Жамият
Самарқандда корхона каналга 1 тонна нефть маҳсулотларини оқизиб юборди
Давлат экология қўмитаси Самарқанд туманидаги корхона «Дарғом» каналига 1 тонна нефть маҳсулотларини оқизиб юборганини аниқлади. Бунинг ортидан 1,2 млрд сўм компенсация тўлови ундирилиши, қолаверса, корхона фаолияти тўхтатилиши мумкин. Ҳужжатлар тайёрланиб, судга юборилади.
«Ташаббусли бюджет» лойиҳасидаги овозлар текшириб чиқилади — Молия вазирлиги
Ижтимоий тармоқларда фуқаролар Open budget платформасида айрим лойиҳаларнинг қисқа муддат ичида минглаб овозлар тўплаётгани юзасидан эътирозлар билдирмоқда. Молия вазирлиги ҳолатга муносабат билдириб, овозлар қайта текшириб чиқилишини маълум қилди.
Яна бир бола ариқнинг панжарасига тиқилиб қолди. ФВВ яна ота-оналарга мурожаат қилди
Тошкентда 11 ёшли боланинг оёғи ариқ панжарасига қисилиб қолди. Шу каби ҳолат аввалроқ Сирдарёда ҳам кузатилганди. ФВВ яна бир марта ота-оналарни ўз фарзандларини назоратсиз қолдирмасликка чақирди.
Кечаси зилзила содир бўлди. Эпицентр — Андижон
9 сентябрь куни Тошкент вақти билан 02:00 да Андижонда зилзила содир бўлди. Зилзила магнитудаси эпицентр — Асака туманида 3,3 баллга тенг бўлган. Бундан ярим соатча олдинроқ эса Қирғизистонда ер қимирлади, унинг таъсири Тошкент, Сирдарё ва Жиззахда сезилди.
«Нукус — Мўйноқ» йўналишида мунтазам авиақатнов йўлга қўйилади
12 сентябрдан бошлаб Uzbekistan Airways ҳар душанба «Нукус — Мўйноқ» йўналишида авиақатновни амалга оширади. Қолаверса, компания фақат 9 сентябрь куни Нукусдан учган самолёт Мўйноқда тўхтаб, кейин Тошкентга учишини маълум қилди.
8 сентябрь куни Ўзбекистонда содир бўлган энг муҳим хабарлар дайжести
Тошкентда ўтган Парламентлараро иттифоқнинг аёл раҳбарлари саммити, Чилонзор прокуратураси рўпарасида яна дарахткушлик, «Ўзбек тили» китобида Мурод Назаров ҳақидаги матн, 57 та тимсоҳ боласининг аҳволи, асосий ставкани 15% даражада ўзгаришсиз қолдирган МБ ва бошқалар — «Газета.uz»да кун дайжести.
Тошкентда яна бир қурувчи ташкилот 42 туп дарахтни кесиб ташлагани аниқланди
Тошкент шаҳрининг Учтепа туманида қурувчи ташкилот томонидан 42 туп дарахт ноқонуний равишда кесиб юборилгани аниқланди. Бунинг оқибатида табиатга 425 млн сўмдан ортиқ зарар етказилган. Бош прокуратура ташкилот мансабдорларига нисбатан жиноят иши қўзғатди.
«Ўзбек тили» дарслигига Мурод Назаров ҳақида матн киритилганига изоҳ берилди
Тармоқларда 7-синф «Ўзбек тили» дарслигига Мурод Назаров тўғрисида маълумот киритилгани муҳокамаларга сабаб бўлмоқда. Вазиятга дарслик муаллифлари жамоаси тушунтириш беришича, тадбиркор ҳақидаги матн «ўқиб тушуниш компетенцияларини ривожлантириш учун аутентик материал сифатида танланган».
Тошкентда 58 туп дарахтни кесиб ташлаган Dream House Stroy мансабдорларига нисбатан жиноят иши қўзғатилди
Чилонзор туманида 58 туп дарахтни кесиб ташлаб, табиатга қарийб 800 млн сўмлик зарар етказгани учун Dream House Stroy компанияси мансабдорларига нисбатан жиноят иши очилди. Аввалроқ, мазкур ҳодиса Чилонзор прокуратураси рўпарасида, тунги вақтда содир этилгани ҳақида ёзгандик.
«Жиззах аккумулятор заводи» акциядорлик жамияти тендер эълон қилди
«Жиззах аккумулятор заводи» (ЖАЗ) АЖ тайёр маҳсулотларни Андижон, Фарғона ва Наманган вилоятларида сотиш буйича дилерликка танлов эълон қилди.
