Жамият
Ўзбекистон зилзиладан жабр кўрган Афғонистонга қарийб 100 тонна инсонпарварлик ёрдами юборди
7 октябрдаги кучли зилзилалардан жабр кўрган Афғонистонга Ўзбекистондан қарийб 100 тонна инсонпарварлик ёрдами етказилди. Жўнатма таркибида озиқ-овқат ва бирламчи тиббий ёрдам воситалари бор.
Расмийлар электроскутер ва самокатлар ҳаракатини тартибга солмоқчи. Бу қандай бўлади?
ИИВ йўл ҳаракати қоидаларига электросамокат ва скутерлар ҳаракатини тартибга солувчи ўзгартиришларни киритмоқчи. 14 ёшга тўлмаганларга уларни бошқаришни тақиқлаш таклиф қилинмоқда. Уларда пиёдалар йўлакларида 6 км/соат, йўлларда эса 20 км/соат тезликда ҳаракатланиш мумкин бўлади.
Ўзгидромет жума куни айрим ҳудудларда кучли ёмғир ёғишидан огоҳлантирди
Ўзгидромет жума куни Тошкент, Самарқанд, Жиззах, Сирдарё вилоятлари ва тоғли ҳудудларда кучли ёмғир ёғишидан огоҳлантирди. Ҳарорат кундузи +10, кечаси +2 даражагача пасайиши мумкин.
Сайёҳнинг жойини қўшимча пул эвазига вип классга ўзгартириб берган «Афросиёб» поезди бошлиғи ишдан олинган
Тармоқларда хорижлик сайёҳнинг «Афросиёб» поездидаги жойини эконом классдан вип классга ўзгартириш учун поезд бошлиғига қўшимча пул бергани акс этган видео тарқалди. «Ўзтемирйўлйўловчи» компанияси ҳолат июль ойида содир бўлгани ва бошлиқ ишдан олинганини билдирди.
Фарғонада 6 та арчани қуритиб қўйган маҳалла раиси жаримага тортилди
Бувайда туманидаги «Бумозор» МФЙ раиси тегишли чоралар кўрмасдан 5 ёшли 6 та арча кўчатларини қуриб қолишига олиб келгани учун 330 минг сўм миқдорида жаримага тортилди.
Ўзбекистонда 9 ойда 700 мингдан ортиқ чақалоқ туғилди
Январь-сентябрь ойларида Ўзбекистонда 716 885 нафар чақалоқ тирик туғилди. Кўрсаткич 2022 йилнинг мос даврига нисбатан 5,1 фоизга ошган.
Тошкент вилоятида йигитни ўлдириб, машинасини ёқиб юборишда гумонланган шахс ушланди
Янгийўл туманида 25 ёшли такси ҳайдовчисини ўлдириб, машинасини ёқиб юборишда гумонланган шахс ушланди. Воқеага улар ўртасидаги пул қарзи сабаб бўлгани аниқланди.
Яшнободдаги Иззат кўчасининг бир қисми 20 кунга ёпилади
Пойтахтдаги Иззат кўчасининг бир қисми сув қувурлари алмаштирилиши сабаб 10 октябрдан 30 октябргача транспорт ҳаракати учун ёпилади. Ушбу кунлар давомида кўчанинг тегишли қисмидан ҳаракатланувчи автобусларнинг йўналишлари ўзгартирилади.
9 октябрь куни Ўзбекистонда содир бўлган энг муҳим воқеалар дайжести
Ҳафта охирида кутилаётган совуқ ҳарорат, Россия билан газ етказиб бериш бўйича катта шартнома муҳокамаси, пойтахт туманига илк бор аёл ҳоким тайинлангани, Фаластин-Исроил можаросидан жиддий хавотир олаётган Ўзбекистон, можаронинг асосий янгиликлари ва бошқалар — «Газета.uz»нинг кун дайжестида.
«Ўзтрансгаз» бошқарув раисига ўринбосарлар тайинланди
Муҳсин Рахмонов ва Шоҳжаҳон Сафаров «Ўзтрансгаз» бошқарув раисининг биринчи ўринбосарлари, Жаҳонгир Байбаев эса раис ўринбосари лавозимига тайинланди.
Ўзбекистонда бир йилда атмосферага 874 минг тонна саноат чиқиндилари чиқарилди. Қаердан?
2022 йил саноат корхоналари ҳавога 874 минг тонна чиқинди чиқарди. Уларнинг катта қисми нефть-газ, энергетика, металлургия корхоналари ҳисобига тўғри келади. Вазирлар Маҳкамаси 2023 йилда 145 корхонада 723 та чанг-газларни тутиб қолиш ускуналарини таъмирлаб, ташланмаларни камайтирмоқчи.
Санжар Эрданов «Ўзбекконцерт» директори в.в.б. бўлди
Санжар Эрданов «Ўзбекконцерт» давлат муассасаси директори вазифасини вақтинча бажарувчи этиб тайинланди. Фаолиятида камчиликларга йўл қўйган ҳудудий бўлим раҳбарларининг айримлари охирги маротаба огоҳлантирилди.
Бухорода икки эркак ток уриши оқибатида вафот этди
Жондор туманида икки эркак танишининг уйида устачилик қилаётган пайтда ток уриши оқибатида вафот этди.
Президент Осиё ўйинлари тарихида энг яхши натижа кўрсатган спортчиларни табриклади
Шавкат Мирзиёев XIХ ёзги Осиё ўйинларида 71 та медалга сазовор бўлган ўзбекистонлик спортчиларни табриклаб, олтин медалларнинг ярмини қизлар қўлга киритганидан мамнунлигини таъкидлади. Президент, шунингдек, 2024 йилда Парижда ўтадиган Олимпиадада муваффақиятли иштирок этишига ишонч билдирди.
«ТашМИ»га $11,5 минг эвазига ўқишга киритишга уринганликда гумонланганлар ушланди
Фуқароларни 11,5 минг доллар эвазига Тошкент тиббиёт академиясига, 2 минг доллар эвазига эса Самарқанддаги хусусий университетга ўқишга киритиб қўйишга уринганликда гумон қилинган шахслар қўлга олинди.
Исроилдан Ўзбекистонга авиарейслар бекор қилингани йўқ — элчихона
Ўзбекистоннинг Тель-Авивдаги элчихонаси Исроилда бўлиб турган фуқаролардан Ўзбекистонга учиш учун бемалол авиачипта олиши мумкинлигини билдирди. Шунингдек, фуқаролардан Исроилдаги яқинлари йўқолган ёки яраланган бўлса, консуллик бўлимини хабардор қилиш сўралди.
Иш ҳафтаси охирида ҳаво кескин совуқлашади
11 октябрда Ўзбекистонга Қора денгиз ҳудудларидан совуқ ва нам ҳаво массалари кириб кела бошлайди. Ҳарорат кечалари +6…+11, шимолда +2…+7, кундузи +12…+17 даражагача пасаяди. Вақти-вақти билан ёмғир ёғади. Бу ушбу мавсумда биринчи ҳақиқий кузги совуқ бўлади, дейди Ўзгидромет.
Bobur Residence турар-жой мажмуасида фоизсиз муддатли тўловга хонадон сотиб олиш мумкин
Жами тўртта 16 қаватли уйдан иборат Bobur Residence турар-жой мажмуаси шаҳарнинг марказий қисмларидан бирида жойлашган бўлиб, мижозларга қулай шартлардаги муддатли тўловларни таклиф қилмоқда.
Сурхондарёда Қизил китобга киритилган 611 туп тожик кавраги кесиб кетилди
Сурхондарёдаги «Боботоғ» давлат ўрмон хўжалигида Қизил китобга киритилган 611 туп тожик кавраги ноқонуний кесиб олинди. Йил бошидан буён айни шу ўрмон хўжалигида 11,5 минг туп тожик кавраги кесилиб, табиатга 5,7 млрд сўм зарар етган.
Ўзбекистон элчихонаси Исроилдаги ватандошларни эҳтиёт чораларини кўришга чақирди
Ўзбекистоннинг Тель-Авивдаги элчихонаси Исроилда бўлиб турган фуқаролардан барча зарур эҳтиёт чораларини кўриш, хавфсиз жойларда бўлиш ва расмий хабар берилмагунча у ерни тарк этмасликни қатъий тавсия қилди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг