Қайта тикланувчи энергия манбалари миллий илмий-тадқиқот институтида қуёш энергиясидан фойдаланган ҳолда электромобилларни юқори тезликда зарядловчи қурилма яратилди. Тизим йилига 32 минг кВт соат электр энергияси ишлаб чиқариб, 950 та электромобилни қувватлаш имконини беради.
Президент қарори билан аҳолига деҳқончилик учун экин майдонлари 30 йилга ижарага берилади. Ижарага бериш очиқ электрон танлов орқали ўтказилади. Унда бир нафар талабгор иштирок этса ҳам, танлов ўтказилган ҳисобланади.
Ўзбекистонда ҳафта давомида об-ҳаво илиқ ва қуруқ бўлади. 13 сентябрь кунидан совуқ ҳаво республика ҳудудидан чекиниши бошлайди ва ҳаво +28…+30 гача исийди. Республиканинг тоғли ҳудудларида эса бироз ёмғир ёғади.
Тошкентдаги 142-мактабда ИИБ ходимлари ўқувчиларга соч турмаги учун танбеҳ берди. Қонунчиликка кўра, соч узунлиги 2−3 см бўлиши лозим. Пойтахт ИИББ ўқувчилар билан профилактик суҳбат ўтказилгани, қолаверса, болалардан бирининг ёнидан қайчи топилганини қайд этди.
NovaStroy компанияси Parkwood турар-жой мажмуасида катта чегирмали сўнгги ҳафтани ўтказмоқда.
Қашқадарёнинг Косон туманида хусусий боғчадан чиқиб кетган тўрт ёшли болани «Афросиёб» тезюрар поезди уриб кетди. Олинган жароҳатлар оқибатида бола вафот этган. Вилоят мактабгача таълим бошқармаси ҳолат юзасидан суриштирув ҳаракатлари бошланганини маълум қилди.
Хива шаҳрининг барча маҳалла ва Хива туманининг баъзи ҳудудларида таъмирлаш ишлари сабаб газ таъминоти соат 08:00 дан 18:00 гача тўхтатилади.
Тошкент халқаро аэропортидаги учиб кетиш терминали ертўласида кичик ёнғин чиқди. Бунга трансформатор подстансиясида жойлашган узлуксиз электр таъминоти манбасидаги қисқа туташув сабаб бўлган. Терминал вақтинча чироқсиз қолди. Учта рейс кечиктирилди.
Пойтахтда дарахтлар нобуд бўлишига шароит яратиб берганликда айбланиб ҳибсга олинган Тошкент Экология бошқармаси бошлиғи Фарҳод Деҳқонов озод этилди, бироқ жиноий ишда гумонланувчи сифатида қолмоқда. Депутат Расул Кушербаев унинг озодликка чиқишига Ўзбекистон бош прокурори ҳисса қўшганини айтди.
ЎзЖОКУ талабаси университетда ректорга салом бермагани учун ходим томонидан калтакланганди. Университет Одоб-ахлоқ комиссияси йиғилишида ходим ваколати доирасидан ташқарига чиққани сабабли ишдан бўшатилди. Бошқа ходимларга нисбатан ҳайфсан интизомий чораси қўлланилди.
Тармоқларда Кармана туманидаги 6-сонли МТТда болалар оммавий заҳарлангани айтилмоқда. 10 нафар тарбиячи туман тиббиёт бирлашмаси юқумли касалликлар бўлимига ётқизилган. Вилоят прокуратураси ҳолат бўйича терговга қадар текшириш бошлангани маълум қилди.
Қамчиқ довонида юк машинаси ҳайдовчиси бир неча автомобиль билан тўқнашиб кетиши натижасида уларда ёниб кетган. Дастлабки маълумотларга кўра, 4 киши ҳалок бўлган, 5 дан 7 нафаргача киши жароҳатланган. ФВВ ёнаётган автомобиллар тезда ўчирилганини маълум қилди.
Театр арбоблари уюшмаси «Илҳом» театрида бўладиган «Подпольные девочки» спектакли Афғонистон ва Ўзбекистон ўртасидаги алоқаларга путур етказиши мумкинлигини айтиб, ИИБ ва Миллий гвардияга сценарийни ўрганиб чиқишни сўраб хат ёзди. Адлия вазирлиги бу хатни асоссиз деб топди.
ЎзЖОКУ талабаси университетда ректорга салом бермагани учун ходим томонидан калтаклангани айтилмоқда. Университет ректори эса ҳолатдан хабари йўқлигини, бироқ, ноҳақ ҳаракат қилганлар жазоланишини айтди. Талабанинг салом бериш-бермаслиги бу ихтиёрий, дея таъкидлади Шерзодхон Қудратхўжа.
AKFA Medline клиникаси Мустақиллик байрами муносабати билан ҳар йили ўтказиладиган «Сен яшайсан» акцияси туғма юрак нуқсони бор болалар учун 31 та бепул кардиожарроҳлик амалиётини ўтказади. Жарроҳлик амалиёти ҳомийлар ҳисобидан амалга оширилади.
Тошкент шаҳар Экология бошқармаси бошлиғи Фарҳод Деҳқонов ҳибсга олинди. Эҳтиёт чораси пойтахтда дарахтларни ноқонуний кесиш ишлари билан боғлиқ эмас. У мансаб ваколатини суиистеъмол қилганлиқда гумонланмоқда.
UNICEF, UNDRR ва Ўзбекистон Қизил Ярим ой жамияти билан ҳамкорликда табиий офатлар хавфининг олдини олиш ва камайтириш бўйича аҳолининг хабардорлигини оширишга қаратилган қўшиқ ва мусиқалар танлови эълон қилинди. Материалларни қабул қилиш 30 сентябрга қадар давом этади.
Олий суд етти нафар нафақа ёшидаги судялар билан тузилган меҳнат шартномасини бекор қилди. Уларнинг 4 нафари Мурожаатлар билан ишлаш бошқармасидан, 3 нафари эса бошқа бошқарма ва бўлимларда ишлаган.
Финляндия Ўзбекистонда аҳолининг ижтимоий ҳимояга муҳтож қатламларига алоҳида эътибор қаратган ҳолда одил судловдан фойдаланишни яхшилаш бўйича янги лойиҳани амалга оширишни қўллаб-қувватлаш учун БМТТДга 1,5 миллион евро ажратади.
Брокколи ва гулкарамли, творог ва резавор мевали, гўшт ва бақлажонли, лавашдан қилинган, кокос қириндиси қўшилган творогли ва сендвич-тоблатма — Zira.uz таомномасига янгилик киритишни истаганлар учун мазали тоблатмалар рецептлари рўйхатини тақдим этади.
Қўшимча имкониятларга эга булиш учун сайтда рўйхатдан ўтинг