Тошкент шаҳри Мирзо Улуғбек туманида 5 йилдан буён бузилишини кутиб яшаётган маҳалла ҳикояси Нодира Сулаймонова фотосуратларида.
7 июль куни Тошкент шаҳар электор таминоти тизимида юзага келган носозлик сабабли метрополитенининг «Чилонзор», «Юнусобод», «Ўзбекистон» йўналишларидаги бекатларида свет ўчди. Маълум қилинишича, бу ҳолатда поездлар ҳаракати тўхтамаган.
8−10 июль кунлари бутун Ўзбекистон бўйлаб шамол 20 м/с гача кучайиши кутилмоқда, баъзи жойларда чангли бўрон билан 25−30 м/с гача кучайиши мумкин.
МТРК рақамли платформасида интернет орқали эфирга узатиладиган «Ҳидоят сари» илмий-маърифий телеканали ишга туширилди. Телеканалда «диний илмий экспертизадан ўтган, турли талқинга ўрин бермайдиган даражада ишончли маълумотларга асосланган» кўрсатувлар ва суҳбатлар намойиш этилади.
Самарқанд вилоятида 5−6 июль кунлари одам ўлими билан содир бўлган иккита ЙТҲ рўй берди. Тойлоқ туманида Spark юқори тезликда бетон тўсиққа урилиб кетди ва оқибатда ҳайдовчи вафот этди. Оқдарё туманида Lada Largus юк машинаси билан тўқнашди. ЙТҲ оқибатида икки киши ҳалок бўлди. Сурхондарёда содир бўлган бахтсиз ҳодиса натижасида Cobalt қарама-қарши йўлга чиқиб кетиб, юк машинасига урилиб кетди ва ҳайдовчи ҳалок бўлди.
Қашқадарё вилоятининг Қамаши туманида 17 ёшли футболчи чўкиб кетди. Aсадбек Тўраев «Қамаши» футбол клуби билан биргаликда ДХХ раиси кубогида чемпион бўлган эди.
Тошкентда дори-дармонларни етказиб бериш учун Pharm Express хизматлари йўлга қўйилди.
Коронавирус пандемияси бошлангандан буён ушбу касаллик тўғрисида ҳам, унга қарши ишлаб чиқарилган вакцина ҳақида ҳам турли хил уйдирма ва илмий асосга эга бўлмаган ёлғон хабар ва маълумотлар тарқалиб келмоқда. «Вакцина билан биргаликда одамларга кузатув микрочиплари жойлаштирилиши», «касалликдан тузалгандан сўнг эмланиш шарт эмаслиги», шулар жумласидан. Вакцина ҳақидаги энг машҳур фейклар ва нотўғри фаразлар ҳақида «Газета.uz» мақоласида.
Сешанба куни Ўзбекистонда 471 нафар фуқарода коронавирус, 195 нафар кишида пневмония аниқланди. Шунингдек, сўнгги кун ичида 4 нафар коронавирус бемори вафот этди.
2021−2022 ўқув йилидан ОТМга кириш имтиҳонида энг юқори балл тўплаган 200 нафар абиутуриент учун президент гранти жорий этилди. Грант соҳиблари давлат гранти асосида ўқишга қабул қилинади. Ўқиш давомида грантни олиш учун барча фанлардан «аъло» баҳо олиш керак бўлади. Ўқиш якунига қадар Президент грантини олганлар магистратурага имтиҳонларсиз давлат гранти асосида қабул қилинади.
«Ўзбекистон темир йўллари» ер усти метроси қурилишида бюджет маблағлари талон-торож қилингани ҳақидаги хабарларни рад этди. Компаниянинг аниқлик киритишича, номаълум шахслар 899 млн сўмлик кабел маҳсулотларини ўғрилаган. Аввалроқ транспорт прокурори Маъруфжон Ходжаев транспорт прокурори Маъруфжон Хўжаев худди шунча миқдордаги талон-торожликлар ҳақида маълум қилган эди.
Президентнинг янги қарорлари, Тошкентдаги радар ва камералар рўйхати, Сурхондарёда 109 туп қимматбаҳо дарахтлар рухсатномасиз кесиб ташланиши, Нурмат Отабековнинг коронавирусга қарши эмлаш тўғрисидаги фикри — «Газета.uz»нинг 6 июлдаги энг муҳим хабарлари дайжестида.
Депутат Расул Кушербаевнинг фикрича, карантин чораларининг кучайтирилиши амалда катта натижа бермайди, аксинча, аҳолининг ҳукумат ва ҳуқуқ-тартибот идоралари ходимларига нисбатан норозилигини ошириши мумкин. У ҳам коронавирусга қарши эмлашни мажбурийликка ўтказиш кераклигини таъкидлади.
Сурхондарё вилоятининг Денов туманида 109 туп қимматбаҳо дарахтларни рухсатномасиз кесиб ташланганлиги аниқланди. Ҳолат юзасидан тегишли ҳужжатлар расмийлаштирилиб, 2 млн 245 минг сўм миқдорида жарима белгиланди. Ўсимлик дунёсига 329 млн 157 минг 500 сўм миқдорида зарар етказилганлиги маълум бўлди.
Қашқадарёнинг Чироқчи тумани «Айратом» қишлоғида июнь ойида энергия таъминоти муаммоларига эътиборни жалб қилиш учун Тошкент-Қарши темир йўлини тўсиб қўйган тўққиз фуқаро 15 кунга ҳибсга олинди.
Тошкент кўчаларида 28 та фоторадар, шунингдек, йўл ҳаракати қоидаларини бузишни қайд этувчи 89 та интеллектуал камера ишламоқда, дея хабар берди ЙҲХББ.
Россия ҳарбий мутахассислари ва Ўзбекистон ҳарбийлари билан ҳамкорликда «Сазаган» дала-ўқув майдонида «БТР-82» жанговар техникаси ва «АГС-17» гранатомётларидан фойдаланиш бўйича ўқув машғулотлари бошланди.
Янги таҳрирдаги «Виждон эркинлиги ва диний ташкилотлар тўғрисида"ги қонунга мувофиқ, фуқароларнинг жамоат жойида ибодат либосида юрганлиги учун жавобгарлик бекор қилинмоқда. Бунга қадар, ибодат либосида юрганлик учун БҲМнинг 5 баравари миқдорида жарима ёки 15 сутка қамоқ жазоси қўлланилиши мумкин эди.
Бизнинг шаҳарларимиз дарахтларни, яшил истироҳат боғларини ва сув омборларини йўқотиб бормоқда. Бу аллақачон ҳаёт сифатига таъсир қилишни бошлаган. Боғларга кўп харажат кетади деб янглиш хулосалар пайдо бўлмокда, зеро, истироҳат боғлари одамлар ва шаҳарнинг ўзи учун жуда катта аҳамиятга эга. «Газета.uz» колумнисти Ботир Қобилов боғларни сақлашни дарҳол бошлашга ва уларни ҳақиқий эгаларига — одамларга қайтаришга чақиради.
Ўзбекистонда коронавирус бўйича ташкил қилинган Call-марказларга мурожаатлар сони 20 кун ичида 3 баробар кўпайган. Call-марказга кунига 1100−1200 та мурожаат келиб тушмоқда.
Қўшимча имкониятларга эга булиш учун сайтда рўйхатдан ўтинг