Жамият
Шавкат Мирзиёев Фарғонага ташриф буюради
Президент Шавкат Мирзиёев янги лойиҳалар билан танишиш учун Фарғона вилоятига жўнаб кетди.
Жасур Умиров иши бўйича жиноят иши қўзғатишни рад этган терговчининг ҳаракатлари ўрганилмоқда
Хонанда Жасур Умировнинг иши бўйича дастлаб жиноят иши қўзғатишни рад этган ИИБ терговчисининг ҳаракатлари прокуратура томонидан ўрганилмоқда.
Тошкентдаги «Мовий гумбазлар» хиёбонида Истиқлол мажмуаси қурилади
Пойтахт ҳокимияти Ўзбекистон мустақиллигининг 30 йиллиги муносабати билан «Истиқлол» мажмуаси концепцияси лойиҳасини ишлаб чиқиш бўйича танлов эълон қилди. Объект Тошкент марказидаги «Мовий гумбазлар» хиёбонида (Тошкент марказий универмаги қаршисида) бунёд этилади.
2020 йилда 40 мингдан ортиқ ҳолатда меҳнат қонунчилиги бузилган
Давлат меҳнат инспекцияси ўтган йили 40 мингдан ортиқ ҳолатда меҳнат қонунчилиги бузилганини маълум қилди. Унга кўра, 11 621 та ҳолатда меҳнат муҳофазаси ва техника хавфсизликка амал қилинмаган бўлса, яна 4 301 та ҳолатда иш ҳақи вақтида тўланмаган. Энг кўп қонунбузилиш халқ таълимига — 4 731 та ҳолатда раҳбарлар томонидан ўқитувчи ва бошқа ходимларга нисбатан ноҳақлик қилишга тўғри келмоқда.
«Мозори-Шариф-Кобул-Пешавар» темир йўлининг узунлиги 573 км бўлади
Тошкентни Покистон шимоли билан боғлайдиган «Мозори-Шариф-Кобул-Пешавар» темир йўлининг узунлиги 573 км бўлиши маълум қилинди. Лойиҳа учун умумий 4,8 млрд доллар кредит жалб қилинади.
Истеъмол савати бир киши учун бир ойда 2 млн 157 минг сўмни ташкил этди
Истеъмолчилар ҳуқуқларини ҳимоя қилиш федерацияси декабрь ойида ўтказган ўрганишлар натижасида истеъмол савати бир киши учун бир ойда 2 млн 157 минг сўмни ташкил этмоқда. Унга кўра, бир инсоннинг ойлик нон истеъмоли 10 донани ташкил этмоқда.
Жиззах йўлида COVID-19 тестини ноқонуний сотаётган шахс қўлга олинди
Жиззах йўлида дорихонадан ташқарида ноқонуний тарзда COVID-19 тестлари, пульсоксиметр, махсус тиббиёт кислород маскаси ва бошқаларни ноқонуний сотаётган шахс қўлга тушган. Унга нисбатан жиноий иш қўзғатилди.
Янгийўлда мактаб ўқувчисини олиб кетмоқчи бўлган эркак қидирилмоқда
Янгийўлда мактабдан чиққан биринчи синф ўқувчисини ўзи билан олиб кетмоқчи бўлган шахсни қидириш бўйича ишлар олиб борилмоқда. Ушбу ҳодиса ҳақидаги маълумот ижтимоий тармоқларда пайдо бўлди.
Бош вазир ўринбосари — амалдорлар президент билан учрашувда нима учун блокнотларга қайдлар ёзиб бориши ҳақида
Президент билан учшарувларда амалдорлар блокнотларга қайдлар ёзиб бориши — «бу шаклланган сиёсий маданият ва биз уни ҳурмат қилишимиз керак», деди Сардор Умурзаков. Унинг сўзларига кўра, ўзига тегишли бўлган топшириқларни ёзиб боради, кейин эса тизимлаштиради ва улардан ўз чиқишида асосий масалаларни ўртага ташлашда фойдаланади.
Хорижда вафот этганларнинг жасадини олиб келишда кўмаклашувчи жамғарма ташкил этилади
Хорижда қийин аҳволга тушган фуқароларни қайтариш учун авиа ёки темирйўл чипталарини тўлашда кўмаклашувчи жамғарма ташкил этилиши кутилмоқда. Бундан ташқари вафот этган фуқароларни Ўзбекистонга олиб келишда ҳам моддий ёрдам кўрсатилиши кўзда тутилган.
Наманганда 4 балли зилзила содир бўлди
Кечаси Наманганда 4 балли зилзила қайд этилди. Унинг эпицентри Наманган вилоятининг Чортоқ туманида бўлган.
Тошкентда ноқонуний бунёд этилаётган кўп қаватли уй қурилиши тўхтатилди
Қурилиш соҳасида назорат инспекцияси Яккасарой туманида кўп қаватли уй қурилиши қонунбузарликлар сабабли тўхтатилди. Қурувчи ишларни инспекцияни хабардор қилмасдан бошлаган, объектда муаллифлик ва техник назорат ўтказмаган.
Хонанда Жасур Умиров 5 йилга қамалди
Суд хонанда Жасур Умировни лицей ўқувчисини зўрлашда айбдор деб топди ва 5 йилга озодликдан маҳрум қилди. Ушбу ишда иштирок этган яна икки киши жиноятни яширгани ва ёлғон гувоҳлик бергани учун 1,5 йилга озодликдан маҳрум этилди.
Тошкентда пенсия пулларини «еб кетган» «Халқ банки» кассирига жиноят иши қўзғатилди
Мирзо Улуғбек тумани «Халқ банки» филиали сайёр касса ҳисобчиси 170 млн сўм миқдоридаги пенсия ва нафақаларни талон-тарож қилганлиги аниқланди. Банк ҳодими ушбу пулларни ўтган йилнинг сентябрь ойидан буён тарқатмасдан, ўзлаштиргани маълум бўлди.
Тошкент вилояти ҳокимига янги ўринбосар тайинланди
Ёшлар ишлари агентлиги Тошкент вилояти бошқармаси бошлиғи лавозимида ишлаб келган Зуҳра Мирғозиева Тошкент вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимига тайинланди.
Ойлигидан олиб қолинаётган ўқитувчилар шикоят қилиши учун ишонч рақамлари маълум қилинди
Халқ таълими тизимидаги турли ноҳақликлар, юзага келган муаммоли вазиятларда мурожаат қилиш мумкин бўлган ишонч рақамлари эълон қилинди. Бундан ташқари, ўқитувчиларнинг ёзма равишда шикоятларини йўллаш имконияти мавжуд бўлган web-платформа йўлга қўйилди.
Маҳалла қўмиталари учун 1,7 трлн сўмга 3000 га яқин бино қурилади
Ўзбекистонда 2021−2022 йилларда маҳалла қўмиталари учун 2951 та бино қурилиши режалаштирилган. Бунинг учун жами 1,7 трлн сўмдан (161,6 млн доллар) маблағ ажратилади.
«Рустам кимлигини ҳеч ким билмайди». Польшалик журналист ТИВ билан учрашув ҳақида
Ўзбекистон ТИВ ходими томонидан унга шилқимлик қилинганини айтган польшалик журналист Агнешка Пикулицка вазирлик билан учрашганлигини маълум қилди. Унинг сўзларига кўра, ТИВ ҳолат бўйича текширув ўтказолмайди, чунки Рустам кимлигини ҳеч ким билмайди. Журналист уни ТИВда бир неча маротаба кўрганлигини айтмоқда. Сенат раиси Танзила Нарбаева ҳолатга муносабат билдириб, ҳодиса пухта ўрганилиб, айбдорлар жазоланишини таъкидлади. «Аммо бу республикада амалга оширилаётган ислоҳотларга соя солмаслиги лозим», — деди Нарбаева.
Навоийда геотуризм доирасида сайёҳларга олтин қазиб олиш кўрсатилади
Келгусида Амантойтов ва Довгизтов конларини сайёҳлар ташриф буюрадиган туристик масканга айлантириш режалаштирилган. Конларда хорижий ва маҳаллий сайёҳларга олтин қазиб олиш жараёни кўрсатилади.
Тожикистондан Ўзбекистонга электр энергияси етказиб берилиши тўхтатилди
Тожикистон Ўзбекистонга электр энергияси етказиб беришни тўхтатди. Ушбу қарор мамлакатнинг барча дарёларида сув оқими камайиши натижасида чекловлар жорий этилгани сабабли қабул қилинди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг