Инвестициялар ва ташқи савдо вазирлиги ўз ходимларининг пойтахтдаги «Интерконтинентал» меҳмонхонасида яшаши учун 2 млрд сўм тўлади. Вазирнинг биринчи ўринбосари тўлов бюджет маблағлари ҳисобидан амалга оширилмаганини маълум қилди.
ТДПУ ректори Алишер Умаров суд қарори ижросини таъминламагани учун БҲМнинг 10 баравари миқдорида жаримага тортилди. Унга ноқонуний ишдан бўшатилган кафедра мудирини лавозимига қайта тиклаш юклатилган эди.
Ўзбекистонда умумий ўрта таълим ташкилотларида ўқитиш сифатини баҳолашга муқобил шаклларни татбиқ этиш мақсадида «Билим ва кўникмаларни баҳолаш маркази» нодавлат таълим ташкилоти ташкил этилади.
Давлат солиқ қўмитаси раиси Шерзод Кудбиев ижтимоий тармоқларда тарқалган аудиоёзув бўйича изоҳ берар экан, ўз ҳаракатларини тан олди. У аудиоёзувдаги гаплар тадбиркорга ортиқча тўланган ҚҚС ўз вақтида тўланмагани ва асоссиз равишда хисоб рақами банд қилиниб, ундаги маблағлар ундирилмоқчи бўлгани учун айтилганини маълум қилди.
«Ўзсаноатқурилишматериаллари» уюшмаси бошқаруви раисининг инвестиция, экспорт ва иқтисодиёт бўйича ўринбосари Улуғбек Абраев 39 ёшида вафот этди. «Газета.uz» манбасига кўра, марҳум COVID-19дан даволанаётган эди.
Ўзбекистонда январь-сентябрь ойлари давомида 4294 та йўл транспорт ҳодисаси содир этилган. ЙТҲлар оқибатида 1293 киши ҳалок бўлган, 3886 нафари жароҳатланган. Республика бўйлаб энг кўп ЙТҲ пойтахтда, Фарғона ва Тошкент вилоятларида қайд этилган.
Демократия ва инсон ҳуқуқлари институти директори Сайёра Ходжаева «Газета.uz»га берган интервьюсида нима учун оиладаги зўравонлик ҳолатлари судгача етиб бормаслиги, аёллар учун сиёсат ва бизнесда квоталар нима учун зарурлиги, нега Хотин-қизлар қўмитаси ўз вазифаларини янги Маҳалла вазирлигига топширмасдан, Аёллар ишлари бўйича вазирликка айланиши лозимлиги ҳақида гапириб берди.
Юк машинаси «Тошкент — Андижон» йўналишида ҳаракатланаётган поездга бориб урилди. Ҳайдовчи қоидани бузиб, «шлагбаум»ни айланиб ўтишга уринган. У воқеа жойида вафот этди. Поезд 42 дақиқага ушланиб қолди.
Самарқандда ППХ ходимларининг 15 ёшли ўсмирни ниқоб тақмагани учун мажбуран ички ишлар бўлимига олиб кетиш жараёни акс этган видео ижтимоий тармоқларда тарқалди. ИИО ходимларидан бири жараённи видеотасвирга олаётган фуқарога ҳам ташланди. Вилоят ИИБ ҳодиса юзасидан баёнот бериб, ППХ ходимларига фуқаролар билан мулоқотда одоб-ахлоққа риоя қилиш лозимлиги тушунтирилганини маълум қилди.
Ўзбекистонда 1 декабрдан бошлаб босқичма-босқич бакалавриат таълим йўналишларига мос фанлар мажмуасидаги умумтаълим фанларидан билиш даражасини баҳолашнинг миллий тест тизими жорий этилади. Ушбу тизим бўйича тест топширган абитуриентга ОТМга кириш имтиҳонларида максимал баллга нисбатан табақалатирилган балл берилади.
Сирдарё вилоятининг Сайхунобод туманида 28 ёшли шахс 8 ёшли қизга нисбатан ахлоқсиз хатти-ҳаракатларни содир этди. Қизнинг онаси «Сукут сақлама» лойиҳасига ҳодиса тафсилотларини баён қилди. Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
15 октябрь — жисмоний шахсларнинг ер солиғини тўлаш бўйича сўнги муддати. Ер солиғи қандай ҳисобланади, муддатдан кейин тўлаганлар учун қандай жарима қўлланилади ва ким ер солиғидан озод қиланади?
Меҳнат вазирлиги 2021 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисидаги президент фармони лойиҳасини муҳокама учун эълон қилди.
Халқ депутатлари Тошкент шаҳар Кенгаши қарори билан пойтахтда иситиш мавсуми 15 октябрдан бошланади.
9 октябрь куни Сирдарё туманида қарздорликни ундириш учун келган газ идораси ходими пичоқланиши натижасида воқеа жойида вафот этган. Бош прокуратура ҳолат юзасидан маълумот берди.
Бу йил физика бўйича «Нобель» мукофотига олимлар қора туйнуклар устида олиб борган тадқиқотлари учун сазовор бўлишди. Aстрофизик Пўлат Таджимуратов физиклар қандай етук ишларни амалга оширганини ва нима учун бу муҳимлиги тўғрисида.
Давлат меҳнат инспекцияси ҳудудларда 652 кишини мажбурий равишда пахта теримига жалб қилиш ҳолатларини аниқлади. 18 мансабдор шахс 200 миллион сўмдан ортиқ жаримага тортилди. Қонунбузарликлар энг кўп Қашқадарё ва Наманган вилоятида аниқланди.
Ўрта Чирчиқ туманида хўроз ўйинлари ташкил қилган 120 дан зиёд киши карантин қоидаларини бузгани учун жавобгарликка тортилди.
Иш ҳафтаси давомида Ўзбекистон ҳудудига хорижий жанубдан қуруқ ва иссиқ ҳаво оқими киришни бошлайди. Бутун республика бўйича об-ҳаво кам булутли ва ёғингарчиликсиз бўлади. Ҳарорат кундузи 22−25 даража иссиқ бўлади.
Британия музейи Самарқанддаги Шоҳи-Зинда мажмуасига тегишли ўғирланган олтита кошин партиясини Ўзбекистонга қайтаради. Улар январь ойида Лондоннинг Хитроу аэропортида қўлга туширилган.
Қўшимча имкониятларга эга булиш учун сайтда рўйхатдан ўтинг