Жиззахда эр хотинини арматура билан уриб ўлдиргани айтилмоқда
Ғаллаорол туманида эр ўзаро гап талашиб жанжал юзага келиши оқибатида хотинининг бошига арматура билан уриб, ўлдириб қўйгани айтилмоқда.
Тошкентда Audi ва Nexia тўқнашиб кетди
Учтепа туманида Audi e-tron GT ва Nexia иштирокида тўқнашув содир бўлди. Бунинг оқибатида Nexia ҳайдовчиси тан жароҳати олиб касалхонага ётқизилди.
Тошкент ҳайвонот боғи 57 та тимсоҳ боласининг аҳволи ҳақида маълумот берди
Август охирида аэропортдан ноқонуний тарзда пластмасса идишда олиб ўтишга уринилган 57 та тимсоҳ боласининг соғлигига жиддий зарар етказилган, дея маълум қилди Тошкент ҳайвонот боғи. Ҳозирда улар гўшт, балиқ билан боқилмоқда, уларнинг бўйи ва вазни ўлчаб кўрилди.
«Баҳони бизнес манфаати бўлган шахслар бермаслиги керак». Дарсликлар муаллифлари президентга мурожаат қилишди
Янги мактаб дарсликлари муаллифлари дарсликларнинг мазмун-моҳияти ва сифати ҳақида «асоссиз хабарлар» тарқалаётгани сабабли президентга мурожаат қилишди. Унда дарсликларни экспертизадан ўтказилишига қарши эмасликлари, бироқ баҳони бизнес манфаатлари бўлганлар бермаслиги кераклигини таъкидлашди.
Овоз учун пул тўлаш, бепул ичимликлар тарқатиш ва бошқалар — Open budjet лойиҳалари учун овоз йиғиш қандай кетмоқда?
«Ташаббусли бюджет»да овоз бериш жараёни 17 сентябрда тугайди. Фуқаролар унгача ўз лойиҳалари учун кўпроқ овоз тўплаш учун турли усуллардан фойдаланмоқда. Жумладан, текинга ичимлик улашилмоқда, ижтимоий тармоқларда овоз йиғиб берувчилар оммалашди. «Газета.uz» улардан бир нечтасини жамлади.
Ўзбекистоннинг баланд тоғларида ёмғир қорга айланиши кутилмоқда
Ҳафта охирида Волга бўйи ҳудудларидан Ўзбекистонга бироз нам ва салқин ҳаво кириб келади. Натижада республика ҳудудининг катта қисмида ҳаво ҳарорати кундузи +25…+28 даражагача пасаяди. Айрим ҳудудларда бироз ёмғир ёғади, 2500 метрдан баланд тоғларда эса ёмғир қорга айланиши кутилмоқда.
Чилонзор прокуратураси рўпарасида 60 га яқин дарахт кесиб ташланди
Яқинда 100 дан ортиқ дарахт шикастланган Чилонзор кўчасида бир кечанинг ўзидаёқ 58 туп дарахт кесиб ташланди. Ҳар икки воқеа туман прокуратураси яқинида содир этилди. Биринчи ҳолатдан сўнг туман ҳокими ва прокурор ишдан олинди. Туман ҳокимлиги эрталаб кесилган дарахтлар ўрнига 69 туп кўчат экди.
Нанайдаги кўприк таъмирлаш ишлари сабаб 1 октябргача ёпилди
1 октябрга қадар Бўстонлиқнинг «Нанай» маҳалласи ҳудудига олиб борувчи кўприк таъмирлаш сабаб ёпилади. Унгача тумандаги «Нанай», «Боғистон», «Боладала» маҳаллаларига «Бурчмулло» орқали борилади.
«Ётоқхонадан жой беришмаса, фарзандимни уйга олиб кетаман». Минглаб талабалар ўзларини бошпанасиз ҳис қилишмоқда
«Газета.uz» янги ўқув йилининг илк кунида «Талабалар шаҳарчаси» дан фоторепортаж тайёрлади. Суҳбат чоғида талабалар ва уларнинг ота-оналари биринчи кунданоқ ноҳуш кайфият ва чорасизликдан бошлангани, олийгоҳ ётоқхонасига жойлашишдаги қийинчиликлар ва ижарага уй олиш қимматга тушишини айтишмоқда.
Дмитрий Кулеба — Ўзбекистон ва Украина муносабатлари ҳақида
«Биз ҳозир ҳам, ҳатто ҳозирги шароитда ҳам муносабатларни имкон қадар ривожлантиришга тайёрмиз, чунки уруш — уруш, лекин ҳаёт тўхтаб қолгани йўқ ва биз олдинга интилишимиз, биргаликда нима қилишимиз мумкинлигини излашимиз керак», — деди Украина ТИВ раҳбари Ўзбекистон билан муносабатлар ҳақида.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг