Президент қарорига асосан 2021 йил 1 январдан бошлаб 40 ва ундан юқори ёшдаги фуқароларда гипертония, инфаркт, инсульт, қандли диабет ва бошқа хавф омилларини аниқлаш бўйича тизимли равишда скрининг текширувлари ўтказилади.
Совуқ ҳавода тайёрланиши шарт бўлган шўрвалар рецептларини Zira.uz тайёрлаб қўйган рўйхатдан топишингиз мумкин.
Яқин ойларда АҚШдан 16 нафар инглиз тили ўқитувчилари ҳамда етакчи университетларининг профессорлари Ўзбекистонга келиши кутилмоқда. Улар халқ таълими ходимларини қайта тайёрлаш ва уларнинг малакасини оширишда ёрдамлашади. Бундан ташқари, Қарши шаҳрида «Amerika ойнаси» («American window») кутубхонасининг очилиши устида иш олиб борилмоқда.
Ижтимоий тармоқларда Андижон вилояти ҳокими Шуҳрат Абдураҳмоновга тегишли аудио тарқалди. Унда ҳоким Марҳамат туманида уч нафар аёлни «президент вакилига сассиқ гапиргани» учун қамаб қўйганини айтади. Бундан ташқари, журналистларга қарата, — «Агар қитиғимга тегсанг, мен қўйвораман», — деган. Вилоят ҳокимлиги матбуот хизмати ушбу аудиоёзув икки йил олдин ёзилганлигини айтмоқда.
2021 йил Қашқадарё вилоятида тадбиркорликни ривожлантириш йили деб эълон қилинди. Вилоятда 2021−2022 йилларда умумий қиймати 28 трлн сўм бўлган 950 та лойиҳа амалга оширилади. Бу лойиҳалар натижасида 15 мингта янги иш ўрни яратилиши режалаштирилган.
Янги миллий ўқув дастурига кўра, эндиликда назария ва амалиёт тенг тақсимланади. Фанлар сони ва ўқув юкламалари ўқувчилар қизиқишига қараб белгиланиб, спиральсимон тарзда ўқитилади.
Дам олиш кунлари республика ҳудудига Урал томондан совуқ ҳаво кириши кутилмоқда. Шанба куни Қорақалпоғистон ва Хоразм вилоятида, якшанба куни эса Тошкент, Жиззах, Сирдарё, Андижон, Наманган, Фарғона вилоятларида қисқа муддатли ёғингарчиликлар кузатилади. Шамолнинг тезлиги секундига 15−20 метргача етиши мумкин.
Мансабдор шахсларнинг давлат ҳисобидан қимматбаҳо автотранспортлар харид қилишининг олдини олиш мақсадида президент қарори лойиҳаси ишлаб чиқилди. Эндиликда давлат ҳокимияти ва бошқаруви органлари раҳбарларига хизмат авторанспортлар классига қараб бириктириш белгиланиб, чекловлар қўйилади.
Қашқадарёда нотўғри суғориш оқибатида ерларнинг 45 фоизи шўрланган, аҳолининг атиги 50 фоизи ичимлик суви билан таъминланган, вилоятнинг 88 мактабида «смена» кўрсаткичи юқори, лекин бир нечта мактаб филиали биноси пахсадан қурилган, соғлиқни сақлаш тизимида 1000 дан ортиқ шифокорлар етишмайди. Давлат раҳбари вилоятнинг муаммоларини санаб ўтди.
Президент Шавкат Мирзиёев Қашқадарёда ёшлар билан учрашиб, уларнинг муаммоларини ҳал қилиш, бандлигини таъминлаш, бўш вақтини мазмунли ташкил этиш масалаларида очиқ мулоқот қилди. Суҳбат чоғида вилоят бўйлаб 26 мингдан ортиқ ёшлар ишсиз экани ва тадбиркорлик ривожи даражаси анча пастлиги қайд этилди.
Ўзбекистон мактабгача таълим вазири Агриппина Шин Жанубий Кореянинг «Дипломатик хизматлари учун» ордени билан тақдирланди.
2023 йилдаги аҳолини рўйхатга олишдан аввал, 2021 йилда Ўзбекистоннинг бир неча ҳудудларида аҳоли синов тариқасида рўйхатдан ўтказилади. Бутун аҳолини рўйхатга олиш эса 2023 йил ноябрь ойида амалга оширилади.
Республика махсус комиссияси қарори билан барча олий таълим муассасаларида 16 ноябрдан ўқув жараёни анъанавий шаклда давом эттирилади. Анъанавий таълим шаклига ўтишга тайёргарлик октябрь ойида бошланган эди.
Қорақалпоғистоннинг учта туманида 56,7 балл тўплаган абитуриентлар тўлов-контракт асосида талабаликка қабул қилинади. Улар ўқишни тугатгандан кейин ўз ҳудудларда камида 5 йил ишлаб беришлари керак.
«Кўп вақт талаб қилувчи ва қиммат иш бўлгани» сабабли Ўзбекистонда аҳолини рўйхатга олиш 2022 йилдан 2023 йилга кўчирилди.
Олий Мажлиси Сенатининг тўққизинчи ялпи мажлиси 20 ноябрь куни чақирилади. Ялпи мажлисда геном бўйича давлат рўйхатига олиш, айрим қонун ҳужжатларига ўзгартиш киритиш ва бошқа қонунлар кўриб чиқилади.
Термиз туманида темир йўл кесишмасида тепловоз ва прокуратура хизмат автомашинаси тўқнашди. Автоҳалокат оқибатида икки нафар прокуратура ходими вафот этди, вилоят прокурори ўринбосари жароҳатланди.
Пандемия сабабли юзага келган инқироз кўпроқ қашшоқлар, кўп болали оилалар ва меҳнат муҳожирларининг оилаларига зарар етказди. Кичик бизнес соҳасида эса инқироз сайёҳлик ва умумий овқатланиш корхоналарига катта зарба берди.
Қирғизистонда юзага келган зилзила Фарғона водийсида ҳам сезилди. Андижонда ер ости силкинишлари кучи 3 баллни ташкил этди.
Молия вазирлиги Сурхондарё давлат солиқ бошқармаси Equinox хизмат автомашинасини сотиб олиш учун ҳужжатларни қалбакилаштиргани ҳақида хабар берди. Вазирлик Nexia-3 сотиб олишга рухсат берган, аммо ДСБ Equinox автомобилини молия органига русхат сўраб хат ёзиш ва жавоб хатини олишдан аввал сотиб олган.
Қўшимча имкониятларга эга булиш учун сайтда рўйхатдан ўтинг