Ўзбекистонда «Умра» хизматлари фақат маҳаллий туроператорлар томонидан кўрсатилиши, улар махсус лицензияни олиш учун 100 минг доллардан кам бўлмаган маблағни Хавфсиз туризм жамғармасига захира қилиб қўйиши шартлиги белгиланди. Вояга етмаган фуқароларга «Умра» хизматларини кўрсатиш тақиқланди.
Мисрдан экстрадиция қилинган қидирувдаги ўзбекистонлик, Мирзиёевнинг Озарбайжонга ташрифи, Carrefour супермаркетларини сотиб олаётган Magnum, ёш қизга тегинган эркак 10 йилга қамалгани, Фарғонада ўзини осган 16 ёшли қиз, 2-босқичи бошланган «OpenBudget» ва бошқалар — «Газета.uz»нинг кун дайжестида.
Тошкентда 48 ўрамдаги гиёҳвандлик моддалари ва дорихона наркотикларини тарқатмоқчи бўлган шахс қўлга олинди. Иш эълонини Telegram орқали топганини айтган эркак 10 йилдан 20 йилгача озодликдан маҳрум этилиши мумкин.
Апрель ойида пойтахт кўчаларининг бирида 17 ёшли қизнинг ортидан келиб, унинг номусига тегишга уринган эркакка нисбатан 10 йил муддатга озодликдан маҳрум қилиш жазоси тайинланди.
Ўзбекистонда июль ойида 28,2 млрд сўмлик табиий газ ва 11,8 млрд сўмлик электр энергиясидан ноқонуний фойдаланилгани маълум бўлди. Бундай ҳолатларнинг энг кўпи Андижон, Самарқанд, Навоий ва Тошкент вилоятларига тўғри келди.
Фарғона вилоятида 16 ёшли қиз ўз уйидан осилган ҳолда топилди. Унинг яқинлари сўнгги вақтларда қизда руҳий бузилиш бўлганини таъкидламоқда.
Октябрь ойидан бошлаб Ўзбекистонда почта орқали ID-карта ва хорижга чиқиш паспортини уйга етказиб бериш хизматини йўлга қўйиш режалаштирилмоқда.
Қозоғистоннинг Magnum Cash & Carry компанияси Ўзбекистондаги барча Carrefour дўконларини Majid Al Futtaim Uzbekistan`дан сотиб олиш бўйича келишувга эришди. Қисқа муддатли ёпилишдан сўнг супермаркетлар Magnum бренди остида фаолиятини бошлайди.
Ўзбекистоннинг 560 нафар давлат хизматчиси (шу жумладан раҳбарлари) ўртасида ўтказилган аноним сўровнома шуни кўрсатдики, уларнинг 57,3 фоизи иш вақтидан ташқари ишларга жалб этилган. 81,7 фоизи бунинг учун қўшимча ҳақ тўланмаганини айтган.
«Ташаббусли бюджет»нинг 2-мавсумига лойиҳалар киритиш тугатилди. 20 кун ичида порталга республика бўйлаб жами 49,4 мингта таклиф келиб тушди. Энг кўп таклиф ички йўл таъмири билан боғлиқ. Энди лойиҳалар кўриб чиқилади. 27 августдан уларга овоз бериш бошланади.
Интерпол томонидан диний экстремистик ташкилотларда иштирок этишда гумонланган эркак Мисрдан Ўзбекистонга экстрадиция қилинди. Бу ташкилот қидирувидаги шахсларни ушбу мамлакатдан Ўзбекистонга олиб келиш бўйича биринчиси бўлди.
Олтинкўл туманидан ўтган Катта Фарғона каналига чўмилиш мақсадида боргани айтилаётган 20 ёшли йигит чўкиб кетиб вафот этди. Ҳолат юзасидан тўпланган ҳужжатлар прокуратурага юборилган.
Салқин об-ҳаво прогнози, бюджет дефицитини чегарада ушлаб туролмаётган ҳукумат, «авария»га учраб вафот этган Урганч шаҳри ИИО ФМБ бошлиғи, пиёдаларни уриб юборган ҳайдовчилар қандай жазоланаётгани, бир қатор тайинлов ва бошқалар — «Газета.uz»нинг кун дайжестида.
Андижон вилояти ҳокимининг маҳаллий саноатни ривожлантириш масалалари бўйича ёрдамчиси лавозимида ишлаб келган Алишер Ҳалилов Қўрғонтепа туманига ҳоким бўлди. Туманнинг аввалги ҳокими президент Шавкат Мирзиёев топшириғи бўйича ишдан бўшатилган эди.
Ўзбекистондаги ЙТҲларнинг қарийб ярми пиёдаларни уриб юбориш билан боғлиқ. Шундай қоидабузарликка йўл қўйган ҳайдовчилар қандай жазоланмоқда? Шу саволга жавоб топиш мақсадида «Газета.uz» судларнинг тасодифий 50 та қарорини ўрганди. Спойлер: пиёда ўлими учун бирор бир ҳайдовчи қамалмаган.
Qeshm Air авиакомпанияси 9 августдан Теҳрон−Тошкент−Теҳрон йўналиши бўйича мунтазам рейсларини йўлга қўяди. Рейслар ҳафтасига бир марта-чоршанба кунлари амалга оширилади.
2023 йилнинг дастлабки 6 ойида Ўзбекистонга 3,1 млн нафар чет эл фуқароси туристик мақсадларда ташриф буюрди. Ўтган йилнинг ушбу даврида кўрсаткич салкам 1,9 млн нафарни ташкил этганди.
Урганч шаҳри ИИО ФМБ бошлиғи ЙТҲ оқибатида вафот этди. Машина йўлнинг қатнов қисмидан чиқиб кетиб, бетон устунга урилган. Ҳолат юзасидан жиноят иши қўзғатилди.
Ўзбекистон фуқаролари Саудия Арабистонига бориш учун электрон виза олиш имкониятига эга бўлди. Ушбу виза билан йил давомида Умра ҳамда мамлакат бўйлаб саёҳат қилиш мумкин.
Афғонистон стандарт агентлиги Ўзбекистондан импорт қилинган 67 та вагон нефтни сифатсиз деб қайтарилганини маълум қилди. «Ўзбекнефтгаз» эса нефтни Ўзбекистон эмас, харидор ўзи Афғонистонга олиб киргани, нефть учун пул 100% тўланганини қайд этди.
Қўшимча имкониятларга эга булиш учун сайтда рўйхатдан ўтинг