Дин ишлари қўмитаси тошкентлик тадбиркор ишчи ва мижозлар учун намозхона ташкил этгани учун жаримага тортилгани ҳақидаги хабарларга муносабат билдирди. Унда айтилишича, фуқаролар биргаликда ибодат қилишлари учун диний ташкилот ташкил этиш талаб қилинади.
Тошкентликлар украин халқини қўллаб-қувватлаб, урушга қарши эканликларини билдириш учун пойтахтдаги Украина элчихонаси биносига гуллар, юмшоқ ўйинчоқлар ва ёзувлар олиб келишмоқда.
Қорақалпоғистонга ташрифини кутилганидан аввал якунлаган президент, Польша орқали эвакуация қилинадиган Украинадаги ўзбекистонликлар, Навоийда ноқонуний олтин қазишга уринган 54 фуқаро, Ўзбекистон Евроосиё тараққиёт банкига аъзо бўлишга тайёрланаётганини айтган бош вазир, Владимир Путин билан телефон орқали мулоқот қилган Шавкат Мирзиёев ва бошқалар — «Газета.uz» нинг 25 февралдаги энг муҳим хабарлари дайжестида.
Давлат хизматлари агентлиги эски ҳайдовчилик гувоҳномасини мажбурий алмаштириш муддати тугаётгани муносабати билан ДХМларга кунига 700 нафаргача фуқаро мурожаат қилаётганини маълум қилди. Шундан келиб чиқиб, энди пойтахтнинг 10 та туманидаги ДХМлар янги гувоҳномани бериш учун сўнгги мижоз қолгунича фаолият кўрсатади.
Санитария-эпидемиологик осойишталик хизмати раҳбари Баҳодир Юсупалиев март, июнь ва июль ойларида яна 4 млн доза Pfizer, 7,5 млн доза Moderna вакцинаси олиб келинишини маълум қилди. Қолаверса, Ўзбекистонда яна 10 млн доза ўзбек-хитой вакцинаси ҳам ишлаб чиқарилган.
Халқ таълими вазирлиги 2021 йилда таълим муассасалари 91,1 млрд сўмлик молиявий хатога йўл қўйгани, шундан 27,1 млрд сўмни талон-торож қилганини аниқлади. Биргина Андижон шаҳрида ходимларнинг даромад солиғи бюджетга ўтказилмасдан, 11,5 млрд сўм ўзлаштирилган. Аввалроқ, 2018−2020 йилларда Андижон шаҳар ХТБ раҳбарлари 57 млрд сўм талон-торож қилгани айтилганди.
Ўзбекистоннинг Украинадаги элчихонаси фуқароларни Польша орқали эвакуация қилишини хабар қилди. Львовга келган ўзбекистонликлардан диаспора вакили Маруф Салиевга мурожаат қилиш сўралган. Эвакуация вақтида қариялар, болалик аёллар, талабалар ва болалар устунликка эга бўлади.
Дам олиш кунлари Ўзбекистонда қиш фаслига ҳос бўлмаган жуда илиқ ҳарорат бўлиши кутилмоқда. Бу Эрон ҳудудларидан кириб келадиган ҳаво ҳисобига юз беради. Ҳарорат кундуз кунлари +23…+25 даражагача кўтарилади. Февралнинг сўнгги кунида эса Фарғона водийсидан бошқа барча ҳудудда ёмғир ёғади.
Навоий вилоятидаги Лолазор эски тилла конларида Навоий, Самарқанд ва Бухородан келган 54 нафар фуқаро лицензиясиз олтин қазиб олаётгани вақтида ушланди. Улар қазиб олган, таркибида олтин зарралари бўлган қум эса текширув учун Навоий кон-металлургия комбинатига юборилди. Аввалроқ, айни шу ҳудудда 4 кишини қум босиб қолганди.
Пайшанба куни 156 кишининг COVID-19`га торширган тест таҳлили мусбат натижани кўрсатди, бир кун олдин ушбу кўрсаткич — 140 тани ташкил қилганди. Қолаверса, 26 кишида пневмония аниқланди.
«Hududgaz Jizzax» газ таъминоти филиали ходимлари тадбиркорнинг 384,6 млн сўмлик қарзини пора эвазига камайтириб бермоқчи бўлган. Улар пора олган вақтида қўлга олинган.
Тошкент шаҳрида ўзини метро поезди остига ташлаган эркак Сирдарёнинг Сардоба туманидан бўлган. У воқеа жойида вафот этган.
Олий таълим вазири Абдуқодир Тошқулов ўзининг талабалик йиллари, илгари ОТМга ҳужжат топширишда кузатилган қийинчиликлар, талабалар ўртасидаги маҳаллийчилик, пул топиш учун қора иш қилишга тўғри келгани ҳақида сўзлаб берди. Қолаверса, сессияда фанларни ёпиб юрган йилларини эсга олар экан, 5 баҳо эвазига 4 «тележка» сомон ташиттирган устозини университетга ректор бўлгач, иккита шарт билан ишга олганини айтди.
2-курсдан ишлаши кутилаётган талабалар, эвакуация қилиш режаси тузилаётган Украинадаги ўзбекистонликлар, Киевга учадиган иккита рейсни бекор қилган Uzbekistan Airways, 100 МВт қувватли шамол электр станцияси қурилишига тамал тоши қўйган президент, Украинада жабрланганлар орасида Ўзбекистон фуқаролари йўқлигини маълум қилган ТИВ ва бошқалар — «Газета.uz» нинг 24 февралдаги энг муҳим хабарлари дайжестида.
Тошкент метросининг Мирзо Улуғбек станциясида эркак киши ўзини поезд остига ташлади. Натижада бир йўналишда ҳаракат тўхтаб қолди.
«Газета.uz» Россия эрта тонгдан ҳарбий босқин бошлаган Украинада яшовчи аҳоли билан суҳбатлашди. Мақола қаҳрамонлари — баъзилари аноним, баъзилари эса ҳақиқий исмлари билан — ўз шаҳарларида содир бўлаётган воқеалар ва маҳаллий ҳокимият томонидан қандай чоралар кўрилаётганини сўзлаб беришди.
Uzbekistan Airways авиакомпанияси Ростов-на-Дону ва Краснодар аэропортлари ёпилгани муносабати билан ушбу шаҳарларга парвозларни бекор қилди.
Ташқи ишлар вазирлиги Ўзбекистон фуқаролари, шу жумладан, Россиянинг Украинага яқин ҳудудларида жойлашган ОТМлар талабалари учун хавотирланишга сабаб ва асослар йўқлигини маълум қилди. ТИВ агар фуқароларга таҳдид бўлса, ўз вақтида чоралар кўрилиши ва улар Ўзбекистоннинг Москвадаги элчихонаси ва Ростов-Дондаги бош консулхонасига қўнғироқ қилишлари мумкинлигини билдирди.
Президент қарори билан ҳарбий хизматга яроқли Ўзбекистон фуқаролари март-апрель ойларида муддатли ҳарбий хизматга чақирилади. Мудофаа вазирлигининг «Газета.uz»га маълум қилишича, мазкур қарорнинг Украинада бўлаётган вазиятлар билан ҳеч қандай алоқаси йўқ.
Ўзбекистоннинг Киевдаги элчихонаси Украинада таълим олаётган ўзбекистонлик талабаларга мурожаат қилиб, ўқишни Ўзбекистонда туриб масофавий шаклда давом эттиришни тавсия қилди.
Қўшимча имкониятларга эга булиш учун сайтда рўйхатдан ўтинг