2023 йилда Марказий Осиё ва Кавказда иқтисодий ўсиш секинлашади — ХВЖ
Марказий Осиё ва Кавказ мамлакатлари иқтисодлари турли зарбаларга қарамай, барқарорлигини исботлади ва ўтган йили ўсиш суръатларини намоён этди, бироқ, ХВЖ маълумотларига кўра, унинг суръати 2023 йилда секинлашади, минтақа истиқболи эса ташқи омилларга ўта қарам.
Руслан Нурудинов оғир атлетика бўйича Осиё чемпиони бўлди
Кореяда ўтаётган оғир атлетика бўйича Осиё чемпионатида Руслан Нурудинов иккита олтин ва битта кумуш медални қўлга киритиб, қитъа чемпиони бўлди.
Президент кўмир қазиб олишни 22,6 фоизга ошириш бўйича топшириқ берди. Биринчи чоракда бу кўрсаткич 14 фоизга пасайганди
«Ўзбеккўмир» корхонасининг Ангрен кўмир конига 80 миллион доллар кредит ажратилади, деди президент. У кўмирга бўлган талаб 1,5 баробар ошишини айтди ва қазиб олишни 22,6 фоизга — 6,5 миллион тоннагача ошириш вазифасини қўйди. Кўмир қазиб олиш биринчи чоракда 14 фоизга қисқарганди.
АҚШ чегарасидан ноқонуний ўтганларга бошпана бермаслик режа қилинмоқда
АҚШ ички хавфсизлик вазири Алехандро Майоркас чегарани ноқонуний кесиб ўтганларга бошпана берилмаслиги тўғрисидаги баёнот билан чиқди (бу ҳамроҳи бўлмаган мигрант болаларга тааллуқли эмас). Ўзгариш коронавирус чекловлари олиб ташлангач, чегарада муҳожирлар сони кескин ошиши фонида содир бўлди.
«Адолат» партияси Робахон Маҳмудовани президентликка номзод сифатида кўрсатади
«Адолат» социал-демократик партияси Олий суд раисининг биринчи ўринбосари Робахон Маҳмудовани Ўзбекистон президентлигига номзод сифатида кўрсатмоқда.
Жиззахда бедарак йўқолган 5 ёшли боланинг мурдаси каналдан топилди
3 май куни Бахмал туманида 5 ёшли бола уйидан чиқиб кетиб, бедарак йўқолди. Орадан икки кун ўтиб, унинг мурдаси «Туятортар» каналидан топилди. Ҳолат юзасидан терговга қадар текширув олиб борилмоқда.
Тошкент вилоятида 2 та археология ёдгорлигига 495 млн сўмлик зарар етказилди
Оққўрғонда «Шохрухия шахристони» ва «Қийритепа» археология ёдгорликларининг хусусий корхоналарга бериб юборилиши оқибатида объектларга жами 495 млн сўм зарар етказилгани аниқланди. Ҳолатга сабабчи мансабдорларга нисбатан жиноят иши қўзғатилди.
Ўзбекистон президенти энергетика тизимини ёзги мавсумга тайёрлаш масалаларини муҳокама қилди
Шавкат Мирзиёев электр энергияси истеъмоли кескин ошадиган ёз фасли учун Ўзбекистонда энергия таъминотига тайёргарлик бўйича йиғилиш ўтказди. Ҳокимларнинг кутилаётган юклама ҳажмини қоплаш юзасидан ҳисоб-китоблари йўқлиги танқид қилинди.
Ўзбекистонда дам олиш кунлари ҳаво ўзгариб туради
Шанба куни Ўзбекистоннинг катта қисмида ёмғир ёғади. Якшанба куни эса ҳаво очиқ ва қуёшли бўлиши прогноз қилинмоқда. Ҳарорат кечалари +13…+20 даража, кундузи +27…+35 даража атрофида бўлади.
ХДП Улуғбек Иноятовни президентликка номзод сифатида маъқуллади
Халқ демократик партиясидан партия раиси Улуғбек Иноятов президентликка номзод сифатида Қурултойда кўриб чиқиш учун маъқулланди.
Москвадаги кафега қилинган ҳужумда Ўзбекистон фуқаролари иштирок этмаган — Миграция агентлиги
Москвадаги «Монро» кафесига 30 нафар ўзбекистонлик мигрант ҳужум уюштириб, ўғриликлар содир этгани айтилганди. Миграция агентлиги Россиядаги ҳуқуқ-тартибот идоралари маълумотларига таяниб, бу воқеа гумонланувчилари ўртасида Ўзбекистон фуқаролари бўлмаганини маълум қилди.
Ўзбекистонда 14−17 май кунлари нам ва салқин ҳаво бўлиши кутилмоқда
14−17 май кунлари Ўзбекистон ҳудудига Каспий денгизининг жанубий ҳудудларидан нам ҳаво, сўнгра Волга бўйи ҳудудларидан салқин ҳаво кириб келади. Кўплаб ҳудудларда кучли ёмғир, айрим жойларда дўл ёғиши мумкин. Ҳаво ҳарорати +17 даражагача пасаяди.
Юқори натижаларга эришган педагогларга 50 фоизгача устама тўланиши мумкин
Президент қарори лойиҳасига кўра, ўқитувчиларнинг лавозим маошлари ўртача 20 фоизга ошиши, фидоий, ташаббускор ҳамда юқори натижаларга эришган педагогларининг базавий тариф ставкаларига ҳар ойлик 50 фоизгача устама тўлаш тизими жорий этилиши мумкин.
Ўзбекистон ва Қирғизистон Чуй вилоятида автомобиль заводи қуришни бошлади
«Ўзавтосаноат» акциядорлик жамияти раиси Улуғбек Розуқулов ва Қирғизистон Вазирлар Маҳкамаси раиси Акилбек Жапаров Чуй вилоятида «Алтин тулпар унаа курулуш» автомобиль ҳамда тижорат ускуналарини йиғиш ва ишлаб чиқариш заводи қурилишини бошлаб берди.
Сурхондарёда ИИБ ходими қўл-оёғи боғланган эркакка куч ишлатди
Музработ туманида ИИБ ходими мастлиги айтилган ва қўл-оёғи боғланган эркакни калтаклагани акс этган видео тарқалди. Сурхондарё вилояти ИИБ эркак бегона аёлнинг тинчини бузгани, чақирувга асосан борган ходимга қаршилик қилганини билдирди. Ходимнинг ҳаракатлари юзасидан хизмат текшируви ўтказилмоқда.
Мопед ва скутерларни бошқаришда «права» бўлиши кераклиги талаби вақтинча тўхтатилди
Президент қарори билан мопед, квадрицикл (квадроцикл), трицикл, скутер кабилар учун ҳайдовчилик гувоҳномаси бўлиши шартлиги ҳақидаги талаб 2024 йил 1 январга қадар тўхтатилди. Бироқ ушбу транспортларда ҳаракатланаётганлар мотошлем кийишлари ва уни қадаб олишлари зарур бўлади.
Банкларда доллар курси яна ошди
Тижорат банклари 12 май куни аҳолидан 1 АҚШ долларини 11 400 — 11 450 сўмдан сотиб олмоқда, сотув курси эса 11 470 — 11 520 сўм.
11 май куни Ўзбекистонда содир бўлган энг муҳим хабарлар дайжести
Экопартиядан президентликка номзод, қуёш панелларидаги камчиликлар учун ҳайфсан берган президент, ўзбекистонликларнинг кўпроқ нимага пул сарфлаши ҳақида, Нукус воқеалари бўйича жазони енгиллаштиришни сўраган айбланувчилар, миллий қадриятлар рўйхати ва бошқалар — «Газета.uz»нинг кун дайжестида.
Жиззахда ўғли ва хотинини ўлдириб, ёқиб юборган 23 ёшли бухоролик йигит умрбодга қамалди
2022 йилнинг ноябрь ойида Жиззах вилояти ҳудудида ўғли ва хотинини ўлдириб, ёқиб юборган 23 ёшли бухоролик йигит умрбод озодликдан маҳрум этилди.
Сурхондарёда хавфли бурилишда қайрила олмаган Gentra жарликка қулади
Узун туманида Gentra автомашинаси жарликка қулаши оқибатида икки киши вафот этди. Ҳолатга ҳайдовчининг тоғли йўлларда хавфли бурилишларга эътибор бермай ҳаракатлангани сабаб бўлган.
Қўшимча имкониятлардан фойдаланиш учун сайтда рўйхатдан ўтинг