Талабалар учун 1,3 млн сўм стипендия тўланадиган ўқув курслари ташкил этилади
Ҳукумат қарори билан IT, математик статистика, дастурлаш тиллари, инглиз тили каби йўналишларда талабалар учун ўқув курслари ташкил этилади. Унда БҲМнинг тўрт баравари (1 млн 320 минг сўм) миқдорида ҳар ойда бир маротаба стипендия бериб борилади. Ўқув курсига талабалар танлов асосида қабул қилинади.
Давлат органлари раҳбарлари АКТ бўйича қисқа муддатли курсларда ўқитилади
Ҳукумат қарори билан давлат органларининг АКТ соҳасига масъул ходимлари 3 йилда бир марта малака оширади. Қолаверса, биринчи раҳбарлар ҳам соҳа бўйича Давлат бошқаруви академиясида қисқа муддатли курсларда ўқитилади. Жараён билан боғлиқ харажатлар ташкилотлар ҳисобидан қопланади.
Венеция архитектура биенналесида Ўзбекистоннинг меъморчилик лойиҳаси намойиш этилди (фото)
18-Венеция архитектура биенналесининг очилишида Ўзбекистон «Unbuild Together: Archaism vs. Modernity» лойиҳасини тақдим этди. Лойиҳага Франциянинг Studio КО бюроси кураторлик ҳамда Тошкентдаги Ажу университети ҳамкорлик қилмоқда.
Ўзбекистонда ҳафта иссиқ бўлади, баъзи жойларда ёмғир ёғиши мумкин
Ўзбекистонда иш ҳафтаси иссиқ бўлади, айрим жойларда қисқа муддатли ёмғир ёғиши мумкин. Антициклон таъсирида ҳафтанинг ўрталарида ҳаво ҳарорати +25 даражага тушади, бироқ ҳафта охирига келиб яна +33 даражагача кўтарилади.
Ўзбекистонда Onix ва Tracker учун шартнома бериш 25 майдан бошланади
UzAuto Motors 25 майдан бошлаб Chevrolet Tracker ва Onix автомобилларининг янгиланган комплектациялари учун шартнома беришни бошланишини маълум қилди. Шартнома учун очиқ бўлган аввалги комплектацияларнинг нархи ўзгаришсиз қолиши айтилмоқда.
Тошкентнинг 8 та туманидаги айрим жойларда 1,5 кун иссиқ сув бўлмайди
Қувурларда олиб борилаётган таъмирлаш ишлари сабабли пойтахтнинг 8 та туманидаги айрим жойларда 23 май соат 20:00 гача иссиқ сув таъминоти тўхтатилди. Рўйхат.
Сурхондарёдаги Тўпаланг ГЭСда модернизация ишлари якунланди
Сурхондарё вилоятидаги Тўпаланг ГЭС 75 млн 400 минг евро эвазига модернизация қилинди. Синов ишлари тўлиқ якунлангач, ГЭС 175 мВт электр энергияси ишлаб чиқара бошлайди. Президент 2019 йилда у ердаги ишлар билан танишиб, жараённи «тарихий воқеа» деб атаган.
Банкларда долларнинг сотув курси 11 490 — 11 545 сўм этиб белгиланди
Тижорат банклари 22 май куни аҳолидан 1 АҚШ долларини 11 420 — 11 460 сўмдан сотиб олмоқда, сотув курси эса 11 490 — 11 545 сўм.
Давлат гранти битирувчиларининг 3 йил ишлаб бериш мажбурияти ўз кучини йўқотмаган — вазирлик
Тармоқларда грант асосида таҳсил олган ОТМ битирувчиларини мажбурий тартибда камида 3 йил ишлаб бериш талаби бекор бўлгани ҳақида хабарлар тарқалди. Олий таълим, фан ва инновациялар вазирлиги буни рад этиб, мажбурият ўз кучини йўқотмаганини изоҳлади.
Тошкентда Mercedes-Benz автобуси бутунлай ёниб кетди
Тошкентда навбатдаги Mercedes-Benz русумли автобусда ёнғин содир бўлди. Транспорт воситаси деярли бутунлай ёниб кетди. Ҳодиса оқибатида жабрланганлар йўқ.
Тошкентда бино қурилишига норози бўлган аҳоли билан жанжаллашган компания вакиллари 10 суткага қамалди
Тошкентнинг Юнусобод туманида қўп қаватли уйлар орасига «дом» қурмоқчи бўлган компания вакиллари ва аҳоли ўртасида низо келиб чиқди. Пойтахт ҳокимлиги аҳоли розилигисиз ҳудудда қурилиш амалга оширилмаслигини, ИИББ эса фуқаролар билан жанжаллашган шахслар 10 суткага қамалганини маълум қилди.
«Ўзтемирйўлйўловчи» Варламовнинг Ўзбекистондаги «люкс» поездлар ҳақидаги танқидига изоҳ берди
Россиялик блогер Илья Варламов Ўзбекистонда «люкс» вагондаги саёҳати давомида скотч ёпиштирилган деразалар, кир стол ва ҳожатхона ҳамда бузилган душга эътибор қаратди. «Поезд бошлиғи ёки вагон назоратчиси ўзбекларни „подстава“ қиляпти», — деди у. «Ўзтемирйўлйўловчи» ҳолат юзасидан изоҳ берди.
Газ ва электр энергияси нархларини либераллаштириш дастури сентябргача тақдим этилади
2023 йил сентябригача Ўзбекистонда энергетикани ривожлантириш бўйича янги дастур тақдим этилади. Унда газ ва электр энергияси нархларини либераллаштириш ҳамда ижтимоий истеъмол нормаларини жорий этиш назарда тутилади, дея маълум қилди энергетика вазирининг биринчи ўринбосари Азим Ахмедхаджаев.
Ўзбекистон футбол бўйича U-20 жаҳон чемпионатини мағлубият билан бошлади
Ўзбекистон 20 ёшгача бўлган ёшлар терма жамоаси жаҳон чемпионатини мағлубият билан бошлади. Аргентина жамоасига қарши ўйинда ўзбекистонликлар ҳисобни биринчи бўлиб очган бўлса-да, сўнг иккита гол ўтказиб юборди (статистика, фото, видео).
Қозоғистондаги ЙТҲда тўрт нафар Ўзбекистон фуқароси ҳалок бўлди
Қозоғистонда «КамАЗ» ва Toyota Ipsum автомобили иштирокидаги ЙТҲда тўрт нафар Ўзбекистон фуқароси ҳалок бўлди, яна икки йўловчи шифохонага етказилди. Март ойи бошидан бери Қозоғистонда учта ЙТҲда камида 10 нафар ўзбекистонлик ҳалок бўлган.
Хитой Ўзбекистон фуқароларининг мамлакатга киришини соддалаштирмоқчи
Хитой томони Хитой фуқаролари учун Ўзбекистонга 10 кун муддатга визасиз кириш сиёсатини юқори баҳолаб, ўзбекистонликларнинг ХХРга киришини ҳам соддалаштириш чораларини кўришга тайёр эканини билдирди.
Қашқадарёда археологик ёдгорликка зарар етказган икки фуқаро 47,5 млрд сўм жаримага тортилди
Яккабоғда икки киши Кунжутлитепа археология ёдгорлигида тепалик тупроғини суриб ташлаши оқибатида объект қайта тикланмайдиган даражага келиб қолган. Бу ҳаракатлари учун фуқаролар 47,5 млрд сўм жаримага тортилди, шунингдек, улардан бирининг 3,5 йилга озодлиги чекланди.
Сурхондарёда фуқарога куч ишлатган ИИБ ходимига жиноят иши қўзғатилди
Музработ туманида мастлиги айтилган эркакни уриб, унга куч ишлатган ИИБ ходими «мансаб ваколатидан четга чиққан» деб топилди ва ҳаракатлари юзасидан жиноят иши қўзғатилди. Терговнинг боришини прокуратура назоратга олган.
АҚШ Россияга қарши санкцияларни кенгайтирди. Россия эса 500 америкаликнинг мамлакатга киришини тақиқлаб қўйди
АҚШ Россияга қарши янги санкциялар киритди: «қора рўйхат»да 100 дан ортиқ компания, ўнлаб жисмоний шахслар, шунингдек, экспорт эмбаргоси остида бўлган 1000 дан ортиқ турли товарлар мавжуд. Россия ТИВ бунга жавобан 500 нафар америкалик, жумладан, Барак Обаманинг мамлакатга киришини тақиқлади.
Сурхондарёда 110 млрд сўмлик санаторий қурилмоқда
Касаба уюшмалари федерацияси томонидан Сурхондарёнинг Сариосиё туманида 200 ўринли санаторий қурилмоқда. 7 қаватли бинонинг умумий қиймати 110 млрд сўмга тенг.
Қўшимча имкониятлардан фойдаланиш учун сайтда рўйхатдан ўтинг