Қиш мавсуми учун сабзавотли салатлар
Қиш мавсумига тайёргарлик кўришга улгурмаган пазандалар учун Zira.uz саҳифаси бақлажонли ва қовоқчали икралар, сабзавотли қайла, лечо, бақлажонни помидорли қайлада пишириш ҳамда сабзавотларни қиш учун музлатиб қўйиш усуллари ва рецептларини тақдим этади.
UzAuto ва BYD Ўзбекистонда автомобиллар ишлаб чиқаришга келишиб олди
«Ўзавтосаноат» ва Хитойнинг BYD Auto компанияси Ўзбекистонда автомобилларини тўлиқ циклда ишлаб чиқаришни ташкил этишга келишиб олди. Келгусида двигателлар, электромоторлар ва аккумуляторлар ишлаб чиқариш режалаштирилган. Аввалроқ томонлар Ўзбекистон бозори ўрганилаётгани ҳақида хабар берган эди.
Бир қисм мактаб ўқувчилари ўқув йилини янги авлод дарсликлари билан бошлайди
ХТВга йил охирига қадар 3, 6, 7 ва 10-синфлар учун янги дарсликларни ишлаб чиқиш топширилган эди, бироқ жадвалдан илгарилаб кетилгани сабабли ўқувчилар сентябрданоқ уларни қабул қилиб олишни бошлайдилар. Шу билан бирга, қоғоз нархлари ошиб кетгани боис ҳукуматга қўшимча маблағ зарур бўлмоқда.
РФ Қорақалпоғистон ва Қозоғистондаги воқеаларни «рангли инқилоблар»га уриниш деб ҳисоблайди
Россия Хавфсизлик Кенгаши котиби Николай Патрушев Тошкентда ШҲТга аъзо давлатлардаги ҳамкасблари билан учрашувда сўзлаган нутқида 2022 йил январида Қозоғистонда ва июль ойида Қорақалпоғистонда содир бўлган воқеалар РФ томонидан Ғарбнинг «рангли инқилобларга уриниши» сифатида баҳоланишини айтди.
ДХХ психотроп таблеткалар савдосига чек қўйди
ДХХ тўртта ҳолатда жами 9740 та «Регапен» ва 2990 та «Тропикамид» психотроп дори воситаларининг ноқонуний айланмасига чек қўйди.
Саудия Арабистонининг Қирол Абдулазиз университети билан ҳамкорлик йўлга қўйилади
Ўзбекистонда Қирол Абдулазиз университети билан ҳамкорликда янги марказ ташкил этилади. Батафсил муҳокамалар университет делегациясининг октябрь ойида Тошкентда ўтказиладиган InnoWeek-2022 доирасидаги ташрифи чоғида бўлиб ўтиши режалаштирилмоқда.
Навоийдаги «монополия» 70 дан ортиқ тадбиркорга қарийб 8 млрд сўм зарар етказди
Навоийдаги иссиқхоналарга табиий монополия бўлган «Навоий ИЭС» 1 Гкал иссиқлик энергиясини 166,1 минг сўм ўрнига — 227,5 минг сўм қиммат нархда етказиб бергани аниқланди. Натижада 70 дан ортиқ тадбиркорга қарийб 8,0 млрд сўм зарар етказилди. Суд Антимонополия қўмитаси кўрсатмасини қаноатлантирди.
Бухорода ишсизлик нафақасини тайинлатиб беришни ваъда қилган шахслар аниқланди
Бухоронинг Шофиркон туманида фуқароларга ишсизлик нафақаси тайинлатиб беришни ваъда қилган икки гумонланувчи ушланди. Аҳоли бандлигига кўмаклашиш марказининг собиқ инспектори ва унинг таниши 13 нафар фуқаронинг 700 доллар ва 6 млн сўмини ўзлаштирган. Ҳолат юзасидан жиноят иши қўзғатилди.
Тошкентда юзни таниб олиш ва назорат қилиш тизими жорий этилади
Пойтахт кенгаши Тошкентда юзни таниб олиш ва назорат қилиш тизимини жорий этишни маъқуллади. ИИВнинг Киберхавфсизлик маркази маълумотларига кўра, тизим аҳоли саломатлиги ва жамоат хавфсизлигини таъминлаш, ҳуқуқбузарликларнинг олдини олиш ва оммавий тартибсизликларни аниқлашда муҳим аҳамиятга эга.
СЭС Юнусободда яшовчи фуқарода куйдирги касаллиги аниқланганини рад этди
Эпидемиолог Лола Умарова йил бошидан бери 10 киши куйдирги юқтириб олганликда гумонлангани, фақат бир ҳолатда — Юнусобод туманида яшовчи фуқарода касаллик тасдиқланганини маълум қилди. СЭС бу хабарни рад этиб, мазкур маълумот ҳозирда ўтказилаётган ўқув-тактик машғулоти учун берилганини қайд этди.
