Сиёсат
Отабек Назиров Тўғридан-тўғри инвестициялар жамғармаси раҳбари этиб тайинланди
Капитал бозорини ривожлантириш агентлиги директори Отабек Назиров Тўғридан-тўғри инвестициялар жамғармаси раҳбари, инвестициялар ва ташқи савдо вазири маслаҳатчиси этиб тайинланди.
Ўзбекистон Тоғли Қорабоғ ҳудудини тиклашда кўмак беришга тайёр — президент
Президент Шавкат Мирзиёев Тоғли Қорабоғ ҳудудининг Озарбайжонга қайтарилганлигини «тарихий адолатни тиклаш йўлидаги ғалаба» дея таърифлади. Ўзбекистон ҳудуддаги кўҳна обидалар ва маданият масканларини тиклаш ишларига кўмак беришга тайёр
Шавкат Мирзиёев Туркий кенгаш доирасида Алишер Навоий халқаро мукофотини таъсис қилишни таклиф этди
Президент Шавкат Мирзиёев Туркий кенгашнинг норасмий саммитида қатнашиб, бир қанча таклифларни илгари сурди. Кенгашнинг яқин ва ўрта истиқболдаги иқтисодий ҳамкорлик стратегиясини ишлаб чиқиш, Инвестиция жамғармаси ва Тараққиёт банкини ташкил этиш, «Табаррук зиёрат» лойиҳасини амалга ошириш, қолаверса, Алишер Навоий номидаги халқаро мукофотни таъсис қилиш шулар жумласидан.
«У қарор қабул қилишда демократ». Сергели ҳокими Жаҳонгир Ортиқхўжаев ҳақида
Сергели тумани ҳокими Элбек Шукуров Тошкент шаҳар раҳбари Жаҳонгир Ортиқхўжаевнинг ишлаш тартиби ва шахсий сифатлари ҳақида сўзлаб берди. «У чапани одам ва тадбиркорларга хос фикрлайди», деди у.
БМТ содир бўлган «хавотирли воқеалар»ни холис тергов қилишга чақирди
БМТнинг Ўзбекистондаги жамоаси Ўзбекистон ҳуқуқни муҳофаза қилиш идораларини ўтган ҳафта охирида содир бўлган хавотирли воқеалар юзасидан холис текширув ўтказишга чақиради.
«Муаммоли масалалар тартибсизлик билан ҳал қилинмайди». Депутатлар рухсатсиз намойиш ва ЛГБТ тарғиботига қарши
Олий Мажлис Қонунчилик палатаси депутатлари бир жинсли муносабатларга қарши ёшларнинг Тошкент марказида рухсатсиз норозилик акцияси ўтказгани ҳамда ЛГБТ тарғиботини қоралаб ўз муносабатларини билдириб ўтишди.
Ўзбекистон ва Венгрия ўртасида стратегик шериклик тўғрисидаги қўшма декларация имзоланди
Тошкентда Ўзбекистон ва Венгрия мамлакатлари ўртасидаги стратегик шериклик тўғрисидаги қўшма декларация ҳамда ҳамкорликни кенгайтиришга қаратилган яна 9 та ҳужжат имзоланди. Мамлакатлар бандлик, атом энергетикаси, қишлоқ ва сув хўжаликлари соҳаларида ҳамкорлик қилишни режалаштирмоқда.
Ўзбекистон ва Венгрия икки томонлама муносабатларни стратегик шериклик даражасига кўтаришга тайёр
Ўзбекистонда расмий ташриф билан бўлиб турган Венгрия бош вазири Виктор Орбан президент Шавкат Мирзиёев билан мулоқот ўтказди. Томонлар ўзаро муносабатларини стратегик шериклик даражасига кўтаришга тайёр эканлигини тасдиқлади.
Транспорт вазирига янги ўринбосар тайинланди
Президент Администрациясида фаолият юритиб келган Абдусамат Муминов транспорт вазири ўринбосари бўлди.
Монополияга қарши курашиш қўмитасига янги раис тайинланди
Президент қарори билан Шахрух Шарахметов Монополияга қарши курашиш қўмитаси раиси лавозимига тайинланди.
«Энди бу тармоқ қўшилган қиймат берадиган вақт келди» — президент кимё саноати ҳақида
Душанба куни президент Шавкат Мирзиёев кимё саноати тармоғида амалга оширилаётган лойиҳалар билан танишди. Ҳозирда «Ўзкимёсаноат» томонидан 1,355 млрд долларлик 21 та лойиҳа амалга оширилмоқда. Бундан ташқари, 2,6 млрд доллардан зиёд 18 та лойиҳанинг техник-иқтисодий асослари ишлаб чиқилмоқда.
Шавкат Мирзиёев шу ҳафта иккита халқаро тадбирда иштирок этади
Мартнинг сўнгги кунларида Венгрия бош вазири Виктор Орбан расмий ташриф билан Ўзбекистонда бўлади. Олий мақомдаги учрашувлар чоғида иқтисодиёт, энергетика, таълим ва кадрлар тайёрлаш, маданият, ҳудудлараро ҳамкорлик, бандлик ва меҳнат муносабатлари соҳаларида 10 дан ортиқ келишувлар имзоланиши кутилмоқда. Қолаверса, президент Шавкат Мирзиёев 31 март куни Туркий тилли давлатлар ҳамкорлик кенгашининг (Туркий кенгаш) видеоанжуман шаклида ўтадиган норасмий саммитида қатнашади.
Венгрия бош вазири Виктор Орбан Ўзбекистонга келди
Венгрия бош вазири Виктор Орбанни аэропортда Ўзбекистон бош вазири Абдулла Арипов кутиб олди. Олий мартабали меҳмон Мустақиллик майдонига ташриф буюрда ҳамда Мустақиллик ва эзгулик монументи пойига гул қўйди. Шундан кейин Венгрия делегацияси ўзи учун ажратилган қароргоҳга йўл олди.
Президент маънавий-маърифий ишлар тизимини такомиллаштириш тўғрисидаги ҳужжатни имзолади
Президент «Маънавий-маърифий ишлар тизимини тубдан такомиллаштириш тўғрисида"ги қарорни имзолади. Барча шаҳар ва туманларда «Маънавият ва маърифат маскани» яратилади, университетларда «Маънавиятшунослик», «Касбий маънавият» фанлари жорий этилади.
«Ҳамма шунақа бўлиши керак» — Андижон ҳокими президентга доим «муҳтарам» деб мурожаат қилиши ҳақида
Aндижон вилояти ҳокими Шуҳрат Aбдураҳмонов президентга нисбатан кўп маротаба «муҳтарам» сўзини ишлатишига тўхталиб ўтди. «Президент юртнинг отаси… фақат мен эмас, ҳамма шунақа бўлиши керак», дея таъкидлади у.
2020 йилда партиялар ҳисоб рақамига деярли 100 млрд сўм келиб тушган
Сиёсий партиялар раҳбарлари 2020 йилда партия фаолиятининг молиялаштирилиши ва унинг манбалари тўғрисида ҳисобот беришди. ЎзЛиДеП партиясига 35,3 млрд сўм келиб тушган, бу партияларга ўтказилган энг кўп маблағ ҳисобланади. Миллий тикланиш ва ЎзЛиДеП партияларининг асосий молиялаштириш манбалари давлат бюджети бўлган. ХДП харажатларининг 48 фоизи ўз маблағлари ҳисобига тўғри келади.
Венгрия бош вазири Ўзбекистонга ташриф буюради
Венгрия бош вазири Виктор Орбан 30 март куни расмий ташриф билан Ўзбекистонда бўлади. Ташриф давомида мамлакатлар ўртасидаги алоқаларни мустаҳкамлаш ва коронаиврус пандемиясининг оқибатларига қарши глобал кураш масалалари муҳокама қилинади.
Ўзбекистон ва Қирғизистон баҳсли чегара ҳудудларини хатловдан ўтказишга келишиб олишди
Қирғиз-ўзбек чегараларидаги барча баҳсли ҳудудлар ҳал қилинди, дея таъкидлади Қирғизистон Миллий хавфсизлик давлат қўмитаси раиси Қамчибек Ташиев. Унинг айтишича, икки мамлакат делегациялари Тошкентда бу тўғрисида келишувга эришган. Томонларнинг қандай шартлар асосида келишувга эришгани ҳам маълум қилинди.
Айрим пенсионерларнинг ойлик пенсияси 10 фоиздан 20 фоизгача оширилади
Президент фармони билан «Саховат» ва «Мурувват» интернат уйлари ҳамда Уруш ва меҳнат фахрийлари учун пенсия миқдори 10 фоиздан 20 фоизгача оширилмоқда. Бундан ташқари, «Саховат» ва «Мурувват» уйлари раҳбар ходимларининг ойлик маошлари 1,2 баравардан 2 бараваргача оширилади.
Тиббий-ижтимоий хизматларни ривожлантириш агентлиги ташкил этилди
Президент фармони билан ССВ ҳузурида Тиббий-ижтимоий хизматларни ривожлантириш агентлиги ташкил этилди. «Саховат» ва «Мурувват» интернат уйлари, Ногиронлиги бўлган шахсларни реабилитация қилиш марказлари ва пансионатлар агентлик тизимига ўтказилади. Муассасалар реконструкциясига 428 млрд сўм ажратилади.
Қўшимча имкониятлардан фойдаланиш учун сайтда рўйхатдан ўтинг