Сиёсат
Сўх туманидаги муаммоларни бартараф этишга 1 трлн сўм ажратилади
Сўх туманидаги барча муаммоларни бартараф этиш учун 1 трлн сўмга яқин маблағ ажратилиши режалаштирилмоқда. Бу масала бўйича президент қарори лойиҳаси тайёрланмоқда. Cўхлик ёшларнинг олий ўқув юртларига қабул қилиниши учун 500 та квота ажратилади, улар олий ўқув юртларига имтиҳонларни ўз она тиллари — тожик тилида топширишлари мумкин бўлади.
Сўх тумани ИИБга янги раҳбар тайинланди
Сўх тумани ички ишлар бӯлимига Раҳимбердиев Қосимжон раҳбар этиб тайинланди. ИИБнинг олдинги раҳбари Сўх туманига ҳоким этиб тайинланган эди.
Шавкат Мирзиёев — «Иш жойини кўпайтириб, камбағалликни қисқартириш — бошқа мақсадим йўқ»
«Иш услубимиз шундай бўлиши керак: 50 фоиз карантин, 50 фоиз иқтисодиёт» — президент пандемия шароитида камбағалликни қисқартириш бўйича чора-тадбирларга эътибор бериш кераклигини таъкидлади. Иқтисодий комплекс аъзоларига Хитой тажрибасини ўрганиш тавсия этилди.
Сўх туманига янги ҳоким тайинланди
Фарғона вилояти Сўх туманига Сайидбаҳром Сайидмусаев ҳоким этиб тайинланди. У 2019 йилдан буён туман ички ишлар бўлими бошлиғи вазифасида ишлаб келаётган эди.
Ўзбекистон фуқаролигига қабул қилишда давлат тилини билиш талаби қўйилади
Ўзбекистон фуқаролигига қабул қилишда давлат тилини мулоқот қилиш учун зарур даражада билиш талаб этилишини кўзда тутган ҳукумат қарори лойиҳаси эълон қилинди. Унга кўра, фуқароликни олиш учун талабгорлар ўзбек тилини билиш даражасини аниқловчи имтиҳондан муваффакқиятли ўтиб, тегишли сертификатга эга бўлишлари шарт бўлади.
Халқаро рейтинг ва индекслар билан ишлаш бўйича республика кенгаши ташкил этилади
Президент фармонига биноан, давлат органларида халқаро рейтинглар билан ишлаш масаласини мувофиқлаштириш мақсадида Халқаро рейтинг ва индекслар билан ишлаш бўйича республика кенгаши ташкил этилади ва у Парламент назорати остида бўлади. Шунингдек, 1 октябрга қадар «Ўзбекистон Республикаси халқаро рейтингларда» ягона портали ишга туширилади.
Ҳукумат аъзолари ва вазирлар Сўх туманига етиб келишди
Президент топшириғи билан бир гуруҳ ҳукумат аъзолари ва вазирлар Сўх туманига вертолёт орқали етиб келишди. Улар тумандаги муаммоларни ўрганиб, уларни бартараф этиш бўйича дастур ишлаб чиқади.
Сўх-Риштон йўли ЕОИИ талаблари сабабли ёпилган — бош вазир
Бош вазир Абдулла Арипов Сўх-Риштон йўли 2019 йил августида очилганидан икки кун ўтиб Қирғизистон аъзо бўлган ЕОИИ талаби билан ёпилганини маълум қилди. Қирғиз делегацияси билан учрашувда йўлни қисқа муддатларда очиш масаласи яна кўтарилди.
ИИВ ППХ Бош бошқармасига бошлиқ тайинланди
ИИВ ППХ ва жамоат тартибини сақлаш бош бошқармасига Азизхон Умархонов бошлиқ этиб тайинланди. Бунга қадар у Тошкент ИИББ бошлиғининг жамоат тартибини сақлаш бўйича ўринбосари лавозимида фаолият юритган.
Ўзбекистон ва Қирғизистон президентлари телефон орқали сўзлашдилар
Ўзбекистон ва Қирзиғистон президентлари телефон орқали мулоқотда «Чашма» чегараолди ҳудудида рўй берган ҳодиса билан боғлиқ масалаларни батафсил кўриб чиқиб, бундай вазият бошқа такрорланмаслиги учун мукаммал чоралар қабул қилиш муҳим эканини таъкидладилар.
МТРКнинг собиқ раиси Қирғизистонга элчи этиб тайинланди
МТРКнинг собиқ раиси ва АКТ вазири бўлиб ишлаган Хуршид Мирзоҳидов мамлакатнинг Қирғизистондаги фавқулодда ва мухтор элчиси этиб тайинланди. У Бишкек шаҳрига етиб борди.
Сўхда юз берган тўқнашув муҳокама қилинди
Ўзбекистон бош вазири Абдулла Арипов ва Қирғизистон бош вазирининг биринчи ўринбосари Кубатбек Боронов иштирокида бир кун олдин икки давлат чегара ҳудудидаги қишлоқлар аҳолиси ўртасида юз берган тўқнашув муҳокама қилинди. Томонлар ушбу кўнгилсизлик авж олиб кетмаслиги учун биргаликда тергов ҳаракатларини олиб боришга келишиб олди.
Украина президенти йиллик даромад декларациясини тақдим этди
2019 йилда Украина президенти Владимир Зеленский ва унинг оиласининг умумий даромади 1,06 млн долларни ташкил этгани маълум бўлди. Декларацияга кўра, Зеленский даромадининг аксарияти тадбиркорлик фаолиятидан келган. Харажатлари эса — қарийб 500 минг доллар бўлиб, асосан президентлик сайлов кампаниясига сарфланган.
Самарқандда стикерсиз ҳаракатланишга рухсат берилди
1 июндан бошлаб Самарқанд вилоятидаги «қизил» ҳудудларда, шу жумладан Самарқанд шаҳрида ҳам автотранспорт воситаларининг махсус рухсатномасиз ҳаракатланишига рухсат берилди. Бунда, автотранспорт воситалари фақатгина куннинг муайян вақтида (07:00 дан — 10:00 гача, 17:00 дан — 20:00 гача) ҳаракатланиши кўзда тутилган.
Тошкентнинг Сергели туманида кичик туман ташкил этилади
Шавкат Мирзиёев Сергели туманида ҳокимлигига тўғридан-тўғри бўйсунадиган алоҳида «Янги ҳаёт» кичик туманини ташкил этиш таклифини билдирди.
Президент Зангиотада кўп тармоқли махсус шифохона қурилиши билан танишди
Президент Зангиота туманида барпо этилаётган кўп тармоқли махсус шифохона қурилиши билан танишди. Муассаса 2 минг ўринга мўлжалланган. Лекин 4 минг ўрингача трансформация қилиш имконияти бор.
Ташқи ишлар вазирига янги ўринбосар тайинланди
Фурқат Сидиқов Ўзбекистон ташқи ишлар вазири ўринбосари этиб тайинланди.
Қорақалпоғистон қишлоқ хўжалиги вазири тайинланди
Алишер Якубов Қорақалпоғистон Республикаси қишлоқ хўжалиги вазири этиб тайинланди. У ҳозирга қадар Қорақалпоғистон Ер ресурслари ва давлат кадастри бошқармаси бошлиғи сифатида фаолияти юритиб келаётган эди.
Қийноқнинг олдини олиш қўмитаси ташкил этилиши кутилмоқда
Ўзбекистонда алоҳида ҳуқуқни муҳофаза қилиш органи — Қийноқнинг олдини олиш қўмитаси ташкил этилиши кутилмоқда. Қўмита ўз ваколатларини мустақил ҳамда давлат органлари, уларнинг мансабдор шахсларига тобе бўлмаган тарзда амалга ошириб, президент ва Олий Мажлис палаталарига ҳисобдор бўлади.
Марҳамат туманига янги ҳоким тайинланди
Бобирбек Юлдашев Андижон вилояти Марҳамат тумани ҳокими этиб тайинланди. У тайинловга қадар президент Администрацияси маҳаллий давлат ҳокимияти органлари билан ишлаш шўъбаси бош инспектори бўлиб ишлаган.
Қўшимча имкониятлардан фойдаланиш учун сайтда рўйхатдан ўтинг