Икки ҳудудда қарийб 1,3 млрд сўмлик имтиёзли кредит маблағлари талон-торож қилинди
Иштихон туманида фермер хўжалиги раҳбари хориждан наслли чорва молларини сотиб олиш учун ажратилган 780 млн сўм имтиёзли кредит маблағларини ўзлаштирганлиги айтилмоқда. Ангрен шаҳрида эса балиқчилик учун ажратилган 490 млн сўм имтиёзли кредит маблағи талон-торож қилинган.
Самарқанд аэропорти ШҲТ саммити муносабати билан 3 кунга ёпилади
Самарқанд аэропорти 14−16 сентябрь кунлари тижорий йўловчи ва юк ташувчи рейсларни қабул қилмайди. Шу кунлари шаҳарда ШҲТ саммити бўлиб ўтади.
Наманганда Қуръоннинг қўлёзма нусхасини ўғрилаган шахслар қўлга олинди
Чортоқ туманидаги «Султон Увайс Қараний» зиёратгоҳидан Қуръоннинг қўлёзма нусхасини ўғрилаган икки нафар шахс ушланди. Улар китобни Наманган шаҳридаги кўп қаватли уйларнинг бирида сақлаб келгани айтилмоқда. Китобга зарар етказилмаган. Ҳолат бўйича тергов ҳаракатлари олиб борилмоқда.
19 август куни Тошкентдаги айрим кўчалар спортчиларни кутиб олиш мақсадида вақтинча ёпилади
19 август куни Туркиянинг Конья шаҳрида бўлиб ўтган V Ислом бирдамлиги ўйинларида иштирок этган Ўзбекистон делегациясини кутиб олиш мақсадида соат 18:00 дан 23:00 гача бўлган вақтда пойтахтнинг бир неча кўчалари автомобиллар ҳаракати учун ёпилади.
Ўзбекистон 158 та медаль билан Ислом бирдамлиги ўйинларида иккинчи ўринни эгаллади
18 август куни Туркиянинг Конья шаҳрида ўтказилган V Ислом бирдамлиги ўйинлари ўз ниҳоясига етди. Унда Ўзбекистон термаси жами 51 та олтин, 42 та кумуш ва 65 та бронза медалини қўлга киритиб, жамоавий ҳисобда иккинчи ўринни эгаллади.
Саудия Арабистони подшоҳи «Олий даражали Имом Бухорий» ордени билан мукофотланди
Шавкат Мирзиёев Саудия Арабистони подшоҳи Салмон бин Абдулазиз Ол Саудни «Олий даражали Имом Бухорий» ордени билан мукофотлади. У мазкур мукофотга сазовор бўлган биринчи инсон бўлди.
Дам олиш кунлари ва келаётган ҳафта бошида ҳаво салқин бўлиши кутилмоқда
Ўзгидрометнинг маълумотларига кўра, 20−22 август кунлари Ўзбекистон совуқ антициклон таъсирида бўлади. Қорақалпоғистон республикаси ва Хоразмда ҳаво ҳарорати +11 даражагача, бошқа вилоятларда эса +12 …+13 даражагача пасаяди.
Тошкент аэропорти терминаллари ўртасида бепул шаттл-бас (автобус) қатнови йўлга қўйилди
Тошкент аэропортининг маҳаллий ва халқаро терминаллари ўртасида бепул автобус қатнови йўлга қўйилди. Автобус ҳар куни соат 5:00 дан 23:30 гача ишлайди.
Ислом бирдамлиги ўйинлари совриндорларига $5 минггача пул мукофоти берилади
Ислом бирдамлиги ўйинларида совриндор бўлган спортчиларга «олтин» учун 5 минг, «кумуш» учун 3 минг ва бронза медаль учун 2 минг доллар берилади. Спортчиларнинг мураббийларига эса мос равишда 2,5 минг, 1,5 минг ва 1000 доллардан топширилади.
Ўзбекистон Кобул масжидида шом намози вақтида содир бўлган портлашни қоралади
Ўзбекистон Ташқи ишлар вазирлиги 17 август куни шом намози вақтида Кобулдаги масжидда содир этилган ва 21 кишининг ҳаётига зомин бўлган терактни қоралаб баёнот берди. ТИВ ҳалок бўлганларнинг оила аъзолари ва яқинларига ҳамдардлик билдирди.
Қўшимча имкониятлардан фойдаланиш учун сайтда рўйхатдан ўтинг