси қандай ўтди?
Транспорт вазирлиги тузган ишчи гуруҳ метронинг янги станциялари учун номларни кўриб чиқди. Тасдиқдан сўнг, улар овозга қўйилади. Нега «Чкалов» ўтмагани (ва «Авиасозлар» ўтгани), «Чоштепа» ва «Сергели» бўйича баҳслар ва «Паралимпия ҳаракати» номи қандай пайдо бўлгани ҳақида ҳикоя қиламиз.
Водийнинг газ таъминотини яхшилаш учун янги магистраль қувур қурилмоқда — Энергетика вазирлиги
Энергетика вазирлиги 95 километр узунликдаги янги «Янгиер-Оҳангарон» магистраль газ қувури қурилаётганини маълум қилди. Таъкидланишича, газ қувури водий вилоятларининг газ таъминотини яхшилашга хизмат қилади.
Адлия вазирлиги «Газета.uz»нинг Нукус воқеалари бўйича репортажини «ОАВда ҳуқуқ» танловида энг яхши деб топди
Адлия вазирлиги «Газета.uz»нинг Нукус воқеаларига оид «Нукусдаги вазият: тинч, аммо хавотирли» репортажини ҳуқуқни тарғиб қилувчи материаллар ўртасида ўтказилган танловда биринчи ўринга лойиқ кўрди.
11 ой давомида Ўзбекистондаги хорижий компаниялар қарийб 45 млрд сӯм солиқ тўлади
ДСҚ тақдим этган маълумотларга кўра, январь-ноябрь ойларида Ўзбекистонда рўйхатдан ўтган хорижий компаниялар 44,8 млрд сўм солиқ тўлагани маълум бўлди. Бунда, тўланган солиқларнинг 98 фоизи электрон хизматлар кўрсатувчи 10 та хорижий компания ҳиссасига тўғри келмоқда.
Ахборот кодекси лойиҳаси: Жамоатчилик нимадан норози?
Ахборот кодекси лойиҳаси жамоатчилик муҳокамасига қўйилгач фаолларнинг эътирозларига сабаб бўлди. Жумладан, Масс-медиа фонди Васийлик кенгаши раиси Нозима Давлетова 45-моддани «хавфли» деб атади. Нурбек Алимов эса «7-модда ҳар қандай блогер ёки ОАВни синдириб юбориши мумкин»лигини таъкидлади.
Самарқанд вилоятининг туризм салоҳияти оширилади
Самарқанд аэропортида 2023 йил 1 февралгача туристик ахборот маркази ташкил этилади. 2026 йил 1 январга қадар тадбиркорлар 4 ва ундан юқори юлдузли меҳмонхоналар фаолияти учун товарларни олиб киришда божхона тўловларидан озод қилинади.
Тошкент вилоятида 2,1 млн кВт-соат электр энергиясидан ноқонуний фойдаланган корхона аниқланди
Янгийўл туманида жойлашган текстиль корхонаси 10,5 мингта хонадоннинг бир ойлик истеъмолини ташкил қиладиган электр энергиясидан ноқонуний фойдалангани аниқланди. Бунинг натижасида энергетика тизимига 1,4 млрд сўм зарар етказилди.
Байрам кунлари аҳоли «свет» ва газдаги қарздорлик учун тармоқдан узилмайди
Энергетика вазирлиги байрам кунларида аҳоли электр энергияси ва табиий газдаги қарздорлик учун тармоқдан ажратилмаслигини маълум қилди. Истеъмолчилар ушбу ресурслар учун байрам кунлари ҳам онлайн равишда тўлов қилиши мумкин.
Йил давомида иккиламчи автомобиль бозори қандай ўзгарди?
ИТИМ таҳлилига кўра, 2022 йил давомида иккиламчи бозорда автомобиллар нархи ўтган йилнинг шу даврига нисбатан ўртача 12−15 фоизга ошди. Бунда электромобиллар улуши 2,3 фоизни ташкил этди. Сотувдаги машиналарнинг 70 фоизи маҳаллий автомобиллар ҳиссасига тўғри келмоқда.
Тошкентда Ўзбекистоннинг бош арчаси порлади
Миллий кутубхона яқинида Ўзбекистоннинг бош арчаси ўрнатилди. У ерда меҳмонлар учун сунъий муз майдони мавжуд ҳамда кўнгилочар дастур ташкил этилди.
Россияда 1 ёшли ўзбекистонлик қиз ўйинчоқ батарейкасини ютиб юбориши оқибатида вафот этди
Санкт-Петербургда батарейкани ютиб юборган ўзбекистонлик 1 ёшли қиз тахминан 3 ой ўтиб вафот этди. Ота-она шифокорга мурожаат қилмаган. Улар қизи ютиб юборган жисм танани ўз-ўзидан тарк этади деб ўйлаган.
Корея Республикаси «Олмалиқ КМК»га 12 млн доллар грант ажратади
Жорий йилнинг 25 декабрь куни Корея Миллий Ассамблеяси Олмалиқ кон-металлургия комбинатига 15 млрд вон ($12 млн) миқдоридаги грант ажратиш бўйича қарор қабул қилди. Мазкур маблағлар ҳисобидан ўзбек-корейс илмий техник маркази қошида саноат тажриба цехи ташкил этилиши режалаштирилмоқда.
Сирдарёда мактабга қайиқда қатновчи қиз ва оиласи учун дарёда махсус ускунали трос тортилади
Тармоқларда ёш қизалоқ мактабдан қайтишда Сирдарё дарёсидан қайиқ орқали сузиб ўтаётгани акс этган видео кўплаб муҳокамаларга сабаб бўлганди. Вилоят ҳокими в.б. Акмал Махмудалиев қиз ва онаси билан учрашди. Ҳоким улар учун дарё қирғоқларини боғловчи махсус ускунали трос тортилишини маълум қилди.
Ўзбекистонда 21 ёшгача бўлган шахсларга тамаки ва спиртли ичимликлар сотиш тақиқланади
Сенат 21 ёшгача бўлган шахсларга тамаки маҳсулотлари, электрон сигареталар ва спиртли ичимликларни интернет ҳамда савдо автоматлар орқали сотишни тақиқловчи қонун лойиҳасини маъқуллади. Тақиқлар рўйхати сезиларли даражада кенгайтирилди.
Қўшимча имкониятларга эга булиш учун сайтда рўйхатдан ўтинг