Жамият
2021 йилда 19 нафар судья ишдан олинган, 220 нафари эса интизомий жазога тортилган
Судьялар олий кенгаши 2021 йилда 19 нафар судьянинг ваколати муддатидан илгари тугатилгани, яна 220 нафар судья камчиликларга йўл қўйгани учун интизомий жавобгарликка тортилганини маълум қилди. 2022 йилнинг биринчи чорагида эса, 22 нафар судья ишдан олинган, 80 нафарига интизомий чора қўлланилган.
Ўзбекистонда қайси ҳоким ўз қарорларини тез-тез бекор қилиб туради?
28 март ҳолатига e-qaror.gov.uz электрон тизимида 221 та вилоят, туман, шаҳар ҳокимиятлари қабул қилган 76 мингга яқин ҳоким қарорлари ҳақида маълумот мавжуд. Ушбу маълумотларга кўра, Ўзбекистонда ҳокимиятлар бир йил ичида кунига ўртача 177 та қарор қабул қилган. Қарши шаҳар ҳокими эса ўртача ҳар икки кунда ўзи томонидан қабул қилинган битта қарорни бекор қилади.
Швейцария компанияси сувни вирус ва бактериялардан 99,99 фоизгача тозалайдиган технологияларни таклиф қилди
Швейцария компанияси Давлат экология қўмитасига электролиз орқали сувни 99,99% гача вируслар, шу жумладан COVID-19, бактериялар ва бошқалардан тозалайдиган технологияларни жорий этиш бўйича таклиф берди. Экоқўмита ҳамкорлик имкониятларини тегишли вазирлик ва идоралар билан кўриб чиқишини маълум қилди.
Сурхондарёдаги чегара божхона постида картошка орасидан 154 кг «гашиш» топилди
Сурхондарё вилоятидаги «Айритом» чегара божхона постида қўшни давлатдан кириб келган юк машинасига ортилган 22 тонна картошка орасига 154 кг «гашиш» яшириб қўйилгани аниқланди. Ушбу гиёҳвандлик моддаси картошкалар кўринишида қадоқланган.
Харьковда ўзбек диаспораси раҳбари аҳоли учун бепул тушликлар тарқатмоқда
Бир неча ҳафтлардан бери ўққа тутилаётган Украинанинг Харьков шаҳрида маҳаллий аҳоли «Наврўз» ўзбек ошхонаси ресторанида бепул тушлик олишлари мумкин. Бу — ресторан эгаси ва Харьковдаги ўзбек диаспораси раҳбари Шаҳобиддин Юсуповнинг ташаббуси. «Газета.uz» унинг ҳамкасби, ресторан бошқарувчиси Мейдан Мухамедьяров билан суҳбатлашди.
Сирдарёда кучли таъсир қилувчи дориларни олиб кетаётган Lacetti тезкор тадбир давомида тўхтатилди (видео)
Сирдарёнинг Сайхунобод туманида Lacetti ҳайдовчиси ЙПХ ходимларининг кўрсатмасига бўйсунмасдан, қочишга уринди. Автомобиль салони кўздан кечирилганида, кўп миқдордаги кучли таъсир қилувчи дори воситалари борлиги аниқланган. Ҳайдовчини ушлаш акс этган видео ижтимоий тармоқларда пайдо бўлди.
«Инсон ҳуқуқлари уйи» ташкил этилди
Инсон ҳуқуқлари бўйича Миллий марказда Инсон ҳуқуқлари бўйича ахборот-кутубхона маркази — «Инсон ҳуқуқлари уйи» ташкил этилди.
Ҳафта давомида қуруқ ва илиқ об-ҳаво бўлиши кутилмоқда
Март ойи охиригача республиканинг катта қисмида ёғингарчилик кутилмайди. Фақат сешанба куни баъзи ҳудудларда бироз ёмғир ёғиши мумкин. Ҳарорат жанубда +25 даражагача кўтарилади.
Каттақўрғон шаҳар иқтисодий тараққиёт ва камбағалликни қисқартириш бўлими ходими пора билан ушланди
Самарқанд вилояти Каттақўрғон шаҳар иқтисодий тараққиёт ва камбағалликни қисқартириш бўлими катта мутахассиси фуқарога уй олиш учун субсидия ажратиб бериш эвазига 1200 доллар пора олганликда гумон қилинмоқда. Тезкор тадбир давомида унинг ёнидан «марихуанна» ва уни истеъмол қилиш учун мўлжалланган мослама ҳам топилгани айтилмоқда.
Намангандан Олмаотага авиақатновлар йўлга қўйилади
Uzbekistan Airways Наманган — Олмаота — Наманган йўналиши бўйича янги авиақатновларни йўлга қўймоқда. Парвозлар ҳафтада икки марта амалга оширилади.
Сурхондарёда тадбиркор 220 минг доллар кредит маблағини ўзлаштирганликда гумонланмоқда
Музработ туманида корхона раҳбари қишлоқ хўжалиги маҳсулотларини экспорт қилишда айланма маблағини тўлдириш учун ажратилган 220 минг доллар кредит маблағини ўзлаштиришда гумон қилинмоқда. Унинг асл баҳоси 737,8 млн сўм бўлган бино нархини сунъий равишда ошириб, уни 2,5 млрд сўмга гаров таъминоти сифатида қўйгани ҳам аниқланди.
Ўзбекистонга 2,1 млндан ортиқ Moderna вакцинаси келтирилди
Душанба куни Ўзбекистон COVAX дастури доирасида коронавирусга қарши яна 2,1 млн дозадан ортиқ Moderna вакцинасини қабул қилиб олди.
1 апрелдан нималар ўзгаради?
Кекса ёшдагилар бепул дори-дармон билан таъминланади, айрим боғчаларга болаларни 2 ёшдан қабул қилишга рухсат берилади, UzAuto Motors автомобили фақат харид қилиш бўйича шартнома тузган шахс номига расмийлаштирилади, ноқонуний дарахт кесиш ҳолатларини суратга олиб юборганларга пул тўланади, ногиронлик нафақаси ва пенсияси оширилади, фарзандини хусусий боғча ва мактабга берганлар даромад солиғидан озод этилади — 1 апрелдан нималар ўзгаради?
Самарқанд вилоятида 10 гектар ерни 250 минг долларга сотмоқчи бўлган шахс ушланди
Самарқанд вилояти Нуробод туманида МЧЖ раҳбари жамият тасарруфидаги 10 гектар лалми ер майдонини 250 минг долларга сотмоқчи бўлиб, пулнинг 100 минг долларини олаяётган вақтда ушланди.
ДБҚ раҳбарияти ва қатор ҳудудий божхона бошқармаларида тайинловлар амалга оширилди
Давлат божхона қўмитаси раисига иккита ўринбосар, бешта ҳудудий божхона бошқармаси ҳамда «Тошкент-АЭРО» ихтисослаштирилган божхона комплексига раҳбарлар тайинланди. Шунингдек, олтита ҳудудий божхона бошқармалари бошлиқларига ўринбосарлар тайинланди.
Сирдарёда ДСБ бошлиғи ўринбосари тадбиркордан олган порасини қайтараётганда ушланди
Сирдарё вилояти Давлат солиқ бошқармаси бошлиғи ўринбосари тадбиркордан жарима миқдорини камайтириб бериш учун 14,5 минг доллар пора олганликда айбланиб ҳибсга олинди. Шунингдек, Фарғона вилоятидаги туманлардан бирининг Мудофаа ишлари бўлими бошлиғи ҳам пора олаётганида ушланган.
Қимматбаҳо металлар мавжуд ер участкалари аукцион орқали сотилади
Ҳукумат қарорига кўра, қимматбаҳо металларни қазиб олиш учун рухсатномалар Давлат геология қўмитаси томонидан фақат Ўзбекистон резидентларига 3 йилга берилади. Бунда 5 гектаргача бўлган ер қаъри участкаси ҳар гектарига бошланғич 9,4 млн сўм нархида аукционга қўйилади. Рухсатнома олганлар иш бошлашдан олдин ҳокимият, Экология, ҳамда Саноат хавфсизлиги қўмиталарини хабардор қилиши лозим.
Тошкентда кузатилаётган шамол туфайли ҳайдовчилардан машиналарини дарахт тагида қолдирмаслик сўралди
ИИВ Йўл ҳаракати хавфсизлиги хизмати Тошкентда кузатилаётган кучли шамол сабабли ҳайдовчилардан автомобилларини дарахтлар тагида қолдирмасликни сўрамоқда. Ўзгидромет маълумотларига кўра, шамол тезлиги 18−23 м/с гача кучайиши мумкин.
Харид чеки сабаб фуқароларни «самосуд» қилган шахсларга маъмурий чора кўрилди
Тошкентнинг иккита туманида харид чеки берилмаганлиги учун дўконнинг QR-кодини сканер қилиб, «Soliq» мобил иловаси орқали мурожаат йўллаган харидорлар тадбиркорлар томонидан «самосуд» қилинди. Тошкент шаҳар ИИББ ҳуқуқбузарларга нисбатан маъмурий баённома расмийлаштирилганини маълум қилди.
Фермерларга қишлоқ хўжалиги ерларининг ҳар бир гектари учун 1 млн сўмдан субсидия берилади
Президент қарори билан 2022−2023 йилларда синов тариқасида тупроқ унумдорлиги ва пахта ҳосилдорлигини оширган, суғоришнинг янги технологияларини жорий этган фермер ва кластерларга ҳар бир гектар ер учун 1 млн сўмдан субсидия ажратилади. Қолаверса, тупроқ унумдорлигини оширганлик ва эрозиядан муҳофаза қилганлик учун солиқ имтиёзлари ҳам берилади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
Қўшимча имкониятлардан фойдаланиш учун сайтда рўйхатдан ўтинг