Сиёсат
Президент саноат тармоқларидаги 9 ойлик натижалар ва келгуси вазифаларга бағишланган йиғилиш ўтказди
9 ойда 55 та ҳудудий лойиҳа ижроси кечиккан, 144 та лойиҳада ишлаб чиқариш ҳажми таъминланмаган. Оқибатда 720 млрд сўмлик маҳсулот тайёрлаш имконияти йўқотилган. Давлат раҳбари қолган 3 ойда $7 млрдлик 80 та тармоқ ва 44 та ҳудудий лойиҳани ишга тушириш муҳимлигини таъкидлади.
ЙҲХББ 16 ёшдан ҳайдовчилик гувоҳномаси бериш таклифи бўйича баёнот берди
ИИВ ЙҲХББ 16 ёшдан машина бошқаришга рухсат бериш таклифи бўйича баёнот берди. ЙҲХББ ёшлар бу вақтда ўқишини давом эттириши, бошқа ишлар билан чалғимаслиги кераклигини маълум қилди. Бошқарма маълумотларига кўра, 9 ой давомида ҳайдовчилик гувоҳномасини олганига 2 йил бўлмаган ҳайдовчилар томонидан 612 та ЙТҲ содир этилган, уларнинг оқибатида 191 киши вафот этган, яна 571 нафари тан жароҳатлари олишган.
Совуқ қуролларни ғилофсиз олиб юрганлар учун жавобгарлик белгиланиши кутилмоқда
Cовуқ қурол сифатида фойдаланилиши мумкин бўлган ашёларни ғилофсиз олиб юрган фуқаролар жаримага тортилади. Жарима миқдори БҲМнинг бир бараваригача этиб белгиланади.
«Деярли ҳар куни бюджет маблағларининг ноўрин сарфланиши масаласи кўтарилмоқда» — Сенат раиси
Сенат раиси Танзила Нарбаева мутасаддиларда бюджетга қўшимча манбалар аниқлаш борасида ташаббускорлик, изланиш йўқлиги, айрим ҳолларда уларнинг молиявий саводхонлиги етишмаслигини танқид қилди. Шунингдек, муҳим кўрсаткичларни қўшиб ёзиш иллатига тўлиқ барҳам берилмаганига эътибор қаратди.
Сенаторлар «Қимматбаҳо металлар ва қимматбаҳо тошлар тўғрисида"ги қонунни рад этишди
Сенаторлар «Қимматбаҳо металлар ва қимматбаҳо тошлар тўғрисида"ги қонунни унинг айрим моддалари талабларга мос келмаслиги сабабли рад этишди.
Президент илк бор нишонланаётган Ўзбек тили байрами муносабати билан табрик йўллади
«Давлат тилининг обрў-эътибори — бутун халқ, бутун жамиятнинг обрў-эътиборидир». Президент Шавкат Мирзиёев Ўзбекистон халқини бу йил биринчи марта нишонланаётган Ўзбек тили байрами билан табриклади.
Борий Алихонов ва Наримон Умаров Сенат қўмиталарига раис этиб сайланишди
Сенатнинг саккизинчи ялпи мажлисида Борий Алихонов Оролбўйи минтақасини ривожлантириш масалалари қўмитасига, Наримон Умаров эса Суд-ҳуқуқ ва коррупцияга қарши курашиш қўмитасига раис бўлди.
Мурат Камалов Сенат раиси ўринбосари этиб сайланди
Қорақалпоғистон Республикаси Жўқорғи Кенгеси раиси Мурат Камалов президент тақдимномасига кўра Олий Мажлис Сенати раиси ўринбосарлигига сайланди.
Борий Алихонов ва Наримон Умаров Сенат аъзолари этиб тайинланди
Борий Алихонов ва Наримон Умаровнинг депутатлик ваколатлари тугатилиб, президент фармонига асосан Сенат аъзолари рўйхатига киритилди.
Масъул лавозимга тайинланадиган шахслардан ўзбек тилини билиш сертификати талаб этилади
Мактабларда она тили соатлари кўпайтирилади ҳамда масъул лавозимга тайинланадиган шахслардан ўзбек тилини билиш сертификати талаб этилади
Шавкат Мирзиёев генерал Кеннет Маккензини қабул қилди
Президент Шавкат Мирзиёев АҚШ Қуролли кучлари Марказий қўмондонлиги қўмондони генерал Кеннет Маккензини қабул қилди
Сенатнинг саккизинчи ялпи мажлиси 21 октябрь куни бўлиб ўтади
Сенат 21 октябрь куни бўлиб ўтадиган саккизинчи ялпи мажлисда қимматбаҳо металлар ва қимматбаҳо тошлар тўғрисидаги қонунларни, Маъмурий кодексга ва айрим қонун ҳужжатларига ўзгартиш киритиш тўғрисида ва бошқа қонун ҳужжатларини кўриб чиқади
Жиноят процессига жиноят иши бўйича дастлабки эшитув институти жорий этилиши кутилмоқда
Жиноят-процессуал кодексига Жиноят иши бўйича дастлабки эшитув институти ташкил этилиши мунособати билан янги боб киритилиши кутилмоқда. Дастлабки эшитув судья томонидан ёпиқ суд мажлисида якка тартибда, тарафлар иштирокида ўтказилади.
Президент маҳаллий кенгашлардан коррупция ва тендерларга беэътибор бўлмасликни сўради
Шавкат Мирзиёев маҳаллий кенгашлардан бюджет пулларининг сарфланиши, коррупция, тендерларнинг ўтказилишига беэътибор бўлмасликни сўради. Президент бюджетни шакллантириш учун маҳаллий кенгаш ваколатларини «халқ пулларини бошқариш нуқтаи назаридан» кенгайтириш зарурлигини таъкидлади.
Президент 2021 йилги давлат бюджети параметрларини муҳокама қилди
2021 йилда яширин иқтисодиётни қисқартириш ҳамда 600 минг иш ўрнини легаллаштириш, аҳолининг табиий газ ва электр энергиясига бўлган эҳтиёжини тўлиқ қоплаш, қатновларни қайта тиклаш ҳисобига бюджетни тўлдириш таклиф қилинмоқда. Соғлиқни сақлаш соҳасига қарийб 20 триллион сўм, шундан коронавирусга қарши курашиш тадбирлари учун 3 триллион сўм ҳамда дори-дармон харидига 1,8 триллион сўм ажратилиши кўзда тутилган.
Шавкат Мирзиёев ва Сума Чакрабарти узоқ муддатли ислоҳотларни кўриб чиқдилар
Президент Шавкат Мирзиёев маслаҳатчи Сума Чакрабарти иштирокида узоқ муддатли истиқболга мўлжалланган ислоҳотлар дастури йўналишларини кўриб чиқди.
Президент етти мамлакат элчиларидан ишонч ёрлиқларини қабул қилди
Президент Шавкат Мирзиёев БАА, Эрон, Украина, Италия, Исроил, Покистон ва Ҳиндистоннинг Ўзбекистондаги янги элчиларидан ишонч ёрлиқларини қабул қилди.
ИИВ ЙҲХББ август-октябрь ойларида 28 млрд сўмлик транспорт харид қилган
Ички ишлар вазирлиги ЙҲХББ уч ой ичида 28,3 млрд сўмга 30 та Equinox, 40 та Cobalt, 17 та Malibu-2 ва бошқа транспорт воситаларини сотиб олгани маълум бўлди.
Ҳокимларнинг ер ажратиш тўғрисидаги қарорлари геоахборот тизимига киритилмагунича ҳақиқий ҳисобланмайди
Президент ҳудудлар раҳбарларига барча қишлоқ хўжалиги туманлари бўйича ер кадастр ҳужжатларини тайёрлаб, Миллий геоахборот тизимига киритиш юзасидан кўрсатма берди. Энди ҳокимларнинг ер ажратиш тўғрисидаги қарорлари мазкур геоахборот тизимига киритилмагунича ҳақиқий ҳисобланмайди.
Тошкент учун 1 трлн сўмга 300 та электробус сотиб олиш режалаштирилмоқда
Транспорт вазирлиги Тошкент шаҳри учун 300 дона электробус сотиб олишни таклиф қилди. 3 йил давомида харид қилинадиган транспортларнинг умумий қиймати 1 трлн сўм атрофида бўлади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг