Жамият
Қозоғистон электрон сигаретларни бутунлай тақиқлашни режалаштираяпти
Қозоғистон вейп — электрон сигаретларни сотиш ва улардан фойдаланишни бутунлай тақиқлашни режалаштирмоқда. Ўзбекистонда эса сотувда маркасиз, таркиби ва ундан фойдаланиш хавфи ҳақида маълумот кўрсатилмаган кўплаб вейпларни учратиш мумкин.
Мухлислардан Ўзбекистон-Япония ўйинини томоша қилиш учун стадионга келмаслик сўралди
ИИВ Ўзбекистон ва Япония ёшлар ТЖ ўртасидаги Осиё кубоги ярим финали учрашуви ўтадиган «Миллий» стадиони ОФК санкциялари туфайли маҳаллий мухлислар учун ёпилганини эслатиб ўтди. Мухлисларга ўйинни уйда томоша қилиш тавсия этилди. Стадион атрофидаги йўллар эса таъмирланиши сабабли вақтинча ёпилади.
Келгуси йилдан техникумдан олийгоҳга имтиҳонсиз кириш механизми бекор қилинади
Президент 2023 йилдан бошлаб техникумдан олийгоҳга имтиҳонсиз кириш механизми бекор қилинишини таъкидлади. ОТМлардаги камида 60 та йўналиш техникумларга ўтказилади. Шунингдек, 1 январдан илмий даражаси бор техникум ўқитувчиларининг иш ҳақи олийгоҳ педагоглариникига тенглаштирилади.
Туркияга қизларни фоҳишаликка юборишга уринганликда гумонланган шахс ушланди
Тошкент халқаро аэропортида янгийўллик 40 ёшли аёл 20 ва 23 ёшли икки нафар қизни алдов йўли билан Туркияга чиқариб юборишга уринганида қўлга тушди. Унга нисбатан одам савдоси моддаси билан жиноят иши қўзғатилди.
Тошкент шаҳридаги аттракционларнинг 75 фоизи носозлиги аниқланди
Ўзбекистондаги барча маданият ва истироҳат боғларидаги 1879 та аттракционнинг 574 таси техник носоз эканлиги аниқланди. Шундан энг кўпи Қорақалпоғистон, Андижон, Фарғона, Қашқадарё ва Наманган ҳиссасига тўғри келмоқда. Пойтахтда эса 52 дона аттракционнинг 39 таси (75%) яроқсизлиги маълум бўлди.
Қозоғистондаги йирик аварияга ўзбекистонлик юк машинаси ҳайдовчиси сабаб бўлгани айтилмоқда
Қозоғистонда ичида 31 нафар ўзбекистонлик бўлган автобус ёниб кетишига сабабчи бўлган юк машинасини Ўзбекистон фуқароси бошқаргани айтилмоқда. У юк автомобиллари ҳаракати тақиқланган довондан ўтаётганда бошқарувни йўқотган ва тўхтаб турган 4 та транспорт воситасига урилган.
Тошкентда жуфтлик калтакланган ҳолат юзасидан жиноят иши қўзғатилди
Прокуратура Тошкентнинг Мирзо Улуғбек туманида йигит ва қиз калтакланган ҳолат бўйича жиноят иши қўзғатди. Жуфтлик уларга туман ИИБ ходимлари жароҳат етказганини таъкидлаганди.
Ёзда ёнғинлар кондиционер, музлаткич ва қуруқ ўтлар сабаб келиб чиқмоқда — ФВВ
Йил бошидан бери 3449 та ёнғин содир бўлиб, унда 82 киши жабрланган, 48 киши эса ҳалок бўлган. ФВВ ёз ойи бошланиши билан ёнғин билан боғлиқ вазият ҳам фаоллашганини қайд этди. Таъкидланишича, аксарият ёнғинларга кондиционер, музлатгич ва қуруқ ўтлар ёқилиши сабаб бўлмоқда.
Диний таълим муассасалари учун қабул санаси маълум қилинди
Ўзбекистон мусулмонлари идораси ўз тасарруфидаги диний таълим муассасалари учун қабул санаси ва абитуриентлардан талаб этиладиган ҳужжатлар рўйхатини эълон қилди.
Тошкентда автобус чироқ устунига урилди
Тошкентнинг Бунёдкор кўчасида 56-йўналишдаги «Isuzu» автобуси пиёдалар ўтиш жойида тўхтаган автомобиль билан тўқнашиб кетишдан қочишга уриниб, чироқ устунига урилди. Автобусда йўловчилар бўлмаган ва ҳеч ким жароҳат олмаган. Мазкур пиёдалар ўтиш жойида ЙТҲ мунтазам содир бўлади.
Ўзбекистонда Очиқлик индекси жорий этилади
Президент фармони билан Очиқлик индекси жорий этилади. Унга кўра, 8 та индекатор бўйича энг юқори балл тўплаган ташкилотлар рағбатлантирилади, салбий кўрсаткич қайд этганлар эса жавобгарликка тортилади. Қолаверса, очиқликни таъминлаш борасида Антикоррупция агентлигига қўшимча ваколатлар берилмоқда.
Қизалоқ 10-қаватидан тушиб кетган уйнинг қурувчилари жавобгарликка тортилади
Самарқандда қизалоқ 10-қаватидан тушиб кетган уйнинг лойиҳачи ва қурувчилари жавобгарликка тортилади. Балкондаги панжаранинг пастки очиқ қисми лойиҳага қараганда каттароқ эканлиги аниқланди. «Газета.uz» кўп қаватли уйларнинг камчиликлари ҳақида ёзганди.
Фарғона водийсининг тоғли ҳудудларида сел келиш хавфи эълон қилинди
Ўзгидромет Наманган, Фарғона ва Андижон вилоятларининг тоғолди ва тоғли ҳудудларида ёмғирлар ёғиши оқибатида сел келиш хавфидан огоҳлантирди. Аҳоли ва ҳайдовчилардан эҳтиёт чораларини кўришлари сўралмоқда.
Қозоғистонда ичида ўзбекистонликлар бўлган яна бир автобус аварияга учради
Чоршанба куни тонгда Қозоғистоннинг Жамбил вилоятида юк машинаси иккита йўловчи автобуси ва битта енгил автомобиль билан тўқнашди, оқибатда уларда ёнғин чиқди. Натижада автобуснинг бирида бўлган 31 нафар ўзбекистонликдан 3 нафари ўрта даражада тан жароҳати олди. Уларга тиббий ёрдам кўрсатилмоқда.
Тошкент туманлари аҳоли мурожаатлари билан ишлаш бўйича баҳоланди
«Халқ назорати» хизмати орқали келиб тушган мурожаатлар билан ишлаш бўйича Тошкент туманлари рейтинги эълон қилинди. «Газета.uz» ушбу хизмат ишлаб чиқувчиларидан рейтинг қандай тузилиши ва у нима учун кераклиги ҳақида сўради.
Футбол: Ўзбекистон U-23 Япония билан ярим финалда мухлисларсиз ўйнайди
Осиё футбол конфедерацияси Ироққа қарши учрашувда мухлислар томонидан тош отилгани сабабли Ўзбекистон ёшлар терма жамоасини жазолади. Японияга қарши ярим финал ўйинига ўзбекистонлик мухлислар қўйилмайди, ЎФА эса катта жарима тўлайди.
14 июнь куни Ўзбекистонда содир бўлган энг муҳим хабарлар дайжести
Футбол учрашувида тош отгани учун ҳибсга олинган салкам 50 киши, Конституцияга таклифлар, Осиё кубоги йўлланмасини қўлга киритган МТЖ, биржада арзонлаган шакар нархи, Тошкентда тезюрар электричкалар қатновини йўлга қўйиш бўйича таклиф ва бошқалар — «Газета.uz» нинг 14 июндаги хабарлар дайжестида.
Намангандаги «Ертикон» сув омбори остидан сув сизиб чиқаётганлиги аниқланди
ФВВ Намангандаги «Ертикон» сув омбори остидан сув сизиб чиқаётганини тасдиқлади. Таъкидланишича, 13 июндан бери дамбанинг иккита жойидан сониясига 5−10 литр сув оқиб чиқмоқда. Шунга қарамасдан аҳоли ва тўғонга хавф йўқлиги айтилмоқда. Омбор олдида тун-у кун кузатув пости ташкил этилди.
Вохид Ибодуллаев Сирдарё вилояти ҳокимига ўринбосар бўлди
Қурилиш вазирлиги Бошқарма бошлиғи лавозимида ишлаган Вохид Ибодуллаев Сирдарё вилояти ҳокимининг ўринбосари лавозимига тайинланди. Бундан ташқари, Ўктам Пардаев Қашқадарё вилоятининг Китоб туманига ҳоким бўлди.
Ўзбекистон бўйлаб «санитария инқилоби» амалга оширилади
2022−2023 йилларда Ўзбекистондаги барча сайёҳлик объектлари, аэропортлар, вокзаллар ва автостанцияларда «санитария инқилоби» ни амалга ошириш, уларни замонавий ҳожатхоналар билан таъминлаш режалаштирилмоқда. Махсус ишчи гуруҳ сентябргача ушбу объектларда ўрганишлар олиб боради.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг