Жамият
Тошкентдаги каналларда икки киши чўкиб кетди
Тошкентда эҳтиётсизлиги туфайли Дамаши каналига тушиб, чўкиб кетган ўспириннинг жасади қидирилмоқда. Бундан ташқари, пойтахтнинг Бўзсу каналида чўкиб кетаётган қизни қутқариб, аммо ўзи сувдан чиқолмаган фуқарони қидириш ишлари ҳам давом этмоқда.
Бойсун газни қайта ишлаш заводи қурилиши қизғин паллага кирди
Бойсун ГҚИЗ товарбоп газ узатиш қувури ва ташқи сув таъминотининг асосий манбасини лойиҳалаш ишлари якунланди.
Александр Бекжонов Муқимий номидаги Ўзбекистон давлат мусиқали театри директори этиб тайинланди
Ўзбекистонда хизмат кўрсатган артист Александр Бекжонов Муқимий номидаги Ўзбекистон давлат мусиқали театри директори этиб тайинланди. Театрнинг собиқ директори Мирза Азизов 16 апрель куни 58 ёшида вафот этган эди.
ЙҲХБ Тошкентда Spark устига реклама баннери қулаган ҳолат юзасидан суриштирув ўтказмоқда
Тошкент шаҳар ИИББ ЙҲХБ ходимлари Spark автомобили устига демонтаж қилинаётган реклама баннери қулаганлиги ҳолати юзасидан суриштирув олиб бормоқда. Текширув якуни бўйича вазиятга ҳуқуқий баҳо берилади.
Чироқчида «свет» ўчиши муаммолари сабабли аҳоли поезд йўлини тўсиб қўйди
Чироқчи тумани «Айратом» қишлоғи аҳолиси электр энергияси таъминоти қониқарсиз бўлганлиги сабаб поезд йўлини тўсиб қўйди. «Ўзбекистон темир йўллари» бунга туман ҳокими ушбу муаммони ҳал қилиш учун қишлоқ аҳолиси билан учрашмаганлиги сабаб бўлганлигини таъкидлади. Туман ҳоқимлиги эса темирйўл тўсиб қўйилган пайтда ҳоким бошқа маҳаллага кетаётгани ва воқеадан хабар топгач, ҳудудга борганини айтмоқда.
Муборак тумани ҳокими ишдан олинди
Қашқадарё вилояти ҳокими Зойир Мирзаев бошчилигидаги йиғилишда Муборак тумани ҳокими Улуғбек Эрназаров лавозимидан озод қилинди. Унинг ўрнини Қарши тумани ҳокимининг ўринбосари Акрам Aрипов эгаллади.
2 йилда 120 минг гектардан зиёд ер талон-торож қилинган ёки мақсадсиз бериб юборилган
2 йил давомида 120 минг гектардан зиёд ер талон-торож бўлган ёки ҳокимлар томонидан мақсадсиз бериб юборилгани маълум қилинди. Ерга оид қонунчилик бўйича 588 нафар шахсга нисбатан жиноят иши қўзғатилган.
Янги ўқув йилидан ота-онаси йўқ қизлар ва боқувчиси йўқ аёлларнинг контракт пуллари тўлаб берилади
Ўзбекистонда 2021−2022 ўқув йилидан бошлаб ота-онаси ёки уларнинг биридан айрилган муҳтож қизлар, боқувчиси йўқ ёлғиз аёлларнинг контракт пуллари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда давлат олий таълим муассасаси ҳисобидан тўлаб берилади.
Самарқандда газ баллонли Nexia портлади
Самарқанддаги АГТКСда газ баллонли Nexia портлади, жабрланганлар йўқ.
Радарлар ва камералар ўрнатиш учун ерлар аукционга жойлаштирила бошланди
Электрон аукцион савдоларига радарлар ва камералар ўрнатиш учун ерлар жойлаштирила бошланди. Жойлаштирилган илк лотдаги ер Хоразм вилояти Боғот туманида жойлашган бўлиб, у ерда 4 та видеокамера ва 2 та стационар радар ўрнатилиши белгиланган.
Президент Миллий боғ ҳудудида қуриладиган кутубхона лойиҳаси билан танишди
Президент Шавкат Мирзиёев Миллий боғ ҳудудида қуриладиган кутубхона лойиҳаси билан танишди. Кутубхона 3 қаватли бўлиб, унда санъат ва ахборот технологиялари, тарих, филология ва дин ҳамда ижтимоий фанларга оид адабиётлар жамланади. Тошкент шаҳар ҳокими Жаҳонгир Ортиқхўжаев ўтказган тақдимотга кўра, ушбу кутубхона президент кутубхонаси мақомида эга бўлади. Шунингдек, давлат раҳбари Урганчда ўрнатиладиган ал-Хоразмий ҳайкали ва Тошкентда ўрнатиладиган Ботир Зокиров ҳайкали эскизлари билан танишди.
Самарқанднинг айрим ҳудудлари ва Навбаҳор туманида сув жадвал бўйича етказилади
Самарқанднинг айрим маҳаллалари ва Навоий вилоятининг Навбаҳор туманида сув вақтинчалик жадвал асосида берилади. Бу ичимлик суви, ер ости сувлари захиралари камайгани ҳамда сув истеъмоли ҳажмининг ошгани билан боғлиқ.
Реклама баннерларининг бузилиши одамлар ҳаётига хавф туғдирмоқда
Тошкентда реклама баннерларини демонтаж қилиш ишлари одамлар хавфсизлигини таъминлаш талабларини бузган ҳолда давом этмоқда. Ғафур Ғулом боғи ёнидан ўтаётган Spark автомобили устига реклама баннери тушиб кетди. Ц1 да эса конструкция пиёдалар ўтиш жойига ташлаб юборилди.
Ҳокимликларнинг ерни тўғридан-тўғри ажратиш ваколати бекор қилинди
Президент фармони билан ҳокимликларнинг ерни тўғридан-тўғри ажратиш ваколати бекор қилинди. Шунингдек, айни бир ҳужжат билан ёки бир вақтнинг ўзида ерни олиб қўйиш, захирага олиш, бошқа шахсга ажратиш тақиқланди.
Андижонда маст «ГАЗ-5327» ҳайдовчиси Matiz ва Spark билан тўқнашув содир этди
Андижонда «ГАЗ-5327» юк машинасини маст ҳолда бошқарган ҳайдовчи Matiz ва Spark билан тўқнашув содир этди. Беш киши, жумладан бир вояга етмаган бола жароҳатланди.
8 июнь куни Ўзбекистонда содир бўлган энг муҳим хабарлар дайжести
Навоийдаги оҳак ишлаб чиқариш цехида ёнғин чиқиши, Effect.uz журналистлари Aндижонда калтакланиши, Эверестга чиққан ўзбекистонликка президент совғаси топширилиши, 15 июндан умумтаълим мактабларида 1-синфга қабул бошланиши ва «Газета.uz»да чиққан мақолалар — «Газета.uz»нинг 8 июндаги энг муҳим хабарлари дайжестида.
Ижтимоий-маънавий тадқиқотлар институти ташкил этилди
Республика Маънавият ва маърифат маркази қошида Ижтимоий ва маънавий тадқиқотлар институти ташкил этилди. Унинг вазифалари самарали тарғибот технологияларини ишлаб чиқиш ва интернетдан фойдаланиш маданиятини оширишдан иборат.
Навоийдаги оҳак ишлаб чиқариш цехида содир бўлган ёнғинда бир киши вафот этди
Навоий вилояти Кармана туманида жойлашган оҳак ишлаб чиқариш цехида ёнғин содир бўлди. Ҳодиса оқибатида корхонанинг бир нафар ишчиси воқеа жойида ҳалок бўлган.
Сирдарёда далада бутунлай ёниб кетгани айтилган эркак тирик бўлиб чиқди
Сирдарё вилоятининг Мирзаобод туманида танаси 100% куйиб кетгани айтилган шахс тирик бўлиб чиқди. У аслида қарзини тўламаслик учун ўзини ўлдига чиқариб қўрсатиш режасини тузиб, Тошкент шаҳрида истиқомат қиладиган бошқа фуқарони ўлдирганлиги маълум бўлди.
15 июндан умумтаълим мактабларида 1-синфга қабул бошланади
Республика умумтаълим мактабларининг 1-синфига қабул 15 июндан бошланиши белгиланди. Ота-оналар 5 июлига қадар my.maktab.uz электрон плафтормаси орқали рўйхатдан ўтиб, фарзандлари 1-синфга чиқадиган мактабларни танлайдилар.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг