Жамият
Элдор Шомуродов Ўзбекистонда йилнинг энг яхши футболчиси бўлди
Ўзбек футболининг йил якунига бағишланган «Uz Football Awards-2021» маросимида Элдор Шомуродов «Йилнинг энг яхши футболчиси», Дилшод Раҳматов «Йилнинг энг яхши футзалчиси» ва Дилдора Нозимова эса «Йилнинг энг яхши аёл футболчиси» деб эътироф этилди. Тақдирлаш маросими тафсилотлари ва совриндорлар билан суҳбат — «Газета.uz» репортажида.
Шавкат Мирзиёев Қашқадарёдаги «Uzbekistan GTL» заводининг очилиш маросимида қатнашди
Шавкат Мирзиёев Қашқадарё вилоятида синтетик суюқ ёқилғи ишлаб чиқариш бўйича «Uzbekistan GTL» заводининг очилиш маросимида қатнашди ва нутқ сўзлади. Унинг сўзларига кўра, мажмуада ишлаб чиқарилган маҳсулотлар ҳисобига йилига 500 млн долларлик импорт ўрни қопланиб, 200 млн долларлик экспорт ва 2 трлн сўмлик солиқ тушумлари таъминланади. Ушбу лойиҳанинг умумий қиймати 3,42 млрд долларни ташкил этади.
Одил Аҳмедов ЎФА вице-президенти лавозимига сайланди
Ўзбекистон миллий терма жамоасининг собиқ футболчиси Одил Аҳмедов Ўзбекистон футбол ассоциацияси вице-президенти этиб сайланди. Шунингдек, у ЎФА Ижроия қўмитасининг аъзолигига ҳам тасдиқланди.
Бухоро вилояти ХТБ ўқитувчи ва ўқувчилардан ноқонуний тарзда 1,2 млрд сўм ундирмоқчи бўлди
Бухоро вилояти Халқ таълим бошқармасининг «Ёшлик» спорт жамиятига ўқувчи ва ўқитувчиларни аъзоликка қабул қилиш тўғрисидаги буйруғи қабул қилиниб, натижада улардан 1,2 млрд сўмдан ортиқ маблағ ундириш кўзда тутилган. Прокуратуранинг аралашувидан сўнг, буйруқ бекор қилинди.
Маҳаллабай ишлаш ва тадбиркорликни ривожлантириш агентлигига директор тайинланди
Фарғона шаҳри ҳокими Мирзохид Убайдуллаев иқтисодий тараққиёт ва камбағалликни қисқартириш вазирининг ўринбосари — Маҳаллабай ишлаш ва тадбиркорликни ривожлантириш агентлиги директори лавозимига тайинланди.
Нима тайёрлаймиз: Янги йил дастурхони учун иссиқ таомлар
Газ печида пиширилган курка гўшти, норин, гриль товуғи, газ печида пиширилган қўй кураги, қозонда пиширилган лўла-кабоб — Zira.uz янги йил дастурхони учун иссиқ таомлар рецептлари рўйхатини тақдим этади.
24 декабрь куни Ўзбекистонда содир бўлган энг муҳим хабарлар дайжести
Швейцария банкидаги музлатилган $70 млнни қайтариб олаётган Гулнора Каримова, Қозоғистон ва Ўзбекистонга ўртасида қурилаётган янги магистраль йўл, ҚҚС имтиёзлари муддати узайтирилаётган озиқ-овқатлар, ўз Tracker автомобилини ишлаб чиқаришни режа қилаётган UzAuto Motors, Фарғона йўли кўчасидаги таъмирталаб бўлиб қолган янги йўллар ва Янги йилга нархи ошаётган таксилар — «Газета.uz» нинг 24 декабрдаги энг муҳим хабарлари дайжестида.
Ёшлар форуми доирасида 40 та энг истиқболли стартап лойиҳага 50 млн сўмдан берилди
«Ўзбекистон ёшлари форуми — 2021» доирасида республика бўйлаб танлаб олинган 40 та энг истиқболли стартап лойиҳалари ғолибларига «Ёшлар — келажагимиз» жамғармасидан 1 млрд сўм, БМТ Тараққиёт дастури ҳамда Бандлик ва меҳнат муносабатлари вазирлигининг қўшма лойиҳаси томонидан эса 100 минг доллар грант маблағлари ажратилди.
ДХХ Андижонда 12 нафар диний ташкилот тарафдорини қўлга олди
ДХХ Андижон вилоятида аввал «Ҳизб ут-Таҳрир» ташкилотига аъзо бўлганликлари учун жазо муддатини ўтаб чиққан, бироқ, озодликка чиққач экстремистик ғояларни тарғиб қилишда давом этган 12 нафар шахсни қўлга олди. Уларга нисбатан жиноят иши қўзғатилди.
Каттақўрғон тумани халқ таълими бўлими мутахассиси пора билан қўлга тушди
Каттақўрғон тумани халқ таълими бўлими мутахассиси мактабдаги таъмирлаш ишларини бажарилгани ҳақидаги далолатномани тасдиқлатиб бериш эвазига тадбиркордан 2000 доллар олганида ушланди. Унга нисбатан жиноят иши очилди.
Ўзбекистон кредит олиш бўйича МДҲда охирги ўринни эгаллади
Ўзбекистон ипотека кредитларини олиш бўйича рейтингда 111 давлат ичида 104-ўринни, МДҲда эса охирги поғонани эгаллади.
Академик Темурбек Усмонов вафот этди
Ўзбекистон Фанлар академияси аъзоси, физик олим Темурбек Усмонов 79 ёшида вафот этди. У дунёда илк бор қувватли лазер нурланишларининг энг катта самарадорликдаги гармоникалари ва ёруғликнинг энг юқори даражадаги параметрик генерацияларини олишга эришган эди.
Дам олиш кунлари қор ёғиши кутилмоқда
Шу кунларда Ўзбекистон бўйлаб ҳаво совиши, кечалари температура -8 даражагача бўлиши кутилмоқда. Шанба куни ёмғир ёғади, якшанба куни эса ёмғир қорга айланади.
Самарқанд ва Сурхондарёда ноқонуний ер сотишга уринган шахслар ушланди
Самарқандда ўзганинг фермер хўжалиги еридан 10 гектарни сотмоқчи бўлган аёл, Сурхондарёда эса уй қуриш учун фермер хўжалик ерини сотишга уринган фуқаро қўлга олинди. Уларга нисбатан фирибгарлик моддаси билан жиноят иши очилди.
Гўшт, балиқ, картошка, ўсимлик ёғи учун ҚҚС имтиёзлари яна 4 ойга узайтирилиши мумкин
Асосий озиқ-овқат маҳсулотлар, жумладан, ўсимлик ёғи, кунгабоқар ва зиғир уруғи, гўшт, тирик ҳайвонлар, балиқ ва картошка импорти ва реализацияси учун ҚҚС берилган имтиёзлар муддати 2022 йилнинг 30 апрелигача узайтириш тўғрисидаги ҳужжат лойиҳаси Қонунчилик палатасига киритилди.
Фарғона йўли кўчасидаги нотўғри белгилар, велойўлак устидаги бекат ва таъмирталаб бўлиб қолган янги йўллар — фото, видео
Фарғона йўли кўчасидаги реконструкция ишлари 2020 йилнинг охиригача битирилиши кутилган эди. Лекин белгиланган муддатдан бир йил ўтиб ҳам бу ердаги қурилиш ишлари тўхтагани йўқ. Бундан ташқари, кўчадаги янги йўл белгилари нотўғри ўрнатилган, велойўлак устида бекат қад кўтарган, янги йўлларнинг баъзи қисмлари аллақачон таъмирталаб бўлиб қолган. «Газета.uz» Фарғона йўли кўчасидаги муаммолар ҳақида репортаж тайёрлади.
Фото: Қорақалпоғистонда қор ёғди
Жума куни Нукус шаҳри ва Қорақалпоғистоннинг бир қанча туманларида қор ёғди. Бунинг оқибатида жамоат транспорти сифатида фойдаланилган 1400 дан ортиқ «Damas» машиналари қатновдан олинган, туманлараро йўловчи ташувчи автобус ва микроавтобуслар ҳаракати эса вақтинча тўхтатилган. Қорақалпоғистонлик синоптикнинг фикрича, шанба куни тушки вақтгача қор ёғишда давом этади ва совуқ ҳаво 3−4 кун давомида сақланиб қолади.
Гулнора Каримовага Швейцария банкидаги музлатиб қўйилган $70 млнлик активлари қайтариб берилади
Швейцариянинг федерал жиноят суди Гулнора Каримова бенефициари бўлган Takilant компаниясининг музлатилган 350 млн доллар кўпроқ маблағнинг 293 млн долларини мусодара қилди. Тахминан 70 млн доллар эса жиноят натижасига қўлга киритилгани аниқланмагани учун компанияга қайтарилади. Шу билан суд Каримова билан боғлиқ жиноят иши доирасида яна бир бобни ёпди. Адлия вазирлиги 293 млн долларни Ўзбекистонга қайтаришга умид қилмоқда.
Байрам кунлари Afrosiyob қатнови яна биттага кўпаяди
27 декабрдан 9 январгача «Тошкент — Бухоро — Тошкент» йўналишида Afrosiyob қатнови яна биттага кўпаяди. Бундан ташқари, байрам кунлари барча йўловчи поездларга қўшимча вагонлар уланади.
30−31 декабрь кунлари Ўзбекистонда қор ёғмаслиги мумкин — Ўзгидромет мутахассиси
Ўзгидромет етакчи мутахассиси Эркин Абдулаҳатов «30−31 декабрь кунлари аҳоли байрамни қорли об-ҳавосиз кутиб олиши мумкинлигини» маълум қилди. Бунга қиш ойларида совуқ ҳаво оқимларининг Ўзбекистонга кириб келиши 2 бараварга камайиб кетгани, қолаверса, глобал иқлим ўзгариши таъсир қилмоқда.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг