Жамият
Иситиш тизими ишламаган кунлар учун тўлов чегириб ташланади
Уй-жой коммунал хизмат кўрсатиш вазирлиги матбуот хизмати раҳбари Жамолиддин Қаландаровнинг таъкидлашича, «блэкаут» вақтида иситиш тизими ишламаган кунлар учун тўловлар, албатта чегириб ташланади. Унинг сўзларига кўра, Тошкентда иситиш тизими 27 январь куни тунгача аввалгидек ишлай бошлайди.
5 йилда Самарқандда лой бўлган йўл умуман қолмайди — Эркинжон Турдимов
Самарқанд вилоятида келгуси 5 йилда камида 8 млрд АҚШ долларлик 5,5 мингдан ортиқ инвестицион лойиҳалар амалга оширилиши ва бунинг натижасида 250 мингдан ошиқ доимий иш ўринлари яратилиши режалаштирилган. Вилоят ҳокими 8 минг кмлик йўлларга асфальт ётқизилиб, вилоятда лой йўллар умуман қолмаслигини таъкидлади.
Яқин икки кун ичида ёмғир ва кучли шамол бўлиши кутилмоқда
Ўзгидромет 28−29 январь кунлари Ўзбекистон бўйлаб шамол тезлиги 17−22 м/с гача кучайиши ҳақида огоҳлантирди. Бу кунларда жойларда ёмғир ёғиб, айрим ҳудудларда қорга айланиши мумкин.
Ўзбекистонда соат 16:00 гача электр энергия тўлиқ тикланиши кутилмоқда
Энергетика вазирлиги соат 16:00 да барча ҳудудларда электр энергияси таъминоти тўлиқ тикланиши режалаштирилганини маълум қилди. Ҳозирда Андижон, Наманган ва Фарғона вилоятларидан ташқари барча ҳудуд тўлиқ электр энергия билан таъминланган.
Ўзбекистон аэропортларида авиаспоттинг қонунийлаштирилди
Ҳукумат қарорига асосан Ўзбекистон аэропортларида авиаспоттингга расман рухсат берилди. «Агар илгари аэропортдан километр узоқликда туриб ҳам самолётларни суратга олиш тақиқланган бўлса, энди аэропортлар эшикларини очиб, дўстона муносабатда бўлади», — деди Uzbekistan Airports бошқарув раиси Раъно Жўраева.
Андижон, Жиззах ва Самарқандда ноқонуний ер савдоси билан боғлиқ ҳолатлар аниқланди
Андижондаги МЧЖлардан бирининг раҳбари 6 гектар майдонда қуриладиган савдо комплексидаги дўконларни ўз компанияси қураётганлигини таъкидлаб, улардан 10 тасини сотиш учун фуқародан 117 минг доллар сўраган, ундан 60 минг долларини олган вақтида қўлга олинган. Самарқандда эса адвокат ўзига ижарага берилган 4 гектар ерни 23 минг доллар эвазига бошқа фуқарога сотишга уринган. ДХХ Жиззах ва Хоразмда ҳам ноқонуний ер савдоси билан боғлиқ ҳолатларни аниқлади.
Тошкентда террорчилик ташкилотига алоқадорликда гумонланган 30 киши қўлга олинди
Ҳуқуқни муҳофаза қилувчи органлар томонидан Тошкент шаҳрига турли вилоятлардан ишлаш мақсадида келган 30 нафар фуқаро «Тавҳид ва жиҳод катибати» ташкилоти тарафдорлари сифатида гумонланиб, қўлга олинди.
Аҳоли ва ҳудудларни фавқулодда вазиятлардан муҳофаза қилишга оид қонун янги таҳрирда қабул қилинади
2020 йилдаги Сардоба фожиаси ва Бухоро вилоятида юз берган табиий офатдан сўнг, Қонунчилик палатасида «Аҳолини ва ҳудудларни табиий ҳамда техноген хусусиятли фавқулодда вазиятлардан муҳофаза қилиш тўғрисида»ги қонун янги таҳрирда кўриб чиқилмоқда.
Хоразмда чиқиндихонадан чақалоқ мурдаси топилди
Урганч шаҳридаги чиқиндихоналардан бирида қиз жинсига мансуб чақалоқнинг мурдаси топилди. Суд-тиббий экспертизаси хулосасига кўра, у она қорнида 5,5−6 ой яшаган ҳамда «унинг ўлимига етилмаганлик ва ҳаётга лаёқатсизлик сабаб бўлган». Қолаверса, чақалоқ қонидан ҳомиладорликни жарроҳлик аралашувисиз эрта тугатишда қўлланиладиган дори воситаси қолдиқлари топилган.
Чоршанба куни 1100 дан ортиқ кишида коронавирус аниқланди
Чоршанба куни коронавирусга топширилган тест натижалари 1117 кишида мусбат натижани кўрсатди. 2 нафар бемор эса оламдан ўтди. Қолаверса, 125 кишида пневмония аниқланди.
Газ босими пастлиги учун иссиқлик хонадонларга етиб бормаяпти
Уй-жой коммунал хизмат кўрсатиш вазирлиги Тошкентдаги барча қозонхоналар фаолияти тиклангани, бироқ, газ босими пастлиги учун қозонхоналар етарли иссиқликни кўп қаватли хонадонларга бера олмаётганини маълум қилди.
Шаҳарлараро йўллардаги газ қуйиш шохобчалари ишлай бошлайди
Эрталабки 9:00 дан Тошкент, Фарғона, Андижон ва Наманган вилоятларидан ташқари, бошқа ҳудудлардаги шаҳарлараро йўналишлар бўйлаб, шунингдек, аксарият вилоятларда газ қуйиш шохобчалари ишлай бошлайди. 28 январдан эса бутун республикада шохобчалар фаолиятини тиклаш режа қилинган.
Блэкаутлар — электр таъминотидаги йирик узилишларнинг иқтисодий зарарлари
Бугунги кунда аҳолининг кундалик ҳаёт тарзи, иқтисодиётнинг қатор ишлаб чиқариш ва хизмат кўрсатиш тармоқларининг узлуксиз фаолияти бевосита электр энергияси таъминоти билан боғлиқ. Электр энергияси таъминотидаги кенг кўламли узилишлар жамиятга ва иқтисодиётга жуда катта зарар келтиради. «Газета.uz» мақоласида блэкаутлар ва уларнинг иқтисодий зарарлари ҳақида сўз юритилади.
26 январь куни Ўзбекистонда содир бўлган энг муҳим хабарлар дайжести
Аҳоли саросимага тушмагани учун миннатдорчилик билдирган Шавкат Мирзиёев, кечгача электр энергия ва газ таъминоти тўлиқ тикланишини айтган Энергетика вазирлиги, пора билан қўлга тушгани айтилган мансабдорлар, «блэкаут» ортидан озиқ-овқат нархи кескин ошмаслиги, фаолияти чекланган газ «заправкалар», ҳудудларда ҳаракатдан тўхтаган жамоат транспорти ва бошқалар — «Газета.uz» нинг 26 январдаги энг муҳим хабарлари дайжестида.
«Блэкаут» сабаб қишлоқ хўжалиги маҳсулотлари нархи кескин ошиб кетмайди — Қишлоқ хўжалиги вазирлиги
Қишлоқ хўжалиги вазири ўринбосари Шуҳрат Мирзаев электр энергия ва газ таъминотидаги узилишлар ортидан бозорларда қишлоқ хўжалиги маҳсулотларининг нархи кескин ошиб кетмаслигини маълум қилди. Унинг сўзларига кўра, етарли миқдорларда озиқ-овқат маҳсулотлари захираси яратилган, улар муқобил энергияга уланган музлатгич ва омборхоналарда сақланмоқда. Иссиқхоналар эса бир неча кун ичида табиий газ билан таъминланади.
Ўзбекистонликларни Мексика орқали АҚШга жўнатишга ваъда қилган шахслар ушланди
Самарқандда уч нафар фуқарони 60 минг доллар эвазига Мексика орқали АҚШга жўнатишга ваъда қилган эркак қўлга олинди.
Драматург ва сценарист Шароф Бошбеков оламдан ўтди
Таниқли ёзувчи, драматург ва сценарист Шароф Бошбеков 71 ёшида оламдан ўтди. У «Темир хотин», «Масхарабоз», «Фарҳод ва Ширин» каби фильмлар, «Чархпалак» видеофильмининг сценарийларига муаллифлик қилган.
Газ таъминоти босқичма-босқич тикланмоқда — «Ҳудудгазтаъминот»
«Ҳудудгазтаъминот» корхонаси Тошкент шаҳри ва Ўзбекистоннинг бошқа ҳудудларида газ таъминоти босқичма-босқич тикланаётганини маълум қилди. Аҳолидан: «газ плиталарини, иситиш ва сув иситгич асбобларини ҳамда дудбуронларни пухта текшириш» сўралди. Электр жиҳозларини ёқишдан олдин хонада газ ҳиди йўқлигига ишонч ҳосил қилиш ва фақат шундан кейингина электр энергиясидан фойдаланиш кераклиги эслатиб ўтилди.
Абдулла Азизов ОКМК раиси ўринбосари этиб тайинланди
Соғлиқни сақлаш вазири ўринбосари лавозимида ишлаб келган Абдулла Азизов «Олмалиқ кон-металлургия комбинати» бошқаруви раисининг ўринбосари этиб тайинланди.
Самарқанд ва Наманганда автобуслар ҳаракати тўхтади, Қорақалпоғистонда эса улар АГТКШлардаги навбатларда қолиб кетмоқда
Газ қуйиш шохобчаларидаги вақтинчалик чекловлар сабаб Самарқанд ва Наманган вилоятларида жамоат транспорти ҳаракати тўхтаб қолди. Қорақалпоғистонда эса автобуслар шохобчаларда юзага келган узун навбатларда қолиб кетмоқда.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг