Сиёсат
Наманган вилояти ҳокимига янги ўринбосар тайинланди
Ботир Нуриддинов Наманган вилояти ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари бўлди.
Қибрайдаги янги боғ ҳудуди Тошкент таркибига ўтказилади — президент
Қибрай туманидаги янги боғ ҳудуди Тошкент таркибига ўтказилади, дея маълум қилди Шавкат Мирзиёев. Унинг сўзларига кўра, 3−4 йил ичида пойтахтда улкан қурилиш ишлари олиб борилди ва эндиликда буни тўхтатиб, шаҳар ташқарисига чиқариш керак.
«Солиқ ва банк — иқтисодиётимиз учун катта тўсиқ» — Шавкат Мирзиёев
Президент вилоятлар ҳокимларига ҳафтада бир марта банк ва солиқ органлари раҳбарлари билан шахсан суҳбатлашиб, улар фаолиятига баҳо беришни топширди. Шавкат Мирзиёев банк ва солиқ идораларини иқтисодиётимиз учун катта тўсиқ деди. У «халқимизга ўзимиз хизмат кўрсатишни ўрганишимиз» учун банкларнинг чет эллик инвесторлар томонидан хусусийлаштирилишига рухсат бермаётганини таъкидлади.
Яқин кунларда Ўзбекистонга ДИИҲБнинг сайлов бўйича дастлабки миссияси келади
ЕХҲТнинг Демократик институтлар ва инсон ҳуқуқлари бўйича бюроси ўзининг президент сайловларига тааллуқли дастлабки миссиясини яқин ҳафталар ичида юбориши кутилмоқда. Мазкур ташрифдан мақсад — сайловолди вазият ва унга тайёргарлик жараёнларини ўрганишдан иборат. Эҳтиёжларни баҳолаш миссияси ҳисоботи асосида сайловда қатнашадиган экспертлар, узоқ ва қисқа муддатлари кузатувчилар сони аниқ бўлади.
Шавкат Мирзиёев шу ҳафта коррупцияга қарши курашиш масалалари бўйича видеоселектор ўтказади
Президент Шавкат Мирзиёевнинг шу ҳафта коррупцияга қарши курашиш масалалари бўйича видеоселектори ўтказилиши режалаштирилмоқда. Бундан ташқари, Токио Олимпиадасига спортчиларни тайёрлаш масалалари бўйича йиғилиш бўлиши кўзда тутилган.
Тошкент вилояти ҳокимига янги ўринбосар тайинланди
Жамшид Бабажанов Тошкент вилояти ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари бўлди.
Биз санъатни сиёсатга қурол қилинишига қаршимиз — Алишер Қодиров
«Миллий тикланиш» партияси раҳбари Алишер Қодиров Тошкентдаги «Ғалаба қўшиқлари» деб номланган концертда СССР байроғи кўтарилганини ҳақорат ва провокация деб атади. У Бош прокуратурани вазиятни баҳолашга чақирди.
Вазирлар 490 млн, ҳокимлар 245 млн сўмгача бўлган хизмат машиналарини минади
Давлат бошқаруви ва маҳаллий ҳокимият органларида хизмат авторанспорт воситаларини бириктириш меъёрлари тасдиқланди. Эндиликда, вазирлар учун хизмат машинасининг энг юқори нархи 490 млн, ҳокимлар учун эса 245 млн сўм этиб белгиланди.
Андижон вилояти ҳокимига янги ўринбосар тайинланди
Азизхон Максумов Андижон вилояти ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари бўлди.
«Мен Мамаризо Нурмуратовга ишонаман, лекин унинг тизимига ишонмайман» — президент
Президент видеоселекторда «Ўзсаноатқурилишбанк» ходимларидан бири катта миқдордаги талон-тарожда айбланиб, ҳибсга олинганини маълум қилди. Ҳар бир банк раҳбарига «нимада айбланаётганини кўриш, фарзандалрини кўз олдиги келтириши учун» суд жараёнида иштирок этиш таклиф қилинди. «Мен Мамаризо Нурмуратовга ишонаман, лекин унинг тизимига ишонмайман», — деди президент.
Бирорта вилоят раҳбари маҳаллий саноат салоҳиятидан фойдаланишни пухта ўйлаб кўргани йўқ — президент
Президент саноатни ривожлантиришга бағишланган видеоселекторда бирорта туман, шаҳар ёки вилоят раҳбари маҳаллий саноат салоҳиятидан фойдаланишни чуқур ва пухта ўйлаб кўрмаганини таъкидлади. Сўнгги 3 йилда қурилиш материалларини ишлаб чиқариш 1,5 бараварга ошга, бироқ бу эҳтиёжни қопламаётгани айтилди.
Мирза Азизовни даволашда хорижлик шифокорлар ҳам иштирок этган — ССВ
Публицист Шуҳрат Ризаев Ўзбекистон халқ артисти Мирза Азизовнинг саккиз кишилик хонада ётгани, яхшироқ шифохонага ўтказиш бўйича ундан ёрдам сўраганини маълум қилган эди. ССВ вазиятга ойдинлик киритиш мақсадида артистни даволаган шифокорлар ва унинг турмуш ўртоғи фикр-мулоҳазаларини эълон қилди. Таъкидланишича, Мирза Азизовни хорижлик, жумладан, охирги марта россиялик профессор-реаниматолог тиббий кўрикдан ўтказган ва шу асосда муолажалар қилинган.
Шавкат Мирзиёев ва Садир Жапаров мулоқотни мустаҳкамлаш йўлларини кўриб чиқишди
Ўзбекистон ва Қирғизистон президентлари телефон орқали мулоқотда минтақавий ҳамкорликнинг муҳим масалалари ҳамда Қирғизистон-Тожикистон чегарасида юзага келган вазиятни тез фурсатда ҳал қилиш масалаларини муҳокама қилишди.
Шавкат Мирзиёев ва Эмомали Раҳмон тожик-қирғиз чегарасидаги вазиятни муҳокама қилди
Ўзбекистон ва Тожикистон президентлари телефон орқали тожик-қирғиз чегарасидаги вазиятни муҳокама қилишди. Шавкат Мирзиёев юзага келган вазиятни тез фурсатда ҳал қилиш ва унинг кескинлашувига йўл қўймаслик бўйича Тожикистон ва Қирғизистон томонлари эришган келишувларни қўллаб-қувватлади.
Навоий вилояти ҳокимига янги ўринбосарлар тайинланди
Тўлқин Атамуродов Навоий вилояти ҳокимининг иқтисодиёт ва тадбиркорлик масалалари бўйича биринчи ўринбосари бўлди. Бундан ташқари, вилоят ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари вазифасига Саъдулла Мирзаев тайинланди.
Самарқандда Қозоғистон бош консулхонаси очилди
Самарқандда Қозоғистон бош консулхонаси очилди. Самарқанд, Бухоро, Жиззах, Сурхондарё, Қашқадарё вилоятлари ҳамда Қорақалпоғистон унинг консуллик округлари сифатида белгиланди.
Шавкат Мирзиёев Ашхобод шаҳридаги ифторликда иштирок этди
Ўзбекистон президенти пайшанба куни Ашхободда Туркманистон президентининг отаси — Маликгули Бердимуҳамедов хотирасига бағишлаб ўтказилган ифторликда иштирок этди. У апрель ойи ўрталарида вафот этган эди.
Ноширлар ва босмахоналарга нисбатан табақалаштирилган ҚҚСни қўллаш таклиф этилмоқда
Сенат қўмитаси китоб савдоси билан шуғулланувчиларга ҚҚС бўйича табақалаштирилган ставкаларни қўллаш, шунингдек, соҳага манзилли субсидиялар ажратиш таклифини билдирди. Қўмита раисининг сўзларига кўра, ноширлар ва босмахоналар учун солиқ имтиёзларининг бекор қилиниши ва ҚҚСнинг қўлланиши аксарият тадбиркорларни контрафакт маҳсулотлар ишлаб чиқаришга ундайди.
Шавкат Мирзиёев Гурбангули Бердимуҳамедов билан учрашди
Ашхободда Ўзбекистон ва Туркманистон президентлари учрашди. Учрашувда Халқаро транспорт ва транзит йўлагини яратиш тўғрисидаги Ашхобод битимини бундан буён ҳам биргаликда илгари суриш таъкидланди.
Нархини эшитиб, ҳоким ҳайдаворганди — депутат баланд байроқлар ўрнатилиши ҳақида
Депутат Дониёр Ғаниев Қаршида баландлиги 62,5 метрга тенг 1,35 млрд сўмлик байроқ ўрнатилишига муносабат билдириб, 2 йил аввал Фарғонадаги шунга ўхшаш ҳолатни ёдга олди. Ўшанда Фарғонада ўрнатилиши керак бўлган байроқнинг сарф-ҳаражатлари 1 млрд сўм атрофида бўлиши айтилган. «Нархини эшитиб, ҳоким ҳайдаворганди», — деди у.
Қўшимча имкониятлардан фойдаланиш учун сайтда рўйхатдан ўтинг