1 ноябрдан Давлат хизматлари марказлари, «Лицензия» ахборот тизими ҳамда ЯИДХП орқали кўрсатилаётган давлат хизматлари белгиланган муддатидан 3 иш кунидан ортиқ вақтга кечиктирилганда, хизмат учун тўланган давлат божлари, йиғимлар ва бошқа ҳар қандай тўловларнинг 50 фоизи 1 иш кунида қайтарилади.
27 июлдан бошлаб республиканинг шимолий ҳудудларига Волга бўйи ҳудудидан нисбатан салқин ҳаво массаси кириб келади. Ҳафтанинг охирига келиб ҳаво ҳарорати +33 даража атрофида бўлади. Яқин кунларда баъзи ҳудудларда шамол ва чанг бўронларининг кучайиши кутилмоқда.
Бекобод шаҳрида яшовчи ака-укалар ўз хонадонларида вояга етмаган болаларга ноқонуний тарзда диний сабоқ бераётганликлари аниқланди. Улар болалардан 800 минг сўмдан 1,5 млн сўмгача ойлик тўлов олиб келган. Ушбу шахсларга нисбатан БҲМнинг 7−8 баравари миқдорида жарима ҳамда улардан бирига 10 сутка маъмурий қамоқ жазоси тайинланди.
Тошкент вилоятининг Паркент туманида жойлашган сойда чўмилаётган аёл бошқа бир аёл томонидан калтакланди. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Ўзбекистонда август ойидан бошлаб коронавирусга қарши хитой-ўзбек вакцинаси ишлаб чиқариш бўйича меморандум имзоланишига келишилди. Биринчи босқичда ойига 10 млн доза вакцина ишлаб чиқариш ва кейинчалик бу кўрсаткични йилига 200 млн дозагача олиб чиқиш кўзда тутилмоқда.
Самарқанд вилоятининг Ургут туманида Cobalt автомашинаси йўлни кесиб ўтаётган 5 ёшли пиёдани уриб юборган. Қизалоқ воқеа жойида вафот этган.
24 июль куни Ўзбекистонга Испаниянинг Билбао шаҳридан жўнатилган «Афросиёб» поезди Россиянинг Санкт-Петербург шаҳрида вагонлари йиғилиб, яхлит ҳолатга келтирилганидан сўнг, темир йўл орқали олиб келинди. Аввалроқ, поезд 2 та локомотив ва 11 та вагондан иборат эканлиги эълон қилинган.
Хориж мамлакатларида доимий истиқомат қилаётган Ўзбекистон фуқароларига давлат хизматларидан онлайн фойдаланиш имконияти яратилади. Улар давлат божи ва бошқа тўловларни чет эл валютасида халқаро тўлов тизимлари орқали тўлайди.
Макаронли, картошка ва қўзиқоринли, фрикаделкали, резавор мева ҳамда творогли — Zira.uz мазали ва тўйимли тоблатмалар рецептларининг рўйхатини тақдим этади.
Президент фармони билан 1 январдан хорижга чиқиш паспорти, тадбиркорлик субъектларини рўйхатдан ўтганлиги тўғрисида янги намунадаги гувоҳнома, адвокатлик бюро, фирма ва ҳайъатларини рўйхатдан ўтказиш учун тўлов миқдорлари арзонлаштирилади. Хусусий бандлик агентликлари реестрига киритиш хизмати эса бепул бўлади.
1999 йилнинг 16 февраль куни пойтахтдаги портлашлар сабаб жиноий жавобгарликка тортилган 5 фуқаро оқланди. Оқланганлар «16 февраль воқеалари»нинг асосий ижрочилари деб топилганлар эмас. Улар собиқ божхона ходимлари ҳисобланади.
Ҳарбий хизматчи 2 ёшли фарзанди билан бирга Тошкентдаги Анҳор каналида чўкаётган аёлни қутқариб қолди.
Хорижий давлатлар раҳбарлари Шавкат Мирзиёевни туғилган куни билан табриклаши, янги чиқарилган қарорлар, Тошкентнинг Сергели, Бектемир, Мирзо Улуғбек ва Яшнобод туманлари чегараси ўзгариши, Токио олимпиадасининг биринчи кунида ўзбекистонлик спортчиларлар бирорта ҳам ғалабага эришмагани — «Газета.uz»нинг 24 июлдаги энг муҳим хабарлари дайжестида.
Тошкент ИИББ собиқ хонанда Жаҳонгир Отажоновнинг видеомурожаатда айтган гапларида ҳақорат аломатлари бор деб топди. Иш бўйича тўпланган ҳужжатлар судга оширилди.
Шаҳло Аҳмедова TBRG Open лойиҳасида Ўзбекистон номидан қатнашади ва Дэвид Гетта «Get Together» синглининг ремиксини яратади.
Ташқи меҳнат миграцияси агентлигининг Андижон филиали Россияга ишга жўнатган 41 нафар ўзбекистонликлар ваъда қилинган маош тўланмаётганлиги ва етарли шароитлар яратилмаганлиги устидан шикоят қилмоқда. Олий Мажлис Сенати ушбу ҳолатни ўз назоратига олди.
Ўзбекистонлик ўқувчилар халқаро биология олимпиадасида 2 та олтин ва 1 та кумуш, халқаро физика олимпиадасида 1 та бронза ва халқаро математика олимпиадасида биттадан кумуш ва бронза медаллари соҳиби бўлишди.
2021−2022 ўқув йилидан президент, ижод ва ихтисослаштирилган мактаблар битирувчилари тест синовларисиз ва қўшимча имтиҳонларсиз давлат ОТМларига ўқишга қабул қилинади.
Ҳукумат қарори билан, 2022 йил 1 августгача тажриба тариқасида ижтимоий ҳимояга муҳтож фуқароларга ажратиладиган ипотека кредитлари бўйича маҳаллий ҳокимликларнинг кафилликлари берилади. Кафиллик берилганлиги учун ҳокимликлар томонидан тўлов ундирилмайди.
Ҳозир пневмококкка қарши эмланиш мумкинми, бу вакцина коронавирусдан ҳимоя қиладими ва нима учун эмлашдан қўрқмаслик керак? «Газета.uz»нинг шу ва бошқа саволларига шифокор-вирусолог, Facebook`даги «Врачи Ташкента» гуруҳи асосчиси, PhD Дилдора Секлер жавоб берди.
Қўшимча имкониятларга эга булиш учун сайтда рўйхатдан ўтинг